教育王國
標題: 想要求學校比小一生留班, 可以怎樣做呢? [打印本頁]
作者: Fanny媽媽 時間: 12-6-22 13:41 標題: 想要求學校比小一生留班, 可以怎樣做呢?
我仔是小一生, 因成績很差, 中英數常都全不合格, 分數在30-60分內, 唉.....我仔其實是細仔離, 12月尾出世的, 佢全級考尾4....我可唔可以寫封信比班主任要求學校比我仔留一年班呢, 因為我想給他打好基礎才升上去讀, 而且阿仔讀得很開心, 我也想過轉校, 但如轉校也要再適應過生活, 而且此學校已是小班教學, 唉, 我可以怎樣呢?
作者: HTLT 時間: 12-6-22 13:59
官津定私校?
官津要留都留全級考尾1-3先啦!
私校容易D.
Anyway, talk to class teacher first.
作者: Fanny媽媽 時間: 12-6-22 14:17
HTLT 發表於 12-6-22 13:59 
官津定私校?
官津要留都留全級考尾1-3先啦!
我仔是讀津校, 見阿仔讀得差真的很心痛, ..唉....我應該下星期寫封信求求老師幫我這個忙, 我想問下阿仔學校7月12日先家長日到時會派發成績表, 如真係要留班, 係到時家長日先知定之前已經知呢?
作者: HTLT 時間: 12-6-22 14:56
現在問先啦, 6月小一註冊, 比小一新生霸晒D位就冇得留.
作者: judymama 時間: 12-6-22 18:48 標題: 回覆：想要求學校比小一生留班, 可以怎樣做呢?
小一成績與細仔沒大關係
作者: PINK07 時間: 12-6-23 00:45
回復 judymama 的帖子
細仔和大仔分別是有的
作者: 銀月亮 時間: 12-6-23 02:26
回復 Fanny媽媽 的帖子
其實我仔同你仔分數系半斤与八兩,不過我仔小三,我仔小一時我都好似你甘諗,但我一直要求學校都吾比,我仔中英數成績到今都系60或以下35左右,我今年再要求留但都系NO
,學校開會討論過都系吾比,因為佢哋認為我仔系吾專心同發梦,因為我仔默書比心機个話都有八九十分,又話佢上課钟意同人傾計,我發覺我仔做事系好容易分心,有家長提醒我要留意我仔是否有專注力不足,我才去了解這个症狀,上网睇才發覺真系有問題,如果早在小一去做評估就好啦
我依家去就已經遲左,因為我覺得我仔系無心上堂同貪玩所至的,我回想起當初小一小二吾留都有好处,因為小三小四課程深許多,小一小二你可以跟貼些,到小三或小四課程深些再留会更好,我都想我仔今年小三留,但老師又講小四跟吾到再考慮留会更好,老師仲話叫我仔快去評估,食左藥會好大改善,确實我见到我仔有兩个同學又的確如此有所改善成績同專注力!希望帮到你!
作者: kkhon 時間: 12-6-23 10:36
我仔班中考頭5名全是大仔，我仔是細仔同人相差半年至1年，我同佢都要好努力先唔會太遜色比人但仍不及大仔嚟。
作者: gwan 時間: 12-6-23 10:49
到P3已冇分別，大仔優勢已冇！
作者: darkbson 時間: 12-6-23 10:50 標題: 引用：小一成績與細仔沒大關係
+
原帖由 judymama 於 12-06-22 發表
小一成績與細仔沒大關係
作者: Chowying 時間: 12-6-23 14:49 標題: Fanny媽媽 的帖子
見到你既情況，真係好心痛，唔知点幫你，你仔間學校係味好深？媽媽加油呀！
作者: 囝囝mama 時間: 12-6-25 02:18
回復 Fanny媽媽 的帖子
還有暑假同佢勁温習啦!!重温小一內容!!小一很難留班!!!同佢一起努力!!再大D會好D!!!你唔放棄就可以成功!!大家一起努力!!(我個细囝都係尾幾!!!)
作者: Fanny媽媽 時間: 12-6-25 13:14
囝囝mama 發表於 12-6-25 02:18
回復 Fanny媽媽 的帖子
還有暑假同佢勁温習啦!!重温小一內容!!小一很難留班!!!同佢一起努力!!再大D會好D!! ...
多謝你們的鼓勵呀, 阿仔的成績這樣的確令我心痛, 但見佢已經比升小學前學識多左好多...就他個人已言的確進步左很多, 可能見他不合格仍感到很徬徨無助..我會努力!
作者: anixon 時間: 12-6-25 16:09
細仔和大仔是有大大大分別的, 除非小朋友超 smart 啦~
所以我最後都決定比亞女讀多一年幼稚園,
唔想佢在小學不停受挫!
作者: 囝囝mama 時間: 12-6-25 18:41
回復 anixon 的帖子
都係一個好的决定!!!
作者: 囝囝mama 時間: 12-6-25 18:56
本帖最後由 囝囝mama 於 12-6-25 18:56 編輯
回復 Fanny媽媽 的帖子
一定要好好利用這個暑假!!!!日日睇多D課外書,做吓練習,做吓運動平衝吓就OK!!小朋友轉專力只有二十分鐘!!!同佢温到二十分鐘!!!停一陣再溫!!我細囝之前英文只二十幾現在剛剛合格!!!努力!!努力!!!
http://www.youtube.com/watch?v=aYPJ75BsMjg
提升注意力 從小開始(1)
作者: karenlyk 時間: 12-6-26 10:49
好好利用暑假努力重溫小一的內容,上小二會好好多.
作者: jojoplanet 時間: 12-6-26 10:59
gwan 發表於 12-6-23 10:49
到P3已冇分別，大仔優勢已冇！
作者: Fanny媽媽 時間: 12-6-26 13:18
jojoplanet 發表於 12-6-26 10:59
係咪一般要p3先冇距離呢？有d話p3有d話k3
其實我都想問, 乜細仔真係較遜色嗎? 不過我見我仔有D同學年頭出世的確連講說話, 做野等都係略勝一籌....
作者: darkbson 時間: 12-6-26 14:04 標題: 引用：Quote:jojoplanet+發表於+12-6-26+10:59+係
原帖由 Fanny媽媽 於 12-06-26 發表
其實我都想問, 乜細仔真係較遜色嗎? 不過我見我仔有D同學年頭出世的確連講說話, 做野等都係略勝一籌.... ...
自可以繼續塾底！
作者: jojoplanet 時間: 12-6-26 14:15
darkbson 發表於 12-6-26 14:04
現在的小學題目又抽像又複習，細仔思考能力又末發展到這個階段，點學都不明。
自可以繼續塾底！
...
咪嚇我..我2個仔都係..細仔..
作者: wuma 時間: 12-6-26 16:36
我女今年都係讀梗P.1，佢都係細女，仲要係超細12月尾，其實大、細仔係pick up課程上真係有分別，大仔始終表達同理解上會好D，我由決定個女做細女開始就已經有心理準備，囡囡未必跟得好。平時都係我同老公幫囡囡check功課同溫書，上學期測驗考試有讀卷都仲好D，其後到下學期測驗因無讀卷，個女嘅成績真係吾太好，中文及常識都吾及格，於是同我老公相商後決定幫佢請補習老師，只係專幫佢預先備課及操練習紙，等佢了解多D再上堂容易吸收D，可能呢個方法囡囡接受到，所以考試成績好好多，每科都有80+以上，當然在班中係仍需努力啦! 不過慢慢再大D，我相信係會有進步嘅！
其實我都有朋友笑我誇張，P1咁細又係低年班就要補習，但我個人覺得取決於小朋友要吾要補習係是乎有無需要，而吾係因為佢細又或讀低年級。教小朋友溫書係件勞氣傷神嘅事，最重要係我吾想傷害兩母女嘅感情，依家用呢種方法大家都開心又舒服咗，而囡囡都有自信咗，佢仲同我講話下次要再做多少少練習可能攞高D分添，講真佢有進步又讀得開心，我已經好開心架喇! 所以今個暑假我都叫補習老師一星期一次幫佢備定P.2課程，希望佢同樣開心去讀P.2呀!
我相信小朋友成績吾好可能只係一時仍未搵到有效方法去讀書啫，所以大家都千祈吾好氣餒呀!
作者: YolandaTam 時間: 12-6-26 16:45
細仔係咪差啲, 因人而異. 我囡十月出世, 二年級中文89分(最高91), 數學84, 只係英文差少少(78), 亦有人唔合格.
作者: ANNAFRIEND 時間: 12-6-26 21:47
darkbson 發表於 12-6-26 14:04
現在的小學題目又抽像又複習，細仔思考能力又末發展到這個階段，點學都不明。
自可以繼續塾底！
...
同意
作者: Geni 時間: 12-6-26 22:06 標題: Fanny媽媽 的帖子
希望我咁講你唔好介意
有冇嘗試過去搵出點解小朋友讀得咁吃力？係因為年紀問題而能力發展未到，定係有學習困難？如果係年紀嘅問題，重讀應該有幫助，但如果係有學習困難，咁就要對正下藥先幫到佢。
我個仔一月出世，但就因為有語言發展遲緩，但以重讀一年高班，再加強訓練，今年比舊年好咗好多，起碼冇上年咁擔心上小學。
你不如同老師傾下，老師可能會俾到意見你，有需要學校可以俾到支援小朋友的。
作者: ivyscyip 時間: 12-6-28 11:56
回復 YolandaTam 的帖子
我女系小一細女(12月尾出世)﹐她上學期拿成績獎(全級第二)﹐下學期未知(中英數平均分系96.x)...慢慢來吧﹐可能未適應小學的評估方式吧。我每次評估都會出份試卷給她做﹐所以她已經學識點去考試。
作者: shan_c000 時間: 12-6-30 13:38
提示: 作者被禁止或刪除 內容自動屏蔽
作者: ANNAFRIEND 時間: 12-6-30 13:49
shan_c000 發表於 12-6-30 13:38
回復 囝囝mama 的帖子
我本身係做補習...見到你地有E 個問題....
作者: shan_c000 時間: 12-6-30 14:06
提示: 作者被禁止或刪除 內容自動屏蔽
作者: 囝囝mama 時間: 12-6-30 22:52
回復 shan_c000 的帖子
小朋友一心散真係好難攪番好的!!!真係要keep住學習心情!!!
作者: 囝囝mama 時間: 12-6-30 23:21
回復 shan_c000 的帖子
多謝提醒!!暑假不會重温中文課文!!只係做番晒小一中文練習!!加睇課外書!!英文重温小一英文文法,加串字!!!現在數學做緊學林一上!!!暑假就做一下學林!!!暑假都比呀囝試吓升小二中,英,數專課班!!!希望佢習慣學習模識!!!暑期功課我會自己跟番!!!我相信细囝好快會習慣!!!!!我會繼續努力!!!!!
(這個暑假真係要好好利用!!!!)
作者: water-lily 時間: 12-7-1 22:50
回復 ivyscyip 的帖子
你女女好叻呀..
作者: water-lily 時間: 12-7-1 22:53
回復 wuma 的帖子
我個都係超細仔(十二月尾出世), 我都城擔心緊九月份升小一, 可唔可以應付到...
作者: klpoon 時間: 12-7-3 16:00
我亦要好好利用這個零月...當P.1書到手...就編好時間, 同阿仔go thru一下先...我2個系細仔細女, 阿仔今年都系小一, 要比多d耐性他們, 希望磨合到又適應
作者: PINK07 時間: 12-7-4 05:39
細B可讀多年幼稚園才上小學呢, 打好基礎好D
作者: wingjoan 時間: 12-7-4 09:10
回復 Fanny媽媽 的帖子
今年小一收生多人. 所以一般學校未必會比小朋友留級.有D 學 校會在購買書本前個別打給要留級的學生留意.如果你擔心可直接問老師..其實早讀書或遲讀書都無關係. 如果4科主科都不合格,成績表會試升. 或者你可以在健康檢查時詢問醫生可否申請評估, 小一只是基本, 如果是小三小四, 我會按個別考慮是否留級.
作者: Fanny媽媽 時間: 12-7-4 09:52
我宜家都諗住在暑期好好同阿仔多做補充練習及多看課外書......原來每一個小朋友在小學只能留一次班, 那等阿仔大些少才考慮都好......我相信只要我不放棄同我仔齊齊努力就能成功!
作者: Fanny媽媽 時間: 12-7-4 09:55
之前老師都同我講如果係細B加上又係男仔真係會讀得較吃力, 我見我仔個班有D係細B, 但係女仔的確會係好些.....唔通男仔真係會發展得較慢????
作者: AMY 時間: 12-7-4 10:52
小學學位有限, 老師不希望在小一, 二留班,
如真的要留都在小三留, 小三升小四是一個轉變,
小四課程深好多, 基礎唔好就好難追,
希望大家唔好灰心, 把握暑假好好準備下年度課程
作者: Fanny媽媽 時間: 12-7-4 13:11
AMY 發表於 12-7-4 10:52
小學學位有限, 老師不希望在小一, 二留班,
如真的要留都在小三留, 小三升小四是一個轉變,
小四課程深好多, ...
係呀..我今次暑假都會好好把握時間同我仔温習, 希望他能追回一個合理的水平就夠....請問有冇咩提議可在暑假裡好好溫習呢?
作者: AMY 時間: 12-7-4 15:40
回復 Fanny媽媽 的帖子
小朋友每日做學校綱上功課, 我會俾定小一練習佢做, 中英數常各二頁, 放工回家對答案
收到小二課本之後就教定小二課程
作者: TungTung2006 時間: 12-7-5 15:28
回復 AMY 的帖子
我替姪仔問如果P.5 升 P.6 呈分試考得唔好, 每科只有 7x 分, 失手, 平時都有8X , 9X分, 甘是不是一定派唔到 Band 1學校，可唔可以留班，他讀津校是區內好的小學, 每年派 Band 1 學枝有80%。
作者: fionalau109 時間: 12-7-6 10:49
我覺得學習心態從小就要培養,我個仔幼稚園時,老師話佢專注力唔夠.我就要佢每日坐係度溫兩個鐘頭習,每日只可以睇一個鐘電視.而家佢都習慣咗.自己都唔鐘意睇.還有同佢講多D道理,要佢明白我地點解要咁做.叫佢唔好放棄,我地同佢一齊努力等說話,咁佢地會比較受落.慢慢佢地就會有勇氣去面對學習.
作者: sugizo828 時間: 12-7-6 12:50
我個仔都係十二 月尾出世架 ! 尾到唔尾呀...今年升小二喇, 我個仔上學期成績都算好, 但一到下學期就差左好多喇....但我覺得個個下學期都係差d,唔知係咪深左呢? 我反而覺得大仔同細仔最大分別係個思想好大分別, 大d 定d 囉...我呢個暑假只係同個仔報左運動嘅課外活動呀...平時就諗住同佢睇多點英文書囉..唔想佢太辛苦, 怕迫得太緊, 佢冇興趣再讀書...
作者: Fanny媽媽 時間: 12-7-6 13:08
sugizo828 發表於 12-7-6 12:50
我個仔都係十二 月尾出世架 ! 尾到唔尾呀...今年升小二喇, 我個仔上學期成績都算好, 但一到下學期就差左好 ...
我仔12月25日出世呀, 你仔呢? 細仔的確難教些...我仔其實下學期都好左好多啦..我都諗住暑假同佢報D運動性質既活動算, 都唔想迫佢太緊要, 慢慢同佢温習多些, 我都覺得大仔同細仔既分別真係在思想方面好唔同, 大仔講句野都唔同D有文路些...我仔就仲有D似BB咁..唉....
| 歡迎光臨 教育王國 (/) |
Powered by Discuz! X1.5 |