教育王國

標題: 讀兩間幼稚園得唔得? [打印本頁]

作者: joeytwm 時間: 12-6-22 12:44 標題: 讀兩間幼稚園得唔得?

契女讀緊LH, 上午英普，剛剛收到KV 下午....
好煩惱，契媽唔知點揀好？
有無人會讀晒兩間???

作者: SmartCandy 時間: 12-6-22 13:20 標題: 回覆：joeytwm 的帖子

小朋友身體未強壯，如果眞係爲自己小朋友着想，根本無人咁做！

作者: cherryird 時間: 12-6-22 13:37

提示: 作者被禁止或刪除內容自動屏蔽

作者: tam_bb 時間: 12-6-22 13:53 標題: 回覆：讀兩間幼稚園得唔得?

大人返兩份工辛唔辛苦？

作者: gisoleung 時間: 12-6-22 14:01 標題: 引用：契女讀緊LH,+上午英普，剛剛收到KV+下午...

原帖由 joeytwm 於 12-06-22 發表
契女讀緊LH, 上午英普，剛剛收到KV 下午....
好煩惱，契媽唔知點揀好？
有無人會讀晒兩間??? ...

你唔怕佢病呀？

身體重要過學校！其實你地重視學校多過小朋友啦！問下你呀，比你選：1.想要一個健康小朋友 2.成日病的小朋友。我係媽媽，當我想到這，我願佢健康成長啦！其實這2間學校已是十分好的學校，做人要知足！知足常樂！成敗係未因學校，我覺得唔係！在於父母點教育孩兒！

作者: winnietingting 時間: 12-6-22 14:39 標題: 引用：契女讀緊LH,+上午英普，剛剛收到KV+下午...

原帖由 joeytwm 於 12-06-22 發表
契女讀緊LH, 上午英普，剛剛收到KV 下午....
好煩惱，契媽唔知點揀好？
有無人會讀晒兩間??? ...

得。如果父母想，小朋友又無得揀，其他人無權反對。

作者: marcuscyrus 時間: 12-6-22 14:44

如果幼稚園都有夜校部，其實返3間都得，問題只是有冇需要咁做

作者: Gerard 時間: 12-6-22 15:09 標題: 回覆：讀兩間幼稚園得唔得?

提示: 作者被禁止或刪除內容自動屏蔽

作者: rainbowcov 時間: 12-6-22 15:17

Gerard 發表於 12-6-22 15:09
第二間唔敢講，剩係應付KV課程無可能返到兩間

agree.

作者: zlyr 時間: 12-6-22 15:41

女兒錄取為下午班，但現在她參加的playgroup可以申請上上午班。考慮到上午班上課效果可能好點兒，另外她即使上午不返學，中午也不能睡覺。所以我打算她試試上兩間。

作者: joeytwm 時間: 12-6-22 15:59

多謝大家意見，我都覺得好辛苦。因為契媽好想入KV,不過而家讀緊LH又好開心喎......
比你地點揀呀?

作者: klm402 時間: 12-6-22 16:02

我相信有家長會安排小朋友返兩間的, 有d人返兩間kindi既原意只係唔想浪費政府offer比你既學卷, 返兩間感覺太辛苦小朋友, 而且冇咁既實際需要. 要小心一點既係, 咁樣好有可能只會令小朋友討厭返學, 長遠來講, 唔會係件好事.

作者: happy.rita 時間: 12-6-22 17:12 標題: 引用：如果幼稚園都有夜校部，其實返3間都得，問

原帖由 marcuscyrus 於 12-06-22 發表
如果幼稚園都有夜校部，其實返3間都得，問題只是有冇需要咁做

幼稚園有夜校部，可能真係有巿場

作者: tsangnamnam 時間: 12-6-22 18:12

休息對於身體健康同埋吸收知識係好重要，即使小朋友習慣唔瞓妟覺，喺屋企hea玩玩具都係抖緊。
都係讀一間好~

作者: irene_the_pooh 時間: 12-6-22 19:08

marcuscyrus 發表於 12-6-22 14:44
如果幼稚園都有夜校部，其實返3間都得，問題只是有冇需要咁做

作者: winnietingting 時間: 12-6-22 19:53 標題: 引用：如果幼稚園都有夜校部，其實返3間都得，問

本帖最後由 winnietingting 於 12-6-22 19:58 編輯

原帖由 marcuscyrus 於 12-06-22 發表
如果幼稚園都有夜校部，其實返3間都得，問題只是有冇需要咁做

有創意！！

作者: chrissteph 時間: 12-6-22 20:10 標題: 回覆：讀兩間幼稚園得唔得?

吾好令到小朋友思覺失調。明明放咗學，跟住又要返學。為咩wor?

作者: evil 時間: 12-6-22 22:19

想返兩間幼稚園要考慮的問題好多。1.有冇人帶返學放學呢？
2.金錢方面？3.孩的身體呢？4.要先考慮邊間主？邊間副？
若各方面都無問題，我覺得可以試一年。真真正正了解兩間幼稚園的利幣。

作者: melonfans 時間: 12-6-22 22:28

本帖最後由 melonfans 於 12-6-22 22:31 編輯

點解仲有人咁諗! 我小朋友返下午班, 放學5點幾食完野, 有時攰到6點幾就訓咗, 仲要訓到天光! 有時病起上嚟, 都成2星期唔返學! 返兩間跟本就哂錢哂精神!

究竟依家d家長諗咩呀?!

你地放工都想休息下啦! 佢咁細, 放過佢地la!

作者: Amymichelle 時間: 12-6-22 23:03

冇意思架,咁仲會令小朋友失去學習興趣,到時得不償失仲衰

作者: Ononma 時間: 12-6-22 23:25

冇話吾得，不過太辛苦，好易兩間都讀得吾好。

作者: JC_mami 時間: 12-6-23 00:00

有沒考慮過可能連食午餐的時間都沒，上午班放十二点，下午班返一点，真是好趕下。
而且專家早已指出年幼的孩童缺乏休息，會嚴重影響學習能力，再加上KV重量級功課，半夜都唔使訓。

作者: 小玲 時間: 12-6-23 07:01 標題: 回覆：JC_mami 的帖子

我湊阿女返學時，見到有返A校但著住B校校服的小朋友，我覺好辛苦lor。
我亦曾見過一個婆婆推住架BB車lunch時穿梭兩校，下午放學後又要坐mtr過海讀興趣班。小朋友已經攰，個婆婆都好辛苦下。
可能做得到的家長是希望小朋友能夠考入心儀學校。我就唔會咁做，因為我唔想小朋友有壓力，亦唔想自己有壓力。

作者: ballfish 時間: 12-6-23 07:59

我囡班都有三、四個返兩間既小朋友，其中一個倦到日日帶住mask由工人背回校，見到都慘

作者: MaiGao 時間: 12-6-23 08:37

我仔學校都有一個下午返KV的學生，兩校同區。
我仔學校係無野做，返學玩到放學果類學校，佢媽話想去返來接觸唔到國籍的小朋友。
不過我仔返來成日同我講，果個小朋友返來成日話眼訓，唔一齊玩，所以無朋友。
俾兩間學費，搞到個小朋友咁累，仲要得著唔大，我覺得唔值得囉。

當然，每個小朋友都唔同。你個小朋友應唔應付到就係你自己先知喇。

作者: flopsybunnies 時間: 12-6-23 08:48

政府設學卷的其中一個目的係防止學校太「操」D小朋友，依家反而變咗許多家長讀兩間幼稚園的理由，可悲！

作者: Jane1983 時間: 12-6-23 16:05

小朋友讀書讀十幾二十年，一開始咁谷，真係吳知好定壞。
有d小朋友係精力無窮，好似我個仔2歲多d已經吳訓晏覺，但佢吳訓吳等於吳需要down time。

香港教育真係好衰，但家吳好做幫凶，你自己日日返兩份工、兩班老細同事，你都depressed啦。

作者: meimei223 時間: 12-6-23 16:58

我是過來人,之前阿女1,3,5番Int'l school, 1-5普英,語言認真說, 好好,但最後我堅持要放棄一,間, 原因 1) 真的太累 ,2) 從一個熱愛學習的小孩變至聰明但無心向任何課堂,現在不上2間後,好了好多了,我問她最喜歡哪一堂,她對我說,和媽媽一起的Music class, 但真實很悶的Music class. 這另我反思,什麼小朋友最需要.

作者: skywalker2007 時間: 12-6-23 20:51 標題: 回覆：讀兩間幼稚園得唔得?

我個小朋友讀兩間，身邊有好多人都反對。其實係佢自己話想返。上午佢讀國際學校，放學十分鐘車程返嚟食飯，有時瞓咗。之後返果間一班得幾個人，老師知佢有返另一間，會畀佢同全日班一齊食野，教英文就放棄佢，畀佢瞓下。佢好鍾意返，見佢有時好攰，叫佢唔好返，佢又唔肯，話好想去。唉，有時都心痛架。間學校係佢自己揀，平時返嚟經過佢見小朋友玩得開心，睇到唔肯走。

作者: ccyxfr 時間: 12-6-23 22:21

回復 joeytwm 的帖子

如果是我, 我不會要小朋友讀兩間呢.. 太辛苦了.

作者: JC_mami 時間: 12-6-23 22:43

其實有時間不如返興趣班比返多間幼稚園好。
起碼輕鬆舒服啲。

作者: bobo101^*^ 時間: 12-6-23 22:44 標題: 回覆：讀兩間幼稚園得唔得?

現今小朋友真係慘，只係返學放學再返學放學.....。

作者: happy.rita 時間: 12-6-23 23:03 標題: 引用：我個小朋友讀兩間，身邊有好多人都反對。其

原帖由 skywalker2007 於 12-06-23 發表
我個小朋友讀兩間，身邊有好多人都反對。其實係佢自己話想返。上午佢讀國際學校，放學十分鐘車程返嚟食飯， ...

食午飯時, 有時瞓咗。下午上堂時，老師有時又俾佢瞓。已知小朋友真係好攰，大人又心痛，何苦呢？

作者: teresa_timothy 時間: 12-6-23 23:45 標題: 回覆：讀兩間幼稚園得唔得?

記得大家兒時既玩意嘛：跳飛機、跳繩、看閃電傳真機.... 快樂既童年係幾咁重要。宜家活到老學到老，童年唔玩第日大個就真係想玩都冇時間，書有排廿你讀！我女女讀LH, LH要求好高，仲要LH+KV, 小朋友做功課都做到癲！K1兩間學校都多功課，小朋友番左全日放學都冇得抖，唔係想讀幼稚園都要開夜車嘛！到K2, K3開始有默書，點叫小朋友應付兩間學校既默書？況且，幼稚園課程相約，上晝同下晝學既野一樣，番兩間學校根本冇意思，小朋友都冇興趣。如果真係想增值，朝早番學，瞓個晏覺之後去上興趣班好過啦！

作者: MiniCooperS 時間: 12-6-24 00:04

我個仔返全日班，上午係教書本的野，大半個鐘食飯，之後有兩個鐘午睡，下午的係活動/興趣班，放學都已經好攰，8點幾9點就要瞓﹗
如果你要個小朋友返兩間學校，即係中間得1個鐘左右，要包佢食飯、休息同去另一間學校的交通時間﹗

真係仲慘過D中、小學生﹗佢地返全日...不過已經係6歲或以上，起碼佢地都係係學校/同區，1個鐘午飯已經有時間可以休息﹗

兩間係唔同的學校，但學的野都一定有相同...花多一倍時間，佢就無時間學其他野，考小學係有好多課外野要學的，你仲邊有時間呀？唔好浪費金錢同時間喇﹗

唔好3歲就要個小朋友捱得咁辛苦﹗佢仲有廿幾年書要讀的﹗俾過快樂的童年佢喇﹗

你諗清楚......佢去邊度讀書，係為咗個小朋友，定係滿足你自己？

作者: LL222 時間: 12-6-24 00:27

本帖最後由 LL222 於 12-6-24 00:49 編輯

.一

作者: MiniCooperS 時間: 12-6-24 00:48

回復 skywalker2007 的帖子

你有無諗過小朋友咁細，佢未識咩係好，咩係唔好﹗
佢鍾意的，未必真係對佢好﹗唔好太早俾佢決定太多，作為父母的，要為小朋友的將來打算﹗

佢返兩間學校，其實佢係辛苦的....
我地大人返工都唔係生活的全部喇﹗小朋友應該有小朋友的生活，要發展興趣﹗
三思﹗

作者: soright 時間: 12-6-24 03:28

係自己想,定小朋友想?

如果小朋友想一間都唔返,唔知家長仲會唔會問呢?

跟本自己想啦,definitely...

作者: winnietingting 時間: 12-6-24 10:56 標題: 回覆：讀兩間幼稚園得唔得?

「讀兩間幼稚園得唔得」同「讀兩間幼稚園好唔好?」不同。

樓主的問題，答案是「得」。

作者: Heyheyjoyjoy 時間: 12-6-24 21:23 標題: 引用：我個小朋友讀兩間，身邊有好多人都反對。其

原帖由 skywalker2007 於 12-06-23 發表
我個小朋友讀兩間，身邊有好多人都反對。其實係佢自己話想返。上午佢讀國際學校，放學十分鐘車程返嚟食飯， ...

可唔可以放棄另一間？

作者: leungcnine 時間: 12-6-25 01:21

不如讀埋夜間的第三間, 再番星期六&日的第四間啦:;pppp::;pppp:

作者: ronniedad 時間: 12-6-25 02:39

我覺得問題係主要讀O既兩間係咩學校囉, 如樓主所講係KV/LH, 一間就要求自動波有紀律, 一間就考直資新貴(都唔會淺得去邊啩?), 咁就真係有D..............

作者: bumblebee_wong 時間: 12-6-25 03:53 標題: 引用：契女讀緊LH,+上午英普，剛剛收到KV+下午...

原帖由 joeytwm 於 12-06-22 發表
契女讀緊LH, 上午英普，剛剛收到KV 下午....
好煩惱，契媽唔知點揀好？
有無人會讀晒兩間??? ...

如果得既話可能到小學，你係咪打算一、三、五讀名直資／津校,二、四讀私校／inter'l school？
其實仲有好多人等緊學位！！（我兩間都無報）

作者: joeytwm 時間: 12-6-25 09:16

多謝大家的意見....其實我同大家一樣覺得好辛苦小朋友...
只係契媽唔信....

作者: ronniedad 時間: 12-6-25 09:24

咁你唔係為個小朋友計劃, 係聽個契媽講O既?

作者: idie 時間: 12-6-25 10:09

提示: 作者被禁止或刪除內容自動屏蔽

作者: joeytwm 時間: 12-6-25 10:55

我從新唔係我自己小朋友, 私幫我契女問...

作者: yoyob230398 時間: 12-6-25 14:18

救命呀!係香港讀書已經好辛苦,可唔可以比小朋友有個快樂童年

作者: evahui619 時間: 12-6-25 14:35

有D讀2間的小朋友要係車/街求食飯..
同埋我打賭一定唔係話要番2間既人帶返學/放學..
如果只自己帶, 大人都一陣頂唔順

作者: littlecook 時間: 12-6-25 16:39

回復 skywalker2007 的帖子

咁係咪佢話一間都唔想返,做父母既由得佢,然後又大大聲講,佢自己選架,佢鐘意咁呀?

如果係,我只可以講,父母比佢既自由太多亳無規範,佢想點就點,唔知佢第時點响社會生存;又或者咁講,作為父母既無盡教導,指引的責任。

如果唔係任得佢話唔返就唔返,即係話根本父母心中自有主意,唔好攞'佢自己鐘意'嚟掩飾,將個責任推晒落去個几歲人仔度!

我明白有D父母比小朋友返兩間可能有佢地苦衷,但比得小朋友返兩間,父母就得負上責任,唔好話'佢自己咁選'!

作者: keemic77 時間: 12-6-25 20:36 標題: 回覆：讀兩間幼稚園得唔得?

我有位朋友劍橋畢業，聽到我講現在有父母要小朋友讀兩間幼稚園，佢都覺得尼D父母好有問題，將心比己，你試下打兩份工都知道辛苦啦何況小朋友呢！

作者: bu_mama 時間: 12-6-26 00:51

真的不明白現今的父母為何有此念頭, 小朋友咁細, 三小時的作息和休閒時間都容不下, 實在係走火入魔.

過份的催谷, 可能令小朋友害怕讀書, 莫講話兩間, 最終可能佢一間都唔想讀.

作者: meimei223 時間: 12-6-26 02:19

回復 bu_mama 的帖子

That's really! 我自覺之前己中招，大家真係無謂試了！

作者: Andymammy 時間: 12-6-26 07:38 標題: 回覆：meimei223 的帖子

其實讀兩間幼稚園~~呢個想法真係好有創意、好有商機！最初會唔會係D校長諗出嚟呢？唔怪得幼稚園學位越來越爭崩頭啦！

作者: marwai_1030 時間: 12-6-26 08:22 標題: 回覆：Andymammy 的帖子

假如幼稚園有夜校部，不如考慮讀4間幼稚園，上午一間，下午一間，晚上一間，半夜一間。將小朋友訓練成為做足24小時既鐵人! 實夠競爭力

作者: 萬獸之王 時間: 12-6-26 09:40

返兩間小朋友會好難適應，好辛苦，並且可能因課程及老師的教育方式不同而讓孩子混淆。另一方面，家長要考慮到，孩子可能因壓力變得不愛上學，因為那麼小的孩子身心仍是起步階段，讓他/她多休息有助學習事半功倍！

作者: joeytwm 時間: 12-6-26 11:35

多謝大家既分析，契媽明白不要太辛苦小朋友，已選定了, 亦將位放了。

作者: JC_mami 時間: 12-6-26 12:45

明智的決定！

歡迎光臨教育王國 (/)