教育王國

標題: 自己教好過比人教 [打印本頁]

作者: yoyob230398 時間: 12-6-21 14:08 標題: 自己教好過比人教

自己教好過比人教

,我覺得小朋友三歲前自己照顧好似好D

我自己D英文都好有限,但係我個女女三歲,而家已經可以串到好多生字,英文字母都識曬,有D仲識寫
所以自己花少少時間都已經達到效果

作者: lovelinda 時間: 12-6-21 14:26

加油!!!

媽媽未必是教得最好的老師, 但一定是最有心機的老師.........

作者: carolcky 時間: 12-6-21 16:41

其實如果媽媽係全職媽媽,根本小朋友未必真係需要上PN,因為媽媽絕對可以教到基本既嘢,唯一我估媽媽最唔可以安排/教既係團體生活,除非你本身有好多仔女,又或者常常都安排到一班小朋友同佢一齊玩,因為原來小朋友會信任大人,但佢地對小朋友既信任係低好多,甚至有D小朋友抗拒同其他小朋友一齊玩.

作者: lyhv 時間: 12-6-21 17:00

同意! 媽媽未必是教得最好的老師, 但一定是最有心機的老師.........

加油!

作者: yoyob230398 時間: 12-6-21 17:12

大家一齊加油

作者: lovelyteresa 時間: 12-6-21 18:04

因為媽咪一對一，又熟細路脾性，又多時間唔駛催迫，效果點計都最好。我其實連k1-2都唔想俾女兒上，因怕生病，只係香港遊規則係咁，無乜敢挑戰。

作者: cherryird 時間: 12-6-21 18:47

提示: 作者被禁止或刪除內容自動屏蔽

作者: flopsybunnies 時間: 12-6-21 19:37

"私人教授" 真係要好有愛心和耐性，我讓小朋友上學除了給她群體生活外，我都想有點抖吓氣的時間和空間。

作者: gwlam 時間: 12-6-21 19:48 標題: 回覆：自己教好過比人教

好多小朋友專蝦爸媽，比人教返而聽教聽話

作者: irene_the_pooh 時間: 12-6-21 20:25

如果可以，我都希望阿囝四五歲先開始返學，但身處香港，我冇得揀！

作者: JC_mami 時間: 12-6-21 21:17

講得好岩！對於全職媽媽，小朋友返學三個鐘，可以抖下氣，所以好期待八月返學！

作者: LL222 時間: 12-6-21 23:20

cherryird 發表於 12-6-21 18:47
我就教唔到, 唔係我懶, 而係我一教仔就走開, 唔肯坐定定, 但係返pn, 反而肯聽老師教, 仲學到好多野, 我唸係 ...

D小朋友咁叻, 點唔識分唔同人條低線，一定最聽（驚）老師話！

作者: ong84 時間: 12-6-22 00:11 標題: irene_the_pooh 的帖子

我唔係太肯定，香港係好似唔一定要返幼稚園，都可以上小一。

作者: marcuscyrus 時間: 12-6-22 00:39

ong84 發表於 12-6-22 00:11
我唔係太肯定，香港係好似唔一定要返幼稚園，都可以上小一。

正確的不過投考私小直資都會要求你提供幼稚園成績表
所以如果唔返幼稚園，幾乎只可以等運到

作者: ong84 時間: 12-6-22 04:33

回復 marcuscyrus 的帖子

同意, 只可以等大抽獎。

作者: lingan 時間: 12-6-22 10:44

我女22個月大，點解教佢都唔覺得佢記到? 到底有咩方法? 定係佢未學到野? 佢連講野都未掂喎，A-Z都未講到出黎 (puzzle 就認到字母形狀)。係我唔識教、無谷佢???

作者: irene_the_pooh 時間: 12-6-22 12:11

ong84 發表於 12-6-22 00:11
我唔係太肯定，香港係好似唔一定要返幼稚園，都可以上小一。

我意思唔係法律上係一定要，而係香港既入學年齡係2歲，家長可以唔讀，但遲d考K或者小學時會點就冇人知！
我知有D國家既入學年齡係大D，當整個社會都係咁時，大家就冇壓力囉！

而家考PN或者K1都好似爭崩頭咁，就算堅持「唔羸o係起跑線」既家長，都係盡量取個平衝，希望小朋友有個又童真又唔會太脫離社會既童年！

作者: irene_the_pooh 時間: 12-6-22 12:13

lingan 發表於 12-6-22 10:44
我女22個月大，點解教佢都唔覺得佢記到? 到底有咩方法? 定係佢未學到野? 佢連講野都未掂喎，A-Z都未講到出 ...

其實咁細唔駛特別去教佢認字，你反而可以先教佢個音，最簡單既方法就係唱歌仔！
當然你亦可以比d ABC既圖案佢當玩具，慢慢佢都會潛移默化入左腦！

2歲都未到，根本就唔駛識認 / 讀A-Z！

作者: JC_mami 時間: 12-6-22 12:18

同意！唱歌仔是最容易學ABC

作者: yoyob230398 時間: 12-6-22 15:49

我係由細開始就比佢聽歌仔,歲半就睇VCD,之後開始玩ABC膠板你可以將磁石貼在板上然後拿住個底板隨意叫佢拿字母佢做一次你做一次當遊戲敢玩,你仲要故意放錯等佢改正

我個女改完好開心以為自己好叻,教小朋友唔一定要坐定,我次次都叫話我地一齊玩個遊戲,敢佢又會好興奮敢嚟挽,將ABC排一架火車出嚟,又可以"抽獎"講字母,但係最重要係自己都要參與,一人一次.故意放錯等佢改正,敢你又開心佢又學到野啦

...仲有好多.不能盡錄

作者: lingan 時間: 12-6-22 16:57

歌仔，poster，逐個教，砌ABC 併板 (可自己搵到晒d 字但可能只係認圖形) 都有做呀，平時有睇英文電視。咁到底到幾大先識得回應返我? 請問樓主而家個女3歲，佢幾時識晒或者答啱晒呢?

作者: carolcky 時間: 12-6-22 17:11

為咗要令小朋友識,你一定要重複又重複咁係佢面前講,做同唱,如果想小朋友識ABC,前面啲媽媽講得啱架,唱ABC歌同指住ABC版就最容易,不過係一個星期唱足7日,每日十幾二十次,但佢地唔覺悶,久而久之佢地突然間有一日會係你面前講,咁你就有動力繼續教;其實1數到10既原理都係一樣.

作者: yoyob230398 時間: 12-6-22 17:18

回復 lingan 的帖子

兩歲已經識曬,又有問有答..有興趣可以係Facebook add 我:Yim Fong Lee

作者: irene_the_pooh 時間: 12-6-22 19:17

lingan 發表於 12-6-22 16:57
歌仔，poster，逐個教，砌ABC 併板 (可自己搵到晒d 字但可能只係認圖形) 都有做呀，平時有睇英文電視。咁到 ...

你係咪為左應該佢in K1所以一定要佢識呀？
如果係都冇辦法，如果唔係既話，其實我又覺得冇咩需要迫佢要幾時識既！

我冇同阿囝不停唱ABC，但會同佢唱唔同既歌、或者聽唔同既音樂，因為我冇咩心係想佢識D咩，只係當「歌」咁聽！
至於併圖，我亦冇刻意去教，佢攞o個個字母出黎時，我就讀出黎架咋！

而家阿囝聽到ABC首歌，會跟住講某幾個字母既音，平時見到D ABC既併圖，都會講一D，而佢聽到另一D歌時，佢會跟住clap hands, stamp feet, stand up, sit down, peekaboo.... 呢D成日o係歌仔出現既動作！

佢地聽時好似唔為意咁，其實佢地係入晒腦！

作者: irene_the_pooh 時間: 12-6-22 19:19

同埋其實唔駛理人地o個D係歲幾定幾歲學識晒，呢個只係時間上既問題，係遲係早都一定會識！

作者: yoyob230398 時間: 12-6-22 21:37

唔好意思我只是想分享下,因我兩個囡都是用同一教法我唔會強迫佢地學習,我只想在學前在家利用親子時間一面遊戲一面學習,自己教可以因小朋友興趣去教
我細囡既自學能力比較高,容易吸收,所以我毎天會叫佢自己揀CD/VCD一面聽一面玩,但佢地都會在遊戲中學習到才是我想要的,而且我發覺佢地同自小上playgroup既小朋友比起嚟進度都相约,所以我個人認為只要自己花多些時間去教,好過有些家長花太多錢去上playgroup,我都明白每個小朋友既吸收能力同資質都不同,所以我都在學習中.................

作者: irene_the_pooh 時間: 12-6-22 23:08

yoyob230398 發表於 12-6-22 21:37
唔好意思我只是想分享下,因我兩個囡都是用同一教法我唔會強迫佢地學習,我只想在學前在家利用親子時間一面遊 ...

我都覺得遊戲中學習係最緊要，而對小朋友黎講亦係最好！

作者: lingan 時間: 12-6-23 15:35

我唔係因為要考試所以要bb識d乜，我成日觀察佢，一來我擔心我唔教佢野，二來又擔心佢學習有冇遲緩，一時又擔心有無過份活躍呢?又或者自閉?
見佢而家玩時專心左，我會開心，突然識自己用筆畫，我又好安慰。做阿媽就係咁，長憂九十九囉。

作者: c-wong 時間: 12-6-23 21:30

I think each child's development is very different. I have 2 kids, my girl is super smart and has extremely good memory. My boy is nearly 1 year old, at his age, my girl already knew some simple words but my boy refused to learn and doesn't know anything except saying nonono and says bye bye.

Some kids they don't need to be taught they are still bright (like my girl), but some kids even if you push hard they still know nothing (like my boy, I read him flash cards, he ignored, just grabbed the card from my hand and put in his mouth).

作者: c-wong 時間: 12-6-23 21:33

I never give pressure to my kids, just let them do what they want. as long as they are not the worst batch I feel happy. Even if you are bright now doesn't mean you can be a successful person when you grow up.
like me, I am as dumb as my boy but I have a better life than my husband who is smart but works like a horse under big pressure. I can be a full-time mummy enjoying my life

作者: c-wong 時間: 12-6-23 21:41

apart from knowledge, we must have to teach them ethics and control their emotions. i think this is a very important part. they should understand what is right and wrong. I'd rather my kids not as smart, than hitting, pushing, scratching people at school without a reason.

作者: ccyxfr 時間: 12-6-23 22:20

我的囡囡滿月無耐, 我已經要開始查查那間幼稚園好了.
自己教是好, 但可以學到與其他小朋友的相處都是在幼稚園好點.

作者: mamalihome 時間: 12-6-30 23:47

回復 yoyob230398 的帖子

作者: kmmum 時間: 12-7-1 23:24

回復 lingan 的帖子

每個小朋友說話能力不一. 我囡囡IN K 果陣,連自己名都不懂講. 所以IN 9間得1間收.
上左K1一個學期. 講單子一句都講不到.
到K1下學期1月左右. 開始講一句句子. 現在K1 6月, 一句句子完整到講到.

歡迎光臨教育王國 (/)