教育王國

標題: 我的囝囝成日講英文字母同數字，有無方法改善呢？ [打印本頁]

作者: ngaileung 時間: 12-6-21 08:29 標題: 我的囝囝成日講英文字母同數字，有無方法改善呢？

如題

作者: ka-sandra 時間: 12-6-21 13:36

我仔仔都係.我都想知.佢要8月份先會開始上密集式.希望到時會有改善.

作者: ngaileung 時間: 12-6-21 13:42 標題: 回覆：ka-sandra 的帖子

你個囝有冇講其他嘢，同幾大呀

作者: ka-sandra 時間: 12-6-21 13:51

我仔仔2歲9個月. 依家一星期train一次一對一幼兒導師training. 多多少少有d進步. 成日自己同自己講bb話.有時會講洗洗, 俾,噓噓,媽媽....都唔係好多中文字.

作者: ngaileung 時間: 12-6-21 13:56 標題: 回覆：ka-sandra 的帖子

我都係個別訓練之前每星期上，宜家2星期1次，可能情況有啲相似，可以交流一下經驗

作者: ngaileung 時間: 12-6-21 14:05 標題: 回覆：ka-sandra 的帖子

我每天同佢練習45分鐘，已經可以講2個音如香蕉，牙刷等，但都係問佢先講囉

作者: Gabiboy 時間: 12-6-27 00:03

我細仔下個月5歲, 3歲入讀S位, 開頭零語言只講BB話, 4歲開始針灸, 針了兩次突然開口唱歌, 雖然口齒不清但聽得出是在唱Baa Baa Black Sheep! 從此慢慢有些單仔, 後來漸漸多了自言自語, 但是全部都是英文, 我們都不明白, 因為我們全家都是說廣東話, 連菲庸姐姐都操流利廣東話!

作者: Gabiboy 時間: 12-6-27 00:08

補充一下, 老師認為起碼他肯說話, 叫我們在他每次講完英文字後便講個中文俾佢聽, 就算佢唔講, 其實已入咗腦喎.

作者: Capricorn2521 時間: 12-6-27 11:42

本帖最後由 Capricorn2521 於 12-6-27 11:44 編輯

回復 Gabiboy 的帖子

係呀，我個仔以前都成日講英文，D老師笑佢係英文人。我地嘅方法都係當佢講完英文，再講返句中文比佢聽，原本真係會慢慢入腦架。記得有一段時間，佢講完英文，同一意思又講多一次中文，或相反。我阿媽就笑佢第日可以做翻譯員。要佢由英變中，歷經咗3年，依家叫做有自己的中文說話。有時要同佢講吓英文，回應吓佢，漸漸帶佢由英文世界到中文世界，由自言自語世界帶佢到一人一句世界。不過，佢始終熱愛英文，卡通片VCD有中文/英文，都要睇英文，YOUTUBE又係英文，但佢D發音就好鬼仔，好好聽。依家好多時我講完D野，佢會問返我英文係乜野。

作者: Gabiboy 時間: 12-6-28 00:14

回復 Capricorn2521 的帖子

謝謝你的分享! 原來會改過來的, 咁我都放心點. 你小孩現在幾歲了? 用左3年先講中文, 咁返學點算呢?

作者: chowqv 時間: 12-6-28 05:28

唔好意思，我岩先個仔被評定為自閉譜糸病症，請問糸唔糸都會成日講英文？佢由細到大，今年4歲幾，都糸要求睇英文台。糸唔糸多數都糸咁。

作者: Capricorn2521 時間: 12-6-28 10:40

本帖最後由 Capricorn2521 於 12-6-28 10:58 編輯

回復 Gabiboy 的帖子

我個仔依家5歲。佢吾係依家先識講中文，而係依家先可以完全用廣東話較為靈活地表達自已，回想3-4歲時，真係要教一句先識講一句。但英文係吾洗點教，睇完DVD/YOUTUBE，見到相同情境就會識得講 (可能因為佢有興趣，同重覆睇)。2歲時佢只會自言自語講數字同英文字母，於是我地的溝通由主要係英文改為中文。3歲時都係要教左果句中文，佢先識講，但不會變通成為第2句。要逐樣教，重覆教，然後逐句逐句重覆教，4歲時，都好肯講中文，但文法好多時攪錯，例如：攞玩具比我，講成：攞我玩具 (give me the toy)。

補充一句：其實大家可以由佢有興趣嘅野開始教佢其他野。例如用有英文字母的積本教佢砌不用形狀的積本組合，用英文字母PUZZLE砌個10字。當佢由A排到Z時，收起個D字，要佢講：媽咪，比個D字我呀！然後先比返佢。同佢一起唱ABC Song。很多很多.... 以便能豐富佢的學習。

歡迎光臨教育王國 (/)