教育王國
標題: 雙職父母在香港是如此不受歡迎 [打印本頁]
作者: mmami 時間: 12-6-20 09:41 標題: 雙職父母在香港是如此不受歡迎
http://hk.news.yahoo.com/blogs/childfly/歧視雙職父母.html;_ylt=Anv1vNwY6NJ3dKJif7U2DRurVsd_;_ylu=X3oDMTQ5bDMzYmlyBG1pdANGZWF0dXJlZCBCbG9nIFBvc3RzBHBrZwMxMGQxNjYwZS1hZjYyLTNjY2EtOGJiMy0zMjZhZWQwYWEzYWMEcG9zAzEEc2VjA01lZGlhRmVhdHVyZWRMaXN0VGVtcAR2ZXIDYjk4MDc1YTEtYmE3MS0xMWUxLTllN2EtM2Q0YTQ4ZTI5NDIx;_ylg=X3oDMTF2YXBoY21jBGludGwDaGsEbGFuZwN6aC1oYW50LWhrBHBzdGFpZAMEcHN0Y2F0A.aWsOiBnummlumggQRwdANzZWN0aW9ucw--;_ylv=3
沒經過小一叩門面試，也真不知道，原來雙職父母在香港是如此不受歡迎的。
雖沒白紙黑字，但很多學校都傾向錄取有全職媽媽或爸爸照顧的孩子。叩門面試時間是第一關卡，很多學校都把面試日期定在平日，爸媽都得被逼請假出席。如果你是普通打工仔，請假身不由己，那你便得有心理準備，單拖帶孩子面試的父母，成功機會，微乎其微。
到了跟面試主任面談，那主任的笑容，總是帶着三分冷漠。問過一些基本問題後，主任毫不掩飾的用近乎質問的語氣問：「你份工，彈性大嗎？」冷不防被這麼一問，腦裏還在搜索最得體的字詞準備回話之際，主任已機關槍式的補上：「你知啦！我們學校很多活動，極需家長的參與，再者，我們需要大量的義工家長來學校幫忙……」
不知是否日有所思，那天夜裏，我竟在夢中經歷了一段極恐怖的景象，我夢見自己被學校老師及公司老闆分屍……
誠然，在媽媽的角度，學校愛收全職媽媽的孩子，無可厚非，畢竟孩子有媽媽全天候的照顧和跟進，功課作業默書測驗都理應能跟得足一點，學校老師也就輕鬆一些。只是，這也不代表雙職爸媽一定遜於全職爸媽。我認識一位廿四孝爸爸，經常要加班到深夜，但即使多晚回家，翌晨還是堅持要早早起床跟孩子吃早餐談談天，然後親自送孩子回學校，誰敢說這爸爸不愛錫孩子？
但現實是，這爸爸當年跟孩子面試小一，被老師問及收工時間，爸爸坦蕩蕩的實說實話，「一般是九點半收工。」就是這句真說話，把進入了二輪面試的一家三口掃出學校大門。
真是雙職父母的哀歌。
作者: kp_sin2001 時間: 12-6-20 09:56
這是真的, 現在大部份名校, 都只少一個父或母辭職陪讀書和學嘢, 因為這叫家校合作, 學校想小朋友讀書高分令學校LEVEL高, 當然要教高一級啦, 家長當然要在家教埋一份, 又要讀得玩得, 當然要有其他興趣班啦, 這未又要家長帶小朋友出去學, 咁唔辭職小朋友點可以做到咁多嘢呢! 想雙職可選其他唔出名既學校, 但家長會甘心咩, 這就是教育制度的無奈.
作者: 已刪除用戶 時間: 12-6-20 10:02
我係在職媽媽, 有全職工作, 我有2個小學階段小朋友
我係bk版主, 學校家教會委員, 校巴監察委員會成員, 負責籌組夜間家長活動, class mom, 今年謝師宴籌委, 黎緊9月會教埋sunday school, 之前未轉工連lunch mom都撈埋
邊個話在職父母就唔可以contribute? 睇下點分配時間姐, 如果interview期間家長答唔出, 先問問自己付出左幾多(唔係o係屋企為自己仔女付出, 呢d係責任, 為大家付出至叫義務)
作者: MAYANGUSPO 時間: 12-6-20 10:08
其實我都相信大部份家長係非常寵愛自己小朋友, 無奈兩公婆要搵食先可以撐住頭家, 錢係生活既基本元素, 係現今社會冇基本既錢, 真係連課外補課興趣班等都會感壓力...都係個句, 雖然錢唔係萬能, 但冇錢真係萬萬不能, 既然有D學校要咁都冇法子(因寧可腩全職父/母會有著數冇蝕底咁), 而我地做家長既同小朋友都一樣, 盡左力已無悔, 唯有係原校繼續努力學習, 用自己努力既成果去證明, 唔收我小朋友係該校既損失, 相信咁樣係唯一一樣我地可以撐握~
我地都係雙職父母, 但對小朋友都非常重視, 亦有感不比全職既差, 即使早1hr起身, 比來回校巴付出更多車費, 亦希望每日帶著小朋友返學, 爭取多d親子時間, 放工跟一跟功課(幸好小朋友亦懂生,自行完成家課), 講下故事書做報告, 陪佢上下學校資源網彈下琴玩下遊戲, 連自己既私人時間都冇晒, 每日如是, 雖感疲憊, 但亦滿足...
各位家長加油呀~我地既付出, 小朋友係感受到既...
作者: winnie@pooh 時間: 12-6-20 10:19 標題: 回覆：雙職父母在香港是如此不受歡迎
本帖最後由 winnie@pooh 於 12-6-20 10:32 編輯
我地都係全職雙親, 但每次叩門interview, 我地都表示出無比commitment去陪育子女成才, 亦有一套周詳既方法... 最終, 我地成功叩入3間小學...
作者: MaiGao 時間: 12-6-20 10:24
本帖最後由 MaiGao 於 12-6-20 10:25 編輯
我係在親媽媽，爸爸係小朋友三歲時英年早逝，唔做野無飯開。
工作時間彈性 (一年18日假，五天工作，OT左幾時補假都得，星期六、日返左工閒日又可以即時放返，返中更就朝早得閒)
我知道我可以contribute d咩，問題係，學校唔相信我地呢d返輪更制的家長會犧牲睡眠去幫忙。
作者: 七點半 時間: 12-6-20 10:34
本帖最後由 七點半 於 12-6-20 10:38 編輯
回復 Charlotte_mom 的帖子
好可惜不是很多家長都能像你一樣找到一份如此合心意的工作!
我地打工仔一年只有10幾日假...有7日又話要連埋一起放...餘下的假期分比阿爸阿媽+小朋友...真係唔夠分...我都想請假多做義工...不過, 真係唔係次次得...又好似我地d高級經理...都仲有個高高級經理...經常玩野...一個report改幾十次都話唔滿意....由朝改到晚....自己本身的工作都未完成...又話要幫手做report...整條team上上下下就一齊改完又改...如果家長是他們的其中一個...你叫他們如何分身呢?
我地公司傾私人電話...supervisor又話唔好講咁多私人電話....上網又計時...一上榜首又問點解...
我有朋友她的公司真係只有一個小時食飯...在觀塘返工...家住西半山...小朋友都在屋企附近返學....即使她想善用lunch time都比較難...一來一回車程都去左大部份時間...現在大部份公司都話要cut人又或者唔再有replacement...8個辭職都話一個都唔再請...返工好似打仗咁...
...邊個唔想坐係屋企做全職父母...奈何生意難做...工作弄人....不如意是也....
或許正如你所講..在interview時...就要說到龍飛鳳舞...話自己可以點樣騰空時間為小朋友付出.....
我相信大部份全職家長都好想好似你咁為小朋友付出...只是時間真係未必次次都配合到...難道他們就會忽略小朋友嗎? 只是學校不會這樣看...
你是多幸運的一群...亦不得不讚你善用時間為小朋友付出...
作者: 已刪除用戶 時間: 12-6-20 11:03
七點半 發表於 12-6-20 10:34 
回復 Charlotte_mom 的帖子
好可惜不是很多家長都能像你一樣找到一份如此合心意的工作!
thanks!
我都係打工仔, 一年12日大假咁大把, 年年d假就拎晒去"做呢樣做果樣", 出黎工作咁多年從來未試過有大假可以brought forward
我都承認我係幸運的, 至少我老公support我"發顛", 每次活動佢地預左我要做攪手, 佢就同個仔"相依為命"
, 前排學校有event, 因為一d原因紀念品做唔切, 攪到要親身上深圳拎貨, 我老公都話"做義工做到去深圳拎貨, 你都得架喇你"
不過o係呢d奔波中, 我做得開心, 選pta唔係我自己揀, 係因為當時無人選, 半推半就俾人"督"左上去, 一做就幾年, 最大收獲係幫到人之餘, 自己都識到好多好好既家長, 自己都學左好多野, 仔女會學到呢種樂於助人既價值觀, 我女好鐘意陪我幫我, 有時無左呢d小義工真係攪唔掂(真的), 學校除左教學術之外, 亦想小朋友學到呢d, 家校合作就係咁解, 當你同小朋友講樂於助人, 愛人如己, teamwork之時, 自己都做唔到榜樣, 仲講咩?
當然我都明白, 好多人未必有咁好運, 鐘意幾時請假就請假, 鐘意幾時上網就上網, 我而家呢份工亦唔容許我lunch"鼠"返學校, 盡量啦, 做得幾多得幾多
共勉之
作者: CoffeeCake 時間: 12-6-20 11:25
Charlotte_mom 發表於 12-6-20 10:02
我係在職媽媽, 有全職工作, 我有2個小學階段小朋友
我係bk版主, 學校家教會委員, 校巴監察委員會成員, 負責 ...
我咁做好多人覺得我攞苦黎辛(日日都無PROPER LUNCH食),但我好PROUD OF我個女記得響佢身邊永遠是媽咪而不是工人. (工人從來不會有單獨帶我小朋友既機會)
但我承認我是半放棄了事業. 但有事業,沒有了家庭我也不想!
作者: CoffeeCake 時間: 12-6-20 11:31
同埋我想講,全職MAMI亦未必有SO. 至少我所知的,都不是特別有優待.
有D全職媽咪都係去打牌打機唱K,或者帶住小朋友時都係玩IPHONE,咁樣我覺得我做得比佢地好囉!
作者: Cutemom0808 時間: 12-6-20 11:37
Charlotte_mom 發表於 12-6-20 11:03 
thanks!
我都係打工仔, 一年12日大假咁大把, 年年d假就拎晒去"做呢樣做果樣", 出黎工作咁多年從來未試過有 ...
板主其實也算幸運遇到一班同心協力的家長義工呢
作者: winnie@pooh 時間: 12-6-20 11:42 標題: 回覆：雙職父母在香港是如此不受歡迎
看完這個post, 真係感觸良多, 家家有本難念的經...
作者: mmami 時間: 12-6-20 11:46
CoffeeCake 發表於 12-6-20 11:25
同意...我都係在職,但我每日親自接送2個女番學放學,LUNCH TIME就親自去帶大女學野,做家教會委員,ETC.
我咁 ...
作者: MaiGao 時間: 12-6-20 11:50
CoffeeCake 發表於 12-6-20 11:31
同埋我想講,全職MAMI亦未必有SO. 至少我所知的,都不是特別有優待.
有D全職媽咪都係去打牌打機唱K,或者帶住 ...
我真係好怕d家長係湊住小朋友，但係掛住玩電話﹗
成日話唔想小朋友沉迷打機，咁應該以身作則。
加上可以有時間同小朋友相處係一件幸福的事呀﹗
作者: MAYANGUSPO 時間: 12-6-20 12:03
回復 MaiGao 的帖子
冇錯...至憎D機痴上落車係咁禁, 行街又係咁禁, 禁到就黎撞埋碌柱樹都唔知, 個小朋友好似冇人理喪屍咁行, 真係見到都把幾火
作者: MaiGao 時間: 12-6-20 12:07
MAYANGUSPO 發表於 12-6-20 12:03
回復 MaiGao 的帖子
冇錯...至憎D機痴上落車係咁禁, 行街又係咁禁, 禁到就黎撞埋碌柱樹都唔知, ...
唔知仲以為佢秒秒鐘幾廿萬上落
作者: dannyyau302 時間: 12-6-20 12:12
叩門就預左要扮到似一對無懈可撃的模範家長, 樣樣事都表演得全情投入, 讓子女及老師看得出那份栽培幼苗決心和拼勁!
作者: 無氣同你講 時間: 12-6-20 12:21
冇錯。。。。我都感覺到。
直資私小同津校都鍾意收有一方全職父母照顧既小朋友。
作者: marcuscyrus 時間: 12-6-20 12:24
無氣同你講 發表於 12-6-20 12:21
冇錯。。。。我都感覺到。
直資私小同津校都鍾意收有一方全職父母照顧既小朋友。
...
作者: 無氣同你講 時間: 12-6-20 12:27
marcuscyrus 發表於 12-6-20 12:24
有朋友問我點解唔claim 自己是full time mom不過我都是過唔到自己
不過老實講，當我認真去看待呢件事時，無可厚非大部份有全職ＤＡＤＤＹ 或媽咪照顧既小朋友都真係識多Ｄ野，比較叻；比較乖。
作者: marcuscyrus 時間: 12-6-20 12:43
無氣同你講 發表於 12-6-20 12:27
其實你應該咁做。ＸＤ
不過老實講，當我認真去看待呢件事時，無可厚非大部份有全職ＤＡＤＤＹ 或媽咪照顧 ...
如果我d仔都係曳過人，咁我都責無旁貸啦
作者: CY826 時間: 12-6-20 12:58
我今朝見到篇嘢都有D反感,我日頭返文職,收工有時會返自己間因興趣嘅美容院,但我都可以攞到學校要求三年內出席義工,親子團契,親職講座,親子賣旗.....要有金銀優異獎嘅類積大獎"金鋼鑽獎",連無做嘢嘅媽媽都未必攞到,邊個話雙職父母會少時間照顧子女??????
作者: spmok1999 時間: 12-6-20 13:10
咁雙失父母會唔會受歡迎一D?
作者: dwklau 時間: 12-6-20 13:11
好認同樓主, 香港地而家咩野都貴, 唔返工點搵錢俾子女學呢樣嗰樣, 全職MUM唔係人人做得起. 有時, 我見到學校有好多好既課外活動, 奈何冇辦法接送, 我都感嘆自己冇能力做全職MUM.
我上年去叩門, 有一間小學校長問我地既家庭環境, 我好坦白家中有兩個小孩, 佢問我有冇其他親人SUPPORT照顧, 我又好坦白同佢講冇, 因為本人父母雙亡, 老爺奶奶仲未退休, 只有工人照顧. 跟住亦有問一些關於我同老公既工作問題, 我自己返朝九晚五, 老公要輪班. 最後, 我地當然叩不到門, 可能我多心, 總覺得係我地父母INTERVIEW呢關唔得. 唉!
作者: klm402 時間: 12-6-20 13:40
本帖最後由 klm402 於 12-6-20 13:45 編輯
我係在職媽, 大囡3歲半,細仔半歲,細仔出左世而女女未轉校時係ssp村幼讀幼稚園,返學一係我一係c6湊返學, 放工就我或者c6湊放學, c6係太古做野, 我係荃灣做野, 我地住沙田, 唔放心工人湊住個細仔去湊大囡放學, 又冇私人校車接送, 只好自己兩公婆夾手夾腳搞掂.
身邊好多人都話我地咁樣好辛苦, 但我地兩個都樂在其中, 至少比到我地呢幾個月湊女返學放學既開心回憶. 沿路同佢有傾有講, 放學見到佢跑向自己時既情景我一生不忘.
依家女女轉左校, 有校車接放, 我兩個唔洗再好似之前咁返工趕放工趕, 女女亦舒服得多. 但我兩個一直願意用自己可作息既時間去照顧兩個小朋友, 放工返到屋企教小朋友溫習寫字, 夜晚自己湊對仔女, 其實我地兩個做緊既野同好多couple都一樣, 唔係份外為大, 我想講既係在職既家長大多願意去配合家校合作既時候, 講真的, 只有少數相信我地能處理到, 亦都因為咁, 學校大多傾向收錄有全職媽照顧既小朋友呢個係事實, 社會係咁, 事實永遠都係殘忍同無奈的.
學校今本唔會比機會同時間去了解你到底可以花幾多時間同佢地配合呢個都係事實.
仲有趣既係, 當你同小朋友去面見既時候, 校方問你係唔係在職媽既時候, 其實對方都係在職媽. 呢d米就係矛盾囉.
作者: siujanjan 時間: 12-6-20 13:46
winnie@pooh 發表於 12-6-20 10:19
我地都係全職雙親, 但每次叩門interview, 我地都表示出無比commitment去陪育子女成才, 亦有一套周詳既方法. ...
作者: MaiGao 時間: 12-6-20 13:47
dwklau 發表於 12-6-20 13:11
好認同樓主, 香港地而家咩野都貴, 唔返工點搵錢俾子女學呢樣嗰樣, 全職MUM唔係人人做得起. 有時, 我見到學 ...
我上星期出席左一個叩門面試。面試過程中，小朋友只係同其他小朋友係房畫畫，而家長則分別去另外的房間答問題。
我面試時又要睇片回答提問，又要考對學校認識，整個過程就係in家長。
明天出結果，如果失敗的話，一定係我答得唔好…
作者: CY826 時間: 12-6-20 13:52
回復 CY826 的帖子
齊齊加油!
作者: mrkokubo 時間: 12-6-20 14:11 標題: 引用：Quote:dwklau+發表於+12-6-20+13:11+好認同
提示: 作者被禁止或刪除 內容自動屏蔽
作者: klm402 時間: 12-6-20 14:14
我女女依家讀緊K1, 不過會REPEAT K1做大女, 我都想多認識升小既野, 但冇呢方面既SOURCING
作者: 橫風王道 時間: 12-6-20 14:16
歧視雙職父母是事實，很可悲！
這次小一 project 令我深深體會！
作者: ANChan59 時間: 12-6-20 14:43
我覺得部份家長可能敏感左d，學校對雙職父母充分理解。他們大部份都跟我們一樣，點會歧視自己。
答問題有好多角度，每一日夜放工，所以報下午班；週末週日如何處理親子活動，如何身教.......... 入學與否唔會因為一條問題，可能c6的其他答案有問題亦未可料......
我太太都係 full time executive，我地唔會講大話，強調自己的全人教養，為孩子的犧牲........ 阿仔升小，太太告唔到假，我跟嬤嬤陪他去面試，老師都有問，我答太太好早已經告假，因突發事件，未能出席，她可能搞掂飛的過緊黎，主任都話唔需要。
作者: 橫風王道 時間: 12-6-20 14:59
本帖最後由 橫風王道 於 12-6-20 15:10 編輯
ANChan59 發表於 12-6-20 14:43
我覺得部份家長可能敏感左d，學校對雙職父母充分理解。他們大部份都跟我們一樣，點會歧視自己。
答問題有 ...
去到見家長個階段就問題不大啦！死我都可以拗返生呀，拗唔生都死得值啦！可惜，長期去唔到見家長個階段呢！
其實完全歧視雙職父母就唔會既，不過我覺得點都有少少。
作者: 七點半 時間: 12-6-20 15:06
回復 Charlotte_mom 的帖子
你老公都幫手....真係無得頂.....勁呀!!!!
其實小朋友都好想我地做家長的多些參與學校活動...我地做家長的亦會儘量配合....只是要過了interview這一關才能讓學校知道我們都會配合....樓主都是慨嘆一提到是全職父母已好似被學校帶有色眼鏡睇一樣.....
作者: ppsfung 時間: 12-6-20 15:37
雖然某程度上雙職家庭比較餌底, 但係我不會因此而妄自菲薄.
相信只有名校之中的名校會要求學生家是FTM, 但中價的私校應該會明白很多中產家庭都係雙職父母, 雖然媽媽沒太多時間親自教小朋友, 但佢地有經濟能力去揾合適的補習班和興趣班去培育小朋友, 如果只靠媽媽去教, 咁父母唔識的仔女都無機會學.
相反, 如果有經濟能力, 可以比小朋友學各方面的課程, 就算父母唔跳舞彈琴,英文唔好, 都可比錢其他人教, 這樣仍可以培育到才能超越自己的孩子.
就算FTM都有好多類, 如果教育程度低的B6 FTM 和本地有禮貌有學歷的在職媽咪比較, 學校也不一定選FTM.
作者: ANChan59 時間: 12-6-20 15:43
回復 橫風王道 的帖子
當年只有一次面試，先問小朋友，後問家長。
我提醒妳不要中咗＂self fulfillment prophecy" 的毒。妳認為有會影響妳的判斷及下次機會。
希望妳孩子入到理想學校，才是最重要。
作者: ANChan59 時間: 12-6-20 15:45
回復 ppsfung 的帖子
May be a minority number elite schools prefer FTM, most are open minded.
作者: trina_choi 時間: 12-6-20 15:46
今早我朋友喺FB內登出,標題係[唔信].
講真如果真係有呢D學校,我就點都唔比對仔女去讀,因為係無SENSE架表現.佢地都唔現實架,學校佢地D老師,唔通全部無仔女架,佢地唔會諗到如果佢地D仔女去IN,又遇上同一待遇,心情會好受咩! 問心吖! 邊個媽媽唔想留屋企親自教親自帶啫(講緊多數媽媽)!香港到底有幾多中產同高產收入家庭吖! 父母其中一個唔返工,去邊有咁多錢又比佢讀名校,同參加N7咁多興趣班先,如果佢地真係暗地裏有咁架思想,咁就應該SET學費為0啦!咁多義工幫手,學校都無需請咁多人手,慳埋慳埋咪與聚同樂下囉! 加上媽媽架能力與力量,大到無人可以量度到架,我自問好鍾意小朋友,依家日頭返工,放工即自己帶番對仔女,係攰,但又OK喎!個仔學校多數活動,都係周六日,我又DAY OFF,所以如沒特別,都一定陪仔仔出席,但你叫我做義工,就算我係全職媽媽,我都唔多會參與,呢個係性格問題,唔係計算,NO MONEY NO TALK,而係無興趣發表意見,如果學校唔洗開會傾野,只係每次指示或ORDER我去做D咩,我又無所謂,可能喺公司話事太多,喺生活上,唔想都係咁架MODE了...所以父母跟唔跟小朋友全面發展,呢個係睇性格,而非在職或非在職人仕囉!比D咁無知架學校教,小朋友學到D咩吖!
作者: marcuscyrus 時間: 12-6-20 15:53
其實都真係唔少家庭係爸爸一個搵錢已經好有錢，媽媽唔駛做
作者: iluvchun 時間: 12-6-20 16:12
我係在職媽媽, 就算未去到搵小學呢一步都已經感覺到無奈
自從有左小朋友, 所有年假已經貢獻哂俾佢. 由細個去健康打針, 病既時間加緊照顧, 等等...
但當我旺季時每日工作12小時 (未計搭車時間), 放工仲要chok個笑樣陪個女玩, 陪佢做功課, 呢d真係有苦自己知
對住佢既時候我真係可以忘記哂煩惱
但現實就係我都係要賺錢養佢同埋為佢將來好好計劃
作者: trina_choi 時間: 12-6-20 16:23
係有,但按比例計算,咁架家庭應該唔係大多數吧!
加上我身邊都有D朋友,佢係FULL TIME MOM,但多數都唔止生一個,同時間跟得邊個吖!加上,呢個真係睇性格的,我有幾位朋友,佢地話自己無耐性去跟家課等,所以佢地只管日常照顧小朋友起居飲食,至於學術性架,如每晚教勁課,做手工,講故事,都係等爸爸放工做架,就咁睇,與父母在職有啥關係...
再衰D咁講吖!好多富商都月入幾十萬幾百萬,太太都FTM啦!點解D富二代,出黎效果又咁呢!唔通果D媽媽會無時間去跟,不都是看性格,看教法...不過就算真係有呢D學校都唔奇,反正香港係現實之地...但好在我對小朋友要求沒這麼高尚,沒提算自家對仔女入名校,因為我地二公婆架信念都是,要叻架,讀邊間都叻,要唔叻架,比間最TOP你咪又係咁,所以我只求家中對寶貝,讀得開心,身體健康...夠晒...
最後只能說若真係有這類學校存在,就辛苦晒有打算入讀呢D學校架家長與小朋友了...加油哦!
作者: ha8mo 時間: 12-6-20 16:37
提示: 作者被禁止或刪除 內容自動屏蔽
作者: 已刪除用戶 時間: 12-6-20 16:47
同意樓上講, 答問題好多角度, 並唔係人人都負擔得起做full time家長, 但點樣去準備"接招"就係point
我妹有個好好既99, 幫佢湊得個仔好掂(佢仔2歲), 婆媳關係良好, 我妹in第一間幼稚園, 返黎同我講, 唔開心呀, 老師問平日邊個湊, 佢話99, 心裡覺得自己已經矮左一截, 語氣都帶點無奈, 話無辦法啦, 父母都要返工
我同佢講, 既然99湊已經係現實, 佢99又的確好有心機, 點解唔可以講得正面一d呢, 點解要攪到自己都睇唔起自己咁姐, 仲有, 而家d後生似乎都唔多欣賞祖父母肯幫手, 仲好似好重怨氣咁, 會唔會唔係咁好
於是以後再in, 我細妹挺起胸膛自信地答"我地要返工, 日抖麻麻湊, 麻麻讀過書以前又做過幼兒園, 對湊小朋友好有經驗, 我地都非常放心亦好感激佢, 不過夜晚一放工我自己都湊返, 陪佢睇下書玩下咁, 我同99都保持溝通點去教好個小朋友"
改變下自然心態, 有時係雙羸架 (我妹個仔除左一間超難入既幼稚園, 其他全部有offer)
作者: lololala 時間: 12-6-20 16:50
I don't think this is the main reason that makes child fail in the interview.
作者: marcuscyrus 時間: 12-6-20 17:13
我所見的不能代表全部，但咁o岩發現到咁樣的情況
幼稚園：全職媽，不論孩子表現如何，大多都收
小學(指一線那些)：全職媽或父母高職，孩子面試表現不佳-->不收，孩子表現正常或以上-->收，普通家庭孩子，表現正常-->不收，表現超班-->收
中學就看孩子的表現和往職比較多
我感覺，不是完全冇關係，但亦不代表普通家庭或雙職家庭的孩子就不能有出頭天
作者: 點算好 時間: 12-6-20 17:22
Charlotte_mom 發表於 12-6-20 16:47
同意樓上講, 答問題好多角度, 並唔係人人都負擔得起做full time家長, 但點樣去準備"接招"就係point
我妹有 ...
作者: 犖犖 時間: 12-6-20 17:23
小兒成功叩門一間天主敎學校，當日我請不到假，由我太太獨自帶他面試。過程完全無提及是否其中一方全職育兒。我想，樓主提到的只是少數學校罷？
假如由我面試，我情願要有潛質的學生，多過有全職育兒的父母。況且我叩了多間學校，反而多數都是只面試小朋友，不見父母的呢。
作者: Cutemom0808 時間: 12-6-20 17:28
trina_choi 發表於 12-6-20 16:23
係有,但按比例計算,咁架家庭應該唔係大多數吧!
加上我身邊都有D朋友,佢係FULL TIME MOM,但多數都唔止生一個 ...
有呢老公是幾o甘幸福，揾$$$養家太太唔使做+跟小朋友功課+做手工+講故仔，呢d老公要俾10個叻啦
作者: minamina 時間: 12-6-20 18:18
雙職家庭加油
作者: CHUN927 時間: 12-6-20 18:41 標題: winnie@pooh 的帖子
有咩方法？請指教！上次叩門個校長問依個問題，老实答出，個校長好似唔係咁like
作者: ANChan59 時間: 12-6-20 18:53
回復 ha8mo 的帖子
我聽完之後，寫左紙仔問「家長的職業會否影響幼兒入學的機會？」
可惜冇揀到我哩條問題來答
***********************
你有小小強人所難，點答你好呢!!!
作者: CatEgg 時間: 12-6-21 00:46
確有聽過廿幾年前私小學生的媽媽送子女回校後便一起去飲茶打牌等放學。。。今時今日仲有呢套諗法的學校應該係top of the top。父母係公司CEO點計?校長老師都係全職人士，自己歧視自己，傻嘅!
作者: Yoyoyoyolaw 時間: 12-6-21 17:59
我都好有同感,我識得有些全職媽咪,每一日也是瞓到十至十一點,跟住同個仔女食嘢,送仔女返學,回家繼續瞓。根本同我地放工後返去教仔女無分別, 可能我地仲努力過佢地。
作者: Gagagogo 時間: 12-6-21 18:46
ha8mo 發表於 12-6-20 16:37
細路個個差唔多樣，但家長就有不同質地
與其話佢地歧視雙職家長，不如話佢地歧視低職家長
作者: Cake111 時間: 12-6-21 18:53 標題: 引用：我都好有同感,我識得有些全職媽咪,每一日也
原帖由 Yoyoyoyolaw 於 12-06-21 發表
我都好有同感,我識得有些全職媽咪,每一日也是瞓到十至十一點,跟住同個仔女食嘢,送仔女返學,回家繼續瞓。根 ...
我想講嘅係在職與否，吾會影響負責任的家長對小朋友嘅心思。
作者: ChloeMon 時間: 12-6-21 23:22 標題: 引用：好認同樓主,+香港地而家咩野都貴,+唔返工點
原帖由 dwklau 於 12-06-20 發表
好認同樓主, 香港地而家咩野都貴, 唔返工點搵錢俾子女學呢樣嗰樣, 全職MUM唔係人人做得起. 有時, 我見到學 ...
作者: Kittymummy 時間: 12-6-22 00:18 標題: 回覆：雙職父母在香港是如此不受歡迎
有一間男校直資interview 時，問我同事：＂你會否放棄你份工而full time 照顧比多些support個小朋友？＂真係呢d學校讀吾讀都罷。
作者: QQee 時間: 12-6-22 09:19
老老實實, 在商言商, 你站係學校立場, 你會點揀?
一對雙職父母 (eg. anchan59) vs 一般ftm -------> 雙職 勝
一般ftm vs 一般雙職父母 --------> 一般ftm 勝
作者: Yoyoyoyolaw 時間: 12-6-22 09:44
回復 Cake111 的帖子
我同意. 其實主要是睇個家長有無心, 有無責任感,並不是睇有無工作。
作者: lcdtopcon 時間: 12-6-22 10:10 標題: 引用：這是真的,+現在大部份名校,+都只少一個父或
原帖由 kp_sin2001 於 12-06-20 發表
這是真的, 現在大部份名校, 都只少一個父或母辭職陪讀書和學嘢, 因為這叫家校合作, 學校想小朋友讀書高分令 ...
所以我喜歡像聖方濟各英文小學的不收pofolio，不見家長，只考小朋友的能力的學校，夠公平!
作者: CoffeeCake 時間: 12-6-22 11:11
lcdtopcon 發表於 12-6-22 10:10
Totally agree,現實歸現實， 現實就是一線一條龍直資名校小學都愛收媽媽是家庭主婦的學生，我全部朋友都是 ...
能夠應付SFA既筆試既小朋友,學校唔駛見家長都知佢地有付出左幾多啦!
作者: mmami 時間: 12-6-22 11:17
CoffeeCake 發表於 12-6-22 11:11
能夠應付SFA既筆試既小朋友,學校唔駛見家長都知佢地有付出左幾多啦!
Totally agreed!
| 歡迎光臨 教育王國 (/) |
Powered by Discuz! X1.5 |