教育王國

標題: 祟真主流會考D咩 ? [打印本頁]

作者: Charis_mummy 時間: 12-6-19 17:56 標題: 祟真主流會考D咩 ?

請有經驗MUMMY可否講下祟真主流班會In咩 ? Thank you ~

作者: Andymammy 時間: 12-6-19 19:06 標題: 回覆：Charis_mummy 的帖子

講故事考反應！

作者: yukai 時間: 12-6-19 19:29 標題: 回覆：Andymammy 的帖子

除講故事，有其他嗎？Thanks

作者: winnietingting 時間: 12-6-19 22:53 標題: 回覆：祟真主流會考D咩 ?

，我都想知。up

作者: Charis_mummy 時間: 12-6-20 09:10

我知國際班都係講故事考反應, 不過就用英普, 咁主流班相信係用CANTONESE,係咪要舉手答問題 ?

作者: LuLuKiuKiu 時間: 12-6-20 09:35

肯舉手答問題就梗係最好啦! 如果無人舉手答老師都會逐個問.

作者: jimmus 時間: 12-6-20 13:03

但最好係肯舉手答, 今年, 亞仔有舉手答問題, 但佢係怕羞型, 問佢叫咩名時, 超細聲, 老師以為佢只說自己個名最後一個字, 結果, 開頭收信時只是waiting, 後來收了主流.
相反, 我有個朋友的小朋友, 無舉手答問題, 只答自己叫咩名, 結果唔收. 所以tt係睇小朋友反應才收唔收的.

作者: leung-baby 時間: 12-6-20 13:46

本帖最後由 leung-baby 於 12-6-20 13:47 編輯

jimmus 發表於 12-6-20 13:03
但最好係肯舉手答, 今年, 亞仔有舉手答問題, 但佢係怕羞型, 問佢叫咩名時, 超細聲, 老師以為佢只說自己個名 ...

去年TT係group interview. 所以睇反應係真嘅, 不過未必一定要舉手.

我仔去年考國際(英普)班, 流程係先入禮堂登記, 攞個label. 等叫名第一個班房玩玩具, 老師會逐個行埋黎同小朋友"傾吓計". 佢問我個仔叫咩名, 我仔就望吓自己身上個姓名label, 然後答咗老師. 之後老師會問家長問題(前年我朋友去考國際班遇上國語老師, 佢就要用國語答呀!!所以我舊年interview前都好驚, 不過最後好彩個老師係講廣東話). 我相信家長呢part都會比分, 因為佢要睇吓家長同佢地啱唔啱"咀形".

之後問完唒咁多個小朋友, 老師就叫小朋友排隊行去另一個班房. 小朋友坐前面, 家長坐後面. 裡面有NET同NPT, 另有兩個老師(應該係負責比分). 先由NPT講故事(一邊有screen睇), 唱吓歌仔. 然後NET又講一個故事(又係有screen睇)同問吓當中問題(e.g. 顏色/動物). 無指定邊個小朋友答架, 所以都睇吓小朋友主唔主動.

我自己覺得由小朋友自己發揮啦, 唔好喺後面不斷"提水". 一黎嘈住其他小朋友, 二黎有機會會扣分架. 當然, 主動D同開朗D真係會"著數"D. 我仔interview時都有離開個位行出去指吓個screen, 又拎轉頭同我講吓野. 我估呢個唔係大問題, 因為佢地最後都收我個仔.

至於主流班, 流程應該差不多, 只不過係用中/英文.

希望幫到大家.

作者: Charis_mummy 時間: 12-6-20 17:21

Thank you for your detail information ar.....
希望多D人可以分享下主流班interveiw係咪同國際班一樣. 感覺好似考主流班會簡單D (純粹個人感覺), 因多年前大女interview 時真係好easy !!!

作者: wannet 時間: 12-6-21 14:19

我記得個時考...問咩名..之後播twinkle twinkle little star..睇小朋友既反應....睇圖畫講故事...跟住問小朋友....咩野係咩野colour....

作者: Charis_mummy 時間: 12-6-21 16:07

Thank you for your info....wannet.....要小朋友坐定定聽歌或聽故事真唔容易, 仲要佢地主動答問題或有問必答, 更無把握....小朋友肯唔肯答就真係睇佢地同間學校和老師有無緣份......

作者: leung-baby 時間: 12-6-21 17:25

Charis_mummy 發表於 12-6-21 16:07
Thank you for your info....wannet.....要小朋友坐定定聽歌或聽故事真唔容易, 仲要佢地主動答問題或有問必 ...

係, 真係睇緣份.

不過, 佢地係放story喺screen, 呢樣小朋友可能覺得好新奇, 好似睇電視咁, 我覺得應該會容易D去吸引佢地注意過就咁攞起本書黎講.

同埋interview時係黃昏/夜晚(我去年係8pm!!), 如果佢唔扭計都要讚呀!!!!!

作者: Charis_mummy 時間: 12-6-22 09:47

Thanks for your additional info, leung-baby....if story telling was shown on the screen, yes, definitely can draw child attention.

咁你個小朋友上年成功嗎? 講故事嗰PART如果唔主動答問題係咪一定無機, 你小朋友有答嗎?

作者: leung-baby 時間: 12-6-22 10:36

本帖最後由 leung-baby 於 12-6-22 10:39 編輯

Charis_mummy 發表於 12-6-22 09:47
Thanks for your additional info, leung-baby....if story telling was shown on the screen, yes, defini ...

我小朋友今年讀IK1嘞.

佢個晚表現我都滿意, 呢個係佢第一個interview, 又係我地好心儀嘅學校. 初初知道in 8pm真係有D暈(因為佢平時8點就訓!!). 但可能真係環境新鮮, 有玩具玩又有"熒幕"睇, 所以佢都好投入.

之後去個D interview佢全部玩野, 有間仲喊! 所以都真係睇緣份啦. 等佢自己發揮...可能佢地真係自己識揀架..

我估大部份學校都喜歡主動同開朗嘅小朋友. 同埋TT係group interview, 所以呢樣我覺都幾緊要, 因為你預佢每group都只係揀1個小朋友(大約8個人一group).

作者: Charis_mummy 時間: 12-6-22 10:53

回復 leung-baby 的帖子

你就好啦, 恭喜晒你呀 !! 8個先選一個, 睇怕機會都好微, 同埋我個女係細B, 實唔夠大B爭啦 ! GOD BLESS ~~~~

作者: LuLuKiuKiu 時間: 12-6-22 11:10

唔一定8選1架. 我相信睇個人表現& 其他因素, 我囝囝當晚唔係最突出果個, 但係有反應同老師未問就主動答 (但唔係答中, 果隻係白色的雞, 但隻雞一出現佢即指住叫 Duck! Duck!當時重預咗死梗), 點知收咗!

作者: Charis_mummy 時間: 12-6-22 11:26

你個仔係咪大仔呀 ?　請問你係幾多月interview架？計吓到時阿女係兩歲幾多個月。

作者: LuLuKiuKiu 時間: 12-6-22 11:48

囝囝8月B, 參加第三輪面試, 如無記錯應該是11月. Good luck!

歡迎光臨教育王國 (/)