教育王國

標題: 小學的聯系中學 ?? [打印本頁]

作者: baby-town 時間: 12-6-19 09:39 標題: 小學的聯系中學 ??

請問 , 睇到有些小學有聯系中學
但其實升中時又系要大抽獎
咁請問 , 聯系是什麼意思 ??
一定會抽番個 D 中學 ?

作者: ppsfung 時間: 12-6-19 10:03

baby-town 發表於 12-6-19 09:39
請問 , 睇到有些小學有聯系中學
但其實升中時又系要大抽獎
咁請問 , 聯系是什麼意思 ??

中學要從聯系小學收指定限額學生.

例如中一有5班, 有2間聯系小學, 規例可以係從每間聯系小學收2班, 剩番一班從其他學校收生.
如果以佢每班30人計, 即係在聯系小學考到全級60名內, 選校時又以聯系中學作第一志願, 抽獎時一定入到聯系中學.

作者: baby-town 時間: 12-6-19 18:02

THANKS ppsfung

作者: Charlotte_mom 時間: 12-6-19 18:33 標題: 引用：Quote:baby-town+發表於+12-6-19+09:39+請

原帖由 ppsfung 於 12-06-19 發表
中學要從聯系小學收指定限額學生.

例如中一有5班, 有2間聯系小學, 規例可以係從每間聯系小學收2班, 剩番 ...

我朋友讀官小，佢話聯繫位係要咁多間share,而吾係多一間聯繫小學就分多d位wor

作者: ppsfung 時間: 12-6-19 18:40

Charlotte_mom 發表於 12-6-19 18:33
我朋友讀官小，佢話聯繫位係要咁多間share,而吾係多一間聯繫小學就分多d位wor

...

即係指定學額分比聯係小學, 但係點樣分間間唔同 (全部學間一齊分 vs 每間小學分指定限額), 就要問番嗰間中學.

我個例子係我個女的小學....其他學校有不同規例唔出奇.

作者: Charlotte_mom 時間: 12-6-19 18:59

直屬及聯繫學校制度主要是容許中、小學教育保持較大的連貫性，以及促進根據教統局網頁:
參與此制度的學校建立本身的校風。在現行的升中安排下，經扣除自行分配學位及重讀生學位後，在中學學位分配辦法的統一派位階段，直屬中學可為其直屬小學保留最多餘額百分之八十五的學位，而聯繫中學可為其聯繫小學保留最多餘額百分之二十五的學位。直屬或聯繫小學的小六學生如屬學校網第一或第二派位組別，而又以直屬或聯繫中學作為按學校網的第一選擇，便有資格獲派保留學位。亦有部分直屬及聯繫中學選擇取錄學校網第三派位組別的學生。若符合資格的人數較保留學位多，便會按學生的學校網派位組別及電腦隨機編號的先後次序分配學位。

所以無可能一間中學留80%學位俾聯繫小學, 可能每年on average有80%係自己小學生, 唔奇, 但按規定, 只有25%聯繫位, 其他入既(55%)都係要同外來生競爭

作者: songyang578 時間: 12-6-19 23:30

提示: 作者被禁止或刪除內容自動屏蔽

歡迎光臨教育王國 (/)