教育王國

標題: 急需你地比意見，請幫幫忙！ [打印本頁]

作者: saiman1408 時間: 12-6-17 21:31 標題: 急需你地比意見，請幫幫忙！

小兒2歲半，剛評估完証實左有自閉傾向，言語障礙，要做言語治療，叫申請入讀自閉傾向果d幼稚園！其實我想問，係咪真係轉去讀會好d!?如果唔轉既話，係咪就唔會有好轉？同埋，我平時係屋企可以做d咩黎幫佢？

作者: crystal媽咪 時間: 12-6-17 23:44

本帖最後由 crystal媽咪於 12-6-17 23:45 編輯

評估中心那邊的意思係叫你排i位, 即兼收位.
一般來說轉左會比不做任何野好, 因為有i位老師, 不過每間學校的做法不同,
有d每日有個別訓練 (約20-30分鐘), 會有借出教具比你在屋企做家居訓練.

如果唔轉, 可能你自己要同小朋友出去上言語治療, or 社交訓練 (評左有自閉傾向)在屋企多d同佢練習說句子, 理解方面等活動.

評估中心只叫你排i位 ?!?! 咁轉左比入讀普通幼稚園好, 因為老師相對上比較體諒小朋友的情況, 如果入一般普通位, 小朋友跟唔上又或有行為問題, 最終學校會請你離開.

下面的link, 你click入去選
[學前兒童康復服務幼稚園暨幼兒中心兼收計劃], 其實都有好多好學校, 不過一般要排一年多時間, 加油 !!!

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

作者: saiman1408 時間: 12-6-17 23:53 標題: 引用：+本帖最後由+crystal媽咪+於+12-6-17+23:45

原帖由 crystal媽咪 於 12-06-17 發表
本帖最後由 crystal媽咪於 12-6-17 23:45 編輯

評估中心那邊的意思係叫你排i位, 即兼收位.

唔該晒你！其實評估中心果邊就係比左我果區既社工資料我，叫我去搵社工安排排期入讀。另外仲有就係會寫封信比我拎去醫院排期做言語治療。
唉~第一次做人媽媽，第一次遇到咁既情況，真係不知所措，更加無從入手..好擔心

作者: crystal媽咪 時間: 12-6-18 00:14

唔駛客氣, 我只係將我知的講出黎. 比多條link你, 係教協請老師的link,
http://www.hkptu.org.hk/right/vacancy/index.php#3

你選排i位之前可以抽時間睇睇. 有d學校長年365日都請緊老師, 那些最好唔好選, 否則到時i位老師又無, 又或者有i位老師, 但班主任請唔到, i位老師就比校長叫左入課堂代課, 到時唔可以同小朋友上堂, 浪費的又係小朋友的時間.

另外, 選i位時可以選區 (會快d, 但可能唔合心水的), 又可以選定某些學校, 但相對上會耐少少, 因為有d學校只有一組 (6個小朋友入i位), 你要等小朋友畢業or 轉校至有位入, 你睇下有無一d學校有2-3組的, 咁會快d. 而且就算請唔夠人都應該有得上堂.

最後, 一句說話以前上講座心理學家講的, 幾work [無人會學左點做媽媽而去做媽媽, 個個都係邊做邊學], 有問題上黎啦, 呢度有好多人經驗人士比到意見你, 不過未必可以好快有好多回覆.

作者: HopeLJ 時間: 12-6-18 09:39 標題: 回覆：急需你地比意見，請幫幫忙！

兼收有非常好，非常差。最簡單你個區每一間兼收幼兒園都打電話要求同兼收位老師傾，會點幫小朋友，有乜服務先。感覺好個幾間再上學校參觀，唔好亂投，係社工眼中係無大分別，只有邊間隊快同慢之分。

因為排隊之後，你可以中途改志願，但派咗比你而唔要，就重新再排。

作者: HopeLJ 時間: 12-6-18 09:45 標題: 回覆：急需你地比意見，請幫幫忙！

http://www.swd.gov.hk/tc/index/site_pubsvc/page_rehab/sub_admissiont/id_crsrehabwa/

Waitlist info

作者: saiman1408 時間: 12-6-19 00:52 標題: 引用：兼收有非常好，非常差。最簡單你個區每一間

原帖由 HopeLJ 於 12-06-18 發表
兼收有非常好，非常差。最簡單你個區每一間兼收幼兒園都打電話要求同兼收位老師傾，會點幫小朋友，有乜服務 ...

其實如果想揀果幾間都打電話去搵老師傾，同埋去學校參觀，佢地會唔會拒絕？

作者: saiman1408 時間: 12-6-19 00:55 標題: 回覆：急需你地比意見，請幫幫忙 ...

多謝大家比我既意見，今日去搵左社工安排排兼收位了，不過社工提議我先自行選擇幾間心儀既學校，分好次序然後佢就會幫我遞交。不過我望了一整日電腦，其實兼收位應該點樣去選擇才是適合個小朋友？
另外，我發覺我小朋友近期情緒很壞，相比之前，佢而家郁d就大喊大叫，好小既野，只要係佢想要或想做，就會好大情緒，我除左攬實佢叫佢冷靜安靜之外，好似講咩佢都聽唔入耳，我應該點樣安撫同處理先幫到佢？同埋佢咁樣既情況，會否變差？

作者: HopeLJ 時間: 12-6-19 08:59 標題: 引用：Quote:原帖由+HopeLJ+於+12-06-18+發表兼收

原帖由 saiman1408 於 12-06-19 發表
其實如果想揀果幾間都打電話去搵老師傾，同埋去學校參觀，佢地會唔會拒絕？

...

會拒絕你就不要考慮這間學校了，有機會無心搞，只為攞政府資源。

我打咗大約六間，間間都有覆我。我自己選擇咗參觀兩間，都歡迎我。

作者: HopeLJ 時間: 12-6-19 09:12 標題: 回覆：saiman1408 的帖子

情緒大，可能思想同要求複雜咗，但又表達唔到，"mun" 自己同情況。基本當然幫佢提升言語能力或表達能力 (如指出物件). 短期只好估佢要乜，或帶佢去安全地方攬實佢，輕輕說話或唱歌安撫他。

歡迎光臨教育王國 (/)