教育王國

標題: 老公鬧亞仔, 你地會點做... [打印本頁]

作者: Milkky 時間: 12-6-15 14:03 標題: 老公鬧亞仔, 你地會點做...

老公好多時為亞仔學業而鬧佢, 昨晚我未回到家前又鬧了一場金既! 鬧他考試期仲係度睇電視吾溫書, 我返到去仲見亞仔邊喊邊拎住本書溫! 我唯有安慰佢, 同佢分柝被鬧原因, 叫佢努力埋個考試, 暑假先來玩樂! 亞仔平時所有野都係我跟, 老公好少理, 所以好多時亞仔都投訴佢DAD一開口就鬧, 吾清楚件事就鬧, 吾顧人感受, 橫蠻無理, 吾公平, 吾鍾意見到佢......, 我都常有為學業問題話亞仔, 我多採取半罵半道理等佢妥協! 吾係我仲可以點做呢!

作者: minijelly 時間: 12-6-15 15:41

咁其實一路都係你跟開的話,可唔可以同daddy傾下,叫佢唔好叉隻腳埋黎呀?因為我囡都係我主力,我老公就放手比我跟,講真...亞囝都好慘架,香港讀書壓力已經好大,小朋友由朝到晚就係返學/做功課/溫書/補習/學野...仲忙過大人返工,如果daddy/mammy一齊"啄"住佢,可能會有反效果,令佢更加抗拒

作者: hw1115 時間: 12-6-15 17:49

Form 幾呀?

作者: kilykilyk 時間: 12-6-15 19:26

Milkky 發表於 12-6-15 14:03
老公好多時為亞仔學業而鬧佢, 昨晚我未回到家前又鬧了一場金既! 鬧他考試期仲係度睇電視吾溫書, 我返到去仲 ...

我覺得應該要同你老公傾下,教小朋友不應一味罵,要有適合方法,
而小朋友方面更要耐心同佢傾,等佢明白父母係鍚佢,加油!

千其唔好同你老公講話教仔的事全由你做,因為無論係父親定母親都有責任用心學習教導小孩,
我聽唔小有人話個老公怨佢教唔好個仔,成日嘈交,教仔唔係得母親有責任的..

作者: ANChan59 時間: 12-6-15 20:58

一個黑面，一個白面，平衡d....

作者: rogerlam123 時間: 12-6-22 18:38 標題: 引用：一個黑面，一個白面，平衡d....

原帖由 ANChan59 於 12-06-15 發表
一個黑面，一個白面，平衡d....

但黑面白面要經常換人呀！

作者: JustAParent 時間: 12-6-22 19:57 標題: 引用：Quote:原帖由+ANChan59+於+12-06-15+發表一

原帖由 rogerlam123 於 12-06-22 發表
但黑面白面要經常換人呀！

事實上，不少教育界人士和兒童心理學家指出，「父母黑白臉」的做法絕不可取。一、父母對是非看法不一，易使孩子價值觀偏差；二，若父母黑白常交替互換，更易令小孩以為是非對錯可隨時間地點任意改變、三，易使孩子向白面傾斜，討厭黑面，損害親子關係，孩子可能在黑面不在時做出更激行為。

凡事平心靜氣處理最好，我也在苦練...修行中。況且，孩子很聰明，很清楚你不忍心用高壓壓死他，用重典，你是先天輸定你。所謂「暴政必亡」，還是「對話」最好。

作者: rogerlam123 時間: 12-6-22 22:12

JustAParent 發表於 12-6-22 19:57
事實上，不少教育界人士和兒童心理學家指出，「父母黑白臉」的做法絕不可取。一、父母對是非看法不一，易使 ...

我又咁睇, 隻隻細路嘅性格和特質都唔周, 真係要出盡法寶, 扭轉六壬, 其實好難有單一種特效方法適用於所有小朋友, 黑面白面只是其中一種.1.. 看法不一是很平常的事, 家人, 學校, 社會, 立法會裡經常是看法不一, 沒什麼大問題!
2.. 父母黑白常交替互換, 可以係爸爸對小朋友的行為比較嚴(黑面), 媽媽比較鬆(白面); 但讀書方面則比較嚴(黑面), 爸爸比較鬆(白面).......不代表是非對錯可隨時間地點任意改變.
3.. 就因為孩子會向白面傾斜, 所以要經常換人
話說回頭"平心靜氣處理"當然是另一種教仔法寶啦.
(我現在用緊雞尾酒療法)

作者: 洋蔥頭媽咪 時間: 12-6-23 23:00

回復 Milkky 的帖子

睇左妳個 post 我都忍唔住想回覆 .雖然唔知道樓主囝囝 Form 幾 ,但我睇完已強烈感覺到呀仔對父親行為極為不滿 , 似乎大家親子關係應該不太好 , 或許爸爸亦非常緊張孩子學業 , 但爸爸似乎完全缺乏了對仔仔關愛 , 完全忽略了孩子感受 , 由妳囝囝口中所講經常投訴佢DAD一開口就鬧, 吾清楚件事就鬧, 吾顧人感受, 橫蠻無理, 吾公平, 吾鍾意見到佢......, 所以就算爸爸係出於緊張孩子而鬧佢 , 但此刻呀仔係完全感受唔倒 .

有時教小朋友一味鬧係冇用架 , 只會令大家關係越來越差 , 大人都會有錯 , 如果仲用我地上一代思想去教小朋友 , 大人就大晒, 你地關係將會越來越遠 . 好好地同爸爸頃下 , 大家都想孩子好, 多些理會下小朋友感受 . 後果可能會來得更好 .

樓主妳話返到屋企已見呀仔被爸爸鬧到喊 ,話佢好睇電視唔溫書 , 我想問呀仔平時成績如何 ? 妳回家後有冇了解過呀仔係完全唔溫書 ? 定係其實已經溫左成日或好耐只係剛剛休息下睇下電視 ? 媽媽妳經常採取半罵半道理等佢妥協 ,甘妳又有冇嘗試響呀仔角度睇下佢有冇難處? 我都覺得妳囝囝幾慘, 妳小朋友其實算乖 , 如果佢明知呀爸成日亂鬧 , 古惑嘅大可等呀爸回家時才假溫書 , 妳系咪想甘 ???

請妳唔好介意我講嘅野 , 希望妳自己都有所體會 .

作者: 杰杰媽媽 時間: 12-6-24 21:46

我隻佬都係同樓主一樣咁既爸爸黎,我成日同隻佬講,你不講道理成日鬧,一開口就只有鬧,平時都唔同個仔傾計,你只會冇左個仔.

要鬧都要睇清事實, 一擔沙糖一擔X,宜家D細路個個受軟唔受硬,做父母扮可憐,D仔女都仲可能理下你既,見親都鬧大個仲唔有咁快走咁快呀.

俾我講得多,隻佬算鬧少左GA啦,還需改進中.

作者: Ahling2004 時間: 12-6-25 09:23

有時又真係好難取捨, 老公關心及緊張小朋友才出口"傷人", 不過男人往往會好易失控, 唔知幾時收聲. 日子長了, 搞到小朋友一見爸爸出聲就以為係話緊佢, 久而久之大家就少了溝通. 我家小兒就是咁樣. 有時又真係好茅盾, 小朋友大家都有份, 唔好分邊個管邊邊樣, 反正有錯就要糾正, 對就要讚. 不過, 小朋友及家長都要配合, 單方面都係很不通的.

歡迎光臨教育王國 (/)