教育王國

標題: 無論結果係點, 我都無悔了.. [打印本頁]

作者: k_lego 時間: 12-6-12 00:21 標題: 無論結果係點, 我都無悔了..

交左7間叩門表, in左4間

之前3間都落空了..

今日in左最後1間, 之前一直都冷門黎既.. 但今年忽然爆冷跑出喎.. (呢間係我自行,同甲一既選擇,跨區的)

大約30人去in.. 我望到佢張name list有接近40人, 應該有10人冇去 (問題係我唔知佢係咪只in一日)

交表果日我問副校長有幾多個位, 佢話根據教處指引係8個 (每班+2)

但今日副校又同家長講, 有4人冇來註冊所以有4個位, 其實我都唔知係得4個, 定係4+8 個..

入到hall, 坐o係度, 等夠鐘, 每個小朋友行埋去老師度, 老師幫佢地貼番個名既lable..

因為我坐得好近, 所以我發現30個小朋友當中得我女1個貼完有講唔該..

果一刻, 我同自己講, 無論結果係點, 我都要努力陪佢走下去..

作者: Jenny'Ma 時間: 12-6-12 00:39

明白你的感受,我囡叩咗一間,成百人爭果八個位,自己儘咗力,唯有等,祝福你小朋友可以成功叩到心水.

作者: k_lego 時間: 12-6-12 00:46

Jenny'Ma 發表於 12-6-12 00:39
明白你的感受,我囡叩咗一間,成百人爭果八個位,自己儘咗力,唯有等,祝福你小朋友可以成功叩到心水. ...

多謝你..

其實呢d都係安慰自己既說話

不停同自己講阿女都好乖, 因為之前in其中一間有問我欣賞個女d咩

我答完, 番到黎自己諗番, 又真係, 我真係好欣賞個女....

作者: Kittymummy 時間: 12-6-12 01:32 標題: 回覆：無論結果係點, 我都無悔了..

盡左力就ok架啦，努力，加油！

作者: likeml 時間: 12-6-12 03:13

回復 Kittymummy 的帖子

大家加油！

作者: baekdoosan 時間: 12-6-12 08:47

很感人的分享. 囡囡需要你的鼓勵和栽培, 加油!

作者: 萬獸之王 時間: 12-6-12 08:56

你個小朋友咁乖，老師會好欣賞的，既然盡左力，放鬆d，免得小朋友都緊張起來啊，好快有消息的!

作者: suntankitty 時間: 12-6-12 09:07

加油呀!! 阿仔都有間好嘅(不是名校)收咗佢, 你都一定得架

作者: elliotwesley 時間: 12-6-12 09:46

你阿女很乖巧,作為媽媽的你也做得很好,做了個辦讓阿女看到,做事盡力,不要放棄,無論最終去了那間,也要盡力讀好
Wish your daughter get into a good school at last.

作者: klm402 時間: 12-6-12 09:56

本帖最後由 klm402 於 12-6-12 09:57 編輯

樓主, 小朋友既努力家長確看在眼內, 好感動的, 我女女都曾經係INTERVIEW前講過一句令我刻骨銘心既說話, 當時佢0岩0岩3歲人仔.

女女: 媽咪我地係唔係去INTERVIEW呀,
我: 係呀
女女: 你放心啦, 我會加油0家啦.

好感動之餘其實自己好無奈, 整個環境令到大人係不自覺之中比左壓力佢地, 咁細個就要佢地明白成敗, 其實真係好殘忍.
但女女呢句說話令我好安心, 因為我女女好懂事.

你放心啦, 我相信你女女一定會有間好學校收佢, 而且會讀得開心, 因為佢有你一個咁錫佢既媽咪. 加油. ^^

作者: AliceTsang 時間: 12-6-12 10:02 標題: 回覆：無論結果係點, 我都無悔了..

真係好想喊，我係咪破壞左亞仔嘅前途呢，係咪我做得不夠好~~~~😔

作者: MaiGao 時間: 12-6-12 10:10

謝分享。
女女咁乖，一定好快有好消息。

作者: cutebear123 時間: 12-6-12 10:15

"但今年忽然爆冷跑出喎"? 樓主女女係唔係收咗la?

作者: k_lego 時間: 12-6-12 10:16 標題: 引用：+本帖最後由+klm402+於+12-6-12+09:57+編輯

原帖由 klm402 於 12-06-12 發表
本帖最後由 klm402 於 12-6-12 09:57 編輯

樓主, 小朋友既努力家長確看在眼內, 好感動的, 我女女都曾經 ...

係啊。。放榜果日真係真係好唔開心，番到屋企都唔敢同個女講，但見到佢好乖，好錫我，唯有安慰自己，最緊要係佢乖，但聽到佢係咁講好鐘意xx小學，真係好無奈，乜都做唔到。呢間小學係好多人心目中係冷門，聽人話佢地自己區排到第4~5都派到，唉

作者: k_lego 時間: 12-6-12 10:18 標題: 引用："但今年忽然爆冷跑出喎"?++樓主女女係唔係

原帖由 cutebear123 於 12-06-12 發表
"但今年忽然爆冷跑出喎"? 樓主女女係唔係收咗la?

唔係啊，我意思係。。果間冷門小學以往幾年係自行收生階段都無收足人，即係必入既，今年忽然收夠左仲有20個waiting

作者: k_lego 時間: 12-6-12 10:20 標題: 引用：謝分享。女女咁乖，一定好快有好消息。

原帖由 MaiGao 於 12-06-12 發表
謝分享。
女女咁乖，一定好快有好消息。

希望你都係。今日個人神經緊張咁，電話一響就嚇到彈起咁

作者: klm402 時間: 12-6-12 10:22

回復 k_lego 的帖子

其實小朋友既一動一靜真可完全牽動到大人既情緒呀, 你努力啦, 只要你思想都正面, 你女女一樣都會得到最好既教育呀. 我會祝福你同你既小朋友呀. ^^加油加油.

作者: shevachevy 時間: 12-6-12 10:27

樓主加油, 你女女咁乖已經好安慰!!

作者: cutebear123 時間: 12-6-12 10:34

樓主加油 too!

作者: bb86 時間: 12-6-12 10:36

加油!!

作者: mandy304 時間: 12-6-12 10:39

做人道理一樣, 我們今天盡力去做每一件事, 也就是避免昨日後悔所難過, 既然今天你和你的子女已盡力去完成眼前的面試, 那何須為昨日後悔而難過呢? 現在的家長必須向前看, 那小朋友才為你以驕傲. 小一六年的生涯, 更需要大家努力面對.

作者: k_lego 時間: 12-6-12 11:32

mandy304 發表於 12-6-12 10:39
做人道理一樣, 我們今天盡力去做每一件事, 也就是避免昨日後悔所難過, 既然今天你和你的子女已盡力去完成眼 ...

明白.....可能我真係太著重成敗...

派位7成幾頭3志願, 點解偏偏自己係果2成幾....

又好似見到個個都叩到門, 又有幾個offer, 點解自己又冇........

作者: k_lego 時間: 12-6-12 11:44

shevachevy 發表於 12-6-12 10:27
樓主加油, 你女女咁乖已經好安慰!!

係..雖然講聲"唔該"只係好基本既禮貌..,

但阿女由細到大都比較怕醜, 真係好努力教左好耐, 自己一日講好似傻婆咁講幾十次"唔該"

幫佢拎杯水要佢講, 拎碗飯俾佢要佢講, 開門俾佢要佢講

原來阿女o係唔洗我提點之下竟然做得比其他小朋友好,

我就覺得呢幾年黎講左幾千幾萬次唔該都係抵既...

作者: mandy304 時間: 12-6-12 15:29

興其教子女要有自信心, 跌倒起翻身, 倒不如自己樹立榜樣, 做個有自信心的家長. 子女的第一位老師. 咪就係家長本人呢. 今日第一關不是考驗你的子女, 係考驗你. 讓大家成長吧.

作者: k_lego 時間: 12-6-12 15:34

mandy304 發表於 12-6-12 15:29
興其教子女要有自信心, 跌倒起翻身, 倒不如自己樹立榜樣, 做個有自信心的家長. 子女的第一位老師. 咪就係 ...

你講得o岩, 我真係好無自信的人..

記得3年前去in幼稚園.. 仲係大型趁墟果隻.. 一入到去就覺得冇希望..

我要好好調節自己既情緒....

呢個問題真係好困擾我

作者: mandy304 時間: 12-6-12 15:54

好開心睇到你的回應, 能檢討自己, 己是成長的第一步曲. 其實我自己也在不斷學習中, 子女係我最大的人生原動力. 賽道上, 未必每個人都可以跑大直路, 有時轉個彎跑, 雖然比人跑遠了一截, 但可以完成並到達終點. 這就是人生.

作者: Ivy07 時間: 12-6-12 15:59

加油!不要放棄，我當年都派唔到理想小學，但阿仔就過左好開心的六年，有時塞翁失馬，焉知非福，就算唔係讀名校，只要努力，一樣可以成為Band 1 學生的。

作者: k_lego 時間: 12-6-12 23:00

mandy304 發表於 12-6-12 15:54
好開心睇到你的回應, 能檢討自己, 己是成長的第一步曲. 其實我自己也在不斷學習中, 子女係我最大的人生原 ...

多謝你咁有心回我....

我會再努力d!

歡迎光臨教育王國 (/)