教育王國

標題: LCM試場外媽咪捉個細路入廁格內打佢，嗚嗚嗚~ 要記住愛你的孩子重要過其他一齊呀！！！ [打印本頁]

作者: swmami 時間: 12-6-11 10:54 標題: LCM試場外媽咪捉個細路入廁格內打佢，嗚嗚嗚~ 要記住愛你的孩子重要過其他一齊呀！！！

想和大家分享今天所見的，希望各位媽咪發揮正能量影響身邊其他媽咪，做現今香港媽咪真不易，要懂得自我減壓，但最重要要記住自己其實為甚麼，是愛孩子，真正為他們好，不要本末倒置，破壞親子關係，咁就害佢哋同自己一世啦！

今早我見有個媽咪好開心同個細路一齊等考LCM（晴天），好正常。

但個細路開始緊張係度喊，媽咪開始失控（開始下雨）。

細路飲泣，媽媽手指指恐嚇話會打佢（開始閃電）。

個細路又開始喊，跟住都係入唔到去見考官（雷電交加）。

媽媽大怒，捉個細路入咗廁格內打佢，嗚嗚嗚~ 打咗好耐，四周圍啲媽咪同細路都聽到，聞者心寒（雷雨）。

跟住你估會點呀？

有些事或說話，一做咗講咗出去係收唔番㗎，傷害咗小朋友個心佢一世會有陰影影響佢一世，就算有幾嬲都停一停三思呀！

作者: may0928 時間: 12-6-11 14:07

作者: cutiebebe 時間: 12-6-11 16:51

其實個小朋友咁緊張點解唔係安慰佢而仲要打佢呢? 好可憐!

作者: swmami 時間: 12-6-11 19:08 標題: 回覆：cutiebebe 的帖子

老實講，當時個細路只係緊張到喊考唔到試，咁細個，換著係大人都會有緊張的情況，看上去個細路應該係個乖孩子，無扭計，浄係驚到喊，但佢媽咪見佢咁樣就唔滿意，無諗過最後佢會咁做，當時真係好恐怖好恐怖㗎！

作者: swmami 時間: 12-6-11 19:12 標題: 回覆：swmami 的帖子

其實試下好嬲時，慢慢深呼吸由1數到10，如果真係好嬲咪數多啲，之後個就會冷靜啲，我諗個結局會好唔同！

作者: mary2000 時間: 12-6-11 23:51

提示: 作者被禁止或刪除內容自動屏蔽

作者: susuwai 時間: 12-6-12 00:34

1，太恐怖了

作者: susuwai 時間: 12-6-12 00:35

，小朋友真可憐

作者: Yanamami 時間: 12-6-12 09:07

變態~~~

作者: kaman488 時間: 12-6-12 12:27

唉.....咩人都有

作者: 唔係化 時間: 12-6-14 17:10

個小朋友好可憐, 已經驚架啦, 仲要比人打

作者: bbaunt 時間: 12-6-14 18:11

swmami 發表於 12-6-11 19:12
其實試下好嬲時，慢慢深呼吸由1數到10，如果真係好嬲咪數多啲，之後個就會冷靜啲，我諗個結局會好唔同！
:l ...

好認同，我地自己考試、見工都會緊張，何況小朋友

作者: lojo11 時間: 12-6-14 19:13

係街都打... 咁係屋企咪....

作者: lovegirlslove 時間: 12-6-15 12:11

呢D家長已

走火入魔

作者: lcdtopcon 時間: 12-6-15 18:52 標題: 引用：想和大家分享今天所見的，希望各位媽咪發揮

本帖最後由 lcdtopcon 於 12-6-15 18:59 編輯

原帖由 swmami 於 12-06-11 發表
想和大家分享今天所見的，希望各位媽咪發揮正能量影響身邊其他媽咪，做現今香港媽咪真不易，要懂得自我減壓 ...

有一次帶呀仔去間centre考Trinity grade 1 oral ，當日已見一對父母帶着呀仔考，呀仔著住校服，只見呀爸呀媽在試埸不停提點，叫佢記住講乜講乜，到輪到佢嗰仔考，唔夠兩分鍾考官帶佢出外，佢呀仔不停大喊話「好驚呀，我唔識答呀，我唔知佢講乜」，父母沒有安慰，更責備他，可憐個小孩喊到當埸嘔吐在地上。
其實，那小孩在九龍塘出名的英文幼稚園讀，理應對慣英國人，唔會驚，我認為因為其怪獸父母比太大壓力比佢!

作者: manmanchubb 時間: 12-6-16 21:31

回復 swmami 的帖子

太可惡了

這位小朋友很可憐
比咁大壓力小朋友,
條件反射下考試/ 驚/ 唔順媽媽意 = 負面既事,
仲要令他蒙上陰影, 影響好深遠....唉...

作者: zuzu888 時間: 12-6-18 13:33

i will never do this, relax ourselves, the kid will also relax, they can feel it~!!

作者: mary2000 時間: 12-6-24 00:06

提示: 作者被禁止或刪除內容自動屏蔽

作者: rogerlam123 時間: 12-6-30 19:47 標題: 回覆：LCM試場外媽咪捉個細路入廁格內打佢，嗚嗚嗚~ 要記住愛你的孩子重要過其他一齊呀！！！

估計個媽咪係有情緒病，好易失控。小朋友亞爸有責任多加留意。

作者: Cake111 時間: 12-7-1 13:17 標題: 引用：在考場打小朋友的家長是最無能的，小朋友承

原帖由 mary2000 於 12-06-24 發表
在考場打小朋友的家長是最無能的，小朋友承受巨大的壓力，根本無法發揮出好的水準。家長不如檢討一下，在陪 ...

我小朋友都試過比賽發台瘟同考試吾肯出去，做父母嘅係o個一刻除左認同佢好驚嘅感受，就係抱住佢安撫佢，可以嘅就講下其他野分散注意，等佢心情平伏才有得傾，到最後真係做吾到都冇法，唯有放棄再檢討對策。自己都係過來人，好明白家長花左金錢時間無非為張cert，但為左張紙賠上親子關係，係米值得呢？

作者: Wishsss 時間: 12-7-8 00:53

Crazy

作者: mary2000 時間: 12-7-11 01:58

提示: 作者被禁止或刪除內容自動屏蔽

歡迎光臨教育王國 (/)