教育王國

標題: bb仔經常動手、動腳,話極都唔聽,我應該點做 [打印本頁]

作者: dickson仔仔 時間: 12-6-10 04:36 標題: bb仔經常動手、動腳,話極都唔聽,我應該點做

bb仔約10個月大開始,而家已經1歲喇!當bb開心,唔開心,或者有人抱起佢(包括:爸爸,媽媽),bb都會動手拍人,但我同老公從未在bb面前打架,連鬧交都冇,都唔知點解bb會咁,又時佢仲會一巴掌打面,我軟硬攻都試過,都唔得,究竟bb係唔明,定還是編要作對呢?唔該各位

作者: 外星人媽咪 時間: 12-6-10 12:47 標題: 回覆：dickson仔仔的帖子

可以比他返pg多D同小朋友相處！我囡之前都係咁，返著pg之後成個人都乖著，依家對人又有禮貌有點時總自己拿書睇！

作者: Andymammy 時間: 12-6-12 06:53 標題: 回覆：dickson仔仔的帖子

因為BB未識講野，有時會有特別的溝通方法！最緊要留意日後有否改善！我個仔未識講野時，面對想要既野，但我俾唔到佢，佢鍾意把頭撞落牆，發洩佢既無助感，但當佢識用說話表達，就唔撞牆喇！

作者: babyislove 時間: 12-6-14 10:11

dickson仔仔發表於 12-6-10 04:36
bb仔約10個月大開始,而家已經1歲喇!當bb開心,唔開心,或者有人抱起佢(包括:爸爸,媽媽),bb都會動手拍人,但我 ...

1歲仲係好細，可能又比較心急，所以當佢覺得表達o左你o地唔明，就會動手動腳去表示。

唔好太擔心，係一個過度期。隨住佢表達能力不斷進步(特別係用說話)，佢就唔會動手。

當然呢後期間，真係要有耐性。佢一動手，你第一時間捉住佢對手，要佢望住你，然後同佢講:「媽媽知道你唔開心，但係唔好打媽媽，媽媽會好痛。你慢慢話俾媽媽知，你係咪想xxxx?」

千祈唔好覺得佢係暴力就繼而鬧佢etc，咁樣反而會嚇到佢唔敢講自己想點。

當然佢係霸皇一定要掙取某D o野而發脾氣，就另計。呢d情況，簡單地處理 - time out，完o左之後用最簡單字句講番應有o既行為，然後請佢say sorry 再抱吓佢就夠。

係要一段時間，耐心去教，就會見到效果。加油

作者: winnietingting 時間: 12-7-6 12:25 標題: 回覆：bb仔經常動手、動腳,話極都唔聽,我應該點做

我個囡囡好埂頸（現23個月大）。有時攞咗d嘢(例如大人鞋），我搶返，佢會大喊。一唔鍾意，就喊同「份」在地上大叫，我兩公婆冇哂符。請問有什麼計仔？

感激不盡。

今年9月返think pn班，諗緊係咪k1應選嚴些kg鍛鍊她，定集中做好些家教，謝謝。

作者: angelkinki 時間: 12-7-9 09:01

dickson仔仔發表於 12-6-10 04:36
bb仔約10個月大開始,而家已經1歲喇!當bb開心,唔開心,或者有人抱起佢(包括:爸爸,媽媽),bb都會動手拍人,但我 ...

1歲可以教，每次你知道他會出手，你就要按住他只手先，唔好俾他有出手ge機會。其實小朋友打人，係一個習慣性ge動作，只要你減少他呢個動作發生ge機會，他慢慢個腦就會忘記呢個動作，甘他就唔會再打人。

而如果你按唔切，每次他出左手，你都應該同他say no，同埋同他講，我地唔可以打人，但可以摸，教他用摸ge方式代替打。

如果他係打你同爸爸，唔好生氣，唔好鬧，你可以扮喊，扮受傷。其實小朋友係好愛父母的，他們見到父母受傷，都會覺得唔開心。教他，如果他打你地，你地會受傷，會痛，會喊。他愛你地，就自然唔會再打。

我仔仔以前都會打人，後來有一次他打我，我喊，他就唔敢再出手la。

歡迎光臨教育王國 (/)