教育王國
標題: 我而家好擔心呀，我驚個細仔有過度活躍症… … [打印本頁]
作者: bersqu 時間: 12-6-8 13:05 標題: 我而家好擔心呀，我驚個細仔有過度活躍症… …
提示: 作者被禁止或刪除 內容自動屏蔽
作者: chaoren2005 時間: 12-6-8 14:55
咁細個就知有冇過度活躍症? 見咗醫生, 等專業人士證實咗先啦! 唔洗咁驚!
作者: zixinyu 時間: 12-6-8 16:07
回復 bersqu 的帖子
我都覺得咁細個check未必可作準, 我個仔大部份人見過都話佢似過度活躍, 兩歲時問健康院都話要等三歲返學先知，係咪要見醫生. 而家三歲返咗學,個班主任第二個星期已同我講我個仔好活躍, 玩起來好利害! 到而家返咗一個多月, 班主任無講什麼, 佢雖然活躍, 但仲跟到老師既規矩.所以而家仍在觀察中.其實小朋友活潑同活躍唔容易分別出來. 不過我都當我個仔係過度活躍咁教。
作者: chaoren2005 時間: 12-6-9 09:08
你應該睇睇 "專注力缺損及過度活躍症(ADHD)" 的病徵係咩嘢？
小朋友有些行為讓大人不理解，患有ADHA的孩子，在身體發展上出現了問題，而患有輕度的ADHD兒童及年齡特別小的，家長都不容易察覺，但當患者到了小學二年級時，因為學校投訴而家長要花長時間等候政府診所診斷後得知患了ADHD，孩子就浪費了一年多才得到治療，對於患有ADHD的孩子愈早確診愈早得到治療是最好，所以孩了在幼稚園時已經被發現，當他們入讀小學時，家長處理他們的問題會較為輕鬆一點。
作者: vwan05 時間: 12-6-9 10:50
咁你其他小朋友有冇事？會唔會關遺傳事？
作者: faye525 時間: 12-6-9 16:20
本帖最後由 faye525 於 12-6-9 17:02 編輯
樓主, 我小朋友係有輕度ADHD
佢係上左小二, 我先覺得好唔對路自己帶佢去私人度CHECK, 理由其中一樣, 係再排政府, 等得越耐, 問題拖得越耐, 小學課程係唔會停低, 咁只會越黎越唔掂
樓主: 幼稚園教師睇到有唔妥, 叫你CHECK, 我覺得老師好盡責, 因為雖然話咁細未必肯定到, 但係好老實, 你排期CHECK都要時間, 可能排得黎, 都差不多上小學... 樓主可以叫學校出信俾你去排~~
普通程度到六歲就可以好肯定係唔係,
嚴重既, 其實好多幼稚園時期已經CHECK到..
輕微係最慘, 好似我個女咁, 老師係有投訴過, 但係係學校根本覺得佢只係百厭小小, 唔覺佢去到ADHD, 係我, C6同身邊朋友都覺得唔妥, 尤其一上小二開學後, 我再頂唔順, 帶佢去私家CHECK完肯定到既~
所以做父母一定要相信自己, 有問題就要去面對, 咁先係幫到小朋友既~~
ADHD其實係無得醫, 如果選擇食藥, 係令到佢地腦本身唔著果PART (控制情緒, 同自理), 著返, 等佢地可以控制到自己~
但係藥力過左, 就會打回原形, 你睇到咁, 可能覺得: 咁即係無用?
唔係的, 醫生有講過, 係佢地食左藥既時候, 教佢地規則, 令到D規則成為生活習慣, 日子耐左, 佢地就會知邊D野做得, 邊D唔做得, 咁就可以斷藥, 但係其實佢地個病係仲係度, 只係唔會咁易再做一D唔做得既野,
通常成年人既ADHD患者, 你會發覺佢地好多口水, 講唔停, 好易興奮, 忍唔到悶, 做事易粗心大意(我有個朋友係咁, 佢知自己有ADHD既) 唔似小朋友時期坐唔到係個位度, 走黎走去, 因為人大左, 會知醜, 會識控制自己..
但係呢個過程係要好多年, 第一關係小學, 當你以為定左落黎可以斷藥時, 就會到最難果關, 青春期!! 佢地會因為荷爾蒙既改變, 再次出現好大既問題, 要真正捱過果關, 先可以以後斷藥囉...
當然仿間仲有好多方法, 可以不防一試既~~ 因為人人唔一樣, 方法A岩你小朋友, 唔代表岩B小朋友
例如魚油係我小朋友身上完全冇用, 食完仲活躍左~ 跟住先知, 魚油唔係人人食得,
戒口係大部份媽咪都會做既野, 唔飲汽水, 唔食糖, 唔食朱古力, 唔食含有酒精既野 (煮飯唔好落燒酒, 西式CAKE好多都落左酒), 提佢大個左都唔好飲酒~~ (佢地大個都好易酒後出事)
作者: wan_sosin 時間: 12-6-9 23:29
我個仔K1,都等緊CAC評估,相信排到10月左右,早D知,早D處理,好過到問題出晒黎才理!
作者: shirleycnf 時間: 12-6-9 23:52
Hello faye525, 好多謝你的意見, 我終於收到油麻地診所叫我6月尾帶個仔去見精神科醫生, 我估計佢到時會開藥比我個仔食(因之前見過心理學家都話應該要吃藥), 雖然佢9月1先至P1, 我真係好希望快D開藥, 因為我就黎比我個仔攪到我精神病, 今日帶佢番小學聽講座, 佢響人地個禮堂周圍走, 又手多多周圍攪, 我真係覺得好辛苦
作者: zixinyu 時間: 12-6-10 00:51
做媽咪真係唔容易啊，自己都怕有精神病啦，加油
作者: chaoren2005 時間: 12-6-10 08:55
要上網穩多D資料。有很多機構都會搞里方面的講座和給大人丶小朋友的訓練，如協康會丶小童群益會丶聖公會家庭福利中心等，你可上他們的網頁看看有否適合，也可看相關的書籍參考。
作者: faye525 時間: 12-6-11 02:38
回復 shirleycnf 的帖子
加油呀!!
好明白你心情
我未帶個小朋友去睇醫生前幾個月, 我都覺得自己變左有精神病架....
我好記得小朋友第一日食藥做功課既情況, 我係感動到喊左出黎......
之前從來未試過咁順利咁快架.....
(當然打後日子就有上有落啦~~~ 但係都好過唔食藥多多聲啦)
作者: vwan05 時間: 12-6-11 09:25
回復 wan_sosin 的帖子
排期都幾耐，唔好想太多，快D送距去睇睇
作者: zixinyu 時間: 12-6-11 12:06
西醫就比較有數據d，但西藥對小朋友身體有影响，有時大人都頂唔住d西藥，何況小朋友。而且西藥係無斷尾呢回事，一定要keep住食！
而中醫多數用針，但要小心，施針要搵有信譽既，註冊中醫師，而且食中藥就少好多副影响。不過都長期戰，唔好覺得兩三個月醫得好！
作者: wan_sosin 時間: 12-6-11 15:17
回復 vwan05 的帖子
排緊架啦!多謝關心!我個仔剛4歲,行為同情緒時好時壞,小童群益會社工話佢唔係嚴重,亦有可能只係踩界.但佢起落好大,差嘅時間有時都會無從入手.都係要評估下先知.
作者: faye525 時間: 12-6-11 16:15
本帖最後由 faye525 於 12-6-11 16:24 編輯
回復 zixinyu 的帖子
西藥有斷尾既
不過要個患者識控制自己既時候
例如小朋友時期食藥, 就多數要去到高中既時候先斷到~~~ 係好好漫長日子.....
針灸, 我知有用
不過老實, 有幾多個小朋友唔怕針??? 仲要插到周圍都係, 仲要叫佢地唔郁..... (可以唔郁就唔係ADHD啦)
我覺得難度好高囉....同埋我搵過坊間資料話針灸最有效係六歲前....我小朋友八歲, 問過兩三個地方都話未必有用了....
我小朋友仲要本身超怕打針, 佢次次見到我自己打針, 佢都可以驚到叫出黎....佢自己打針就次次都又叫又喊一大餐....仲要起碼搵兩個人捉住先得 (上年小一係學校打針都係咁)
所以針灸唔岩我小朋友用....
中藥, 又唔係個個小朋友肯食.......我小朋友苦小小都食唔到, 平時西藥傷風感冒, 細時食藥水, 佢吞左落肚都好啦, 佢唔夠一分鐘會全部同你嘔返晒出黎.....而家大左可以食藥丸先解決到呢個煩腦...(咳藥仍然都係大作戰), 中藥佢一聞已經反胃想作嘔果隻.....
其實坊間傳既方法有好多, 但係岩唔岩用真係人人唔同........
做父母先知乜野岩自己小朋友
我同C6諗左都試左, 唯有西藥先岩我地.....
魚油唔好提添....我小朋友食完衰多幾錢重...........
作者: chaoren2005 時間: 12-6-12 09:32
回復 faye525 的帖子
( ⊙o⊙ )哇，咁你里個媽咪真係好辛苦，乜都比距試試，試到最啱為止，每個小朋友都唔同情況，真係少D心力都唔得啊
作者: zixinyu 時間: 12-6-12 12:01
比我搵到d有關活躍症既資料，係唔係都好，做家長都要做足功課。
專注力不足過度活躍症
專注力不足過度活躍症（Attention deficit hyperactivity disorder，簡稱ADHD）或稱注意力缺失症（Attention Deficit Disorder，簡稱ADD）是一種常見的狀況，目前常見的案例以兒童為主，但此類狀況也會在成人身上出現。在7歲以下，約有3％至5％的兒童患有此症，男多於女。
目前沒有任何確切證據證實導致這種病症的原因，但相信有一定程度的遺傳因素。
ADHD的病徵可概括分為三大類：
注意力散渙（inattentive）或 集中困難（Attention-deficit）
活動量過多（hyperactive或hyperkinetic）
自制力弱（impulsive）
ADHD的主要症狀包括：
1、 容易分心
2、 衝動
3、 靜不下來
4、 做事易拖延
5、 記性極差，容易忘記自己要做什麼事情（但對於一些瑣碎事情又記得很清楚）
6、 讀寫困難，包括寫錯字、閱讀時會跳行或無法理解文意等
7、 缺乏組織能力，不能把自己想說的話、想做的事具體地表達出來
8、 社交能力較低落
9、 缺乏耐性
10、 表現有時好有時壞
11、 總是被不了解ADHD的老師(兒童)或上司(成人)視為不夠努力或懶惰
作者: cherryird 時間: 12-6-12 14:43
提示: 作者被禁止或刪除 內容自動屏蔽
作者: vwan05 時間: 12-6-13 09:27
回復 faye525 的帖子
里位媽咪真係乜都試過，真係要穩一個啱自己小朋友嘅方法去醫先得
作者: chaoren2005 時間: 12-6-13 10:57
回復 cherryird 的帖子
我覺得應該唔係，至少距會專注某一D嘢啊
作者: zixinyu 時間: 12-6-14 09:24
在古代中醫醫籍中無「多動症」。但根據其神志渙散、多動多語、衝動不安，可歸入“躁動”證中; 由於患兒思想不易集中而導致學習成績不理想，又與“健忘”、“失聰”證有關。 本病的發生與先天不足、後天失養、久病傷陰、思慮驚恐等有關。可大致分為以下三種證型:
肝腎陰虛
患兒煩躁多動、衝動任性、睡眠不安、踢被、怕熱、口乾唇紅、大便乾結、舌紅少津等
心脾兩虛
患兒精神散渙、多動不安、情緒不穏、頭暈健忘、臉色萎黃、神疲乏力、食欲不振、大便溏瀉、舌淡苔白等
三. 痰火擾心
患兒精神散渙、多語哭鬧、任性衝動、胸悶脘痞、喉間痰多、目赤口苦、小便黃赤、大便秘結、舌紅、苔黃膩等
治療「多動症」可以採用針灸的方法治療(頭皮針 + 體針)，配合內服中藥，可調整五臟六腑之經氣，平衡機體之陰陽，以達到治療效果。
頭針,是在頭部特定的刺激區運用針刺防治疾病的一種方法，主要用於中樞性運動障礙和皮膚、肌肉的感覺異常，如偏癱、腦炎後遺症。頭針的定位依據除了臟腑經絡理論外,另一部分是根據大腦皮質的功能定位，在頭皮上劃分出相應的刺激區進行針刺, 此療法非常安全,簡便易行，而且無副作用,對腦部引起的多種疾病有獨特的效果。
此外，因應患兒個別的情況提供專注力訓練、社交技巧訓練及讀寫障礙訓練等等都是不可少的。家長亦需要在醫生、治療師的指導下把相關訓練融入日常生活中，使效果更理想。
轉載自
http://www.dstcm.com/catalog/hea ... ogDetail.php?id=355
作者: shirleycnf 時間: 12-6-14 09:52
我有朋友個仔有做針灸, 個醫師同佢講做果段時間不會長高, 佢好似做左30次, 果幾個月真係無嘜高到, 雖然我朋友話做完之後真係定當左, 但我真無唔想我個仔果3個月唔長高同埋唔知有嘜手尾
作者: vwan05 時間: 12-6-14 11:29
回復 shirleycnf 的帖子
咁你朋友有冇問清楚個中醫師啊？會唔會有乜手尾？
作者: chaoren2005 時間: 12-6-15 10:22
回復 shirleycnf 的帖子
唔會長高？點解嘅？
作者: vwan05 時間: 12-6-15 13:07
回復 shirleycnf 的帖子
你個FD個仔去邊間中醫睇？
作者: laiyuen 時間: 12-6-15 14:40 標題: 回覆：我而家好擔心呀，我驚個細仔有過度活躍症… …
我個仔舊年暑假開始做針灸+中藥，做左30次（共3個療程），做完個人真係定左好多，老師都話佢比之前乖咗好多。不過放完暑假返學好明顯其他同學高咗好多，但係佢無咩高過，好彩佢本身都高大，所以都ok。我問過中醫，佢話針灸只會推遲咗高而唔會令佢唔高。除左呢樣，我唔覺得有咩其他副作用，所以我覺得比西藥安全。同埋佢停咗針灸之後即刻係咁標高，我見佢上年同今年一樣高咗6cm, 即係應該無高少咗啦。
作者: zixinyu 時間: 12-6-16 17:06
係啊，我上網穩到嘅資料都係差唔多，副作用不大！！
作者: chaoren2005 時間: 12-6-16 23:24
暫時唔會長高係咩原理呢？我未搞明
作者: psv 時間: 12-6-16 23:32
回復 laiyuen 的帖子
可否pm有關針灸資料給我？停咗針灸會否倒退？謝謝！
作者: vwan05 時間: 12-6-17 08:45
回復 laiyuen 的帖子
其實點解暫時唔會長高呢？
西醫又驚D西藥系體內積聚，哎
作者: laiyuen 時間: 12-6-17 09:21 標題: 回覆：我而家好擔心呀，我驚個細仔有過度活躍症… …
我個中醫話因為小朋友體內有好多火，因為火係幫助生長/發育/長高，亦因為多火，所以小朋友會活潑。但係如果太多火，就會變成太活躍，相反唔夠火既小朋友會好靜內向，同時大部份比較身型細小。針灸+中藥就係幫佢減左D火，亦同時調節身體，令佢成個五臟調節返好。火少左自然會定D。完左針灸因為無外來野禁住D火，所以自會増高返。同埋完左針灸會活躍返少少，但都明顯地比以前好。同埋要keep住俾滋陰既食物俾佢，可以keep住無咁多火。
同埋其實有針灸服務既中醫都應該可以幫到大家，我只想分享中醫既好處，唔想賣廣告，所以唔pm啦，請見諒。
作者: zixinyu 時間: 12-6-17 17:08
回復 laiyuen 的帖子
你講D野真系好中醫，哈哈，不過多謝曬，系好好嘅經驗之談
作者: psv 時間: 12-6-18 00:36
回復 laiyuen 的帖子
可否pm中醫資料給我？Thank you!
作者: psv 時間: 12-6-18 00:40
想請教各位，小朋友真係郁到無時停，又手多周圍攪，點樣落到針？會唔會針唔到或小朋友"蚊"到d針？謝謝！
作者: chaoren2005 時間: 12-6-18 09:39
回復 laiyuen 的帖子
原來係咁，好多火！！
作者: vwan05 時間: 12-6-18 12:15
回復 laiyuen 的帖子
體內有火.....
作者: faye525 時間: 12-6-18 14:48
回復 psv 的帖子
我小朋友試過...
係針唔到..........我小朋友主因係因為真係好驚打針果類....驚得好緊要果D
醫師叫佢唔好驚, 唔好喊, 唔好郁....但係我個女冇辨法...佢怕到縮埋一舊....
真係落唔到針......
所以我都覺得唔係個個小朋友都岩用針灸呢個方法...
仲要針完都要坐定定一陣喎.......
我都諗緊點叫小朋友坐定一陣........(不過都未有機會去到呢步)
作者: laiyuen 時間: 12-6-18 17:15
本帖最後由 laiyuen 於 12-6-18 17:16 編輯
我係俾我仔玩住電話做針灸，我知咁樣唔係幾好，但呢個係唯一可以令佢暫時坐定定既方法。
另外，我個仔頭幾次針既時候係無咩痛架，直頭拮落去佢都無野，又唔痛，但係針多幾次之後，佢既神經會明顯敏感左（咁即係開始有效），就開始覺得痛，每次落針都要兩三個人禁住佢，不過浮係落針果下，入左就有D痺唔痛。所以做父母都要忍耐到呢關，因為見佢咁樣真係會好肉赤架，起碼我見到佢咁真係會喊，不過當見到佢既改變時，會覺得係值得既。起碼識我仔既人會覺得佢針完真係乖左好多好多，我以前都唔信中醫，只係有朋友同我講佢有朋友試過，真係好work，而我老公又同意，我先姑且一試。
不過我要重申，我只係想分享經驗，希望可以幫到有需要既父母。但我唔知係咪個個做完既效果都係咁明顯，同埋就算針完好左，都唔係一了百了，仍然要有無比既愛心，耐性去了解佢行為背後既問題，再加上適當既管教，因為隨著年紀越大亦會出現唔同既行為問題，所以到宜家我仍然會俾個仔激到彈起。
作者: vwan05 時間: 12-6-19 09:56
回復 laiyuen 的帖子
真係要好忍心去做先得，以前我個仔都係好驚針啊血啊之類咖，搞到距宜家都6歲啦，但中係好細膽，我都好後悔當年點解唔狠下心腸俾多D訓練距，次次見到距驚或者喊都會覺得好心痛，之後就算啦，等距大個D先啦，其實真係好錯，累埋個細路~~越大就越難教越難學
作者: chaoren2005 時間: 12-6-19 12:20
回復 faye525 的帖子
咁又真係幾難搞~~
不過凡事都有原因嘅，你睇下距點解會驚打針之類
之後對癥下藥我覺得可以搞掂咖
不過一定要俾好多心機同距傾觀察距先得
作者: laiyuen 時間: 12-6-19 14:45
vwan05 發表於 12-6-19 09:56 
回復 laiyuen 的帖子
真係要好忍心去做先得，以前我個仔都係好驚針啊血啊之類咖，搞到距宜家都6歲啦，但中 ...
作者: faye525 時間: 12-6-20 00:41
本帖最後由 faye525 於 12-6-20 00:42 編輯
回復 chaoren2005 的帖子
因為佢本身好怕痛...
我從來都冇呵佢, 只會叫佢忍...
但係可能因為佢次次都太驚打針, 攪到D肌肉好實, 變左次次打完都會瘀一大撻同埋會痛到佢唔想郁果隻手...
以前又入過院兩三次, 吊水, 打針, 仲做過手術..
變左佢真係好怕針呢樣野.......
一見到支針都喊定先果隻.....
佢而家八歲半都係咁, 我都幾頭痛架....
平時同佢打流感針, 自己個相熟私家醫生咪慢慢同佢講下試下, D姑娘又同佢講笑, 唔會好用力捉實佢, 主要都係我攬住, 咁先可以大約係五分鐘到打到針咋..
學校果D一野打落去架嘛...咪次次都喊到七彩, 仲要俾同學仔笑囉.....
上次係學校打完, 真係瘀左半個月先散 係超深色果種...俾私家醫生望, 都話可能咁岩個到校姑娘手勢唔好, 政府D針又粗, 我個女又驚D肌肉緊晒, 所以攪成咁...
所以我覺得個女D陰影好深刻下....
作者: zixinyu 時間: 12-6-20 09:43
回復 faye525 的帖子
你仔咁應該有原因嘅，要想到個方法來解決先得
之前聽過一個講座，小朋友係完全可以教到嘅，只是你點樣去穩方法來教，首先就要知道原因
所以少D觀察力都唔得~~
作者: chaoren2005 時間: 12-6-20 12:33
回復 faye525 的帖子
我覺得距太‘爹’啦，唔好咁寵距
作者: vwan05 時間: 12-6-21 08:56
回復 laiyuen 的帖子
恩，所以宜家我都係盡力去改善返個仔D習慣
作者: zixinyu 時間: 12-6-21 11:52
回復 chaoren2005 的帖子
其實好多時都係D家長寵壞D小朋友，要提早俾距哋獨立先得
作者: faye525 時間: 12-6-21 18:23
回復 zixinyu 的帖子
我有小小想反駁下~~ 重點唔係同大家嘈交~~~只係講返件事出黎唧
我個女係好怕打針, 呢樣係好難要佢去刻服到, 我前文都有提過, 佢入過幾次院, 做過全身麻醉手術, 抽血打針, 吊過幾次水, 有一次仲成個星期,
佢係呢幾次之後就變得好怕打針.....呢樣野我覺得好難怪佢....佢果時只係幼稚園生, 咁細個就發生D咁既事, 嚇怕左一D都唔出奇, 我唔覺得咁叫寵壞左~
第二, 佢係K2升K3暑假時已經自己學識洗頭沖涼, 小一已經學識幫我洗碗, 而家小二日日都會幫手執抬同抺枱, 仲識開機洗衫. 沖完涼仲會去拖返乾個廁所地下.
我唔覺得我寵壞左佢......
只係係打針呢件個別事件上, 我仲未搵到辨法令佢去克服.....呢樣我唔打算去勉強佢
因為C6話, 有D大人, 見血都暈啦, 好多女人見到小強大呼小叫, 咁又點計???
每人都總會有D野係驚......只要佢其他方面OK就可以....
作者: vwan05 時間: 12-6-22 08:43
回復 faye525 的帖子
哇，原來你女經歷左咁多，真係慘~~~
難怪距驚，因為已經成為陰影
作者: chaoren2005 時間: 12-6-22 14:30
回復 faye525 的帖子
睇來你個女好似真系有心裡陰影，咁樣真系好難克服，真系好慘，甘細個就要受苦
作者: zixinyu 時間: 12-6-23 08:17
回復 faye525 的帖子
冇事嘅，隨著年齡長大應該情況會好轉
作者: vwan05 時間: 12-6-23 15:27
有時童年陰影真係好難搞嘅，好似我個仔咁，以前細個驚剪指甲，之後夾硬幫距剪，宜家咁大都唔敢剪指甲，雖然距知道唔痛，但就係好驚！
作者: zixinyu 時間: 12-6-24 09:27
回復 vwan05 的帖子
剪指甲都驚啊？如果係咁真係幾難搞
作者: chaoren2005 時間: 12-6-24 20:07
人哋話銅鑼灣有間專門有治療活躍癥嘅中醫館，可以去諮詢下
作者: zixinyu 時間: 12-6-25 09:23
回復 chaoren2005 的帖子
係啊，我都見過，好多人
作者: vwan05 時間: 12-6-25 15:08
回復 zixinyu 的帖子
係啊，好頭痛，而且我個仔好細膽
真係擔心距唔知有冇咩暗病
作者: chaoren2005 時間: 12-6-26 09:33
有時真係覺得唔生好過生了，成世嘅責任
作者: zixinyu 時間: 12-6-26 13:23
回復 vwan05 的帖子
應該唔會吧，多D留意距，俾多D心機同距傾下計
作者: zixinyu 時間: 12-6-27 09:02
俾專業醫生睇睇先
作者: alaw 時間: 12-6-27 13:05
宜家好多小朋友都係咁啊， 幼兒園就有幾個
作者: vwan05 時間: 12-6-28 09:12
回復 zixinyu 的帖子
我覺得同小朋友溝通真係一門高深嘅學問
作者: alaw 時間: 12-6-28 12:19
回復 faye525 的帖子
聽到你咁講我都覺得好心痛，可憐
作者: faye525 時間: 12-6-28 18:41
回復 alaw 的帖子
當時係好心痛架....
但係冇法....唔通有事唔醫咩........
不過, 放心呀!!
佢而家好精靈架~~~~
一日駁咀駁到黑....成日俾我炳!!!
作者: zixinyu 時間: 12-6-29 08:39
其實邊個唔想自己仔女好啊，正所謂養兒100歲長休99
作者: chaoren2005 時間: 12-6-29 15:01
有聽見施舌針~~~
作者: zixinyu 時間: 12-6-30 10:21
係咪生活環境造成咖？定系天生就已經有？
作者: alaw 時間: 12-6-30 12:21
回復 chaoren2005 的帖子
個小朋友點會坐定定俾距整？暈
作者: vwan05 時間: 12-7-1 07:39
回復 zixinyu 的帖子
係咪後天嘅環境，飲食各方面搞成咖？
我覺得里個成因大D
作者: chaoren2005 時間: 12-7-1 22:21
回復 zixinyu 的帖子
有遺傳因素
作者: alaw 時間: 12-7-2 09:13
回復 chaoren2005 的帖子
同意，遺傳
作者: zixinyu 時間: 12-7-2 15:00
作者: alaw 時間: 12-7-3 09:33
回復 faye525 的帖子
哈哈，有信心一定得
作者: chaoren2005 時間: 12-7-3 12:16
回復 zixinyu 的帖子
里句講得真啊，做父母真係好憂心的
作者: vwan05 時間: 12-7-4 09:10
我都有聽講有遺傳，但我覺得後天都好重要咯
作者: alaw 時間: 12-7-4 12:28
有冇家長去資料過啊？
作者: zixinyu 時間: 12-7-5 09:53
如果成日冇時停，叫距做作業又唔肯，只是對距自己中意嘅嘢比較有耐性，甘樣應該冇問題吧
作者: chaoren2005 時間: 12-7-5 12:39
回復 zixinyu 的帖子
冇問題啊，系小朋友都鍾意玩唔鍾意做功課喇
作者: faye525 時間: 12-7-5 21:01
回復 alaw 的帖子
我查過好多資料了.....
作者: faye525 時間: 12-7-5 21:06
回復 zixinyu 的帖子
有樣野我想講好耐~
好多時, 好多家長都會問: 我小朋友冇時停, 不過睇電視/打機/做自己鍾意做既野事好專心架, 應該冇問題掛~~
醫生聽到你咁講, 一定會忽略你呢句~~
因為, 係任何人都會對自己鍾意/有興趣既事, 專心架啦~~~唔包括小朋友架! 大人都係架~~
ADHD既界定, 各位媽咪可以係YAHOO, 打ADHD, 真係大把網頁俾你地睇, 解釋得好清楚點樣為之有ADHD,
基本上, 所列出既既問題, 同時中七個以上+係兩個場合 (屋企+學校)同時發生就基本上可以去睇醫生CHECK下係咪真係ADHD架啦
而係唔計算, 打機/睇電視既坐定定架~~~總知小朋友鍾意做既事, 坐定係唔計的~~~
作者: faye525 時間: 12-7-5 21:16
本帖最後由 faye525 於 12-7-5 21:18 編輯
回復 vwan05 的帖子
暫時ADHD未有確定原因
科學上係睇, 人腦有一PART係負責控制自制力, 專注力, 情緒,
有ADHD既人, 天生果PART唔著~~
食藥係令到果PART著返~~~ (即係好似楂車咁...你唔撻KEY, 架車點郁呢).
所以暫時係話天生原因係好大~~多數父母其中一方有, 仔女有既機會都好高~~
至於反而有人所講後天既, 醫生有提過, 教養唔會令到一個人有ADHD, 只會令到個人好曳~~
而教養問題出現既曳, 係有方法去教...
但係ADHD所產生既問題, 唔係上下行為治療就OK...因為患者本身控制唔到, 所以只係淨上COURSE既作用, 咁多年黎得出既結論暫時都係成效差....
暫時大部份治療方法, 都係食藥+行為治療為主, 兩種方法同時進行既成效就高好多~~
仿間同時都出現魚油, 食療, 針灸, 生物方法...
我查左咁多資料, 我覺得如果家長經濟, 時間, 小朋友接受度各方面OK既話, 不況試下其他方法~~
因為反正ADHD呢個病, 暫時未有根治方法, 係安全情況下, 試下又無況既....可能當中搵到個方法, 會令到小朋友定好多呢......
作者: shirleycnf 時間: 12-7-5 21:50
多謝你的分享, 很詳盡. 我肯定我個仔是遺傳佢老豆的. 不過要我SUFFER 攞
作者: zixinyu 時間: 12-7-6 09:39
回復 faye525 的帖子
死咯，你甘講，搞到我好驚~~
唔計算自己興趣嘅嘢，甘距真係冇時停
連訓覺都要玩一大輪先得
作者: alaw 時間: 12-7-6 13:53
回復 faye525 的帖子
原來係咁啊，真係要check清楚先得
作者: hellokellymami 時間: 12-7-6 13:57
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |