教育王國

標題: 2012小一生報到 [打印本頁]

作者: 熹媽媽 時間: 12-6-8 12:36 標題: 2012小一生報到

兒子今年將會入讀小一，大家交流下好嗎？

作者: 熹媽媽 時間: 12-6-8 22:33 標題: 回覆：2012小一生報到

無人呀

作者: Teresatam 時間: 12-6-25 12:08

報到！你好嗎，我大囝今年都入讀小一!

作者: kuramatsang 時間: 12-8-1 18:47

HI, 我的仔仔也是9月小一

作者: 熹媽媽 時間: 12-9-4 15:07 標題: 回覆：2012小一生報到

你地派咗邊班呀？

我仔仔去咗1F班

作者: Teresatam 時間: 12-9-8 00:38

我仔仔派左去1C,無緣一班,真可惜呢！

作者: 熹媽媽 時間: 12-9-9 21:37 標題: 回覆：2012小一生報到

你好呀

你仔仔有無參加課外活動呀？

我仔仔參加咗lego同功夫呀.唔知有無緣分一齊玩呢

作者: kuramatsang 時間: 12-9-10 23:11

hi 我仔仔也是1F

作者: kuramatsang 時間: 12-9-10 23:12

我係千千媽

作者: micky06 時間: 12-9-12 12:06

你好,我女女1C

作者: Teresatam 時間: 12-9-13 00:58

熹媽媽、千千媽、micky06，你地好呀，我囝囝叫庭謙，佢係1C班其中一位男班長，大家一齊交流下！想請問大家知唔知哩間學校有冇得參加童軍㗎？唔見學校派有關興趣活動俾小朋友報？

熹媽媽：我囝囝參加左管弦樂團嘅長笛

作者: micky06 時間: 12-9-14 10:49

童軍,,,我都想知!
我女女參加中國舞
我係 kiu ma

作者: Teresatam 時間: 12-9-15 03:14

Kiu Ma: 我問過林老師喇，原來3年班開始先可以參加童軍㗎！1年班未有得參加住

作者: skwai888 時間: 12-9-16 19:14

我囡囡讀1F班，千千坐隔離呢~

作者: 熹媽媽 時間: 12-9-17 23:06 標題: 回覆：2012小一生報到

我個仔叫熹熹

坐窗口個邊數第二行第二個

唔知幾時有免費課外活動呢

作者: Teresatam 時間: 12-9-19 23:09

大家本週五(21/9)會否參加家長會？

作者: micky06 時間: 12-9-20 14:32

Teresatam
,21/9)會否參加家長會...i will join

作者: Teresatam 時間: 12-9-20 23:43

Kiu Ma: I will join 2! 我都報左明天4:30pm 嗰個英語工作坊，睇下點樣教阿囝學英文才令他有樂趣

作者: micky06 時間: 12-9-21 08:59

我都有報名英語工作坊!,,,我覺得升小學...默書..好深...因為我間幼稚園無默書..所以串字對我女來說是難.

作者: Teresatam 時間: 12-9-21 16:38

謙謙間幼稚園K3開始就幫佢地默書打定底就好d!

作者: micky06 時間: 12-9-21 23:01

今天唔知邊位係謙媽...我係坐門口,超多野問個位

作者: Teresatam 時間: 12-9-22 00:42

Kiu Ma: 我坐左喺窗嗰邊，問過林老師點解訂校服表格上冇標有得買男生領呔嗰位媽媽？

作者: micky06 時間: 12-9-23 09:01

咁我知邊位!在場不是太多港媽媽

作者: micky06 時間: 12-9-23 09:11

大家好!呢間學校唔知有無義工家長呢?

作者: Teresatam 時間: 12-9-23 14:20

Kiu Ma: 咁你又問過d咩問題，等我可以remind下嘛！

深水埗情況係咁，港媽媽佔嘅數目喺一班係少d

作者: micky06 時間: 12-9-24 08:52

我咪問,中文默書用普通話or粵語,有無平台幫

作者: Teresatam 時間: 12-9-24 23:21

有d印象

作者: kuramatsang 時間: 12-9-28 17:28

回復 skwai888 的帖子

^^! 阿仔好反斗......... 日日都比呂老師話.....唉~~~

作者: kuramatsang 時間: 12-9-28 17:31

本帖最後由 kuramatsang 於 12-9-28 17:31 編輯

回復 micky06 的帖子

[size=14.999999046325684px]中文默書用普通話, 搞到我都要用[size=14.999999046325684px]普通話讀比佢, 仲要唔知讀得準唔準 [size=14.999999046325684px]

作者: kuramatsang 時間: 12-9-28 17:33

而家有無50%係港媽.... 好似好少呀~!

作者: 熹媽媽 時間: 12-9-28 20:09 標題: 回覆：kuramatsang 的帖子

我今日接放學時見到佢好叻仔呀！自己做功課！

作者: micky06 時間: 12-10-2 15:07

我普通話,都唔多得!唔知學校有無得上網讀!
呢間學校..我估一年級...最多得10-20%係港媽

作者: Teresatam 時間: 12-10-3 15:18

未開學之前上過基福個網，知道小一&小二中文課用普通話教授，所以暑假期間請左個補習老師上門教謙謙普通話拼音&備中文書課文，打定底所以好好多，補完個暑假已冇繼續補，因為佢話謙謙已經足夠應付小一嘅普通話課程；再者我讀書時也有普通話堂，雖然未必十成十記得，但也算暫時應付得來。

作者: micky06 時間: 12-10-3 23:54

嘩!勁呀!我唯有比番責任比小朋友,同佢講爸媽都唔識普通話,靠自己!

作者: Teresatam 時間: 12-10-4 00:38

謙謙暫時都適應得ok, 這2次中默都能取得100分；英默就漏了一個標點得99分，遲下d野再深d再難d時就可不擔保了。

Kiu媽：若課文中有咩字讀唔到，睇下我幫唔幫到手，盡量寫d拼音俾你，希望能夠幫到你。

作者: micky06 時間: 12-10-4 12:00

回復 Teresatam 的帖子

THANK YOU!

作者: micky06 時間: 12-10-4 12:12

暫時不用住,我始終希望佢靠自己,等佢知無人幫..唯有留心些上堂..
我個女默書暫時未有100, 得9X..唯有叫佢加油.
謙謙都好叻...請問溫/中英文...有咩方法另佢記得??
請問你是全職媽媽/返工?小朋友做功課耐嗎?
我個女做功課有時唔識,等我放工,已8點..教得功課來,未必有時間溫書..因9點半要訓!頁

作者: Teresatam 時間: 12-10-4 13:39

囡囡都叻，靠自己都攞到9X，唔錯喇！

唉！在職媽媽係辛苦好多，我都要番工，𣎴過我就幸運d，因為同屋企人住嘅原故，我爸爸會跟佢功課，我放工番黎同佢温習，但係有一個弊處係我爸爸好易會俾答案我個囝，阿囝一話唔識，佢就會講答案然後問佢係唔係咁，我覺得咁唔係咁好，因為會令佢太過依賴&令佢缺乏左自我思考嘅空間。所以通常放工番到去都8點幾，温完默書再會問下佢當日做功課𥚃面嘅問題，確保佢明白。我成日同謙謙講唔可以為交功課而做功課，做功課係一種知識吸收&溫習形式，你要明白到時測驗考試先會識答，到時公公、爸爸&媽媽唔會喺你身邊俾答案你。

至於默書溫習模式：
中默-多數會叫佢自己睇下課書，用紙寫下唔識嘅字，佢話ok就幫佢默
英默-我會讀俾佢聽叫佢跟住讀，然後問下佢知唔知每句嘅意思，唔知的話會逐個字逐個字問佢點解，然後叫佢將成句意思講出黎，再之后就係抄，抄到識之后就開始幫佢默

作者: micky06 時間: 12-10-4 22:37

謝謝你的意見!
佢唔係靠自己,都係要我幫佢默.只不過我用廣東話默,不過好容易會忘記.我的方法同你差不多..都係叫佢抄.有時今日識,明天會忘記.!不過我都做過學生,明白臨場表現.只要同佢溫哂,佢盡了力就可以了(係咪太鬆?)
至於功課,我都好頭痛,當然唔想找補習社,我怕會從此依賴

作者: Teresatam 時間: 12-10-5 12:14

我都會怕謙謙唔記得，所以由派默書範圍開始就會每日大概同佢默2次，直至默書當日，確保佢完全記得，其實佢同我都幾辛苦，但為了爭取好成績唯有要付點兒代價，再者宜家先至係開場，都未到戲玉，到時會更辛苦。

至於補習我建議你上門補會好d，因為補習社太多人一班，好難學到野同難於專心，亦會分薄左問老師問題嘅時間。其實上門補習都只係$70-80/1小時，同出面補習社差不多，但個老師就尊注你囡囡一個，加上你可以要求個補習老師用咩方法教你囡囡，確保佢唔會只給答案俾囡囡

作者: micky06 時間: 12-10-5 12:37

回復 Teresatam 的帖子

我知私人好些,但要搵到好的人選.是有難道!
我個人理想..最好我返屋企前佢做唒功課...之後等我返來同佢溫書.坦白講而家除了溫默書,其他科目都唔特閒同佢溫.呢間學校都她多野攪,又睇英文書仔,又上網..好唔得閒.
你講得好對,而家未到戲玉..其實學校教的東西好快,好似形容詞,我個女都唔知咩,上次做工作紙,用的,地填充題,基本上佢唔多明白,上星期共,見到林老師,我都問其實佢唔多明形容詞,咩時候用的,咩時候用地,,老師都話要依靠家長在家教佢,單靠上堂是不足夠

作者: Sandy.cheong 時間: 12-10-6 13:04

大家好，小女入讀1c班，覺得進度幾快，兩個禮拜默一次中文，每次兩課，由幼稚園剛升上小學都唔輕易跟到。上禮拜同林老師傾咗一陣，佢話中文真係要浸，建議除咗多睇書，仲要小朋友講番出書嘅內容，多用文字表達，因為遲下要作文，二年級下學期要寫一百字。大仔剛升中，所以知道中文係好多小學生的弱項，尤其係閱讀理解，真係要個小朋友理解一篇中文，過程會令人都癲，奈何佔分最多...

作者: micky06 時間: 12-10-6 23:13

Sandy: 你好!好開心又識多一個1c班家長.你都覺進度快,,我都好覺,可能我個女是讀幼兒院.程度比較淺,所以我都覺進度幾快,特別是中文,好多字相信都未必識,莫話睇書,而家每晚做完功課,有時間溫下書,故事都唔多得閒講,外間常說基福超淺,而家我開始覺時間唔多見洗,其他聖紀文,荔天..更加不能適應

作者: Teresatam 時間: 12-10-6 23:38

係喇，又要學形容詞、動詞、名詞，好怕佢攪亂，所以我都有同佢慢慢分析，例如形容詞係用來加以形容句子中後者物件，形容詞在句子中其實可有可無，用於擴張句子及把物件詳細形容給其他人知道。作業裡的例子：我看見圓圓的月亮。我會解釋俾佢聽其實句子可以寫成（我看見月亮。)便可以，句子中圓圓的其實可有可無，但為了要讓人詳細知道月亮是甚樣的，因此我們便要加入形容詞來擴張這句句子用於詳細解釋給別人知道。

再者，我會在作業中找一些有形容詞的句子反問他那個是形容詞，答對的話，還會問他那個形容詞是用來形容句子中甚麼物件，讓他反思一下及確保佢並不是撞答案！

作者: Sandy.cheong 時間: 12-10-7 10:49

大家一起加油啊！真的開始要用兩個週末溫默書，她的幼稚園校長已提醒我們，升小學後的玩耍時間只有幼稚園的四分一，比我大仔以前初升小學時更辛苦*=*

作者: micky06 時間: 12-10-7 17:20

係呀,以前,我們會係星期日,同圍去玩...而家只可以長假先得.報紙成日話我們是怪獸家長,根本係社會/學校做成

作者: Teresatam 時間: 12-10-7 19:56

係喇，唯有大家一齊努力，不過真係登d小朋友辛苦！

作者: Sandy.cheong 時間: 12-10-7 22:01

宜家小朋友讀書真係辛苦，又要應付功課，又要搞課外活動，有得玩同hea嘅時間好少，但係今日歎咗，第日追唔番，轉眼入到高小仲多好多野，考中學又有課外活動要攞份，呢d唔係話有就有，要一路煲住，唯有搵d佢鍾意嘅嚟參加，等佢自我感覺良好，唔覺得咁慘

作者: Teresatam 時間: 12-10-7 23:17

Sandy: 極之認同，尤其小朋友冇興趣嘅野，佢地就冇心機學同練，到頭來都係浪費嘅都係我地嘅$同佢地嘅時間。

作者: micky06 時間: 12-10-7 23:51

sandy, 可否講多些升中的野, 課外活動有分? 咁參加咩呢, 彈piano?呢間小學升中可以嗎???

作者: Sandy.cheong 時間: 12-10-8 13:29

大仔同大部份小朋友一樣，冇慾冇求，對自己嘅事唔上心，一片雲咗六年，好彩佢果間冇基福咁緊張。其實幾間聖公會小學派位差唔多。我搵d有成功感又唔難嘅野比佢，最後彈鋼琴最成功，比佢參加咗兩次皇家考試兩次校際，佢自己覺得有d野比人強，面試個portfolio 又有d野比人睇，唉，對住呢d仔，真係幾擔心血。課外活動可以話冇實際分數，但大家成績差唔多，邊個explore多d野，一定有著數。上網睇基福升中派位好一般，只提供三分一左右嘅結果，相信已經將最好擺哂出嚟。

作者: Sandy.cheong 時間: 12-12-1 14:15

大家有參與每天網上練習嗎？用的時間大概十分鐘，但日子有功，對中文有幫助。學校現在隨學生自由參與，但有時上課會即場做。

作者: micky06 時間: 12-12-8 22:41

我無俾佢上網,我回到家中,已8 點,對埋功課,溫埋習..已經夠鐘訓

作者: Teresatam 時間: 13-3-1 09:38

Urgent: 各位基福小一嘅家長們，請問你地有冇俾小朋友去補習社，有冇好嘅補習社(長沙灣區)可以介紹俾我，thx!

作者: micky06 時間: 13-3-5 23:01

回復 Teresatam 的帖子

幸福中心, 電梯對住個間,聽講幾好.
元州村大家樂對面,,唔知咩尚南天,私人住宅,有間補習.星期六操卷,聽講幾好.你找的目的是做工課定係操成績?

作者: micky06 時間: 13-3-5 23:03

我暫時都未俾佢上補習,不過佢數學好差,我都頭痛緊

作者: Teresatam 時間: 13-3-12 12:29

其實目的係操卷，想俾佢做多d，等佢適應下題目會點問：）

歡迎光臨教育王國 (/)