教育王國

標題: 呀女讀書有壓力，对自己要求太高，怎麼辦？ [打印本頁]

作者: carama 時間: 12-6-7 18:51 標題: 呀女讀書有壓力，对自己要求太高，怎麼辦？

可能之前考試全級第一，佢同daddy 講今次考試好緊張！最惨今次考試要呈分，所以我又唔敢太過放鬆

作者: 杰杰媽媽 時間: 12-6-7 19:32

對我黎講第一同第五都係一樣,我最唔鍾意做第一TIM,冇得再進步

仲要成日驚住比人爬頭,做人做得咁辛苦為咩,成日諗住名次

我成日同我仔講每次考試只要盡左全力,問心無愧對得住自己就得,亦都唔洗理人點睇

作者: carama 時間: 12-6-7 20:18 標題: 杰杰媽媽的帖子

我都有同佢講只要盡全力就ok ,始終天外有天，但問題係點樣令佢自己可以放鬆.佢可以坐係書枱前自己温書由下午4點温到8點

作者: tws2010 時間: 12-6-7 22:22

回復杰杰媽媽的帖子

Very true. In fact, not a big difference between no. 1 and no. 10

作者: marcuscyrus 時間: 12-6-7 23:01 標題: 回覆：tws2010 的帖子

But if the kids himself/herself is demanding, they definitely won't think in the normal way. Just reassuring her will be fine, give her a hug saying that, whatever the results, mom n dad will always support.

作者: 巴不得爸爸 時間: 12-6-8 00:10

考試是測試在學習過程中,學懂或明白課程多少.
所以我認為應同小朋友講,名次不宜看得太重,只要盡力便可.

作者: lojo11 時間: 12-6-8 08:22

唔著緊同太著緊都唔好... 對自己有要求係好... 但要樂觀面對... 千其唔好諗埋一面...

作者: anna59 時間: 12-6-8 08:49

回復 carama 的帖子

1.你覺得間學校質數點樣,深唔深? 2.你覺得你個女既質數點樣,如果佢花左好多心機先考到全級第一而佢間學校唔系好深,咁就小心d喇,因為上左中學真系天外有天,人外有人,大把人叻過自己

作者: carama 時間: 12-6-8 10:39 標題: lojo11 的帖子

作為父母，我都覺得好矛盾，見到呀女咁認真，理應好開心，但又驚佢咁細個唔識點放鬆自己

作者: ANNAFRIEND 時間: 12-6-8 10:44

carama 發表於 12-6-7 18:51
可能之前考試全級第一，佢同daddy 講今次考試好緊張！最惨今次考試要呈分，所以我又唔敢太過放鬆

...

我都好想我女女好似你女兒o甘緊張學業. 但係我要的是適當的緊張. 不過好明白你女兒全級第一, 一定
唔想比人爬過頭. 但講真, 你女兒巳是最全級最叻果個, 只可以保持落去. 否則就只有退步, 係難免的事. 所以我都同女女講媽咪絕對唔想你做最叻果個, 實在太辛苦了. 只要每次都進步就可以了.

作者: carama 時間: 12-6-8 10:47 標題: anna59 的帖子

1.呀女學校程度中上。2。佢本身質素我同老師都覺得幾好。只係我覺得佢对讀書太過上心！我己同佢無論考成點，只要盡咗力，媽咪都會接受，希望佢可以明白啦!

作者: Mighty 時間: 12-6-8 10:49

CARAMA、希望不要介意、其実我覚得你自己都好緊張BOR、対嗎？　因CARAMA説：「最惨今次考試要呈分，所以我又唔敢太過放鬆」。　之前考過第一、今次差極都不会太差吧。　比我如果個小朋友讀到書、全級首２０名我都好欣慰了。　MUMMY不放鬆、小朋友感受到的、也想討你歓心、便緊張起来。　讀書是長跑、起点的得失真的不要太着重。　Its always easier said than done... 但為了小朋友、先試試自己先放鬆点。

作者: carama 時間: 12-6-8 10:53 標題: ANNAFRIEND 的帖子

最惨係有時講出來，人哋會以為我"晒命"，其實我真係好驚，我想佢放鬆D

作者: carama 時間: 12-6-8 10:57 標題: Mighty 的帖子

我都承認我可能自己都不自覺地比咗壓力佢，我都知要控制自已

作者: ANNAFRIEND 時間: 12-6-8 11:01

carama 發表於 12-6-8 10:53
最惨係有時講出來，人哋會以為我"晒命"，其實我真係好驚，我想佢放鬆D

...

如果孩子本身過份緊張學業, 做家長的都會擔心起來, 上來談談也沒甚麼.

作者: anna59 時間: 12-6-9 17:19

回復 carama 的帖子

佢系唔系資優生?
其實,你都好慘,仲要系第一果個添,佢要求高你系控制唔到佢,不如去參加d乜野資優課程等佢識多d叻過佢既人等佢知自己唔系最叻,我聽過有d 會考 8, 9A既人都話有人叻過佢

作者: anna59 時間: 12-6-9 17:21

回復 carama 的帖子

我亞媽有個friend 佢d 仔女讀好叻,但佢一d都唔系晒野,到依家都仲系好朋友,唔使驚

作者: 花仔媽咪 時間: 12-6-9 18:11

回復 anna59 的帖子

亞女雖然讀ｋ３，但佢都對自己要求好高，（佢見哥哥補習，主動要求想補定小一課程）依家準備上小學，我好煩惱比佢讀一間深的私校，定係一間冇咁深的津貼學校

作者: carama 時間: 12-6-9 20:59 標題: anna59 的帖子

我諗資優佢又未必係，只係比同齡小朋友勤力嗜，三年班時己可以連續温習四小時。試過-次考試稍為考得比之前差，佢竟然話好憎自己，個次我比佢嚇死

作者: lojo11 時間: 12-6-9 21:08 標題: 回覆：carama 的帖子

咁真係要令佢學識樂觀面對！

作者: Mrs.Rose 時間: 12-6-9 22:00 標題: 回覆：呀女讀書有壓力，对自己要求太高，怎麼辦？

大人小朋友都要學會放鬆，最緊要輸得起，重新振作調節自己！再接再勵！加油

作者: tws2010 時間: 12-6-9 23:43

回復 Mrs.Rose 的帖子

無錯!!! 我同小朋友講我不太着重成績(好當然好啦), 但我較小朋友溫書學習過程, 要小心, 努力, 重責及專心, 老考試有時都講運氣...我以前有個同學成績非常好, 但佢考4次都考唔到大學. 最緊要過程付出過, 成績無預中, 亦不要太介懷

作者: tws2010 時間: 12-6-10 00:09

回復 tws2010 的帖子

Forgot to mention, I was very nervous when my kid was at P.1. The outcome is my kid was not happy, I was not happy. What for? So starting from P.2, I relax a bit. My kid really feels this change. To be honest, I guess kids can read from their parents' face. They want to get good marks because they know their parents want to. I was one of them in the past.

作者: super_aries 時間: 12-6-10 15:24

Carama, 那你就小心一點了! 多叫阿女參加課外活動，分散注意力! 我自己是一個過來人，小學不用說，中一至中三多是全班第一，全級十名內，為了保名次，超努力溫書，可以溫到半夜1-2時，但當保不住名次的時候，便十分沮喪，到後尾，會問甘辛苦讀書為嘜? 人等如引擎，太早發力，未必是好事! 初中是最好玩的時間，叫她多玩一點吧!

作者: 長生不老 時間: 12-6-10 18:54

提示: 作者被禁止或刪除內容自動屏蔽

作者: carama 時間: 12-6-10 20:10 標題: 長生不老的帖子

有時壓力重會來自他的同學及老師，女同我講老師每次考試測驗都會講出最高分的同學名字！同學就成日問佢幾多分

呢幾曰考試我己經無係佢放学後即時問佢考成點啦!希望過咗考試大家都輕鬆d 啦!

作者: anna59 時間: 12-6-11 13:51

回復 carama 的帖子

嘩,依家好小咁勤力既人喇

作者: anna59 時間: 12-6-11 13:59

有人話小學keep住中上成績已經夠,唔使考第1, 2, 3,其實我覺得keep住佢有機會入英中既成績已經ok (即全級20名內)

作者: 黃巴士 時間: 12-6-11 14:14

carama 發表於 12-6-10 20:10
有時壓力重會來自他的同學及老師，女同我講老師每次考試測驗都會講出最高分的同學名字！同學就成日問佢幾多 ...

老師睇好, 由其是已成了同學仔的注視人物及飯後閒談話題, 都會令她有無形壓力.
-- 這是一個朋友的NO.1女兒說的無形壓力.

作者: tws2010 時間: 12-6-11 15:17

回復 super_aries 的帖子

too bad to study till midnight from F.1 to F.3. But I do remember I started to studied late till midnight when I was at F.4.

作者: 1773 時間: 12-6-11 15:32 標題: 回覆：呀女讀書有壓力，对自己要求太高，怎麼辦？

我個仔同你個女都有啲似。不過佢以前考試測驗雖然都好肯溫習，但都係大快活一名，完全唔覺得佢緊張，成績亦好好。今次呈分試，明顯比之前緊張咗，有時溫習時會嘆一口氣，話：唉~就考啦。

自從復活節（4月頭）開始，每逢假期或周末周日，佢會自己校好鬧鐘，早上6：00起身溫習，我知佢係真溫習，溫咗個零鐘至食早餐。依家仲有兩日就考完，我同佢講：媽咪知你盡咗力，結果如何就等天主安排啦（我哋係天主教徒），問心無愧啦！
呢兩日又見佢開開心心喇！

作者: mandy304 時間: 12-6-11 16:00

唯有不斷同女兒傾你心中的想法. 久而久之, 佢會明白你的擔心及苦心. 讀書本是好時, 但過份讀書, 對她的身心都有一定程度的影響. 所謂" 取之中庸". 加油

作者: carama 時間: 12-6-11 16:51 標題: 唯有不斷同女兒傾你心中的想法.++久而久之,

原帖由 mandy304 於 12-06-11 發表
唯有不斷同女兒傾你心中的想法. 久而久之, 佢會明白你的擔心及苦心. 讀書本是好時, 但過份讀書, 對她的身 ...

我而家時不時同佢講身體髮膚，受之父母！無論發生甚麼事都不可做傷害自己的事。
有時見到有家長呻子女唔乖唔讀書，但太乖太讀書，都-樣頭痛！養兒一百歲，長憂九十九

作者: 囝囝mama 時間: 12-6-11 23:19

回復 carama 的帖子

緊張係好的!!!有時間你帶佢玩吓輕鬆吓啰!!!考試佢唔緊你仲驚!!

作者: MonkeyGirl 時間: 12-6-12 12:39

回復 1773 的帖子

set alarm to study .. 好jealous ...

歡迎光臨教育王國 (/)