教育王國

標題: 最具教育競爭力幼稚園 [打印本頁]

作者: yen115 時間: 12-6-7 09:15 標題: 最具教育競爭力幼稚園

千辛萬苦幫女女找了心儀的學校，但卻排最具教育競爭力幼稚園尾尾

作者: yen115 時間: 12-6-7 09:15

作者: gloria_cwy3 時間: 12-6-7 09:30

其實呢O的排行榜，準確性並不高

作者: bobo101^*^ 時間: 12-6-7 09:40

難道其他唔入榜既學校就等於唔好?
每間學校既教學方針不同, 應該係睇自己小朋友適合邊類型學校就讀, 而不是追求名校! 而家先幼稚園既開始, 幾時到小學, 中學, 大學.....

作者: GraceLui 時間: 12-6-7 09:42

既然係心儀, 何必信賴一些所謂的排行榜. 信自己找到一間適合仔女的更重要

作者: lilychan 時間: 12-6-7 09:57

本帖最後由 lilychan 於 12-6-8 10:25 編輯

本書的幼稚園、小學及中學三本我都睇過，佢用教育投入、教育過程同教育成效三方面去比分，重話資料由教育局收集，不過我問過教育局，小學和中學視學報告資料是不會公開，如視學不合格的學校應已被殺校，所以資料來源存有疑問???

作者: yen115 時間: 12-6-7 10:09

回復 GraceLui 的帖子

Grace:

你都講得好有道理!我為女女報予十間幼稚園，面試所見和口碑較差的(老師無禮貌，校舍不衛生)，反而排最前。但老師有愛心，有理想的就掛那麼後，真的不可信!

Lilychan:

係啦!我報幼稚園都有上教育局網頁看視學報告，但都無分數，而且有些報告明寫好好，但就排明好後!

小朋友入幼稚園是求好老師，而不是求分數，或許我太易受人影響!!!

作者: 布希亞 時間: 12-6-7 10:44

提示: 作者被禁止或刪除內容自動屏蔽

作者: yen115 時間: 12-6-7 10:56

我先生打電話去問出版社分數來源，問詳細D，他們的職員就嗨氣地講:「信就信，唔信就唔信!」真是不負責任，重話佢地問過律師，只要寫明只作參考，就不會告得入，咁都得!!!

作者: AJH 時間: 12-6-7 14:16

Are you guys talking about the booklet which cost $158?

I saw it during lunch, hesitated to buy or not to buy, end up i didnt, cos i'm not sure if that's value of money.

作者: JC_mami 時間: 12-6-7 14:50

我想可以省點錢，那本書不買也巴！

作者: jvcfamily 時間: 12-6-7 17:29

睇下咪算, 甘認真做咩. 最緊要間學校岩自己個小朋友. 排最尾你係咪會唔讀呀? 點解唔信自己呢.?你當初選擇個間,你都識話心儀啦..一定有理由你至選擇既嘛..
你講個個報告, 睇完笑下算..我之前係網上面睇左啦...同意JC.Mami, 那本書不買也吧...

作者: yen115 時間: 12-6-7 18:30

現在只生氣被騙$158和估不到有那麼無良的出版商，多謝大家安慰！！！

作者: minichan1 時間: 12-6-7 18:35

呢本書好obvious唔係香港人寫既!

作者: aokiwong 時間: 12-6-7 19:42 標題: 回覆：yen115 的帖子

唔好意思，我想問係邊本書呀？

作者: nlc775s 時間: 12-6-7 22:13 標題: 回覆：最具教育競爭力幼稚園

👈　我都想知邊本

作者: jvcfamily 時間: 12-6-8 09:57

回復 yen115 的帖子

其實又唔可以話的人無良, 因為明買明賣. 但係我係網上面睇完真係笑出黎. 唔緊要啦, 既然都買左, 當買左本笑話. 其實想知邊的學校好唔好, 上黎問下用家, 有機會去心儀學校open day 直接去感受下 ( 當然唔係間間有open day) ..呢度都有的用家俾到好中肯既意見架.. 所以信自己啦...

作者: super1984 時間: 12-6-8 12:36

可能人地係兩頭賺呀, 呢頭158元賣俾家長, 果頭approach幼稚園, 話出一本書關於幼稚園簡介, 要俾錢才可以介紹 ( 或者直頭當賣廣告 ), 咁部份幼稚園唔俾錢, 咪榜上無名囉.

作者: ching_800322 時間: 12-6-8 19:41

我都買左, 不過好似都同我見倒的有小小出入, 唔知九龍塘那些大家覺得OK唔OK呢? 我都唔知報邊啲好, 個LIST又好似唔準!:;pppp:

作者: yk2 時間: 12-6-8 23:02 標題: 回覆：最具教育競爭力幼稚園

各位家長可不需理會，此本書看得出非由港人出品，莫說排位唔可信，連其基本提拱資料都錯漏百出，建議又唔可信，睇得出文化完全唔係香港人寫，間中又有d簡体字，無水準可言，一句講哂，
可以不理

作者: BabyGcc 時間: 12-6-9 13:39

回復 yk2 的帖子

同意！不要被它影響，以為自己的選擇錯了。

作者: ching_800322 時間: 12-6-9 14:39

咁九龍塘即係揀邊幾間好呀?

作者: cycream 時間: 12-6-9 22:38 標題: 回覆：最具教育競爭力幼稚園

無向各校索取資料即編製
學校排名指南被指唔準

本港每年有十多萬學生升讀中、小學及幼稚園，不少家長為搜集選校資料而煩惱；圖為入選「最具教育競爭力」中學第9位的聖保祿學校。資料圖片

【本報訊】有出版商以內地上市公司競爭力排名的系統，替本港中學、小學及幼稚園進行排名出書。這是本港首本純粹以學校排名作招徠的書籍，並將於便利店擺賣。出版商聲稱網上預訂已近兩萬本。不過，教育界人士紛紛質疑排名的準確性，並指部份學校的排名「奇怪」。
記者：譚秀嫺　盧勁業

根據香港專業教育出版有限公司出版的《香港最具教育競爭力中學50強暨全港456所中學教育競爭力排名指南》，名列前茅的均為傳統名校，拔萃女書院排第1，喇沙書院與拔萃男書院不相伯仲，排第5；不過，按同系書籍的小學排名，拔萃小學（第6）和拔萃男書院附屬小學（第9）都高於喇沙小學（第10），聖保羅男女中學附屬小學則排第1，拔萃女小學排第3。

家長反應
郭太：「咁貴，跨區選校時都會睇，因為對其他區嘅學校唔熟，所以本書都有少少參考價值。」

家長反應
盧太：「覺得現行市面上資料唔太充足，見到報紙雜誌介紹就會去書局買，希望可以了解到學校師資。」

校長紛感奇怪

排名榜中不乏令教育界感奇怪的例子：屬於中文中學的培正中學和金文泰中學分別排第14和21，反而嘉諾撒聖瑪利書院只排第22；聖保羅書院排名高至第12也受質疑。據講有名列較前位置的傳統名校，已急訂數本在校內「招呼」家長。
香港道教聯合會鄧顯紀念中學排名全港第15位，校長劉志遠說「唔準！」指該校成績應在全港10名、甚至5名之內。
教育評議會副主席、風采中學副校長何漢權表示，以其校所屬北區的排名為例，20間學校中，除了頭數名較有參考價值外，其餘排名都令他感到困惑；對排名較後的學校亦會「好傷」。津貼小學議會主席冼儉偉更直指其資料錯誤，他任校長的保良局田家炳千禧小學的教師流失率應低於榜中所列。
本報接觸的多間中、小學及幼稚園校長一致質疑：「佢都冇問我哋攞資料！」津貼中學議會主席廖亞全表示，學校實施校本課程，如不向學校索取資料，就無法掌握實際情況；「學校成績、 banding（成績組別）……好多都冇公開」，如資料不是由教育局或學校提供，就一定不完整。
現時家長可掌握的學校資料有限，部份原因是教育局禁止學校公開 banding、入學成績、教師語文基準試達標率等資料。本報訪問多位家長，都表示對排名榜一類書籍有興趣，因為現時缺乏有系統整理的資料，很難對學校進行比較。

獲預訂兩萬本

香港專業教育出版有限公司市場總監洪羽華表示，排名指南已有五萬人上網查閱，近兩萬本預訂；以每年近20萬學生升中、小、幼計算，約等於四分一人感興趣，這顯示家長有很逼切需要。排名指南於本周二推出，每本售價158元。

作者: cycream 時間: 12-6-9 22:39 標題: 引用：無向各校索取資料即編製學校排名指南被指

本帖最後由 cycream 於 12-6-11 23:21 編輯

原帖由 cycream 於 12-06-09 發表
無向各校索取資料即編製
學校排名指南被指唔準

出版社編制出來賺人錢

作者: littlebtong 時間: 12-6-11 12:15

誤導人...

作者: matsushima 時間: 12-6-11 14:48

扼錢, 誤導

作者: AJH 時間: 12-6-11 15:38

原來呃$既, 好彩冇買到

作者: 咪臣 時間: 12-6-11 16:47

我是買了3本中小幼指引的家長, 不過我都覺得它的排名很有問題, 我找了很久, 都找不出它的計分定義, 它有備註它會根據老師流失率計分, 越少越高分, 可是它如何得知老師流失率??? 是否用中小學及幼稚園槪覽的資料比較而作出結論呢??? 不過槪覽這方面的資料有限, 如何能定出準確的準則???

作者: cycream 時間: 12-6-11 22:45

cycream 發表於 12-6-9 22:38
無向各校索取資料即編製
學校排名指南被指唔準

原本我都無發現自己download既新聞仲有下面呢part, 只係係談幼稚園同一個post有個類似打手既人自己post上去, 個 post已經唔見咗, 個類似打手都消失埋. 好啦心水清既香港人, 睇睇以下內容. 本書係俾大陸同胞睇架!!!

書商辯解　採上市公司排名法

洪羽華聲言，學校排名榜是採用國際性的統計學方法進行，並有內地教育專家參與。

出版學校排名指南的香港專業教育出版社有限公司市場總監洪羽華解釋，排名採用了國際慣用的競爭力排名方法，有內地教育專家參與，並有香港退休教師協助，用公開資料和統計學方法進行。

洪羽華指出，該公司一向做開內地電訊、醫療及教育的競爭力排名，特別是上市公司排名；今次香港學校的排名，是參照教統局2001年報告提出的63項教育指標進行，並有中國教育學會屬下教師會和教學協會專家參與，最後由香港退休教師評估，以調節評分權重。

無詳列評分標準

他表示，排名資料來自公開資料，包括教育局和學校公開的資料，有些學校沒有公開的資料，則採用統計學線性迴歸（ Linear Regression）來計算。對於指南內無詳列63項指標內容和評分標準，他說這是商業秘密。

親訪學校感受文化
家長在升學選校時，教育界人士指學校排名榜可以參考，但不能盡信；親訪學校最實際。

輔導教師協會榮譽顧問趙榮德說：「排名榜有參考價值，但對先後排名唔好咁緊張。」他表示，選校前，家長可以問一問口碑，看學校過往表現，包括成績、多項智能、德育等；「香港咁細，可以去學校睇吓」，可在校門口看看學生的表現。

教局應介入免「捧錯神仙」

津貼小學議會主席冼儉偉也指，家長可透過學校網頁、學校概覽、學校通訊等了解初步資料，在學校開放日感受學校文化、學習氣氛，及與老師傾談，也可以電郵、電話等直接聯絡學校。

教育評議會副主席何漢權認為，排名榜「不可不信，不可盡信」，只能當作參考。他指排名文化已不可阻擋，教育局應該介入，以免一些虛假、錯亂資料「捧錯神仙，殺錯良民」。

作者: cycream 時間: 12-6-11 23:17

本帖最後由 cycream 於 12-6-11 23:20 編輯

以下係出版社佢地係自己網上既資料:

關於我們
香港專業教育出版有限公司，由網絡電信信息有限公司(www.networktelecom.cn)所控股，公司創建于1999年，是一家集香港專業教育出版和圖書發行業務的企業。公司擁有在線網上書城，致力于會員制直銷模式的圖書發行通路的建設。同時，公司也通過與海內外著名出版機構和著名作家、學者之間的合作，努力推薦出版最新、最有價值並深受廣大讀者喜愛的一流的圖書。

係唔係香港專業既出版社, 香港人自己斷定啦!

作者: yen115 時間: 12-6-14 08:06

本帖最後由 yen115 於 12-6-14 08:07 編輯

回復 BabyGcc 的帖子

多謝BabyGcc，相信自己選擇和眼所見的真是更重要，我和老公真是親身走來看看多間幼稚園，幼兒學校，睇下學校環境同d小朋友返放學，老師同佢地相處的情況，再選報那一間，我相老師真係最重要，因為老師有愛心，小朋友先會返學開心!

作者: yen115 時間: 12-6-14 08:07

回復 cycream 的帖子

也多謝Cycream提供的資料!

作者: BabyGcc 時間: 12-6-14 09:09

回復 yen115 的帖子

作者: klm402 時間: 12-6-14 09:21

呢d排名今本都唔能作準, 認真你就輸了.^^

作者: wa923 時間: 12-6-14 22:47 標題: yen115 的帖子

係邊本書

作者: SmartCandy 時間: 12-6-16 09:52 標題: 回覆：yen115 的帖子

咁樣都哭，你傻架！

作者: winniebear88 時間: 12-7-2 14:45

提示: 作者被禁止或刪除內容自動屏蔽

作者: peko5 時間: 12-7-4 11:04

提示: 作者被禁止或刪除內容自動屏蔽

作者: 廣島之戀 時間: 12-7-4 17:09

提示: 作者被禁止或刪除內容自動屏蔽

作者: pizzacoach 時間: 12-7-13 11:05

作者: only666 時間: 12-7-18 00:16

提示: 作者被禁止或刪除內容自動屏蔽

作者: only666 時間: 12-7-18 00:18

提示: 作者被禁止或刪除內容自動屏蔽

作者: cycream 時間: 12-7-18 15:50

only666 發表於 12-7-18 00:18
回復 cycream 的帖子

我上去你所講的網站，點解佢哋公司介紹係英文，同你download所講的公司資料完全唔一 ...

呢位網友, 你注冊日期係7月17日23:xx分, 一注冊就急急為呢個出版商講野, 你似打手多過我喎! 你download 係個出版商改咗既內容, 以前唔係咁! (做咩改動? 無私顯見私啦)

你鍾意話我係咩都唔緊要, 清者自清! 事實就係事實, 好野自然有人會讚, 係衰野就會有人彈.

個post沉咗咪算, 仲要一個又一個既新會員, 死都推返個post上去, 有d野叫做越描越黑, 唔講好過講啦:;pppp:

作者: TKO_NANA 時間: 12-7-19 13:41

真可怕,發表一下自己意見也被說成是書商的競爭對手,還"歪曲事實,煽風點火,不太道德"呢,不知是不是在說自己

希望某些人不要再惱羞成怒吧,係好野,就算不在這裡死推爛推,自己有人會介紹比朋友,cycream更不是什麼競爭對手,佢只是一個熱心的家長,間中會分享下佢2個仔的選校心得,我見佢在討論區也有一年多了!

作者: cycream 時間: 12-7-19 16:43

TKO_NANA 發表於 12-7-19 13:41
真可怕,發表一下自己意見也被說成是書商的競爭對手,還"歪曲事實,煽風點火,不太道德"呢,不知是不是在說自己: ...

多謝TKO_NANA! 不過小心有人話你都係打手, 同我一唱一和!

作者: 小曳人 時間: 12-7-19 17:34

呢度好多家長都唔信d乜乜排名，仲話買書睇不如上EK收料，咁係咪個個都係EK打手？

作者: viven2000 時間: 12-7-20 18:07

提示: 作者被禁止或刪除內容自動屏蔽

作者: iantsang 時間: 12-7-25 21:27

版主按 :

本討論區禁止會員以分身作出宣傳，或在討論之中扮演不同角色以達至個人目的。管理員與版主保留公告及作出禁言或封戶的權利，而毋須作出事先通知。

歡迎光臨教育王國 (/)