教育王國

標題: 黑心老師又一巨獻：視藝工作紙做得不夠理想要罰企三天 [打印本頁]

作者: chuikm 時間: 12-6-6 23:26 標題: 黑心老師又一巨獻：視藝工作紙做得不夠理想要罰企三天

本帖最後由 chuikm 於 12-6-7 00:11 編輯

小兒視藝科一向沒有天份，怎知今天回家才知道：黑心班主任兼視藝科老師，因為小兒視藝工作紙做得不夠理想，要罰企三天！！

上次已經有半班學生，因為中文默書不夠九十分和不合格，分別要罰企三日和五日。後來校方擺平了事件才無事。今次變本加厲，視藝科都要罰！變態！

不單如此，還在全班同學面前，跟小兒有以下對話：
「你有無俾阿爸阿媽睇過呀？」
「有。」
「咁佢地點講？」
「佢地無講乜野。」
「哦！原來你阿爸阿媽Ｄ要求都係咁低！」

哇！真係要講粗口！佢竟然嚮個細路面前，家長背後，批評個家長。簡直不知所謂，無資格做教書！

明天約了副校長、主任，跟這個黑心兼變態老師理論，一定「片鑊金」。

最後，請問各位大大，我可以寫信教育署投訴這個變態老師嗎？有無用？　

作者: yychoi 時間: 12-6-6 23:44

請問在那一區?

作者: chuikm 時間: 12-6-7 00:01

九龍灣

作者: 巴不得爸爸 時間: 12-6-7 04:17

我認為看看學校的解釋後,再作決定吧!

作者: chuikm 時間: 12-6-7 08:11

仲有：下課時，小兒再問她是否要上七樓罰企。
她竟然說：「你咁樣問，即係唔想改啦！」

扯火！

到七樓罰企時，又將整班工作紙遞俾小兒，叫他在裡面找：有無人做得差過佢。
跟著又好刻薄地說：「你唔改，我就唔睬你，當你透明！」

我個仔四年級，考試一路都係頭十名左右，操行都係好好，其他老師連副校校長都經常讚他；
而且我哋都教得好嚴。這個老師竟然這樣說話（不是第一次）簡直不知所謂！

作者: joanthony 時間: 12-6-7 08:48 標題: 回覆：黑心老師又一巨獻：視藝工作紙做得不夠理想要罰企三天

提示: 作者被禁止或刪除內容自動屏蔽

作者: letea 時間: 12-6-7 09:00

呢位老師好有問題

，唔識教書教人，去進修下先拉

睇下都校方反映後有咩回應
可以向教育署投訴，但最終都係校方處理架拉，唉

作者: bb86 時間: 12-6-7 09:21

作者: HTLT 時間: 12-6-7 10:00

作者: 點算好 時間: 12-6-7 10:21

Long time to shot la....

作者: Iamtomy 時間: 12-6-7 10:30 標題: 回覆：黑心老師又一巨獻：視藝工作紙做得不夠理想要罰企三天

去學小佢啦!

作者: Chun32 時間: 12-6-7 10:44

太過份啦, 你之前有冇同佢投訴過, 表達過你的不滿呀?

作者: ANChan59 時間: 12-6-7 13:10

本帖最後由 ANChan59 於 12-6-7 13:12 編輯

回復 chuikm 的帖子

Did you really see his VA projects?
Is it acceptable?

******************

If I look at it and discover it's poor quality of the project, I will call the teacher and seek for her suggestion(s).

作者: dolala 時間: 12-6-7 13:19

我係家長一定帶埋律師到場！有效架！

作者: dolala 時間: 12-6-7 13:23

根本香港家校咁多矛盾，一係家長要求過份不合作，一係學校小事化大野蠻對待學生，然後又互相指摘差學校怪獸家長，唉！

作者: miffy 時間: 12-6-7 13:27

提示: 作者被禁止或刪除內容自動屏蔽

作者: dolala 時間: 12-6-7 13:34

但呢D情況好明顯家長同有關教師已經失去互信。而且可能已經有牙齒印。

作者: chuikm 時間: 12-6-7 14:47

其實舊年年尾，因為Ｄ同學中文默書唔夠九十分要罰企三日；另外又屈Ｄ學生依樣個樣；同佢響電話傾到一半，就屈我，話我用老師的錯誤去抵銷學生的錯誤。
我地上次已經同校方傾過，諗住應該會改善。點知今次仲過份。

作者: woodst 時間: 12-6-7 14:52

提示: 作者被禁止或刪除內容自動屏蔽

作者: chuikm 時間: 12-6-7 14:57

我都好明白，所以先咁無奈！
不過，我絕對相信佢會公報私仇。不過我都相信校方眼睛係雪亮的，唔會俾佢亂黎！

作者: 杰杰媽媽 時間: 12-6-7 15:05

一定唔止你一個投訴ga啦,如果學校咁都唔做野,我會轉校

作者: 喵媽 時間: 12-6-7 17:13

呢個老師勁衰

視藝呢d唔係努力就做得好, 無天份姐, 又唔係唔交功課!

作者: greenling 時間: 12-6-7 21:34

太過份的老師.

作者: dad1234 時間: 12-6-7 22:31

樓主講到自已在現場一樣,不如了解多D先作決定啦.

作者: chuikm 時間: 12-6-7 23:22

其實最初都唔係我個仔講件事俾我聽，而係第Ｄ同學一見到我，就講我聽。係之後我再問番我個仔。而大家分別講Ｄ野完全一模一樣。咁即係Ｄ細佬唔係吹水、老屈個老師啦！

作者: chuikm 時間: 12-6-7 23:28

今日放學同佢地傾左喇！
一開頭，佢話佢實質講左Ｄ乜，都唔係好記得清楚。
結果傾左個幾鐘，校方最後都應承會認真處理。
我都好相信校方會跟進得妥妥當當的。

作者: 巴不得爸爸 時間: 12-6-7 23:45

如果校方跟進得妥妥當當,我相信是最好的解決方法.

作者: HugoRainbow 時間: 12-6-8 11:49

作者: wister 時間: 12-6-16 17:58

如果係我，在第一次出事時我會直接找個老師傾，到解決唔到先會找校方，我相信這是一種「尊重」。另外第二次事件我會同佢傾番唔係自己無跟或是兒子無認真做，只是盡了力也不過如是。然後會問老師有咩改善方法或意見，甚至要求對方即場示範一次他內心既理想標準，以便參考。

作者: winniebobo 時間: 12-6-18 13:04

回復 chuikm 的帖子

請問是那間??今年小朋友會在九龍灣就讀,本人想有個心理~~

作者: talent2000 時間: 12-6-21 12:30

提示: 作者被禁止或刪除內容自動屏蔽

作者: little_yolky 時間: 12-7-10 06:12

回復 talent2000 的帖子

但小學老師無禮貌就唔係咁好, 因為小朋友仲細, 無厘頭被鬧(仲鬧埋家長), 會影響老師形象的。我諗呢個係好有心谷學生0既老師, 但方法唔好, 樓主個仔考得全級第10名, 都係一個保障, 唔會咁易被針對到的。功課做得唔好, 可以俾低分, 但唔可以無禮貌同罰人企, 老師要以身作則。

作者: wsl05 時間: 12-7-10 08:50

大部分老師都會喜歡成績好和操行好的學生，加埋如果個學生家長合作(如管教得好)，我諗唔到一個理由個老師要罰你個仔，同埋玩你個仔。如果各位只聽一方面之詞，對個位老師和學校唔公平。如果我係個位老師，我會好唔開心，因為唔能夠解釋。

作者: gigi82008 時間: 12-7-10 11:18

dolala 發表於 12-6-7 13:23
根本香港家校咁多矛盾，一係家長要求過份不合作，一係學校小事化大野蠻對待學生，然後又互相指摘差學校怪獸 ...

認同！
所以，選學校要配合小朋友嘅需要，唔系人講好就好.個個小朋友都有唔同嘅性格....
樓主唔好勞氣，如果真系唔得，試下轉校，小朋友讀書唔開心，對學業都好大影響，得唔到認同及無自信，對小朋友來講很殘忍........

作者: manmanchubb 時間: 12-7-10 21:10

回復 chuikm 的帖子

事情得到解決就好了, 不然一直打擊你小孩自信的話, 對他學習上有好深遠負面影響

視藝其實沒準則, 可以話好個人感觀...

作者: songyang578 時間: 12-7-10 23:06

提示: 作者被禁止或刪除內容自動屏蔽

歡迎光臨教育王國 (/)