教育王國

標題: 請問依家小學係咪好少留班？ [打印本頁]

作者: baldhead 時間: 12-6-6 12:40 標題: 請問依家小學係咪好少留班？

我成日嚇個仔，成績唔好要留班，但係佢話有d同學次次測驗考試唔合格都升到班。

有冇人知道依家小學係咪好少留班架呢？

作者: miffy 時間: 12-6-6 14:36

提示: 作者被禁止或刪除內容自動屏蔽

作者: 杰杰媽媽 時間: 12-6-6 14:41

我知有小部份津校中英數唔合格一定要留班,大部份津校都唔想學生留班,因留一個要寫大大疊report.............

作者: leedorean 時間: 12-6-6 17:31

提示: 作者被禁止或刪除內容自動屏蔽

作者: baldhead 時間: 12-6-6 22:22

原來係家長選擇架...... 真係唔知道添... 唔該晒！

中文弱，要睇多d書，我個仔好鍾意睇中文書，所以ok，不過就好抗拒英文lor

作者: tweetycheung 時間: 12-6-7 09:31

baldhead 發表於 12-6-6 22:22
原來係家長選擇架...... 真係唔知道添... 唔該晒！

中文弱，要睇多d書，我個仔好鍾意睇中文書，所以ok，不 ...

我個仔都係抗拒, 初初開學頭三個月問佢老師講咩, 佢話"唔知道", 私底下問老師才知道佢唔係先無咁擔心.
我都覺得而家無留班呢支歌仔, 我唯有同佢講如果係度讀得唔好就幫佢轉間超級多功課, 老師又惡既學校比佢.

作者: JustAParent 時間: 12-6-7 09:39 標題: 回覆：請問依家小學係咪好少留班？

可能不多但有留班的，我識一個在某名女校留了一年。

作者: JustAParent 時間: 12-6-7 09:50 標題: 引用：可能不多但有留班的，我識一個在某名女校留

原帖由 JustAParent 於 12-06-07 發表
可能不多但有留班的，我識一個在某名女校留了一年。

不知現在還有沒有雙留出校呢？我有時想，是否名校仍會用留級出校手段保學校成績。

作者: twogirls 時間: 12-6-7 23:48

我都好驚, 如果英文不合格, 會唔會留班呢? 亞女考試做唔晒份卷

作者: fionakong2008 時間: 12-6-8 00:40 標題: 回覆：請問依家小學係咪好少留班？

我個女由小二起已開始求班主任比我女留但被拒絕理由係未到最差嗰幾個聽其他家長講要同學校關係好才可留唯一方法係轉校
而家小四跟本追不上

作者: Smiling_mum 時間: 12-6-9 15:30 標題: 回覆：JustAParent 的帖子

我知中西區有一所私校是用這方法的，教會的姊妹們的孩子....

作者: anna59 時間: 12-6-9 17:12

我聽過未考試已經有人收warning letter

作者: jollyma 時間: 12-6-10 16:17 標題: 回覆：請問依家小學係咪好少留班？

根本教局都唔鼓勵留班，試想，留一個就要浪費納稅人多一年錢，條數咪好襟計？

作者: peggy 時間: 12-6-10 19:23

我囝囝一個幼稚園同學，今年已經P5, 由P1 - P5中英數常未試過PASS, 平均分得3X分, 但學校都冇被佢留班

作者: susuwai 時間: 12-6-11 00:20

係，因為留收醒目的插班生

作者: leedorean 時間: 12-6-16 16:20

提示: 作者被禁止或刪除內容自動屏蔽

作者: lojo11 時間: 12-6-16 18:14 標題: 回覆：leedorean 的帖子

睇書同做下閱讀理解練習，我仔學校都係40%考閱解，平時無得溫，只好做多d練習！keep住提佢生字、詞語的意思！但好難撞啱考試會出，只係幫佢增加詞庫！努力！

作者: rogerlam123 時間: 12-6-16 18:35 標題: 回覆：請問依家小學係咪好少留班？

留班要用好多資源㗎，尤其啲名校，多一個人留班就少一個寶貴學位。（請你走簡單啲）

歡迎光臨教育王國 (/)