教育王國
標題: 請比比意見 [打印本頁]
作者: fatpam 時間: 12-6-5 23:36 標題: 請比比意見
本帖最後由 fatpam 於 12-6-6 00:31 編輯
讀左成年S位，我都覺得小朋友係社交同共同專注方面只有好少進步，可能之前有D期望，所以幾失望。
學術早已知道係淺，成日重溫以前正常學校學左的內容，進度慢，反映左稍教多左，感覺食之無味棄之可惜。
私人導師話佢學新野幾快明，不過要多溫習幾次
私人比錢S位會否好質素D?
作者: apple~y 時間: 12-6-5 23:41
本帖最後由 apple~y 於 12-6-5 23:48 編輯
0甘你新學期係咪會番s位
新學期會再重新編班,再睇睇
學術早已犧牲左,都預0左啦,我都唔太緊要呢方面都係自己同小朋友補0下
入得去都係重點密集訓練,私人真係貴
出年選小學,來緊都係同仔仔再作最大努力,睇睇第3年可唔可轉番i位
作者: fatpam 時間: 12-6-5 23:58
本帖最後由 fatpam 於 12-6-6 00:01 編輯
今年好似浪費左一年咁
自己同私人已比學校教多D野
留多一年可能都係咁唔知點好。
轉服務加私人又好似好傻咁， 人人都做私人等政府位，我就倒轉諗，除左我，學校老師都係小朋友重要的KEY，啟發到佢學習有進步
作者: Capricorn2521 時間: 12-6-6 09:23
本帖最後由 Capricorn2521 於 12-6-6 09:45 編輯
回復 fatpam 的帖子
不如你試吓搵間下午班比佢返吓，上午繼續返S位。咁樣上午有training，下午又有其他集體活動同同儕刺激。睇多一段時間，如果佢跟到大班，而你都覺得S位一樣，好少進步，就直接在下學期或下年度轉校啦。
其實我地呢D吾高吾低嘅都幾頭痕，S位又教得慢得濟(好在我仔果班有教常識，我覺得都OK嘅)，主流又話1對15，老師吾會同你重複講幾次，唉 ! 不過，我都聽同學媽咪話返下午班時都係比老師話佢發夢，所以媽咪自己要好努力跟同埋上C+堂。又有同學媽咪話，在下午班內，學術都不期望佢跟到，只希望佢跟到常規同喜歡和小朋友互動，主要係要佢地習慣返主流的上堂模式，即係老師吾會下下提你，吾係N1/K1啦，同埋老師教書時吾會樣樣野貼在牆上(用眼睇)，要學習多D用耳聽。
作者: methy 時間: 12-6-6 09:36 標題: 回覆：fatpam 的帖子
我阿仔S位暫託，學左好多社交技巧，未識行，學術一定唔係我現時需要關注既，因為阿仔入體障組，主任講過佢地既課程=正常學校，仲有家長覺得深過外面。即係如果小朋友能力得，間學校係會＂谷＂。
會唔會你可以問下學校，佢地對於能力ok既小朋友，課程上係點安排？
作者: fatpam 時間: 12-6-6 10:09
就係覺得學校唔谷吓，佢同組大兩年都有，但有部分認知仲低過佢好多，連講野都唔正，好似無咩刺激咁。
原本想改善遊魂，而家咪又一樣。
作者: fatpam 時間: 12-6-6 10:13
s 同普通kg 並讀有困難，因學校唔會比日日下午早走左，我私人訓練都要讓路儘量減少早走。
度到我頭痛
作者: kelvin_hmlau 時間: 12-6-6 10:24
相信S位係幫唔到孩子的社交同專心問題, 其實主流都係幫唔到.
其實如果智力, 自理ok, 大致守到常規, 不如轉E位, 讀小班主流.
作者: fatpam 時間: 12-6-6 10:38
我同意，專注唔好係內在問題，一對一係學到的，但大圍學習唔係咁，無人成日提住你，呢兩年真係左試右試。
放棄S 位轉服務都都好大掙扎
作者: fatpam 時間: 12-6-6 10:45
私人S 位又會真係按能力否教多D ,其實佢真係仲有好多進步空間，睇住佢私人訓練學野明顯比以前快左，理解能力高左。
作者: apple~y 時間: 12-6-6 10:57
本帖最後由 apple~y 於 12-6-6 11:03 編輯
我小朋友2age評估完話delay 6個月排e位
之後即刻番私人s位,番到主流k1開學
到番k1,之前小朋友係私人s位都有進步,開始開聲講0野,諗住猛車邊應該跟到
點知都係唔多ok,巳經下午班17個小朋友都係跟唔到
我仔仔係要下下老師叫,提先做,雖然無情緒行為,咪日日番去坐0甘
又再加埋私人上門訓練,單位單學0野咪ok,大班就.............
跟住見到delay得好似又多0左好多,咪接受現實
轉0左s位,小朋友呢年係s位進步很多,而且也很喜歡上課
之前k1連線條都要死捉住手寫,現在都可以自己拿筆寫簡單字
我覺得中心ot好有經驗,之前又係醫院做過我有什麼問題
她都樂意詳細解答,
你再好好考慮0下,加油!!
作者: fatpam 時間: 12-6-6 11:07
就係我見唔到佢有大進步，好似大家在S 位都好有進步我先咁失望同無信心再留低，我明白小朋友遊魂都係主要原因，但改善唔到就令我想轉方向，去改善根本問題，導師各有唔同經驗同方法，要試先知邊個能啟發同教到到佢。
作者: methy 時間: 12-6-6 11:12
回復 fatpam 的帖子
我最近都係類似既經驗,不過係playgroup,阿仔唔識行,跟唔到同齡,咁就同佢報細個d班,開頭都ok,慢慢佢覺得悶,
佢識由坐扶住大人起身,咁上多幾堂叫悶,就成日起身,走佬，再唔係,就周圍望。
之後同佢報返同齡pg,除左大肌佢玩唔到,佢樣樣都enjoy,無再出現周圍望,走佬情況,導師仲話阿仔好專注,比反應老師。
佢sociable,多野講,又聊人傾計,返s位暫託.老師話佢成日都"刺激"d同學仔。上個月我為左佢今年派唔到s位唔開心,不停問社工可以點,最後我決定要了 e位,,到時如果而家正常幼兒園暫託ok,,,就上午返e位訓練 + 下午幼兒園。
過程中.真係好怕做錯決定,影響阿仔,智力、體能.社交既發展太大差距,真係唔知顧得邊樣。我感激s位暫託,佢地額外比阿仔上物理治療,阿仔開心又有進出,上正常幼兒園無呢d support,,,但正常幼兒園又令到阿仔可以正常地同人互動,返屋企係會表現到我睇老師教過既野。
作者: methy 時間: 12-6-6 11:16
回復 fatpam 的帖子
留唔留意到佢遊魂原因? s位老師有咩意見 ?
作者: apple~y 時間: 12-6-6 11:20
其實我小朋友都,有遊魂,唔專心問題,呢排百厭0左
認知就唔錯
所以咪諗住試0下同小朋友戒口,睇0下有無改善
作者: fatpam 時間: 12-6-6 11:26
一叫佢會醒一醒，答對問題。但我同朋友都見到外表係遊魂，都有觀課，但老師話佢上課算留心，好合作，係反應慢熱被動。業
作者: methy 時間: 12-6-6 11:37
回復 apple~y 的帖子
其實有時係咪我地要求高,,小朋友友專汪力其實唔長,,
2歲專注力係7分鐘,3歲係9分鐘,4歲係12分鐘,5歲係12分鐘,6歲至10歲係15至10分鐘,,,
如果做到,應該無問題,有要求,但都會睇返阿仔歲數,,pg 個半鍾..佢半個鐘後先叫走佬,我覺得無問題。如果遇到佢無興趣既,,5分鐘就走佬..唔一定專注問題。
作者: apple~y 時間: 12-6-6 11:39
本帖最後由 apple~y 於 12-6-6 11:44 編輯
我小朋友都同你仔仔似到十足十"一叫佢會醒一醒，答對問題"
初初番s位"反應慢熱被動"
現在反應快0左會主動叫人,但又百厭0左
又諗計改善
作者: apple~y 時間: 12-6-6 11:42
回復 methy 的帖子
唔係我地要求高
係現在教育制度,老師要求高
作者: fatpam 時間: 12-6-6 11:45
可能係，家長總係較有要求，但見到d 小朋友有望住老師同答問題，佢就遊魂，好灰，人在心不在
作者: fatpam 時間: 12-6-6 11:52
最慘有種藥石亂投感覺，度度預見唔到效果，唔知點先幫到佢
作者: Capricorn2521 時間: 12-6-6 12:14
我仔上年嘅S位老師好好，初初好ABA咁教佢，下學期左右就加咗D類似RDI的原素咁教，又好清楚不時update我亞仔上課情況，講佢最近有d乜野進步咗，有乜野壞行為要執同點執，亞仔又好中意佢。我同仔講："你吾乖，我會話比x老師聽" 仔即刻話：乖。所以佢真係進步得好快。今年個老師是剛畢業的，又係新來這中心的，溝通過後...比我感覺係少講少錯，問佢我個仔上課情況時如何，佢乜都話ok，只告訴我知亞仔有什麼進步，很少說他的壞行為，就算有都係1、2句。在半信半疑下，於是我星期六比亞仔上一般小朋友嘅體操班同長假期專注力訓練班，測試吓小朋友在其他課堂上課情況及詢問其他老師的意見。亦因為覺得跟經驗淺的特殊老師不如跟主流老師+兼收位老師的想法下，也在11月提出轉位。
其實我想講，好明白你心情，轉位真係一個好大嘅掙扎，你要好好考慮。相信你自己作為媽媽的直覺。
作者: fatpam 時間: 12-6-6 12:18
報喜不報憂，都有這種感覺。
作者: Olympian 時間: 12-6-6 18:05
本帖最後由 Olympian 於 12-6-6 18:13 編輯
私人S位未必好過政府S位，上年有幾位讀協X私人S位而有派了政府S位的家長，都認為政府S位較好。
私人S位每年都收新的小朋友(即剛做完評估的)，能力和年齡比讀了一年的相對低。
政府S位人數多，有些在排期時已受了一段時間的訓練，能力和情緒或會稍好，所以小組的combination相信會好些。
作者: fatpam 時間: 12-6-6 20:39
我都有聽過這說法，見好多人話入左政府S位好有進步，好似無聲到單字短句，情緒失控到穩定左，轉變好明顯自然有信心再留，但我小朋友各方面並無明顯改善，走又博唔走都係博。
作者: 01shirley 時間: 12-6-6 22:54
我同fatpam 情況類似，但我仔未至於完全無進步，
佢自理同行為上的確進步了！
但我想佢進步既範疇（語言，社交）仲係落後得好緊要！
我仔上年8月入讀了S 位，
讀了半年，學校比我感覺都係hea!!!!
每學期定既所謂IEP, 好多我仔已做到！
如我仔已識數數1-30， 順數1-100
但IEP 既目標要我仔數1-3！
我仔認知ok, 分組卻把我仔分到能力最差的一組！
最後我決定轉出黎I 位！唔想再浪費光陰！
作者: 01shirley 時間: 12-6-6 22:55
我同fatpam 情況類似，但我仔未至於完全無進步，
佢自理同行為上的確進步了！
但我想佢進步既範疇（語言，社交）仲係落後得好緊要！
我仔上年8月入讀了S 位，
讀了半年，學校比我感覺都係hea!!!!
每學期定既所謂IEP, 好多我仔已做到！
如我仔已識數數1-30， 順數1-100
但IEP 既目標要我仔數1-3！
我仔認知ok, 分組卻把我仔分到能力最差的一組！
最後我決定轉出黎I 位！唔想再浪費光陰！
作者: fatpam 時間: 12-6-6 23:43
就係你所講咁，同我小朋友能力都似喎，佢其他方面都有些進步。
請問你是否已有9月I 位在手? 有私人報告證明可轉I 位? 你小朋友幾大?
作者: 01shirley 時間: 12-6-7 12:17
我仔剛四歲，
今年二月學校要定下學期目標時，
班主任有提到我仔能力不錯，
大小肌其實已與同齡一樣，
係語言表達同社交進步不大！
老師暗示S 位環境實在好難提供這方面的刺比我仔，
後來我地同主任研究分析我仔情況，
覺得我仔可以試出I 位！
於是學校將我仔的評估報告傳真比CAC,
社工交予醫生睇完確認可轉出I 位！
同㫢間我亦查探了想轉出I 位的學校，
今年已派到I 位！
我都現在都唔知這是否一個正確的決定！
中間經過很多爭扎！
作者: Capricorn2521 時間: 12-6-7 12:55
本帖最後由 Capricorn2521 於 12-6-7 13:04 編輯
回復 01shirley 的帖子
我又係好強調要訓練同儕社交同專注，但老師就話：好老實，依度個個都差吾多，同儕社交好難有進步。
最近，我時不時送仔返學，見倒我個仔原來係會同同班同學打招呼及講早晨，同學都會望返佢，有時會報以微笑。有一次，我仔叫同組同學一齊玩欄杆，同學大D，雖然冇用口同佢吱吱喳喳，但同學係同佢有交流，有互動，一齊玩，我仔仲玩到架架笑。所以其實我對這個老師很失望，我覺得呢一班學生吾係咁差，點解佢會覺得同儕社交冇可能有進步呢?
作者: fatpam 時間: 12-6-7 13:18
其實我見我仔組有部分小朋友好熱情，仲主動打招呼同拖人手，但有d 認知理解弱,有d 有情緒。
其實個IEP唔算訂得好低能力，但進度可以快D同唔需要用咁長時間重溫，佢已學會好耐，需學嘅概念同常識又唔夠多，我地自己真係要惡補。
作者: fatpam 時間: 12-6-8 13:07
其實我諗我當初高估左S 位的幫助，以為有針對性的特別方法教我小朋友改善問題，我見D 教材教法就無左驚喜，可能入學之前上左好耐私人訓練，對3T 訓練有一定認識，有D 問題原來係好難改善到。
作者: 01shirley 時間: 12-6-8 14:18
回復 Capricorn2521 的帖子
你仔個組都算叻啊，
小朋友起碼會互相打招呼！
我仔個組係全校最差個組，
年齡屆乎3-6歲，
我仔係第二最細，但竟然係最叻..... ~_~
其他同學都有不同程度的認知障礙、有D連講野都未有發音等等....
我都一直係度諗, 我仔係呢度究竟可以學到咩社交????
當我向主任同導師表達我既憂慮時,
佢地只係話因為中心收生唔多,
a 仔的小朋友能力差距又大,
所以都無辦法...!!!!!!
唉... 你話啦, 我仲點有信心比我仔繼續留係度讀？！
作者: 01shirley 時間: 12-6-8 14:24
回復 fatpam 的帖子
我通常會係現有的IEP 家居訓練上自己再延伸其他訓練，
如我小朋友現學分類 (水果、交通、動物等),
IEP 要佢將蘋果歸類水果, 的士歸類交通, 狗歸類動物,
佢學識左,
我就延伸, 要佢試下找出不同類出黎 (如四種水果+一種動物),
唉, 如果只靠IEP, 佢地真係進步得太慢啦！
作者: 01shirley 時間: 12-6-8 14:33
回復 fatpam 的帖子
我仔係社交、語言同專注都無咩大進展，
但係佢自理同行為上又真係好左,
呢點又真係只有S 位先可以幫到,
我自己都搞唔掂！
我仔之前偏食得好勁，
但去到S 位真係咩都肯食,
返到屋企可能都會扭, 但我地堅持下, 佢又會肯試！
但語言真係唔得！
我仔現在可以講到4詞句子,
如『媽媽陪我玩電腦』、『媽媽同我訓覺』、『媽媽幫我R 痕』、『媽媽我想自己刷牙』等！
但多數係佢有需要時先會出聲, 仲要好似背書咁背出黎....~_~
佢好少會自發表達情緒。
對於描述事件, 佢都未得,
問佢剛才學校發生的事, 佢答唔到我！
我同佢的對答, 只係我問D 好簡單既先答到,
如, 邊個沖緊涼, 爸爸做緊乜, 你頭先去邊度玩, 好唔好玩, 等等呢D
但複雜D 既問題, 如點解呀？點樣整架？呢D 就唔得...
社交仲衰, 佢唔鐘意同人玩,
只鐘意自己玩, 有時我拉埋細佬同佢一齊玩,
佢玩一陣就走開....~_~ 灰!
唉...對於佢即將要出主流, 我真係擔心到有時會發惡夢!!!
作者: Capricorn2521 時間: 12-6-8 14:59
本帖最後由 Capricorn2521 於 12-6-8 15:06 編輯
回復 01shirley 的帖子
咁你見咗I位老師未呀? 佢地點講呀？其實都擔心吾黎，主流其實都有好多未被發現的ＡＤＨＤ及亞氏小朋友。
回顧２年Ｓ位的生涯，整體我都滿意嘅，我個仔多方面都有好大進步，包括和你一樣的偏食／自理／行為，以及包括老師話冇可能有大進步嘅同儕社交都有進步，尢其今年我仔已經很喜歡聽故事，實在令我很開心，從德育故事中亞仔學了很多正確行為，這方面學校亦有不少功勞。依家我晚晚都會同佢閱讀購自坊間的幼兒德育故事書及英文故事書，有Ｄ亞仔熟倒可以讀返出黎比我聽。同埋，最近亞仔已經開始講返學校Ｄ野比我聽。
只有今年老師跟我嘅溝通令我最不滿。
作者: fatpam 時間: 12-6-8 15:05
你講的我個仔各方面情況有9成相似，能力都可能差不多，私人訓練下，我仔會分類好耐，之前學分唔同類同解釋點解，佢都開始明明地。
等學校唔知幾時會教
作者: 01shirley 時間: 12-6-8 15:18
回復 Capricorn2521 的帖子
上兩星期見了I 位老師及校長2次,
過程是有點心酸的！
第一次去見,
我同我仔一齊, 係校長室我仔坐唔定,又搞校長台面的東西...
又唔太肯跟I 位老師。
校長表示擔心學校未有足夠資源幫我仔,
又驚我仔坐唔定會影响其他小朋友上堂...
聽到佢咁講, 真係心都酸埋...
主流都嫌棄佢,
唔通要坐得定先出得主流,
後來校長話要返去等消息, 佢地會商議後再決定收唔收我仔!
過了一星期再收到I 位學校電話,
I 位老師話想再見多次我仔,
今次將我仔同我地分開,
I 位老師同我仔一齊,
我同爸爸同校長傾，
今次我仔好好多，
肯跟I 位老師,
老師仲話我仔唔係咁差, 記性好好,
可能因為細佬都即將係呢間學校讀既原故,
最後校長都肯收我仔...
唔知係咪一個好的決定,
但肯定係一個新的開始,
路還有很長,
我地還要加倍努力！
作者: Capricorn2521 時間: 12-6-8 15:42
本帖最後由 Capricorn2521 於 12-6-8 16:05 編輯
回復 01shirley 的帖子
乜可以吾收嗎?
我上星期去見I位老師，在課室內，有玩具玩，好D。I位老師個樣係黑口黑面，比我感覺吾多好，又話我個仔雖然有語言但吾靈活，話佢比同齡差好多。佢都有病，A仔一定係吾靈活，我都廢事理佢。下半場我個仔自己在寫字(我帶定簿同筆比佢)到最後個老師都話要train好d語言同keep住train寫字都可以。
個仔係佢度讀，我個樣都會好合作嘅。我同老公相量過，如果D老師真係吾好，我地會轉校。S位轉出來可能有D難度，主流轉校應該會容易D。
我將個過程講比朋友聽，佢都有一個k2升k3嘅仔(non special kid)，佢話佢個仔都係差吾多，仲話乜依家d小朋友咁叻架咩?
希望係我多疑！
作者: 01shirley 時間: 12-6-8 16:55
回復 Capricorn2521 的帖子
我最初同你一樣以為I 位係一定要收任何CAC 派落黎的小朋友的,
後來見完第一次之後,
我已經即刻打比CAC 問,
I 位是否有權唔收我仔,
因為當時我擔心如S 位release 我仔個位, I 位又唔收我仔,
我仔雙失無書讀....!!!
查詢CAC 後, 個答覆真係話可以唔收哦....!!!
因為我仔當年1歲9個月做評估時, 係自閉症, 唔係自閉傾向, 可能情況較自傾嚴重,
I 位可以用學校無SUPPORT 自閉兒既資源做理由而reject 我仔！
當時都灰到爆架啦...
仲煩緊係咪要留多一年s 位....
定係再揀其他i 位, 等第二輪派位；
之後又再同中心的主任及班主任傾,
當時中心話仲未release 我仔個位....,
但佢地都比唔到咩suggestion我....
不過講返I 位,
我要求我仔重讀K1,
但佢地竟然唔比....~_~!!!!!!
佢地話如果我仔由K1讀起,
根據佢年齡, 讀到K2就要走....
因為I 位服務只到6歲....
而佢地亦唔肯比多一年的NORMAL 位我仔...~_~!!
作者: Capricorn2521 時間: 12-6-8 17:13
回復 01shirley 的帖子
嘩.... 乜依家D I位咁樣????
唯有再睇吓先，見步行步。不要放棄！
作者: 01shirley 時間: 12-6-8 17:23
回復 Capricorn2521 的帖子
連評估都未做, 就已經夾硬放佢入k2,
佢地寧願佢快快畢業都唔嘗試去諗究竟小朋友係邊個級別最容易融入....
所以我都仲煩緊究竟比佢讀k2, 定讀k1 (k3 要出去再搵學校)....
作者: Capricorn2521 時間: 12-6-8 18:11
本帖最後由 Capricorn2521 於 12-6-8 18:16 編輯
回復 01shirley 的帖子
我會覺得入K1，打好個底，到K3再搵學校，又或者2年後佢進步咗，學校又有位比佢呢?
又或者讀讀吓，一年後你找到其他學校都會走??? 遲吓嘅野無人知，依家最緊要係打好個底先。
作者: apple~y 時間: 12-6-8 21:18
本帖最後由 apple~y 於 12-6-8 21:20 編輯
D I位0甘多要求
如果樣樣達標,死鬼讀I位,我就唔信主流學校0的小朋友個個都0甘叻
根本一開始就label番s位小朋友一定係嚴重,問題多多
主流學校label都預0左,連 I位都係0甘......
作者: pocoyo123 時間: 12-6-8 21:45
十年融合教育結果, --->愛心 ? 包容? 互容? 有教無類?
真正變成今日, ------> 祺視 ! 收容! 欺凌 ! 你係負累 !
作者: fatpam 時間: 12-6-9 01:03
好辛苦咁合格入到主流小學，要適應同跟上課程，同老師同學解立關係又係另一階段嘅挑戰。
作者: 01shirley 時間: 12-6-9 10:12
回復 Capricorn2521 的帖子
但校長話我地K3 面臨考小學，轉校未必會搵到岩的K3學位,
同埋佢強調我仔入K2其實係可以將佢既能力提昇喎，
因為K1仔能力低啲，如我仔有模仿力應放佢入K2！
作者: fatpam 時間: 12-6-9 10:54
如果你小朋友小肌同認知進到，我諗我會入k 2,因為唔得的話可重讀k 2。
我感覺k1課程較淺，重有學校會預左上學校做多d 比新嘅小朋友適應的活動，課程肯定慢d 鬆動d ,k 2多d 野學又要寫字，對訓練方面好似有用多d 。
作者: Capricorn2521 時間: 12-6-9 11:54
本帖最後由 Capricorn2521 於 12-6-9 12:30 編輯
回復 01shirley 的帖子
最緊要你同學校有共識，如果你都同意K2，當然入K2啦。我只係擔心如果你小朋友跟吾到K2而勉強要入，咁就你又辛苦，仔又辛苦，老師又教得辛苦之嗎
K3轉校當然最好吾好啦，但如果一年/二年後學校都吾鐘意個小朋友，都要想吓辦法LOR......
睇完今日你咁講，其實佢地都有為小朋友著想的。
轉得出黎，我預咗要受，有說話聽，但係如果能力有返一定程度時，放佢在主流...社交一定好D。吾好理佢學術跟吾跟到(我意思係大班可能好多時係發夢，所以我地自己要跟返足d) 。同埋，時間可以證明一切，初初會有一段"麼"合期(transition period)，大家亙相猜疑，但當相處時間久了，大家對大家有信心時，我們可能想法不再一樣。
作者: fatpam 時間: 12-6-9 12:37
請教各位，點教加減數，如加數應先用實物，跟住轉平面卡通圖? 跟住轉數目字?
有無特別方法讓小朋友易d 明白? 
作者: Capricorn2521 時間: 12-6-10 08:30
本帖最後由 Capricorn2521 於 12-6-10 08:45 編輯
回復 fatpam 的帖子
多謝，我仔5歲2個月。佢本身係數字文字迷，所以好正常咁教已經OK，然後佢會自己practise同研究，同問我有關問題。可是，溝通同社交都仲要努力。
我記得初初教10以內加數係用手指教，ok之後，就教減數。初初教係一年前嘅事，記得仲比老師話我教得快，佢話一般小朋友係4歲9個月先開始學加數。應該要學好數前概念先，即係長短/高低/先後/空滿/左右/上下/最.....果d ，但我見佢又明又好鐘意學，當時我就2樣一齊教。
作者: fatpam 時間: 12-6-10 10:00
THX
佢對個課題有興趣或有能力就可以早d 教，時間唔等我地小朋友，人地一教就明，我地要時間重複教,我仔對數學興趣一般，睇吓點令佢易d 學到，不過我見佢用實物都明明地加數。
另外我實物教對比概念時佢明白，但做卡通圖工作紙時又唔係次次講啱，點搞?
作者: Capricorn2521 時間: 12-6-11 10:15
回復 fatpam 的帖子
實物佢明即係明啦。不過，可能佢少睇圗畫，較難掌握(我估)。如是者，可以平日比多D圗畫書佢睇，習慣左會好D。
我平日除了帶簿同筆出街，比亞仔等食時間有野做，我仲會係簿上即時畫圗畫，叫佢估吓我畫乜野，我畫得好簡單，佢通常都估到。
尋日，等食時，佢在簿上出題目叫我做，題目如下：
ABABABABABAB <--- "媽咪，跟住到乜野呀?"
CDCDCDCDCDC <--- "媽咪，跟住到乜野呀?"
我寫答案後，佢好似老師咁剔一剔......
又係頁頂上寫上我個英文名.......比佢笑死，我諗佢應該係扮老師平日上堂情況。
作者: apple~y 時間: 12-6-11 10:34
回復 Capricorn2521 的帖子
你小朋友好叻仔,番主流都無問題啦
同埋都幾鬼馬
我個仔無樣強項,人0地話a仔對文字,數學記性好
我個仔就唔係樣樣識小小,但係唔係強項,
最大問題專注力唔好,影響學習
你小朋友現在有無固執行為
小朋友出街一定要媽媽拖,0甘算唔算固執行為
作者: 01shirley 時間: 12-6-11 13:30
回復 fatpam 的帖子
但社交方面我仔仲未得,
k2 小朋友已講野好叻,
我驚我仔融入唔到佢地!
社交呢家野, 又迫唔黎!
唔知點教佢好....
作者: 01shirley 時間: 12-6-11 13:44
回復 fatpam 的帖子
我未正式教加減數,
但我仔開始有概念,
平時我比佢數數 (實物) 時,
佢數岩之後, 我會再加多一個, 然後問佢"加多一個係幾多",
佢好快答到我... 唔駛由頭再數過....
但我都唔識之後要點教....
學校也未教啊！
作者: 01shirley 時間: 12-6-11 13:47
回復 Capricorn2521 的帖子
你仔好叻啊！仲可以出題比你做... 哈!
想請教你點樣培養佢讀故事書的興趣呢？
學校係呢方面又點幫手？
我仔鐘意睇書,
但佢唔鐘意我講故事.....
我要當成家居訓練的其中一個項目去講故事才ok,
平時想同佢係床上睡前講故事, 佢就成日搶走我本書唔比我講...~_~
所以想問下你點教....?
作者: Capricorn2521 時間: 12-6-11 16:34
本帖最後由 Capricorn2521 於 12-6-11 17:08 編輯
回復 apple~y 的帖子
我個仔D固執行為仲有小小，不過，吾太難搞。主要我地用交換條件/獎勵計劃，事前預告來治佢。其實，佢最難搞係到新環境，冇預告，吾知要做乜嘅時候，佢就會有好多比人覺得係搞搞震嘅行為同EE牙牙發蚊爭。所以好多時佢初初上課外堂/訓練時，D評語都吾多好，但熟咗之後，老師都話佢有D聰明，但守規舉都係弱，佢鐘意果D活動又會好D，老師有獎佢又會好D。
上次我地一家人(3個)去獅子會自然教育中心，，冇預告比佢知，入到D展館走來走去，好在早，冇人。我叫佢吾好走，叫多幾次佢又吾高興，EE牙牙發蚊爭，於是比我鬧。我要好用心捉佢去睇野，果日又熱又落驟雨，好勞氣。
前日同佢去dr. kong買鞋，要驗腳，佢郁來郁去驗吾到，打算放棄時，另一個似係資深d嘅sales問乜事，我話佢吾合作吾驗啦。於是個sales問佢食吾食糖，佢話食，姐姐話食糖要合作，得吾得。佢話得，結果真係得。姐姐好野，果然係做細路仔生意。
仲有，佢無聊時，成日講D引人注意嘅說話。例如同佢講咗工人姐姐一D說話係錯嘅，叫佢吾好咁講，應該要點樣講。佢係明白嘅，但得閒無聊時，佢就會望著你笑微微咁講D錯野，好似好好玩咁。Daddy話呢d係佢嘅遺傳.......
佢咁嘅行為，在主流初初一定比人投訴到爆。
作者: fatpam 時間: 12-6-11 17:26
想問一般小朋友讀2年S 位，出來讀K 2 or K 3? 
入K3大多真係夠能力應付咩? 有d 懷疑，因我覺得好深同要預備小一。
作者: 01shirley 時間: 12-6-11 20:40
回復 fatpam 的帖子
個個小朋友能力/進步速度唔一樣, 好難講,
我個間今年除左我仔之外, 只得一位係中途轉出主流K (佢重讀K2),
其餘都係讀到畢業要走的....
作者: fatpam 時間: 12-6-11 22:23
我間似乎好多都入特殊小學，fit 到入主流的小朋友極少，真係要睇佢呢2年有無咩突破同進步，其實年年都有一定進步，但外面學校要求又一年比一年高，追得好慘。
作者: pocoyo123 時間: 12-6-11 22:40
去年我亞仔畢業果班, 全組6人, 全上主流, 可能佢地係高能力果組, 其中有二人係直上小學, 不過, 佢地係選一些比較小人的學校,.
我覺得如不介意小孩超齡上小一, 重讀係好有用的, 起碼人大左, 學野能力高左, 好多野追得快左, 我就親身見證到
作者: fatpam 時間: 12-6-12 07:13
pocoyo123,
同意要打好個底，你小朋友係讀左幾多年S位先轉? 上小一時幾歲?
作者: Capricorn2521 時間: 12-6-12 10:09
本帖最後由 Capricorn2521 於 12-6-12 15:17 編輯
回復 01shirley 的帖子
好多謝你地......我個仔真係吾係叻，佢出比我D題目我相信係老師出比佢，佢又抄返比我答。
關於讀故事書，我個仔歲幾2歲已經開始玩書，只睇頁數，吾係睇書。再大小小，佢會自己睇數字及A-Z嘅書。
到2歲多，我請教私人PST點樣同佢一齊睇書/講故事，佢教我買一D同佢日常生活有關嘅書，內容佢熟悉嘅，於是我買咗2本2歲幼兒嘅英文書，一本關於動物園，一本關於上學。佢只會自己翻書，吾會聽我講故事內容。
後來，3歲多，我又買了2本英文書，一本講媽媽，一本講爸爸。我讀比佢聽，佢今次會留心聽，多次閱讀後，佢自己可以讀返出來。當時，佢表現出閱讀興趣，但和我的互動不多，好鐘意聽我讀書。
到了4歲頭，我問S位老師同樣問題。今次佢同樣叫我買一D同佢日常生活有關嘅書，但要有文字，每頁約10個中文字。於是，我就買了莎莎系列嘅書。佢同樣只對自己睇書有興趣，不喜歡聽我講故事。老師又話，最好同小朋友影相，制作一本關於小朋友自己嘅書。我都有同佢影相，制作一些圖咭。今次，佢表現得好投入聽我講咭上的內容，又會自己講返出來。
今年學年初(上年9月)，ST開始同佢講故事圖咭，由2張->3張->4張->5張->6張，問問題，然後老師在上個別堂同佢讀故事書，問問題。其實我知道學校日日都有閱讀時間，個個小朋友到書架攞一本書坐著看圖書。講完2個6張故事圖咭後，我冇再用故事咭，可能熟咗，佢會玩咭。我係屋企就開始改用故事書講故事比佢聽(訓練理解力)，聽日用同一本故事書指住文字讀比佢聽(訓練認字)，重覆練習4本莎莎系列故事書及2本連CD嘅英文故事書，然後上個月才買了幼兒德育故事書系列。
作者: apple~y 時間: 12-6-12 10:47
本帖最後由 apple~y 於 12-6-12 10:47 編輯
我個仔細細個又係唔鍾意聽我講故事書,只係要自己玩書
攪到我都無心機再講
隔一排我拿本2age幼兒書"我的家",係講有關家庭
有些活動頁,好似有頁個活動門,我問邊個放工番屋企,你幫手開門呀
仔仔就好like幫手開門,,之後坐定定聽我講埋去,當然時間都唔係耐
但好過自己玩書
作者: apple~y 時間: 12-6-12 10:52
回復 pocoyo123 的帖子
我小朋友本身係細仔,可以用到3年政府服務
到上小一時6歲幾,0甘又係大0的吸收能力又好0的
你小朋友9月番小一??
作者: fatpam 時間: 12-6-12 10:58
上社交班外，還有什麼方法改善社交，同到人一齊玩，我地大人要點引導佢同其他小朋友玩好呢?
在家我地係咪要先練習好d 遊戲rules ,先出去同其他人玩?
作者: fatpam 時間: 12-6-12 11:13
小朋友愛看書真係對學野好有幫助，就算唔係好睇文字只睇圖都學到理解內容同同說話，又可親子。我仔淨係揾我讀，好lum 架！
作者: pocoyo123 時間: 12-6-12 12:26
FATPAM, APPLE~Y:
小兒今年9月上小一, 已經7歲啦, 讀過兩年S位, 去年重讀K3, 所以都計計埋埋, 讀左5年幼稚園, 諗下, 唔怪得我成日覺得好以讀左好耐都未上小學咁
社交係最難果個, 因為小朋友會遇到好多突然變數, 佢要即場反應, 現今小孩又鬼咁叻, 開始在公園玩時, 小兒成日叫人地同埋佢玩, 但人地玩嘅遊戲佢又唔識, (因大部份是集體玩, 例如: 狐狸先生?點, 數字球, 幫捉, 躲躲藏藏,好多好多, ), 有些好小小的小朋友會教佢玩, 學識後, 佢要記啦, 要變通啦, 仲要知有無人恰佢啦, 好多呀, 不過, 好以亞仔咁, 大約半年到, 佢已可以自己HANDLE, 我在公園已無須再理佢, 自己睇下書, 佢有佢玩啦, 早排, 佢去同學生日會, 我都係坐埋一邊, 見佢同同學相處好好,開始放心上小學
作者: BKVIP 時間: 12-6-12 14:03
睇完你地既對話，我唔知呢一刻我有無做錯決定，可否俾D意見呢？
小兒依家3.5歲，上緊E位，未讀K1前有去S位暫託。今年大派位派到S位，等左2年，本來等左好耐的東西，得到後反而心情反覆。自從接受左S位呢段時期，我心一直1516，好驚選錯路。前几日見到家長一個POST，話佢小朋友讀左S位對社交、語言一D幫助都無，最後堅持出返主流，對我當頭棒喝。
現在的E位治療師對小兒K1去主流KEEP返E唔去S有唔意見。PT、ST 認為小兒可以應付注流。但OT及PST 認為小肌及自理要在S位打好底才出主流會較為理想。
正如樓上媽媽所講，我覺得S位對小兒社交及語言無幫助，因為佢已被編入高能力班，分分鐘佢要帶住其他小朋友而無任何刺激。認知方面，雖然話按能力去教，但入S位的評估令我好憂慮，佢考我仔用既教具係考一個1.5-2歲小朋友既能力，可能因我仔全部做到，所以入到高能力班，我好担心如果用佢地個套標準去教我仔，1年後佢出主流點 X 接？
令外問其他家長所知，原來S位的”密集式訓練” 同現時E位差唔多，可能S位小組係會比較多，但E位都每月有2次小組。如果咁，我係咪KEEP E位，下午返主流幼稚園會好D？
講下阿仔能力，大肌OK，上樓梯一步一級，但落要2步一級。小肌差D，食飯仲係淪淪浚浚，小手指無乜力咁。眼神接觸只有30%，對家人可以80-100%。理解認知OK︰數數可數1-30，認字叻記性好。教佢認知嘢佢通常3次就明。模仿力OK，好有想像力，超鐘意講嘢、唱歌。佢有INTENTION 去同其他小朋友玩，不過唔識點相處。
語言例子︰
我︰你屋企有邊個？
仔︰爸爸、媽咪、姐姐、XX (自己) 同埋YY (細佬)
我︰我地依家坐車去邊呀？
仔︰去嫲嫲屋企。
我︰咁去到嫲嫲屋企會見到邊個呀？
仔︰爺爺。
叫佢形容圖畫可以以短句回答，我講叫佢指出我描述既圖佢可以指到。我唔知咁樣係几多歲能力，與佢年紀差几遠。我所知佢之所以突然講嘢叻左咁多，唔係因為S位暫託，而係髗底骨既效用。
如果係你，你會好似我咁搏一搏嗎？因為我REJECT左S位，如將來要入返黎，就要從頭排…
作者: fatpam 時間: 12-6-12 14:55
我好明白你心情，我入S 位前同你宜家擔心嘅野一樣。
但我唔會叫人唔好入S 位，因每個小朋友能力唔同，同學校導師同學夾口夾都講緣份，進步一定有但未必一定係你最想改善地方，進步程度亦未必滿意。但有不少同校家長話有好多進步。
但如果聽你咁講，能力都相當唔錯，點解醫生比你排S ? 小朋友係咪好細斷症，有無再評估過?
作者: apple~y 時間: 12-6-12 14:56
回復 fatpam 的帖子
決定0左未呀??你新學期係咪番s位定另有打算
作者: fatpam 時間: 12-6-12 15:01
同埋要睇宜家e 位導師有無經驗，啟發到唔到個仔，重有係拒絕S 位，下次想入要從新用新no.排，唔知仲有機會入到。
作者: Capricorn2521 時間: 12-6-12 15:06
本帖最後由 Capricorn2521 於 12-6-12 15:14 編輯
回復 BKVIP 的帖子
我覺得你小朋友能力吾差，如果本身主流學校接受到，自己又有滿意嘅私人導師，可以吾洗入S位。況且，你依家只係讀緊下午班，上午可以同佢做訓練/做治療。其實我覺得咁樣係最perfect !
係喎，點解你e位可以有咁多堂上嘅?
作者: apple~y 時間: 12-6-12 15:09
回復 BKVIP 的帖子
你仔仔能力都幾好呀
條條路都係唔會預知效果係點,唔擔心得0甘多,點選舉都會有人覺好或者唔好
,我係s位上音樂小組識到個媽媽,見佢仔仔講0野各方面都ok跟到
咪問是什麼問題入s位,原來小朋友係弱視,之前番i位
因有1年上小學,咪入一年s位操fit小朋友
我只想講s位,又唔係想像中0甘差
你小朋友如果幼稚園係跟到,老師又包容,咪番幼稚園
"叫佢形容圖畫可以以短句回答，我講叫佢指出我描述既圖佢可以指到。我唔知咁樣係几多歲能力，與佢年紀差几遠。我所知佢之所以突然講嘢叻左咁多，唔係因為S位暫託，而係髗底骨既效用。"
仲有呢想問你小朋友做0左幾多次髗底骨見到效果
我小朋友剛開始做第一次,
作者: BKVIP 時間: 12-6-12 15:20
fatpam 發表於 12-6-12 14:55 
我好明白你心情，我入S 位前同你宜家擔心嘅野一樣。
但我唔會叫人唔好入S 位，因每個小朋友能力唔同，同學 ...
第一次CAC評估係18個月，個時只話佢發展遲緩排E+I，但19個月我知佢係自傾，要求排S+E。其實直至3歲時佢進步係有，不過唔太多，當時只有E位訓練同S暫託，自理係好左，認知亦好左，但多左好多古怪嘢，例如無啦啦大叫，行路特登扮到好似小兒麻痺咁行，最近仲要我抱佢 -_-" 可能學左S位D小朋友，因為我眼見有部份支體不便的小朋友是要抱出抱入的。
其實佢有典型A仔特徵，EG 眼神弱、鐘意轉嘢、重覆性開門關門、好鐘意睇關門個下、情緒控制差(可以即喊即收聲，極易喊，可能似我)。
當初我決意要排S，因為以為有密集訓練，最近先知原來同E位差唔多，仲要入左就難以建立社交語言，好同意你地講，認知可以自己教，社交真係教唔到。仲有就係最近因為估左其他治療，佢語言突飛猛進，所以先令我覺得佢不至於要入S，當時排S都因為語言弱，因佢2.5歲先開始講有意思既單詞。
作者: BKVIP 時間: 12-6-12 15:35
髗底骨由3月尾開始做第一次，至5月尾做左5次，其實做左第一次已經見到效果，第二次做又覺得差左，因為佢會大叫同個頭好敏感，用花灑洗頭都好驚但以前唔會。同治療師講返個問題做多2次個頭仔又無事喎。
講真，佢呢2個月做左治療後好似開左竅咁，除左講嘢多左長左同識對答外，我講嘢佢都明白左，之前好似聽唔明我地講嘢咁架。所以真係好神奇。
作者: BKVIP 時間: 12-6-12 16:04
我唔想賣廣告，我都係在BK聽到有呢樣嘢，所以俾個仔試下，效果都係因人而異。你地可以去自閉個區睇返有個關於"髗底骨"既POST，我有寫做治療的細節的。
作者: fatpam 時間: 12-6-12 16:13
有無人聽過有人遲到8，9月先有E位?
作者: BKVIP 時間: 12-6-12 16:20
fatpam 發表於 12-6-12 16:13
有無人聽過有人遲到8，9月先有E位?
唔出奇，因為註冊通常在7月中做，當註左冊才正試接受個學位。
如果家長在7月中唔註冊，咁即係佢棄，咁個位就開俾下一位輪侯既小朋友。
作者: 01shirley 時間: 12-6-12 23:13
回復 fatpam 的帖子
我上年的S 位就是8月才通知我有位的！你轉左服務未？
有無再問下班主任及治療師的意見你仔是否適合出主流？？
作者: 01shirley 時間: 12-6-12 23:32
回復 BKVIP 的帖子
我覺得如你仔有情緒及行為問題都應該讀S位，因為主流學校真係搞唔掂呢啲問題！
況且我聽你講你仲未搵主流學校？
我仔之前有偏食，勁固執，坐唔定，玩眼，自轉等刺激行為問題，
但入左S一年呢,
偏食改善了，
老師無叫唔會走出位，
沒有再自轉，但仲有少少玩眼！
可能言語好左，無以前咁固執！
如你仔仲可以被編入高能力，
我覺得會更加好！
你一心等S 位都等了兩年，
相信你最清楚孩子最需要在S 位改善什麼問題，
雖然說個別及小組與E 位差不多，
但S位全日日常的常規及流程也有訓練的元素，
例如食飯揸匙更也要前三指 (相信主流唔會執呢啲）等！
如果情緒行為問題已改善，而認知又ok, 出主流更有把握！
作者: 01shirley 時間: 12-6-12 23:50
回復 Capricorn2521 的帖子
感激分享！想請教你製作有關小朋友的圖卡是有故事性的圖卡？
還是只是一張張生活照，自己講時加入情節？
講故事我還在起步，好想令佢產生興趣！
作者: 01shirley 時間: 12-6-13 00:22
回復 fatpam 的帖子
社交方面我地盡最大努力係屋企都有train,我地係屋企會同佢玩London bridge, 音樂椅，推球遊戲，搶尾巴等！都係學校教過佢有印象後，在家再同佢玩！
但佢玩一陣好快會自己走開！唉！有時都好灰！
作者: fatpam 時間: 12-6-13 08:00
我仔入學前後都無情緒同行為問題，我想一般自理都合格，用學習筷子食飯。
原先只係想入S 操fit d ,共同專注同社交問題我最想改善，佢認知還可以，雖然唔係一教即明。
導師無特別表示反對或贊成，我相信因為我仔情況高不成低不就。
有時小朋友有較顯著問題如情緒，偏食，固執，入S 位家長見到改變係明顯的，但我仔就係無以上幾點，所以入學無適應問題，老師仲話佢好乖，可能無好大問題在先，亦無什麼地方有明顯變化。
作者: fatpam 時間: 12-6-13 08:08
佢最大問題係游雲，但上私人社交組，導師又話佢唔係好游雲，有聽到同做到野，寫字真係未好得。
作者: BKVIP 時間: 12-6-13 08:42 標題: 回覆：請比比意見
多謝咁多位意見，呢2日對我下決定係好關鍵時刻，今日會聽埋e位PST,OT點解反對我去主流，明天約左幼稚園interview, 之後再作決定。
其實shirley 講得不無道理，但我想小兒情緒又未至於難處理，可能因為我同爸爸都強硬，佢知道喊係解決不了問題，喊一陣無人理自己會收聲，只係佢天生易喊，我覺得佢可能遺傅左我，甚至有時我懷疑自己係咪細個時係有自傾。
當初我排s，因為覺得s位有密集訓練，操一年fit d打好個底再入主流，最近先知原來單對單同e位差唔多。好似shirley 所講學自理認知係好好。的確，在這所s位我已暫託了10個月，小兒自理係好左，出主流無問題，偏食有改善。但係語言只有小小進步，最多係去到跟人口水尾，真係要做左髗底骨先明顯2個月內進步好多。佢入左去暫託，只係無個別訓練俾佢，但如e位同s位相差不大,個別訓練其實佢在e位一路做緊，所以可能入s一年情況跟這10個月差唔多。另外，10個月其間，佢仲附帶左一d唔好嘅行為，我唔想俾佢呢d行為正常化。
相反，我顧慮的係佢社交，之前有媽媽講，社交係要學反應，要有response, s位俾唔到。同儕刺激俾大人對佢嘅input 效用差好遠。仲有來自s位的歧視，呢d就係現實的殘酷。
我琴晚又為學校呢件事訓唔到，精神緊張，都唔知自己咁諗係咪啱
作者: BKVIP 時間: 12-6-13 09:10 標題: 回覆：fatpam 的帖子
以前讀過n班我仔又係遊雲，呆居居唔知人做乜講乜，我唔知佢依家有無，s位暫託好少主動搵我，通常係我搵佢地，但都一句起兩句止。咁你仔仔平時在家會唔會雲遊四海架？
作者: fatpam 時間: 12-6-13 09:16
本帖最後由 fatpam 於 12-6-13 09:17 編輯
在家唔同，可能環境靜同人少，佢唔會雲遊四海，叫佢係聽到做到的，眼神都有靈魂好多
作者: BKVIP 時間: 12-6-13 11:27 標題: 引用：+本帖最後由+fatpam+於+12-6-13+09:17+編輯
原帖由 fatpam 於 12-06-13 發表
本帖最後由 fatpam 於 12-6-13 09:17 編輯
在家唔同，可能環境靜同人少，佢唔會雲遊四海，叫佢係聽到做 ...
作者: 01shirley 時間: 12-6-13 11:48
回復 BKVIP 的帖子
我最初猶豫比我仔出返主流都同你一樣,
晚晚訓唔著, 驚做錯決定...
我都贊成你問多D 人意見,
聽多D 唔同人的睇法,
自己再過澽分析仔仔的情況,
我當時除了問3T, 班主任, 高級幼師, 主任,
我仲問埋心理學家, 平時私人訓練導師,
仲有我仔同學的家長, 隔離班的班主任我都問埋,
仲有我仔平時放假會在主流K 暫托的老師我都問埋,
我自己都嫌自己煩...
但問多D 人意見, 你自己會更加了解仔的情況。
努力。
作者: 01shirley 時間: 12-6-13 11:56
回復 fatpam 的帖子
點解導師會無意見？佢應該最了解你仔的情況的！
我覺得你要逐個治療師問下...
除了問是否適合出主流, 仲可以問下3T 各個範疇你仔要加強邊方面...?
或者約主任問下意見...
我最初十五十六不知是否出主流時,
導師們都唔係好敢比意見的...(好似驚死咩鑊咁)
但我同佢地講, 你地日日對住我仔,
我仔上堂情況你地比我更清楚,
如果連你地都比唔到意見我, 我點做決定？
跟住佢地先肯講多D... 唉!!!!
作者: fatpam 時間: 12-6-13 12:46
佢地有分析利弊同加強咩地方，但當然唔表態贊成定反對。
但我估在佢地角度，應該係留多年上高能力組別谷吓先出去較好。
但問得太多自己都煩惱，一定兩面都有，行左一條路無人知另一條係咪會更好，我上年已諗到好大壓力。
作者: apple~y 時間: 12-6-13 13:35
係呀我都覺s位老師分析利弊同加強咩地方，但當然唔表態贊成定反對
好似我想幫仔仔報些治療做,s位老師會分析比我聽
到最後都係自己決定比唔比小朋友做
作者: apple~y 時間: 12-6-13 13:46
本帖最後由 apple~y 於 12-6-13 14:04 編輯
回復 BKVIP 的帖子
無錯同儕刺激係總要
但最重要小朋友能力吸唔吸收到,
我小朋友都番過一年幼稚園,老師都算包容
仲安排班中講0野叻小朋友同我仔仔一組,比多些刺激仔仔
又會比仔仔試0下做組長,表演比好多機會仔仔
始終都係能力問題,似乎對小朋友發展上幫助不大,都仲係好bb又鍾意玩眼
所以下0左最大決定入s位,
番0左一年見到小朋友不停進步,都暫時ok
作者: BKVIP 時間: 12-6-13 13:55 標題: 回覆：請比比意見
各位，我聽左PST,OT 仲問埋將入s位的社工，我同意佢地講要打好個底，入s位似乎隱陣d, 但爸爸大力反對入s, 睇黎今晚家變都似。明天的interview 又去唔去好？唉，好無助。
作者: apple~y 時間: 12-6-13 14:03
回復 BKVIP 的帖子
s位有nterview??
我果間又無,係中心社工上來做家訪跟住註冊入學
或者同爸爸一齊去nterview,講出你們擔心地方,
始終都要做決定
作者: BKVIP 時間: 12-6-13 14:05 標題: 回覆：請比比意見
In 係主流，要in 2間。
作者: fatpam 時間: 12-6-13 16:08
PST 的意見我個人認為都幾可信，因為佢某程度教小朋友時都見到佢整體能力同問題。
同老公意見不一，你都真係好頭痛。
作者: BKVIP 時間: 12-6-13 16:37 標題: 回覆：請比比意見
但我個仔恰呢位pst, 因為佢又老又肥樣又唔討好，我仔bb時已好鐘意靚姐姐。佢上佢堂同其他堂係2個樣，擺明唔同佢合作，成是上佢堂就想走，pst老師一抱佢即推開佢同喊，所以pst睇唔到佢真正能力，好多佢識做但特登唔做
| 歡迎光臨 教育王國 (/) |
Powered by Discuz! X1.5 |