教育王國

標題: 我對我女兒應該怎樣做！？？ [打印本頁]

作者: yangyang448 時間: 12-6-4 22:44 標題: 我對我女兒應該怎樣做！？？

本帖最後由 yangyang448 於 12-6-4 22:45 編輯

  小二啦，7歲半，經常不做齊功課。
  小一時日日係我幫她檢查功課，所以沒問題，但到了小二覺得應該放手。
  結果是一個星期有兩三日交不齊。學校只是寫欠，不會罰，我們只要見到欠，就會罰結果同樣做不到，試過只要每個星期交齊功課有獎賞，結要也失敗。
  而且覺得只是要求她自己做好就有獎，但是覺得她自己的事應該做好，不應該有獎，因今后出去做業，不可能做好自己應份的就有獎。

作者: peaceandlove 時間: 12-6-5 01:17

yangyang448 發表於 12-6-4 22:44
小二啦，7歲半，經常不做齊功課。
小一時日日係我幫她檢查功課，所以沒問題，但到了小二覺得應該放手。 ...

其實我覺得是否應該先找出她 "經常不做齊功課" 的原因.....

忘記抄黑板？近視看不清黑板？
忘記抄？抄不及？
不想做，故意不到？
要做，但有困難以致做不完？
.............

建議先了解孩子可有什麼困難，或其它因素所致，才決定怎麼樣協助他吧。

作者: jsonmom 時間: 12-6-5 11:39

試下搵ｄ私人補習督促下佢做功課，順便幫埋女女溫習，一舉兩得！我都係咁樣搞得掂我仔！！

作者: yangyang448 時間: 12-6-5 13:09

回復 peaceandlove 的帖子

以我對我個女的觀察是因為貪玩，而做不齊功課，她係一個很開朗，很快樂，但是很貪玩的一個女孩子。可以在做功課時走去畫畫。次次問功課做完未，她都答做完了。
我問她係唔係重係需要我幫她看功課，她說最好幫她看功課到三年級，我可以放手。她說有時她都不知點解，沒做齊，不過她真是一個很烏龍的女孩子。

作者: yangyang448 時間: 12-6-5 13:12

回復 jsonmom 的帖子

我都試過小一有揾私人補習，但我個女的功課不但沒好，而且更差，我想應該係沒找好老師。

作者: jsonmom 時間: 12-6-5 14:03

回復 yangyang448 的帖子

咁可能係我個仔個老師好啦，個老師好掂架，我個仔又曳又坐唔定，仲要英文底好差同對英文無興趣，佢都可以治到佢，仲要同我講想１個禮拜上多堂！

作者: peaceandlove 時間: 12-6-6 01:11

yangyang448 發表於 12-6-5 13:09
回復 peaceandlove 的帖子
以我對我個女的觀察是因為貪玩，而做不齊功課，她係一個很開朗，很快樂，但是很貪玩的一個女孩子。可以在做功課時走去畫畫。次次問功課做完未，她都答做完了。
我問她係唔係重係需要我幫她看功課，她說最好幫她看功課到三年級，我可以放手。她說有時她都不知點解，沒做齊，不過她真是一個很烏龍的女孩子。

都是那句老生常談：因材施教

有些孩子是需要輔助，才能慢慢從學習中，訓練出一套 做事技巧 跟 時間管理概念。

別這麼早放手，建議繼續輔助她，但需得法，反之弄巧反拙。

[她說最好幫她看功課到三年級，我可以放手] -- 既然是她提出，那就 make a deal，跟她勾尾指兼蓋印；讓她知道你對她有信心，相信她會努力讓自己進步。

[她說有時她都不知點解，沒做齊] -- 當遊戲般討論這個烏龍情況，玩角色扮演遊戲，遊戲中引導她自己想出方法 去避免這類「luck luck 漏漏」的行為。在遊戲中學習，讓她在輕鬆情況下去自己作領悟。

[自己的事應該做好，不應該有獎] -- 有時獎勵只是一種 推動的手段，推動孩子將好行為變成習慣的一種手段。別迷思它的負性一面。

[交齊功課有獎賞，結要也失敗] -- 現在孩子什麼都已太豐裕，獎賞很多事已不湊效。有用過『褫奪』這方法嗎？就是說不能完成訂好的「任務」，就不能 xxx, ooo。讓她知道 需為自己的行為負責，否則要付出代價。

-- 一切需耐性，放輕鬆去幫助她。

-- 共訂作息工作時間表，依循時間去做。

-- 家庭習慣規律需有常規，爸媽的生活態度習性會影響到孩子。

-- 訓練她「一個時間只完成一件事」，慢慢從小事訓練，建立她的自信，了解自己原來可以專心好好完成一件事。

作者: Yanamami 時間: 12-6-6 08:16

peaceandlove 發表於 12-6-6 01:11
都是那句老生常談：因材施教

有些孩子是需要輔助，才能慢慢從學習中，訓練出一套做事技巧跟時間管理概 ...

我大女係慢郎中(佢又無欠交, 但做功課好慢), 我個人又性急. 簡直係火星撞地球. 但照timetable辦事真係好好多. 上到P4打後又真係自理好d. 叫囡番到屋企, 打開手冊, 執葯禁執晒成疊功課上書桌, 做完一份就擺入功課套, 再係手冊tick左佢. 成疊做完check下手冊有無tick哂d功課先收拾書包. 若你話佢烏龍, 禁佢有無成日帶漏野?

作者: singyumama 時間: 12-6-6 14:31

如果學校嚴格有給予小朋友懲罰，才能指望放手能讓她吸取教訓變得自律，但學校根本無用放手只會令他習以為常不覺得欠交有什麼問題。既然賞罰都在家進行，倒不如叫小朋友每天把做好的功課給你檢查，不必等學校說欠才處理，起碼可以學會今天的事今天做。

作者: 囝囝mama 時間: 12-6-6 22:15

回復 yangyang448 的帖子

小二太细啦!!大D放手到未遲啦!!個個唔同,有快有慢.媽媽有時間就扶助跟跟功課!!!我大囝四年级先全放到手!!!自己D功課!!

作者: peaceandlove 時間: 12-6-7 00:07

singyumama 發表於 12-6-6 14:31
如果學校嚴格有給予小朋友懲罰，才能指望放手能讓她吸取教訓變得自律，但學校根本無用放手只會令他習以為常不覺得欠交有什麼問題。既然賞罰都在家進行，倒不如叫小朋友每天把做好的功課給你檢查，不必等學校說欠才處理，起碼可以學會今天的事今天做。

還有個可以辦方法
就是跟學校好好溝通一下，團體壓力有時比家長壓力更湊效。

作者: ANNAFRIEND 時間: 12-6-15 17:03

我都覺得個個唔同, 我女小一, 佢有d同學仔巳咩都係自己攪惦. 真係好叻. 但我女唔係呢類型, 仲好bb, 唔通我又學人地放手咩. 人人發展唔同麻, 都要睇返小朋友係邊類. 人話放手你又學放手, 人地小朋友係成熟自律型, 鬼叫我生唔出咩. 咪唯有繼續跟羅. 佢地點都有日會唔駛我再跟的.

作者: ppsfung 時間: 12-6-21 12:01

yangyang448 發表於 12-6-5 13:09
回復 peaceandlove 的帖子

以我對我個女的觀察是因為貪玩，而做不齊功課，她係一個很開朗，很快樂，但是很 ...

我囡囡都係二年級快7歲半, 佢都算烏龍, 雖然佢日日去補習班, 但每學期都欠交功課約10次 (佢間學校欠15次便要見家長.... 除咗欠交功課, 欠帶課本(包括帶錯課本), 欠交通告的次數也不少.

我個女話有時真係做漏咗 (因唔見咗本蒲所以做唔到), 有時做咗但交功課/通告時揾唔到, 所以無交....我諗番我細個時都係烏烏龍龍, 到中學時才叫好少少, 唔知佢係咪似我.....另一原因可能係佢12月尾出世, 比同學細幾個月, 而且屋企又有工人, 所以自理能力較低....

我覺得最好唔好只係幫佢CHECK功課, 係要大家一齊CHECK,
我會要囡囡打開手冊, 每項問佢係乜, 要佢拿出來, 大家一齊CHECK是否己做完, 如果OK的話一齊放入功課袋.
希望咁樣可以幫佢建立一套CHECK功課方法, 等佢再大個D可以跟呢套方法自己CHECK.

我相信自理和獨立能力個個唔同, 唯一可以幫的是陪小朋友一齊建立一套有系統的方法和習慣....至於成效如何, 小朋友吸收到幾多, 要視乎個人能力.

作者: yangyang448 時間: 12-6-21 22:56

回復 ppsfung 的帖子

真係同你個女差不多，試過幾次人地將佢份工課裝落另外一個同學的書包，回到家就沒得做。
試過連手冊都被同桌同學裝錯，搞到在家翻轉曬都聞唔，過了差不多兩個星期先給翻給我地。我地先知又是搞錯。我們女都是10月尾出世的，真係相差半年可以相差好遠的。

歡迎光臨教育王國 (/)