教育王國
標題: 令我震驚的報告 [打印本頁]
作者: doubt2012 時間: 12-6-3 16:11 標題: 令我震驚的報告
本帖最後由 doubt2012 於 12-6-3 16:13 編輯
兩星期前，我帶三年零八個月的女兒Joey到屯門醫院做評估，但結果完全在我的估計之外，好down，我覺得我個女唔係差成咁，加上我們之後才知道她評估時正在發燒，她當天的表現真的比平時弱很多。所以我將評估當日的內容打出來，請問你們覺得我應該接受個報告，還是待女兒沒有病的時間，找私人的心理學家再做一次？
l 醫生來的時候，Joey很緊張，連平時懂得自己穿鞋子，也不去穿。
l 醫生叫她上落樓梯，她扶著樓梯自己行，醫生叫她由第一級跳下來，她跳得很生硬。（但在家是跳到的）然後叫Joey拋球，她不肯拋，也不肯接。醫生拿著一些玩具，叫Joey踮腳尖拿，Joey不感興趣，不肯拿。醫生叫她單腳站三秒，Joey很緊張，只站到一秒，又要拉住我。就是這幾項，醫生說Joey的大肌肉只有兩歲。這是我最嬲的一項，因為Joey回到家，可以做到以上的動作。當然她的大肌肉是比同齡小孩弱些，但我想她不至於兩歲囉！
l 醫生拿了很多玩具來，叫Joey將不同的東西放在不同的位置，Joey都做到。後來Joey開始累，醫生叫她做什麼都不做。而且個醫生好惡，要人一秒內答到個答案，答不到就搶了Joey手上的玩具，再攞新的出來，好壓迫！好明顯Joey不喜歡她，如果我問她就一定會答。
l 醫生拿了幾張圖片，問Joey那些人在做什麼，她都沒有答。（其實Joey全部都識答，但就是不想答那醫生，不知是病，還是個評估太長，她已經沒有興趣去做。）
l 醫生給她車、匙等，問她是什麼，她都沒有答。（其實Joey怎會不知那是車？只是不想答。）
l 醫生問她顏色，Joey都沒有答。（其實Joey所有都懂，甚至什麼色溝什麼色變什麼色都知道。）
l 醫生叫她數量，Joey沒有答。（其實Joey一至一百都懂得指住去數，她就是不肯數。）
l 醫生問：「床用來做什麼？」「匙用來做什麼？」「筆用來做什麼？」Joey全沒有答。（我回家問Joey，她全部都懂。）
l 醫生給她畫畫，寫a-z，她都寫到。
l 醫生給她砌不同形狀的積木，Joey全都做到。醫生便說這是她的強項。
l 醫生給她不同顏色的方塊，照圖砌成一樣的圖案，Joey都做到。
l 醫生還問我一些問題，量詞掌不掌握到？我說有時會錯（我心想，大人都有些會錯，但我問了Joey，她懂得一張紙、一隻貓、一枝筆.....到底要去到什麼標準才叫掌握到？總之我覺得醫生誤導了我。）
l 醫生問我Joey懂不懂分你我他？我說有時會錯。（我心想，大人都有時會錯，但其實Joey十次有九次會說對。到底係咪要全部唔錯先叫識？總之Joey會分你我他已經OK啦。）
l 醫生說Joey有望她，但是問我問題時沒有望住我喎。（我又唔信每個人問人問題時都望住對方。係，Joey的眼神接觸係比人弱，但真係未至於完全唔望。P.S. 我帶Joey去上了八堂的遊戲治療，Dr. Poon說Joey初來時，很害怕他所以少望他，但上了幾堂後，眼神接觸已經無問題。所以他說要Joey去和一個沒有建立關係的陌生人做評估，個結果一定好差。）
l Joey做評估時很緊張，不斷講「唔怕涼、又唔怕燥」（清熱酷的廣告），醫生說她自言自語，是自閉症的特徵。（但評估之後這星期Joey已經沒有再講，只是緊張時會講。唉！我好後悔Joey狀態差時做評估，愈緊張她就愈多自我安慰的說話，原來咁計落自閉症的特徵。）
l 最後，醫生問我們擔心Joey些什麼？我們說學校說她的言語和社交比較弱。醫生說加上Joey喜歡認字的固執行為，已經中了三項，是自閉症症狀喎。但又說Joey不是太差，有望醫生和答她。於是她出報告，說Joey的小肌肉是同齡，理解差不多三歲，言語再少三個月喎。我聽後真係呆咗！！！！！即時反應不到！！！！！我無諗過個囡會遲成一年！！！！
l 總結：平心而論，當天發燒中的Joey表現比平時弱好多，的確給人印象很差，但我覺得未至於慢了一年囉！ 同時，我覺得個醫生好唔專業，冷酷無情，對號入座，又常常誤導我們答她想要的答案。她不會分小朋友是不能或是不為，只是將看見的東西寫出來。我實在太天真，以為兒科醫生都很有愛心。很多人叫我不要介意個result，但這兩星期我都失眠，開始對自己個囡的能力產生懷疑，被個報告影響到瘦咗幾磅。我知道這個system對Joey很不利，我很失望。其實個未做報告之前，我們都相處得好好，小朋友返學大半年有顯著進步，我以為她很快可以追上平常小朋友，但個報告落差太大，令我好震驚！
作者: pollybell 時間: 12-6-3 17:25
不足為奇.............唔係咁點俾服務你先,最重要係唔答係咪代表唔識呢,呢樣野你自己要好清楚,語言既評估就係咁,當時唔答即唔識,唔會得你同意先認為小朋友識.....個醫生咁無耐性已經影響成個評估既準確性啦.
作者: fatpam 時間: 12-6-3 21:49
冷靜冷靜，考慮私家再評，但點都要排服務先。
作者: jojoplanet 時間: 12-6-3 22:20
doubt2012 發表於 12-6-3 16:11 
兩星期前，我帶三年零八個月的女兒Joey到屯門醫院做評估，但結果完全在我的估計之外，好down，我覺得我個女 ...
其實你用平時佢係屋企行為調 adjust下個報告
作者: anan3388 時間: 12-6-4 08:06
d題目做就有分,無做就無分, 所以唔好將病那個result睇得太重, 不過做左出黎有得排服務就梗係照排服務
其實若你唔想駛錢去再做評估, 可以買/借本協康會既兒童學習綱領自己對照一下能力和年齡。
作者: ppmommy 時間: 12-6-4 08:58
我個仔都差吾多，好多嘢都吾肯做吾肯答，你只己知道佢的能力就得，吾使太擔心。
作者: doubt2012 時間: 12-6-4 09:04
多謝各位的意見，我個囡有排服務，仲有傷殘津貼添．其實我第一次經歷呢類評估，所以好shocking．做之前係有心理準備，但無諗過個results差成咁．我希望遲d做多d治療，可以多些了解個囡的發展．
當然，我個囡同我好親密，所以她和我講很多說話，但去到陌生環境或人多的地方，她會很沉默，很害羞．
我最不開心的是，我個囡識中英並用，懂得講中文文句子，認識很多中英詞彙，我想甚至比同齡小孩多．她會推論，又轉得好快，但被醫生以為她不會．因為她要model answer，不接受其他creative answer．
但這些能力最終都不計在能力內，反而被說成是固執行為．我知道那些醫生會對號入座，但我覺得作為家長的我，應多欣賞小朋友的能力，不要像蛋糕倒模一樣．
作者: fatpam 時間: 12-6-4 09:50
其實我都有懷疑個個入得去一般唔會話佢無事喎，無個名目點排隊有服務。
唔好咁在意，最重要係佢真係有能力做到，重有平日學校老師同治療師的意見先係最中肯，日日對住咩都知道啦。
作者: fatpam 時間: 12-6-4 09:55
其實你覺得小朋友邊方面有問題? 學校老師點講先
作者: doubt2012 時間: 12-6-4 10:13
我個囡應該係輕微的自閉症特徵，她在學校很少主動和小朋友說話和玩集體遊戲．有聲音和食物過敏，聽到商場吹風機的聲會喊得好利害，唔食瓜和菜，要哄才肯吃少少．她的感統失調，現在每星期做三次感統訓練．
以我的觀察，她的認知接近同齡小孩，老師也這樣說過．而且上學大半年以來進步很大，懂得全班同學的名字，聽到明白老師所有指令和跟住做，學校教的課本全都學懂，亦很喜歡學生字和看書．最近老師說她懂得和小朋友講"唔駛客氣"......所以我收到報告時才那麼震撼．
我曾經帶她去play therapy說她不是a仔，因她和人熟絡後的眼神接觸和平常人分別不太，沒有重覆行為．另外亦有感統導師說她不是a仔，因為她一見他就有眼神接觸，但言語的確有delay．因為我之前有了少少希望，希望女兒和正常小孩分別不大，所以收到個和正常小孩分別很大的report好震撼（也調節了她狀態不好），所以想知有冇家長有類似的經驗而已．
作者: doubt2012 時間: 12-6-4 10:16
回復 fatpam 的帖子
我個囡每次interview都病，第一次去母嬰健康院，個姑娘話我個女唔似有事，唔俾排服務．我堅持學校要，學校又寫咗個好差的report(因為k1剛開學我個囡真係好唔適應，d老師又未認識佢)，仲要見醫生時腸胃炎，咩反應都無，就順利排見屯門醫院的醫生．點知今次見醫生又突然發燒，唉！
作者: fatpam 時間: 12-6-4 10:30
評估就係咁，病又真係有影響嘅，但佢唔表現出來醫生，咁判又正常，好似考試交白卷都係0分。
做多次私人評估會客觀d，條氣會順d 。
作者: Capricorn2521 時間: 12-6-4 10:41
doubt2012，你要加油！
我告訴你，我個仔好多時第一次上小組課及見新的"專業人仕" 都係差評語，見多幾次/上多幾堂就話佢進步了不少，所以後來上興趣班/訓練班初期我都吾會再問，到中期/後期先問上課情況/表現。
上面講得啱，吾話你差，點顯得佢的專業重要呢?你冇問題就吾洗佢地D一連串嘅服務，好多人係會失業。 依家D家長生得少，好緊張......好多人話女人錢易賺，我就話依家小朋友錢仲易賺...學校嘅要求又愈來愈高，真係惡性循環，太吾健康啦......這是一門好好的生意，話就話幫小朋友，要有專業資格，如果真係幫人就吾好收幾百元一個鐘。
媽媽最知道自己孩子的能力，努力。
作者: fatpam 時間: 12-6-4 10:55
講中晒！give me five 
特別係幫人就唔好收人幾百元一個鐘，好搞笑
作者: kelvin_hmlau 時間: 12-6-4 11:31
回復 doubt2012 的帖子
聽到你的描述, 居然派到傷殘津貼 (應該係排S位), 真係有d 震驚!
作者: worry-mom 時間: 12-6-4 17:21
講開..."如果真係幫人就吾好收幾百元一個鐘"
真係唔明點解呢類個別訓練要咁貴?
就好似PST咁, 同一個普通幼稚園老師識既野其實都係一樣, 只不過讀多少少, 叫做識處理特殊需要既小朋友經驗, 但就可以收幾百蚊一個鐘. 真係唔知由幾時邊個去set呢個價.....
離左題添!
作者: doubt2012 時間: 12-6-4 17:30
係呀，真係唔知道那些專業人仕為何收咁貴？但係咪真係咁有料到？
又好似政府d兒科醫生，人工咁高，工作環境咁舒服，但做評估只係剔一張我都識的checklist......唉，或者之所以人點解要努力讀書？就係要攞個qualification。
作者: doubt2012 時間: 12-6-4 17:31
回復 kelvin_hmlau 的帖子
醫生係俾I位，但依家我要求E位，因為依家間幼稚園接受到我個女。
作者: rich47004 時間: 12-6-5 07:47 標題: fatpam 的帖子
係六七百蚊個钟，幾百蚊係有其他資助了，呢樣真係唔合理。
作者: happy3988 時間: 12-6-6 15:31
I have the same feeling that CAC is not totally objective. As I requested my private doctor to refer my kid to make assessment at CAC. We need to be interviewed by a registered nurse first. I have the feeling and impression that the nurse tried to make leading question to me and distort the situation. She would lead me to unfavourable answer instead this is not the case.
I need to wait for 6 months. I decide to make observation by myself coz I know my kid (26 mths) is making improvement every day. If he has great improvement on speech and eye contact after attending pre-nusery, I decide not to bring my kid to make assessment at CAC by then coz I'm afraid they will not make fair judgement or simply say that it's too strict and demanding.
I dun know whether I am escaping or not, but I ll feel more comfortable.
作者: kelvin_hmlau 時間: 12-6-6 15:36
話雖如此 "cac 唔係咁客觀"，但其實2個月大 normal kid 都已經有眼神接觸。所以都係小心為上。
作者: doubt2012 時間: 12-6-8 08:40
回復 happy3988 的帖子
我也有同樣感覺，最初我也不想做評估，因為覺得個囡呢半年進步好大，但學校不斷追迫我哋交評估報告．現在回想起來，其實我不一定要做這個評估，但既然做了，就要接受個結果．
我只係想知道，香港有冇機構可以provide一些比較細心的評估，我知美國的評估會連續做幾天，甚至去小朋友的家中做．但香港的資料少，連評估都咁趕急．或者香港就係咁，好似公開考試就評估咗一個人十幾年來的努力，唔理佢當天狀態如何，總之要答到個model answer才叫成功吧！
我想你的小朋友應該係marginal case吧？所以你會心大心細．總之排咗隊先，到時才決定評不評，評的話要有心理準備．
作者: doubt2012 時間: 12-6-8 08:48
回復 kelvin_hmlau 的帖子
係呀，我個囡如果真係無eye contact我真係會驚，但佢出世到依家都有eye contact，尤其是對住我呢個媽咪，簡直釘到我實........但對於陌生人就少好多啦！所以俾人的印象唔好．
而且我個囡兩歲前已經識晒大細楷a-z，識得數1-100，十種以上的顏色，又識得玩假想遊戲，我痛的時候會呵返我，整親人會講對唔住．加上無佢自轉等自我刺激行為，所以我一直覺得她只是marginal case，但個醫生就好肯定納佢入自閉症症狀．原本我係想要一個評估，多點讓我明白個囡，但個評估只係將我個囡歸做一類就算．
呢幾個星期，我發現個評估的作用，係迫我去找多些資料和治療，自己了解個囡多d．
作者: fatpam 時間: 12-6-8 11:38
你同老師最清楚小朋友問題，排啱條隊，對症下藥，先為上策。
醫生有無話小朋友各方面delay 程度? 如言語，大小肌。
其實佢應該都有問你平日觀察係點，學校點講等等?
作者: kelvin_hmlau 時間: 12-6-8 14:24
回復 doubt2012 的帖子
我詳細睇番你的描述, 發覺你個女可能比較怕陌生人.
可以帶多d 去朋友家同其他小孩玩, 再作觀察.
另外了解下唔答人的原因, 係唔明人問乜, 定rigid 唔肯答, 定其它.
另外係專家角度, 強項係數字同串字都唔係一件好事.
你個女3歲幾, 似乎都係parallel play 階段, 觀察一下是否很抗拒和其他小孩一起玩, 或有退縮表現.
作者: doubt2012 時間: 12-6-12 17:49
嗯，其實我對我個囡有好多好多問號，評估完個問號仲係咁多．
我個囡唔係一出世就發展有問題，而係一直都跟到，但到2歲3個月，妹妹一出世之後，就開始發展得好慢．那時我只覺得是因為妒忌妹妹才會行為倒退，但現在妹妹一歲半了，家姐的發展也沒有追上同齡．所以我想自閉症是對的，但又不完全解釋到我個囡的情況．
例如我個女平日的對答唔叻，但學詞語係一學就記得，做認知的習作，可以自己做到，有時加小小解釋就ok．這三個月她初接觸普通話，記得晒學校學的普通話歌，識水果和一至二十的普通話．而且她的發音比正常小朋友還要標準．數字和串字係強項唔係一件好事，但她真的運用得到．
佢現在返了學大半年，唔抗拒同小朋友玩，仲會攬佢地．但就真係好被動，互動亦比較差．
作者: 麻煩 時間: 12-6-12 22:53
本帖最後由 麻煩 於 17-6-1 10:30 編輯
.....
作者: doubt2012 時間: 12-6-14 11:39
tks，慢咗就當然要追．我只是覺得我個囡有很多叻的地方，不要只向負面想．
咁你個大仔現在點呀？係咪讀小學啦？
我個女兩歲都有用你我佢架，畫畫寫字都好叻，識的字比同齡小孩多好多．現在她懂得講"貓貓喺度瞓覺, the cat is sleeping"等句子．
唉！現在做緊感統，大肌肉總算有進步，她有輕度感覺失調．
作者: baby_cat 時間: 12-6-14 11:44
doubt2012 發表於 12-6-12 17:49
嗯，其實我對我個囡有好多好多問號，評估完個問號仲係咁多．
我個囡唔係一出世就發展有問題，而係一直都跟 ...
我認識既自閉小朋友, 都是記性好, 所以覺得聰明D (上天是公平的), 佢地既智商係正常架.
但社交就會好弱, 就好似人地講既"怕生".
其實係佢地唔識同人溝通, 表達感情既野會差D, 可能會容易打交, 唔識點樣解決問題
作者: hv245 時間: 12-6-20 07:17 標題: Quote:doubt2012+發表於+12-6-12+17:49+嗯
提示: 作者被禁止或刪除 內容自動屏蔽
作者: doubt2012 時間: 12-6-20 10:38
多謝你哋的鼓勵！
其實我唔開心係因為我帶小朋友去做評估時有小小希望，但落差太大，現在過了一個月，心情平伏了很多．
現在我們排了很多服務，希望暑假繼續訓練佢，然後幼稚園俾佢上全日k2，希望佢接觸多些小朋友，言語和社交更進步．
我個囡真係唔傾typical a仔，因為我好多朋友都話唔覺得佢有問題，只能感恩是她很輕微．
作者: 麻煩 時間: 12-6-20 23:00
本帖最後由 麻煩 於 17-6-1 07:48 編輯
.....
作者: bauhiniakan2000 時間: 12-6-21 18:40
服務照排,因時間很長,排到時小朋友正常可似唔要,但唔排就一定冇,你可以去評估中心借書睇下點教.
作者: doubt2012 時間: 12-6-22 09:19
我唔贊成用單一語言同我個囡講嘢，因為她聽得明白中文，英文，少少普通話．我工人講英文的，我們交談時用英文，她聽得懂．例如我和工人講：[Today we go to police club.] 我個囡聽到立即笑，說：〔去警察會．〕日常生活的指令全聽得明白。
其實我個囡好好人緣，好多小朋友喜歡她，她也很有自信心，性格開朗．社交弱是因為她不主動和人玩，言語弱，但就很服從指令．
其實我覺得我個囡真係唔弱，佢記晒學咗嘢，只係表達時弱一點，但現在正在進步中。
| 歡迎光臨 教育王國 (/) |
Powered by Discuz! X1.5 |