教育王國

標題: 迦南（富榮花園）vs 明我天主教點揀？？ [打印本頁]

作者: angelkinki 時間: 12-6-2 17:56 標題: 迦南（富榮花園）vs 明我天主教點揀？？

迦南（富榮花園）vs 明我天主教

兩間都係收pm。想請教各位媽咪，應該點揀？？明我係咪嚴格d，多野學d？？

作者: BonnieBelva 時間: 12-6-12 23:21 標題: 回覆：angelkinki 的帖子

明我~

作者: catfion 時間: 12-6-13 01:10 標題: 回覆：迦南（富榮花園）vs 明我天主教點揀？？

請問選明我的原因是什麼? Thanks!

作者: man_0702 時間: 12-6-13 09:13

回復 catfion 的帖子

我朋友都係迦南N班之後轉明我K1, 明我係品德教育方面嚴謹D, 同埋功課多D課程會相對深少少~

ANYWAY, 兩間都係係大角咀出色既幼稚園~

作者: catfion 時間: 12-6-13 23:19 標題: 回覆：man_0702 的帖子

Thanks for sharing! 咁如果同金巴倫迦南相比呢?

因我見迦南每日都有20-25 min NET教英文, 而明我每星期只有2日...

作者: susuwai 時間: 12-6-17 03:49

當年我選迦南,因明我較傳統,勁谷。如你的小朋友能坐定定,建議選明我，否則選迦南,因較ALL ROUNDED

作者: catfion 時間: 12-6-17 16:26 標題: 回覆：susuwai 的帖子

Thanks Susuwai, same to me, I gave up 明我 finally too...

作者: angelkinki 時間: 12-6-17 23:41

catfion 發表於 12-6-17 16:26
Thanks Susuwai, same to me, I gave up 明我 finally too...

我反而係放棄左迦南。因為我仔仔係需要人管，先會認真做野ge人。

作者: catfion 時間: 12-6-18 09:06 標題: 回覆：angelkinki 的帖子

另一原因是迦南收佢上午班,而明我N1只有下午,所以,最終選了迦南

作者: zoesychan 時間: 12-6-18 10:06 標題: angelkinki 的帖子

你知唔知明我出名乜嘢呀？出名多人入到油天，大天呀，聽朋友講今年k3入咗好多個

作者: chanwendy 時間: 12-6-18 10:54

zoesychan 發表於 12-6-18 10:06
你知唔知明我出名乜嘢呀？出名多人入到油天，大天呀，聽朋友講今年k3入咗好多個

...

油天同大天唔係津校嚟架咩? 津校係靠自行, 派位, 或叩門, 前兩者係講分同講運, 同學校拉唔上任何關係, 如果係叩門入的話, 先可以算同幼稚園有少少關係喎.

作者: carolcky 時間: 12-6-19 17:36

我估我都會揀明我,迦南宜家好似比較Commercial.
雖然我覺得兩間education level差不多.

作者: hidy88 時間: 12-6-19 18:39

我就選擇了迦南放棄明我，我喜歡每日有net同普通話，兩者比較後迦南都好啲

作者: chanwendy 時間: 12-6-20 11:19

carolcky 發表於 12-6-19 17:36
我估我都會揀明我,迦南宜家好似比較Commercial.
雖然我覺得兩間education level差不多.

迦南用家冇人會覺得佢 commercial, 話佢 commercial 的本身不是用家, 只係以訛傳訛.

作者: carolcky 時間: 12-6-20 13:15

只係純個人意見,資料係從不同既親朋好友用家口中取得,絕唔係網上取經.
不過講真,各有各好,要視乎你想比咩你個小朋友.

作者: angelkinki 時間: 12-6-21 16:40

catfion 發表於 12-6-18 09:06
另一原因是迦南收佢上午班,而明我N1只有下午,所以,最終選了迦南

甘am同pm，我都揀am！

不過可惜兩間都係收仔仔pm。

作者: ggbwong 時間: 12-6-26 10:03

我女女N班讀cannan, 之後讀明我. 明我擺明係谷入傳統小學個D, 中文生字都幾深, 每星期有中或英默書, 已識寫"畢業典禮, 儲蓄, 貨幣, 習慣" 等等.....英文就standard level, 不過數學就慢過其他學校 (K3仲未教進位借位等). 老師比Cannan嚴D. 個人覺得cannan 的老師親切D. 至於升小, 當然大抽獎靠彩數. 但之前去明我個升小講座, 最後有一位校董(伯伯), 可能佢識油天的人, 話如家長派得唔理想, 可找佢, 佢話過往有同學仔等到8月先先找到學位入油天.

作者: angelkinki 時間: 12-6-27 15:07

ggbwong 發表於 12-6-26 10:03
我女女N班讀cannan, 之後讀明我. 明我擺明係谷入傳統小學個D, 中文生字都幾深, 每星期有中或英默書, 已識寫 ...

我就係想仔仔入天主教小學，先揀明我。

雖然我都知叩門之前都唔關讀邊間幼稚園事，但我都希望買個保險lor。萬一之前都派唔到，起碼最後叩門時，對方都睇到你係讀天主教幼稚園，希望可以加d分。

歡迎光臨教育王國 (/)