教育王國

標題: 我仔仔2011/11/11出世。。 [打印本頁]

作者: caraman923 時間: 12-6-2 13:07 標題: 我仔仔2011/11/11出世。。

我囝囝係11/11/11出世，如果想同佢報出年PN，會唔會收？同埋係咪要依家報？thx！

作者: caraman923 時間: 12-6-2 18:41 標題: 回覆：我仔仔2011/11/11出世。。

麻煩有無人解答到？

作者: LL222 時間: 12-6-2 19:51

法例係要足2歲先可以返PN，有D幼稚園要佢生咗日先返，有D直程唔收

作者: Gabumama 時間: 12-6-3 01:19 標題: 回覆：caraman923 的帖子

出年想入學就今年要報。而家睇定啦，啲幼稚園由8月尾開始會陸續接受報名，每間嘅報名日期都唔一樣，睇啱咗，再上佢哋website睇吓報名日期啦。好多幼稚園都未咁快公佈報名日期㗎，你由7月尾~8月初左右開始，定期𥄫吓你打算報嗰啲學校嘅報名日期啦！

作者: caraman923 時間: 12-6-3 10:44 標題: 引用：出年想入學就今年要報。而家睇定啦，啲幼稚

原帖由 Gabumama 於 12-06-03 發表
出年想入學就今年要報。而家睇定啦，啲幼稚園由8月尾開始會陸續接受報名，每間嘅報名日期都唔一樣，睇啱咗 ...

係報名嗰時已經知收唔收丫定之後先通知架？如果之後通知咁可唔可以一次報幾間架？thx

作者: leungcnine 時間: 12-6-3 16:51

當然要報多幾間, 因為而家D 幼稚園好難入, 你囝囝6條1出世, 好特別呀~

作者: creamsicle 時間: 12-6-3 17:48

回復 caraman923 的帖子

試多幾間，唔會無書讀ge. 不過要有心理準備讀下午班，同埋可能要寫求位信一路寫到聖誕卡。加油！

作者: caraman923 時間: 12-6-3 19:51 標題: 引用：回復+caraman923+的帖子試多幾間，唔會無

原帖由 creamsicle 於 12-06-03 發表
回復 caraman923 的帖子

試多幾間，唔會無書讀ge. 不過要有心理準備讀下午班，同埋可能要寫求位信一路寫到 ...

咩求位信丫？

作者: caraman923 時間: 12-6-3 23:18 標題: 引用：當然要報多幾間,+因為而家D+幼稚園好難入,+

原帖由 leungcnine 於 12-06-03 發表
當然要報多幾間, 因為而家D 幼稚園好難入, 你囝囝6條1出世, 好特別呀~

唉。。。但係係細b呢。。。報學校好麻煩

作者: brilliantbb 時間: 12-6-4 11:06

提示: 作者被禁止或刪除內容自動屏蔽

作者: creamsicle 時間: 12-6-4 12:15

回復 caraman923 的帖子

求位信即係寫信比心儀學校同校長講你有幾渴望入佢間學校. 你search下EK應該有討論.
你個細B最快要12月先可以番學.學校會唔會唔收其他學生3-4個月學費留個位等你呢?
如果收左其他學生就要等有人退學先有位. 退學經常會發生,不過可能要等年頭1-2月.
有D人考到K1後就唔繼續讀PN,所以1-2月通常會有幾個位.
學校又未必會用番之前waiting list打電話,因為大多數waiting既人都已經讀左另一間唔想轉校.
所以BB11月生日後寫多幾封聖誕卡/求位信,比學校知你幾有誠意,免得要老師打好多電話食檸檬.
你個細B考K1時可能未有PN學番,要搵D模擬番學既playgroup上下呀!

作者: caraman923 時間: 12-6-4 12:21 標題: 引用：回復+caraman923+的帖子求位信即係寫信比

原帖由 creamsicle 於 12-06-04 發表
回復 caraman923 的帖子

求位信即係寫信比心儀學校同校長講你有幾渴望入佢間學校. 你search下EK應該有討論 ...

好詳盡丫！thx。即係如果唔讀n1都可以報k1？但係會唔會因為佢無讀過n1，收嘅機會細好多？同佢咁易適應返學？

作者: caraman923 時間: 12-6-4 12:23 標題: 引用：Quote:原帖由+creamsicle+於+12-06-04+發表

原帖由 caraman923 於 12-06-04 發表
好詳盡丫！thx。即係如果唔讀n1都可以報k1？但係會唔會因為佢無讀過n1，收嘅機會細好多？同佢咁易適應返學 ...

無咁易適應返學。。。打少個字添

作者: creamsicle 時間: 12-6-5 14:04

回復 caraman923 的帖子

唔讀n1都可以報k1？ Of course!!
但係會唔會因為佢無讀過n1，收嘅機會細好多？收嘅機會細D係因為小朋友返左幾個月學明顯成熟D,坐得定D,放膽D答老師問題. 無返過學小朋友如果interview時坐唔定唔睬老師就無咁著數.相信學校唔會因為無返PN而唔收.
搵間會train小朋友坐定答問題的playgroup,8月開始當返學咁上堂,話唔定11月已經見成績!
至於返學適唔適應,收得你就得架啦!

作者: caraman923 時間: 12-6-5 14:14 標題: 引用：回復+caraman923+的帖子唔讀n1都可以報k1

原帖由 creamsicle 於 12-06-05 發表
回復 caraman923 的帖子

唔讀n1都可以報k1？ Of course!!

Thx你丫！因為依家同佢揾緊n1，一係就full左，一係就waiting list。。。可能因為係細b。。。:( 驚佢無得讀n1。。。

作者: suetyeeg 時間: 12-6-6 11:39

本帖最後由 suetyeeg 於 12-6-6 11:40 編輯

我女女2011年9月10日出生....揾n1，就係full左....不過就報左K1....
可能決定唔讀N1....其實唔讀N1係咪沒咁好??

作者: 小咪食西瓜 時間: 12-6-6 12:17

本帖最後由小咪食西瓜於 12-6-6 12:19 編輯

你地啲小朋友2011年出世喎，應該係今年開始報PN，應該未開始IN的呀？細B我建議YORK，佢地早報早IN早收，你地早啲報收的機會大好多，就算唔收你PN佢都會收定你K1，咁你咪冇咁担心囉。佢地全年都收FORM的，我個朋友剛剛交左FORM。我小朋友係2010年9月B，今年會讀YORK PN。

作者: caraman923 時間: 12-6-6 15:43

小咪食西瓜發表於 12-6-6 12:17
你地啲小朋友2011年出世喎，應該係今年開始報PN，應該未開始IN的呀？細B我建議YORK，佢地早報早IN早收，你 ...

唔好意思哎~我想問YORK 係邊間哎?!?!

作者: 小咪食西瓜 時間: 12-6-6 16:06

回復 caraman923 的帖子

約克

http://www.york.edu.hk/information1024.htm

要俾$30.

download左邊的form. 右邊的冇pn嫁

如果冇經濟壓力，這個係個好選擇。有好多人都覺得佢貴，不過細b其實可以當佢係一個保障先囉。如果考到其他你覺得好的，到時你咪可以有選擇囉，好過咩都冇。
我自己鐘意佢咩都安排好，連興趣班同公開考試都安排好，唔駛自己煩，而且公開試成績好，所以我會俾小朋友一路讀上去, 佢係我自己的首選學校。

我自己的經驗係細b報多幾間，其實好多只俾8月31日前出世的小朋友報名的，所以選擇唔多嫁，到考到心儀的咪唔駛再考囉。我小朋友考頭幾間都收左，我就冇再考了。
你可以試Think, 方方, 明慧, WILLIAM SMART, 慧中, 大坑東, ....都收細B的

作者: ambj 時間: 12-6-6 16:50

回復小咪食西瓜的帖子

請問知唔知鰂魚涌區边間幼稚園收細B入N1, 我TWIN B都係11/2011出世的...

作者: 小咪食西瓜 時間: 12-6-6 17:12

回復 ambj 的帖子

Sorry ar. 鰂魚涌我唔識，香港果邊我只係知北角民生同明慧收細B。

作者: creamsicle 時間: 12-6-6 17:59

回復 ambj 的帖子

建議你去北角衛理堂入表排隊讀幼樂坊(playgroup),+ kornhill維記+北角民生+太古城寶寶playgroup
年尾報佢地N1,不過細B未必收.
希望入唔到N1都入到playgroup.
無N1讀照報佢地K1+出面其他K1
讀住playgroup先,2月有N1插班就讀N1.
無就繼續佢地playgroup至K1開學
收生機會最高應該係太古城寶寶

作者: aokiwong 時間: 12-6-8 22:42 標題: 回覆：小咪食西瓜的帖子

早報，即係幾時要開始報？thx

作者: 小咪食西瓜 時間: 12-6-9 10:45

回復 aokiwong 的帖子

現在已經可以報，我朋友剛剛報左。我上年考的時候佢好似分左3-4次INTERVIEW，最早報的會聽簡介會同IN先，亦會出左RESULT先，有剩的學位就第二批人IN，所以細B會啲報機會就大好多，我見佢都收好多細B，試下先啦！我上年INTERVIEW時佢地安排得好好的，唔需要等，會安排一個唱遊時段俾小朋友放鬆左先，好開心嫁。有唱歌，跳舞，玩波同動物接獲咁....之後上樓IN，一次IN 3組，獨立每個家庭IN，好快IN完，上次我小朋友IN果時，有一個小朋友唔肯坐又唔理個老師，老師就叫果個小朋友媽媽先帶佢去玩一陣先，IN左另一個小朋友先，之後再IN返佢，俾多一次機會果個小朋友，等佢心情好啲先IN，所以我覺得啲老師好好人。而我小朋友IN時因為只得1歲，仲未識講野，老師問問題佢只係指答案，老師仲同我地講，家長可以用日常生活的對話方法去引導小朋友完成問題。

作者: aokiwong 時間: 12-6-9 16:32 標題: 回覆：小咪食西瓜的帖子

Thx for ur information .我想問而家報，係咪都係11，12月之後先interview?因為我個囡係11月尾的細b.另外想問york既雜費貴唔貴？thx

作者: 小咪食西瓜 時間: 12-6-9 18:35

本帖最後由小咪食西瓜於 12-6-9 19:00 編輯

回復 aokiwong 的帖子

上年11-12月已經IN左到第三四輪了，已經冇太多位。
其實我明白你想講如果一歲唔夠去IN都唔知仲咩，我上年都係咁諗。但唔緊要的，啲老師會觀察你個小朋友的表現，好似我所講，我小朋友IN果陣都係得一歲，唔講野，都係咁。就算IN得唔好，YORK都會俾K1位你再下年讀的，你可以當佢係安全網囉。
你早報會好早就有INTERVIEW，但幾時就要睇返學校的安排。唔好諗咁多，我自己上年都係咁，小朋友係你估佢唔到的，雖然我個小朋友冇講野，但佢手指指咁回應老師，我自己覺得OK啦，而且就算唔OK，我地係細B，點都唔可以同大B比的呀，當自己俾$30去玩囉，唱遊時段唔計分的，所以玩得好開心嫁。

再講多一個經驗俾你知，我小朋友考另一間時，剛剛學行，佢好想行，GROUP INTERVIEW 時佢推住張椅四維行，冇理個老師，咁都收喎，奇怪。(我唔識人，打工仔)

我想講，我地做家長的只可以報多啲名，俾小朋友自己發揮，我地其實咩都做唔到，盡左力就算數。

好啦，講反你問的問題，YORK收幾錢？
我覺得都幾貴，原來小朋友讀書貴過讀大學。
書費(半年):7百幾
書包+SUMMER 校服一套+雜費(半年)+茶點(半年):5千幾
學費每月:4千幾(交十一個月)

咁第一次留位俾$660
第二次都俾剛剛講果啲錢，不過如果唔讀可以退返。

有啲JM計過話每月平均6千幾左右，我自己冇計過，因為仲未開始讀，HEHE........
咁我見同其他學校差唔多，間間都係咁貴，除非有學卷啦，但都要K1先有，PN冇得用。

最後，都係果句，報多幾間啦！加油！

作者: aokiwong 時間: 12-6-10 00:21 標題: 回覆：小咪食西瓜的帖子

唔該晒！好詳盡呀！我想問下邊d仲會收細b？因為我都想報多幾間~thx

作者: 小咪食西瓜 時間: 12-6-10 22:02

回復 aokiwong 的帖子

你可以試Think, 方方, 明慧, WILLIAM SMART, 慧中, 大坑東, ....都收細B的
同事個B係12月細B,讀開多多PLAYGROUP, 收返佢PN, 你都可以試下

作者: aokiwong 時間: 12-6-11 10:25 標題: 回覆：小咪食西瓜的帖子

Thx.其實我都有報多多playgroup wait半年，但多多pn,好似要$7000幾一個月，我估我俾唔起了.

作者: 小咪食西瓜 時間: 12-6-11 10:53

回復 aokiwong 的帖子

咁你試下考方方，地方舊左啲同細啲，但收好多細b，唔貴，好似3千幾一個月。
我小朋友interview 果日，6-7位老師分開6-7枱咁見每一個家庭，我見果位，都問過我小朋友問題，老師放左件野在枱面，咁我小朋友好順手咁拎起，老師見到就問我地，佢係咪習慣用這隻手，跟住mark低，之後見到我小朋友換手拎，又mark低，之後再問我地小朋友的發展, e.g. 食野，去洗手間，講野....
問完就同我地講話因為小朋友細，佢地唔會要小朋友做啲唔佢地能力以外的事，問左小朋友的發展同成就ok。

我仲以為唔收，但又收左喎，仲上午班。
我覺得佢有考慮過小朋友的成長，而唔係要所有小朋友考同一樣野。
你可以考慮下。

作者: ambj 時間: 12-6-11 16:41

回復小咪食西瓜的帖子

想問因為我住東區的而且是TWIN B, 所以我想請問各位媽媽你地知唔知東區边間幼稚園會收細B入N1, 因為我仲未開始幫BB報名, 謝謝

作者: aokiwong 時間: 12-6-11 18:40 標題: 回覆：小咪食西瓜的帖子

咁我都試下報。我想問有幾間收左，你最後點解選york呢？york係first choice?同埋york pn係咪直升k1?thx!

作者: aokiwong 時間: 12-6-11 18:41 標題: 回覆：小咪食西瓜的帖子

咁我都試下報。我想問有幾間收左，你最後點解選york呢？york係first choice?同埋york pn係咪直升k1?thx!

作者: 小咪食西瓜 時間: 12-6-11 20:09

本帖最後由小咪食西瓜於 12-6-11 20:10 編輯

回復 aokiwong 的帖子

我報左十幾間，只考左5、6間。咁果5、6間都收左，不過大部份都係下午班，得2間上午班。
我選YORK因為佢地英文好，咁咪唔需要出去補習囉。而且佢地提供課外活動，咁我咪唔需要自己出外找，而且在同一學校上，咁好似安全啲同唔需要左就右就啲時間。
從另一個角度睇我係一個懶媽媽，一站式的服務，我輕鬆啲，咁相對咪可以多啲時間同小朋友玩囉。
不過我講剛剛講YORK的課外活動，即係所的多元智能班，其實都係要到K2，仲要經過老師挑選的學生先可以讀。所以都係到時先諗啦，HAHA~
YORK的PN係可以直升的呀！

作者: caraman923 時間: 12-6-11 21:25 標題: 引用：回復+caraman923+的帖子約克http://www.y

原帖由 小咪食西瓜 於 12-06-06 發表
回復 caraman923 的帖子

約克

我想問哩啲幼兒園喺邊架？荃灣有嗎？

作者: 小咪食西瓜 時間: 12-6-12 08:09

回復 caraman923 的帖子

荃灣有2間方方，1間係海濱方方，1間係愉景方方，另你可考慮慧中，這3間都收細B，慧中係IN果日即時交錢有RESULT的。

方方九龍塘有2間。但荃灣果2間外觀新啲，九龍塘好舊。
THINK 唔同地區都有，最近你應該美孚果間，商場入面的。

作者: aokiwong 時間: 12-6-12 11:05 標題: 回覆：小咪食西瓜的帖子

Thx for your sharing~

作者: caraman923 時間: 12-6-13 06:16 標題: 引用：回復+caraman923+的帖子荃灣有2間方方，1

原帖由 小咪食西瓜 於 12-06-12 發表
回復 caraman923 的帖子

荃灣有2間方方，1間係海濱方方，1間係愉景方方，另你可考慮慧中，這3間都收細B， ...

咁荃灣有無york丫？係方方同慧中好啲？如果哩兩間讀完pn，之後再出去揾k1易揾嘛？麻煩晒！

作者: Andymammy 時間: 12-6-13 08:57 標題: 引用：我囝囝係11/11/11出世，如果想同佢報出年PN

原帖由 caraman923 於 12-06-02 發表
我囝囝係11/11/11出世，如果想同佢報出年PN，會唔會收？同埋係咪要依家報？thx！

...

年尾B，要魚翁撒網！

作者: 小咪食西瓜 時間: 12-6-13 11:40

回復 caraman923 的帖子

YORK 係九龍塘。你上學校啲website就可以見到。
方方同慧中，你可以分別睇下EK啲JM點講，我見啲JM都話幾好，另外你問K1考唔考到其他學校，我諗冇人會答到你，因為INTERVIEW就好似六合彩咁，唔好有人話俾你知你一定中。不過咁，以數量計，有PN的學校少啲選擇的，到左K1，選擇多好多，好多人都會轉。考唔考到就要睇下你報名的是否好多人報囉。
都係果句，報多啲，學校點收學生係一個"迷"，報多幾間，如果多過一間收你，咁就左家長有選擇權。
加油！

作者: caraman923 時間: 12-6-13 11:52 標題: 引用：回復+caraman923+的帖子 YORK+係九龍塘。

原帖由 小咪食西瓜 於 12-06-13 發表
回復 caraman923 的帖子

YORK 係九龍塘。你上學校啲website就可以見到。

thx你丫！我明白啦！點都同佢揾定pn先，到時k1先再同佢報！

作者: mifu 時間: 12-6-13 12:27

回復小咪食西瓜的帖子

"小咪食西瓜" 好詳細啊~
但想問下,

York International Kindergarten	York English Primary School & Kindergarten
York InternationalChild Care Centre	York English & Chinese Kindergarten

有乜分別呢?
International 先有得讀PN?

係咪依家可以報嫁喇?

thanks~

作者: 小咪食西瓜 時間: 12-6-13 12:37

回復 mifu 的帖子

左邊先有得DOWNLOAD PN張表，係呀，我朋友交左表啦！
你去幼稚園一覽果邊，YORK果板睇下，我好似見有人話去INTERVIEW，不我唔知佢地講緊PN定K1(唔知係咪講緊今年呢)，YORK上年都好早開始IN。你交左表先算啦﹐佢會SEND封信叫你聽簡介會，再之後就INTERVIEW。你有咩問題都可以打去OFFIC問佢地，今年幾時IN我唔清楚。

作者: mifu 時間: 12-6-13 17:19

回復小咪食西瓜的帖子

thanks for your sharing and information.

作者: takjor 時間: 12-6-14 18:24

回復小咪食西瓜的帖子

我個仔係9月出世架!york左邊個間好貴, 右邊間都可以，但係又冇pn班，想問吓如果係第2間讀pn，又報佢哋n1唔知得唔得? 想問吓知唔知迦南pn班好唔好?

作者: takjor 時間: 12-6-14 18:50

我住大角咀，除咗迦南有pn班外，有冇邊間ok?

作者: 小咪食西瓜 時間: 12-6-15 09:27

回復 takjor 的帖子

york 左邊係國際班，右邊係本地班。2種班的英文都係外籍老師教的，國際班就每日有普通話堂，而且班主任有一任係外籍老師; 而本地班就一星期一次普通話，班主任係本地老師。
pn 係國際班果邊的，但升k1時可以去本地班，老師會做評估的，家長自己到時可以同老師傾。
pn 因為冇資助，間間都差唔多係咁貴。york係冇學卷的，所以pn到k3都唔會有資助。
你幫小朋友選學校時要小心，就係有啲學校會由有學卷轉做冇學卷，所以除左舊資料，要睇下學校website有冇新update。
另外，仲有啲野要小心的就係: 學費收幾多個月，書費幾多，雜費包啲咩.....
錢銀要問清楚學校呀，一般收左你留位費$660係唔會退的，咁其他費用記得睇清楚有冇得退。
你可以睇下其他板，有啲jm話有學校pn的書費都2千幾，但係得幾本書。唔讀只可以退書唔可以退錢。
如果一早知道清楚，就可以有個心理準備。
我自己覺得YORK同其他冇學卷的費用差唔多，而且每樣收費都好清楚的，到最後唔讀，7月前通知又可以退錢，而且我見好多JM都會買2手書SAVE $$$。

大角咀你可以考學之國，但好多人考的哦。迦南你記得上佢website睇清楚，唔同分校的報名方式的少少唔同，有啲分校大細b的報名時間係唔同的。小心。

歡迎光臨教育王國 (/)