教育王國

標題: ADHD小朋友食藥的迷思 [打印本頁]

作者: wendy_ho 時間: 12-5-30 12:52 標題: ADHD小朋友食藥的迷思

本帖最後由 wendy_ho 於 12-5-30 13:53 編輯

我囝囝被界定為ADHD,現在P.2,成績我覺得係中上,上次考試全竿都有85分以上(當然我有幫他溫習),不過,就大上大落,29分都試過(都係有溫,不過唔知點解會如此低分,應該係無專心去做份卷)
之前食醫生開既西藥,SIDE-EFFECT好明顯,情緒好大起伏,夜晚又瞓唔到,但專注力唔見得有明顯好轉(老師話既)
食了兩個月西醫之後,我停了,轉食中藥及EYE-Q,病情沒有明顯好轉,不過,SIDE EFFECT就完全消失
我有向西醫講話停西藥,try中藥,醫生話無問題
阿囝算係有d小聰明,老師就覺得我應該繼續比西藥阿囝食,等佢可以發揮出應有水準
而我呢,就覺得,既然病情不影響佢學習成績,係唔係唔食藥會好d呢?!

作為父母,我都希望我個囝係品學兼優,但係,如果要藥物幫助,又係唔係一個為佢好既方法呢?

作者: joanthony 時間: 12-5-31 05:42 標題: 回覆：ADHD小朋友食藥的迷思

提示: 作者被禁止或刪除內容自動屏蔽

作者: Capricorn2521 時間: 12-5-31 09:36

老師都幾攪鬼...... 又話食醫生開既西藥專注力唔見得有明顯好轉，又話應該繼續比西藥小朋友食，等佢可以發揮出應有水準.....咁即係點呀?

作者: Seep 時間: 12-5-31 12:03 標題: 引用：+本帖最後由+wendy_ho+於+12-5-30+13:53+編

原帖由 wendy_ho 於 12-05-30 發表
本帖最後由 wendy_ho 於 12-5-30 13:53 編輯

我囝囝被界定為ADHD,現在P.2,成績我覺得係中上,上次考試全 ...

真的冇改變？食R定C？有冇調節份量？如果不食都保持中上成績，就可以唔食啦，除非你想佢top D，或者行為社交因冇箹受影響。我就唔敢試，阿仔將上小一，想佢有個好開始。

作者: faye525 時間: 12-6-1 22:28

回復 Seep 的帖子

我唔多同意話如果成績中上就可以唔食藥呢個講法
我小朋友成績都係一直唔錯, 默書次次一百分, 考試除左數學科, 其他科科拎A

我要佢食藥並唔係想佢成績再好D,

而係希望佢學習到日常生活, 做人處理應該點

咩時候要唔出聲, 咩時候要控制自己專心

如果呢D正常人基本野佢地都攪唔掂, 讀書再好都冇用, 出到黎社會都好難生存到架~~~

唔通望中條六合彩, 開架公司俾佢, 咁就唔怕佢俾人炒咩......

重點: 食藥唔係要D小朋友讀書返學乖, 係令到D小朋友係食左藥之後靜到落黎果時, 去學習應該點樣接觸呢個世界~~

作者: wendy_ho 時間: 12-6-5 12:16

回復 faye525 的帖子

每個父母都希望自己孩子健康成長,我個人就比較不喜歡過度依賴藥物
我不是怕醫不好他,而是,所有藥物都有side effect,而最重要既,係,當你以為已經治療好一樣野,但原來,在過程中,會產生另一個病---抑鬱症
我唔知其他人會唔會有呢個問題,但係,由於我同我先生的家人當中,都是有精神病的病歷,我怕,如果我為了醫好adhd,而誘發咗阿囝既精神病基因出黎,就真係得不償失!
另一個你提到的社交問題,老師同我反影,囝囝食藥之後,由於性情變壞,與同學爭執多咗,而停藥之後,就回覆正常!
我並唔係提倡自行停藥,而係,做父母既,唔一定係人云亦云,要多d了解自己既小朋友,要清楚知道自己想小朋友得到如何的治療,才是對小朋友最好的!

作者: faye525 時間: 12-6-5 18:49

本帖最後由 faye525 於 12-6-5 19:02 編輯

回復 wendy_ho 的帖子

我小朋友初初食ADHD藥都出現左抑鬱症架架
同醫生講左之後, 調較左D藥就冇事啦.....

可以唔駛食藥梗係唔食最好啦~~

但係例如我小朋友咁....雖然佢讀書唔錯, 但係佢唔食藥時, 講野大聲到, 係學校走LONG頭已經聽到佢係走LONG尾既聲

佢係我耳邊講野, 我真係會耳痛果隻, 講左好多"年" (由佢一識講野開始) 佢都控制唔到.....

帶佢去圖書館真係要成日叫佢合埋個咀, 同埋要快閃

去戲院睇戲仲慘, 真係會俾隔離左右上下望住我地一家人....因為我個女會成日不停咁問野同講野, 提極佢都好, 隔一陣佢又黎講.... 我成日都諗, 人地實以為我地養左個港童出黎.....

同其他小朋友相處, 一日到黑嘈嘈嘈, 同發脾氣......投訴呢個咁, 投訴果個咁, 真係冇幾多人會同佢玩, 好明顯係覺得佢煩同頂佢唔順....

食左藥後, 馬上講野細聲左!!!!!!!!!!!變左正常聲浪 (再冇俾老師投訴佢講野太大聲)

去到圖書館!!!! 因為佢可以唔講野一陣

戲院都仲係勉勉強強...

同其他小朋友相處冇咩發脾氣啦~ 可以同人地有商有量~~ 同佢好熟既朋友仔都同我講: "姨姨! XX佢溫柔左呀!!!! 講野細聲左~~ 冇以前咁煩添呀!!!"

所以有時唔到你想唔想同佢食藥, 係真係影響到日常生活時, 唔食唔得...

有副作用係一定, 但係總好過成日俾老師投訴, 冇同學同佢玩, 唔帶得佢去街咁丫!!

你小朋友行為冇影響日常生活, 真係一件好事黎架.....

我都想唔食藥有咁既一日......耐心等待中.......

P.S. 我個女同你小朋友同年, 都係04, 不過我個女係一月

作者: Seep 時間: 12-6-6 15:09 標題: 引用：+本帖最後由+faye525+於+12-6-5+19:02+編輯

原帖由 faye525 於 12-06-05 發表
本帖最後由 faye525 於 12-6-5 19:02 編輯

回復 wendy_ho 的帖子

明白你講嘅野。為人父母梗唔想佢食藥，好似我個仔，問題唔算好嚴重，主要都係唔專心、郁郁貢、食野慢、成日接收唔到或不跟從指令⋯好似冇大問題，係咪我對佢要求太高？但食左藥，定左、做野專心左、自信好左，除左成績，我同意係個人待人接物同信心的建立，大家關係都好左，不過阿仔食藥一年高得好少，差不多冇重過，正為此擔心之際，又發覺藥力不再可以維持之前的專注度，做功課又拉布，醫生加藥又驚有其他嚴重副作用，真係迷思⋯係痛苦的迷思⋯

作者: Angus505 時間: 12-6-9 00:43

回復 Seep 的帖子

唉！同病相憐

歡迎光臨教育王國 (/)