教育王國

標題: 小朋友英文好過中文, 好唔好迫佢讀中文幼稚園? [打印本頁]

作者: login_mc 時間: 12-5-28 23:42 標題: 小朋友英文好過中文, 好唔好迫佢讀中文幼稚園?

因我地好想同佢打好中文基礎, 但係咁迫佢會唔會令佢對學習無興趣?

作者: mkmiffy 時間: 12-5-29 00:19 標題: 回覆：login_mc 的帖子

本人小朋友也是這樣的。
我每晩和她講中文故事書，而故事書內容是生活化的，如：過馬路、廚房重地、迷路等...培養她有興趣。

作者: login_mc 時間: 12-5-29 00:26

回復 mkmiffy 的帖子

我只同佢講中文,都有同佢講中文故事,但佢都好偏向講英文...而我地都好明顯覺得佢英文嘅天分係比較好,所以先頭痛...
你個小朋友讀緊國際幼稚園?

作者: yaulinda 時間: 12-5-29 00:47 標題: 回覆：小朋友英文好過中文, 好唔好迫佢讀中文幼稚園?

我認識過一些小孩真是天生學英語好吸收，但學中文好唔吸收的。
誠然，中國人唔學好中文，代價是很重的。
如果小朋友年紀還很幼小，那先學好以英語表達一切生活所需，後才漸漸添加中文是可以考慮的。
如果你所指的是本地人為主的國際班，其實不愁小朋友不會說中文啊！
但如果你是指未來三年都讀鬼仔學校，一定要做好財務和心態預算啊！

作者: marcuscyrus 時間: 12-5-29 00:52

讀有國際班的幼稚園是不錯的選擇

作者: irene_the_pooh 時間: 12-5-29 17:08

你o係屋企係講中文定英文？

作者: w_y 時間: 12-5-29 17:10

幼稚園事小, 如目標係主流小學, 即使係英小, 中文科都足以"攞你命!!"

作者: login_mc 時間: 12-5-29 17:35

回復 irene_the_pooh 的帖子

先生講英文,我就中文, 係全職媽咪...但小朋友都係鐘意講英文!

作者: login_mc 時間: 12-5-29 17:36

回復 yaulinda 的帖子

同意你嘅講法!
你所指嘅本地人為主國際班,係咪好似 Victoria 或St Catherine's個種?

作者: spmok1999 時間: 12-5-29 17:56

我朋友的小朋友都係英文好過中文, 佢依讀緊英文小學附屬的中文幼稚園部...

作者: mkmiffy 時間: 12-5-29 18:15 標題: 回覆：login_mc 的帖子

我小朋友讀緊本地幼稚園的英普班，她之前講英文多，但自從年前轉了印姐姐，她講廣東話多了很多，但至於認生字、閱讀就傾向英文了。教她一次英文生字／句子，她已記得。
但中文就

，我諗住她再如是，我會報中文認字班給她上。

作者: yaulinda 時間: 12-5-29 23:07 標題: 回覆：login_mc 的帖子

係呀！

作者: yaulinda 時間: 12-5-29 23:08 標題: 回覆：login_mc 的帖子

係呀！

作者: chansiub 時間: 12-5-29 23:14 標題: 回覆：小朋友英文好過中文, 好唔好迫佢讀中文幼稚園?

我個剛好相反。中文好，英文弱

作者: chansiub 時間: 12-5-29 23:17 標題: 回覆：login_mc 的帖子

我想知你地小朋友英文好，係咪可以認到好多字？成日用英文溝通？

作者: manmanchubb 時間: 12-5-30 00:04

我小朋友都係傾向英文能力強 d,
曾經有段時間佢好似理解力麻麻地,
及後轉為大約9成用中文,1成用英文(其實只作翻譯式般教導咁)...
中英文書參半,大概2~3個月倒 d 中文理解明顯進步左,
到而家,佢中文好左好多,但間中都會講左英文先/ 講完我唔明,
佢會轉講英文,
我睇佢睇書,認簡單英文句子會比中文句子強好多,
但以單字生字計就認中文強過英,好多睇1~2次倒已經入哂腦...

長遠計,英文係好重要,
但都不要忽視打好中文基礎,始終對理解上既幫助好大,
加上學中交較學英文難得多....

小朋友學習迫唔黎,唯有多同佢講中文故事書, 課外書,
多在生活上,灌輸知識時教一 d 詞彙都有助增加學習興趣....

作者: sarubuta 時間: 12-5-30 00:42 標題: 引用：因我地好想同佢打好中文基礎,+但係咁迫佢會

原帖由 login_mc 於 12-05-28 發表
因我地好想同佢打好中文基礎, 但係咁迫佢會唔會令佢對學習無興趣?

你小朋友而家幾大？

作者: chansiub 時間: 12-5-30 09:17 標題: 回覆：manmanchubb 的帖子

你小朋友幾大？

作者: login_mc 時間: 12-5-30 13:14

回復 sarubuta 的帖子

就快3歲半

作者: login_mc 時間: 12-5-30 13:18

回復 chansiub 的帖子

識幾多生字(我覺得, 如caribou, hexagon),對英文組句好有sense, 而家仲嘗試拼音,但我地從無教過

作者: chansiub 時間: 12-5-30 13:57

本帖最後由 chansiub 於 12-5-30 13:57 編輯

回復 login_mc 的帖子

Probably, the Chinese standard of your kid isn't really bad. Just his sense on English is a lot better than Chinese. My son is the other way round. He is 3 and can now read level 3 of the "500-Series" book. As to English, he can communicate in English (at least no problem playing Brain Quest). But he doesn't seem to have any concept on spelling and phonics. When he see the shape hexagon, he knows it's hexagon. But I don't think he is able to recognize the word "hexagon" or know how to spell it.

作者: marinang 時間: 12-5-30 16:00

送去外國讀幾年已經可以搞掂英文, 但中文好難學

歡迎光臨教育王國 (/)