教育王國
標題: 九龍禮賢同九龍靈糧 [打印本頁]
作者: annie_k 時間: 12-5-28 21:29 標題: 九龍禮賢同九龍靈糧
九龍禮賢上星期俾咗留位費, 九龍靈糧打嚟, 兩間都係下午班. 請問你哋會點揀?
作者: Freshment 時間: 12-5-28 21:39
如果係我,我會揀禮賢。因為禮賢有直屬小學,雖然未必100% 收番,但一定比其它學校考生大D 機會。
作者: annie_k 時間: 12-5-28 22:12
Freshment, 我都有咁諗. 起碼小學有backup. 但靈糧的確係一間好學校, 真的好難取捨.
作者: gareth811 時間: 12-5-29 08:17 標題: 回覆:九龍禮賢同九龍靈糧
禮賢都好好,我覺得學校環境好過靈糧。
作者: peggy8422 時間: 12-5-29 09:17
禮賢收自己學生是好大機會, 因為是他們自己一手一腳教出來, 點都會好過收其他學校的學生, 而且佢去到 k1 的最後三個月就會開始講解比小朋友知, 上k2的情況, 而且去到尾, 仲有安排佢哋去下學期的新課室上堂添, 到了k3考小學, 有自己學校做blackup, 而且佢哋啲活動真係多到不得了, 好多時都會去參觀,k1 上學期就沒有什麼特別, 到下學期就會去花墟公園, 好多自然環境比佢哋上堂, 而且每一天都有得去花園玩, 又日日都有得踩單車, 我覺得真係幾好。不過如果你是一個高要求, 要課程深, 多功課做的家長, 你就不好選擇了, 因為他們沒有點書, 到k1全個學期都係畫線, k2先開始寫字, 而且仲唔係寫得多, 因為學校的格言是愉快學習, 陪養小朋友學習興趣。
作者: 3wa4 時間: 12-5-29 10:54
回復 peggy8422 的帖子
peggy8422,
好多謝你的分享, 禮賢都收左我仔下午班. 我都已交留位費. 不過想請問, 你知不知學校1星期有多少英文堂呢?
作者: piglet1212 時間: 12-5-29 10:56
我仔係九龍靈糧堂幼稚園讀緊N1,下年會升讀K1全日班,呢間學校我覺得好好,包括老師,嬸嬸,校長,主任,校車員工...佢地真係攞個心出嚟為教育,老師會好留意小朋友嘅情況,包括上課及身體狀況,會傾番小朋友係學校嘅學習情況,而且佢地係小班主題活動教學,N班一班20人再細分兩組,一位老師負責10位小朋友,仲有教學助理同大量嬸嬸幫手...有親子研習,可以增加同小朋友溝通,課程唔艱深,絕對係happy learning
作者: strawberry11 時間: 12-5-29 11:49
我小朋友讀禮賢K3!環境好、空氣清新又有小學back -up ,老師、嬸嬸連校車叔叔都好好人 。
作者: strawberry11 時間: 12-5-29 12:12
回復 3wa4 的帖子
今年轉冇學券,唔知會唔會額外加英文班..
現在有學券的,K1& K2 每星期好似3次,每次15分鐘。 K3 就好似每星期好似4次,每次15分鐘。 (唔知有冇記錯,大概是這樣)
選禮賢的多數重德育,英文在外補的
作者: annie_k 時間: 12-5-29 12:26
回復 3wa4 的帖子
我上網睇到啲媽咪post咗schedule出嚟, 每星期有兩日英文堂.
作者: 3wa4 時間: 12-5-30 11:02
回復 strawberry11 的帖子
strawberry11 謝謝你的回覆, 咁想請問你會否考慮讀禮小? 我知道在禮幼上禮小不是一定收, 只是加分, 那請問你知不知道會否很難升禮小呢? 多唔多人 升到呢? 謝謝你!
作者: 3wa4 時間: 12-5-30 11:03
回復 annie_k 的帖子
哦, 明白了, 謝謝你!
作者: strawberry11 時間: 12-5-31 16:08
回復 3wa4 的帖子
3wa4,
禮賢不是100%收回全部自已幼稚園學生,我估大約6成左右(以我認識的)。考不到的多數waitlist, 如有心,寫求位信多數ok。
其實interview禮小小一相對輕鬆,大約15分鐘左右。 問的都是生活常識、舉手答問題和砌圖。
至於我,阿女不會讀禮小了,因她考到有直升中學的私立小學。如考不到有直升中學的小學,我會讓我女讀禮小,她上K1時是個很怕羞的女孩,不敢說話,但現在她開朗了很多,我已心滿意足。 考K1 時衹有禮賢收, 但考小一,除禮賢外,還有3間學校收,我覺得已經不錯了…
作者: 3wa4 時間: 12-6-5 11:08
strawberry11, 多謝你的分享.
可否詢問你多點意見呢? 因為而家禮幼及宣幼也收了我小朋友, 宣幼的資訊很多, 但禮幼的資詢較小.
請問你對禮幼的評價如何? 我見你小朋友由很害羞至開朗很多, 其他禮幼的同學仔考小一的情況如何? 你都知道, 現今我們家長俾小朋友讀幼稚園時已要考慮埋小學的情況, 可否給我們多點意見呢? 萬分感謝!
作者: kitty_tang 時間: 12-6-5 13:42
但禮賢收1班太多人了35-39人.k1 廁所在課室.我係後悔那個.重新選擇寧願迦南.
作者: strawberry11 時間: 12-6-5 14:43
回復 3wa4 的帖子
當初我女都有考宣幼,不過被reject。
禮幼和宣幼都有好學校,有小學back-up,沒中學…
禮小: 升中 是深水土步校網,重德育、老師超有愛心、學術水平一般,不是特別高,我個人覺得派位都ok,當然不及宣小。 我喜愛禮賢是上午上堂,下午活動…
宣小: 升中 是九龍城校網,重音樂、運動,學術、音樂水平高,當然要努力才有成果。我識多人在宣小讀緊或畢業,有個朋友個姪仔好叻仔,除左成績好外,小6學的樂器已8級或演奏級入了2個樂團,前年順利入了男拔 (男孩媽媽說成績好的未輪到他的仔,他入到男拔全靠音樂上的才華);另有個好友兒子英文好好,但不喜愛宣小分配的樂器,玩對抗,成績好差,小2 or小3轉校到聖方濟各,極like聖方濟各,好enjoy學日文,他亦唔覺聖方濟各辛苦,成續大躍進!
我返工,識得唔多家長,十多個左右,考得唔錯,其中因有宗教背景,是禮賢的die-hard friends,冇考其它學校,衹係lucky draw,唔知點?有的第1st round自行入父母母校,另外英華、福小、崇真、陳守仁、優才都有…當然亦有1、2個1間都唔收,禮賢得waiting,但叩門都ok
每間學校總有人讀得好、讀得唔好,的看看小朋友能力和家長心態和參與情度
作者: strawberry11 時間: 12-6-5 14:48
回復 kitty_tang 的帖子
我女班得33人(K3),我覺得ok!
K2 ~升了上一樓,toilet在課室外,應該好d。
林園長都有話今年K1收多了人,有班39人,有3個半老師
作者: strawberry11 時間: 12-6-5 15:12
另外,禮賢有很多分組活動,所有學生一起,是食茶點或唱歌…
應該ok
作者: 23102009 時間: 12-6-5 17:09
其實廁所在課室內都可以理解, k1如果有細囝, 可能真係叫唔切去廁所, 仲好丫方便d, 好過每日放學都多咗一個袋
另外, 我in民生時都好似係廁所在課室內(唔知有無記錯?), 所以可能真係有部份學校覺得有需要先咁做
作者: 3wa4 時間: 12-6-6 10:37
回復 strawberry11 的帖子
非常感謝你的分享!! 希望你的囡囡升小時也有好的學習環境!!
作者: kitty_tang 時間: 12-6-6 13:21
另外我係觀過課,人多真係亂,其實3個老師分別照顧12-13人.幾日冇返學,老師都冇打電話黎.
作者: kitty_tang 時間: 12-6-6 13:27
回復 strawberry11 的帖子
你所講的都知道. 可能你個囡個班老師好d, 現在k1那班老師一般,期待算k2.
作者: strawberry11 時間: 12-6-6 15:13
回復 kitty_tang 的帖子
期待你K2 遇到好老師,可能我女幸運,我女的老師都是好的、有愛心的。 但你有向林園長或老師反映嗎?
你女女愛上學、愛學校活動嗎?
5月25日你看她們表演如何? 我由K1睇到佢地K3,真的好感動,阿女大個好多,面對咁多人都唔驚?又記得走位!
作者: kitty_tang 時間: 12-6-7 13:31
sTRAWBERRY11
終於有時間回覆你. 我地一班家長係覺得其中有些老師沒有HEART. 阿囡在學校整親頭起樓.冇人打黎.我返到屋企先見到.同學仔個鼻整親紅左,又冇電話通知.到家長打電話詢問情況.老師只係話唔係學校整親.觀課各有各做勞作.唔覺老師點教.小朋友做完去老師度蓋印.當然沒有同林園長講. 因為仲在禮賢讀.
而且禮賢冇學術野學.好難想像讀小一會係點. 現在都在出面補英文. 同迦南比下去了.
作者: miutang 時間: 12-6-10 06:18 標題: 回覆:kitty_tang 的帖子
其實學校人㚒人,積極一些可向學校反映,禮賢老師超忙,好多活動,真的很難下下打電話比你,所以做家長主動些好。
平心而論,禮賢在德育上不錯,但學術相對淺,無學卷後或會有所調適。今年k1超收,我覺得不好,我估他們預有人在申請階段放棄學位,所以給的offer多過他們的學位數目,但奌知無咩人放棄,故焗住收晒。
你還有兩年,所以希望妳不要負面去想,積極去接受,或可想是否轉回舊校較適合。
註,本人是禮賢k3家長。
作者: Andymammy 時間: 12-6-15 08:37 標題: 引用:Freshment,+我都有咁諗.+起碼小學有backup.
原帖由 annie_k 於 12-05-28 發表
Freshment, 我都有咁諗. 起碼小學有backup. 但靈糧的確係一間好學校, 真的好難取捨. ...
真係人夾人緣!我陪阿仔in過靈糧堂,感覺唔好!個高級書記以為自己間學校多人報就好勁,對家長一點禮貌都冇!我覺得呢間學校最勁係收咗郭晉安對仔女啫!
作者: piglet1212 時間: 12-6-15 09:09 標題: Andymammy 的帖子
咁我覺得幼稚園啫,無話勁唔勁嘅,更加唔係用收明星仔女來界定間學校勁唔勁,間學校好唔好,校風同師資都好緊要
作者: yukai 時間: 12-6-15 22:53 標題: 回覆:九龍禮賢同九龍靈糧
請問禮賢取消學卷後,2012-2013學費和雜費多少?Thanks
作者: peggy8422 時間: 12-6-16 19:08
現時學校都未通知, 佢話學校沒有向教署申請加學費, 所以都係$20,080, 雜費記得, 就只有簿費, 及手工的雜費, 書費未收到通知
歡迎光臨 教育王國 (/) |
Powered by Discuz! X1.5 |