教育王國

標題: 點解要讀直資或私小? [打印本頁]

作者: piggyin 時間: 12-5-28 16:32 標題: 點解要讀直資或私小?

我小朋友K2, 就快揀學校, 我見咁多人宜家都想考直資同私小, 點解呢? 有D直資或私小都係中文授課, 同津小無分別, 而且宜家好多津小O既校舍都好大, 設施都好齊吖, 點解要花錢讀直資同私校?

係咪直資私小D程度高D? 有冇人可以替我解答呢個問題?

作者: marcuscyrus 時間: 12-5-28 16:37 標題: 回覆：piggyin 的帖子

Coz I could not fight for a seat in 津小for my son

作者: BBTao 時間: 12-5-28 16:47

我自己學得津小太田鴨教學.而一些私小比較活動.

作者: super-kid 時間: 12-5-28 16:47

回復 piggyin 的帖子

Only looking for the right school (not the best) for my kid regardless of private or DSS.

It is a very personal decision.

作者: kerkermui 時間: 12-5-28 17:09

just give yourself a choice.. not on luck.

作者: ziyi 時間: 12-5-28 17:29

各有因由
我喜歡我囡囡的直資是因為學校的老師專科專教,教數學的不用兼教中文,專注
師資較多,有7個NET,中文普教中
而學校的方向是培育小朋友多想...可能在最初不及不停操的學校
但越上高年級,至大學...思考才是最重要

作者: 晴天坊主 時間: 12-5-28 17:52

因為津校是抽獎, 抽不到理想的津校, 有私小或直資back up

作者: piggyin 時間: 12-5-28 18:51

回復 marcuscyrus 的帖子

Why? No confidence to fight or not in a good school net?

作者: piggyin 時間: 12-5-28 18:52

回復 BBTao 的帖子

是嗎? 哪些私小是較活動的? 真的想知!

作者: piggyin 時間: 12-5-28 18:54

回復 ziyi 的帖子

津校的趨勢不是專科專教嗎? 普教中也是趨勢啊!

作者: marcuscyrus 時間: 12-5-28 19:39

piggyin 發表於 12-5-28 18:51
回復 marcuscyrus 的帖子

Why? No confidence to fight or not in a good school net?

要入津校一係要計分(靠血統)，一係要同校網我兩樣都冇，所以冇得爭的

作者: HaYi 時間: 12-5-28 19:49

直資私立是要報要考的, 感覺上都有配對 (學校同學生), 減少錯配同錯誤期望, 官津只靠運, 感覺好遙遠..

作者: Charlotte_mom 時間: 12-5-28 20:03

piggyin 發表於 12-5-28 18:54
回復 ziyi 的帖子

津校的趨勢不是專科專教嗎? 普教中也是趨勢啊!

我自己咁睇, 普教中要做得好, 係要推行得徹底,
本身廣教開中既, 你自己唸唸, 原來既老師, 唔通抄晒去? 即係話距離"徹底"點都仲有一段距離(課程設計, 師資, 選材, 樣樣行雙軌, 邊有咁多資源呀), 所以一開始已經普教中, 會較有優勢

我估揀直資不外乎幾個原因(其實之前都有討論過)
1. 覺得直資可靠d (師資, 資源, 選學生各方面)
2. 咁岩鐘意果間係直資
3. 唔想搏小一派位
4. 想揀一條龍(津校係有一條龍, 不過唔到自己揀丫嘛)

作者: elizatyy 時間: 12-5-28 20:10

有些私校/ 直资是一條龍上英中

作者: babybear 時間: 12-5-28 21:27 標題: 回覆：點解要讀直資或私小?

1）有選擇權，鍾意報邊間就去考邊間。唔洗等運到。

作者: janicetsang 時間: 12-5-28 23:11

我係因為鍾意間學校，怕大抽獎唔好彩，覺得直資flexible些唔會咁多制肘及無咁傳統，同埋鍾意一條龍。
讀左後覺得最好的是學生家庭背景及理念相近，無咁多比較，家長多數好關心子女，所以學生比較乖和純。

作者: Jackieson 時間: 12-5-28 23:18 標題: 引用：我小朋友K2,+就快揀學校,+我見咁多人宜家都

原帖由 piggyin 於 12-05-28 發表
我小朋友K2, 就快揀學校, 我見咁多人宜家都想考直資同私小, 點解呢? 有D直資或私小都係中文授課, 同津小無 ...

未必直資小的程度高D嘅，好多名津小D程度都好高。好多家長的見解我都好認同。而我個人的睇法：揀直資／私小係個保障，當年就係抽到理想津小，於是放棄其他，佢同我哋都過了快樂的六年。但到揀中學就極度煩惱、擔心等等，而且楝中學重要過揀小學，仲難揀過小學，好似個金字塔咁（希望大家明點解啦）津官中、直資！？入表報名直資、準備面試（有D要2、3輪）、開信箱睇下有冇offer、接吾接受呢？接受了又要放棄大抽獎等等；津中揀邊兩間自行呢?跨區機會大吾大呢?大抽奨又點排呢？等等，真係好煩！所以如果再揀小學，我會揀一D啱阿仔的小學，又多D機會直上中學的小學，不論津小、私小or直資。例如英華小學（中學只給50個位比外來生，其餘百幾個位全部由小學直升），培正等等。因為吾係一條龍or直屬的小學，好難入到一D好嘅中學。呀好似講多咗兼有D離題添！總之各有所求，各有所需，希望樓主的小朋友可以入到一間適合佢的小學兼有童真、快樂的童年生活啦!

作者: bobosasa999 時間: 12-5-29 07:22

回復 ziyi 的帖子

ziyi, 請問可否知你囡囡讀邊間，因我都認同專科專教好重要，但我唔係好識點搵呢方面的資料。唔該哂！或者可以pm我，thanks!

作者: lojo11 時間: 12-5-29 07:55

人人要求唔同... 我揀左津小, 學校ok, 又免費

作者: peggyau 時間: 12-5-29 10:22

其實直資/私小祇是水泡,
如大抽獎抽中第一志願, 梗係唔會讀直資/私小 la.

作者: himuimui 時間: 12-5-29 10:50

提示: 作者被禁止或刪除內容自動屏蔽

作者: ziyi 時間: 12-5-29 10:53

回復 bobosasa999 的帖子

HKUGAPS - 港大同學會小學

作者: chanwendy 時間: 12-5-29 10:55

我女自行都抽到津小, 自己又考到直資, 最後比較完兩間後, 都係選擇咗校舍較小的直資,

作者: ziyi 時間: 12-5-29 10:55

peggyau 發表於 12-5-29 10:22
其實直資/私小祇是水泡,
如大抽獎抽中第一志願, 梗係唔會讀直資/私小 la. ...

其實因人而異啦,有人抽中華仁,但都去英華
有人可以幼稚園直升,但抽中都去津貼
各有因由,也不需要比較
最重要以小朋友的需要,家庭的能力負擔為準

作者: myac 時間: 12-5-29 10:58

本帖最後由 myac 於 12-5-29 10:59 編輯

marcuscyrus 發表於 12-5-28 19:39
要入津校一係要計分(靠血統)，一係要同校網我兩樣都冇，所以冇得爭的

Agreed.

My dilemma now is : my gal gets accepted by both APSKT and HYPS.............tough decision....

作者: ziyi 時間: 12-5-29 11:06

HYPS - my dream school for my girl in pervious, but no point, not living there

作者: kamtsk 時間: 12-5-29 11:13

其實只是想找一間唔好咁谷的學校, 加上男仔在升中派位遊戲中, 往往輸比女孩子, 為免個仔被我迫C , 或我被個仔激C, 所以找一間唔太谷又一條龍嘅學校, 咁嘅組合, 一定係直資/私校先有啦! 如果有咁嘅津校, 我估一定爭崩頭

作者: lovegirlslove 時間: 12-5-29 11:55

本帖最後由 lovegirlslove 於 12-5-29 11:55 編輯

我既原因係, 如果抽到一條龍/半龍好既津小, 當然讀津小, 如果唔係會選私小, 因為普遍課程深D, 小孩子程度偏差近些, 6年後, 考中/派中深信會比較理想.

作者: mandy304 時間: 12-5-29 12:07

直資可以營造一個以全英語及全普通話環境學習, 因為特別學語言,必須日日講, 日日聽, 接觸機會多就快學上及適應.

作者: babybear 時間: 12-5-29 14:15 標題: 引用：Quote:原帖由+piggyin+於+12-05-28+發表我

原帖由 Jackieson 於 12-05-28 發表
未必直資小的程度高D嘅，好多名津小D程度都好高。好多家長的見解我都好認同。而我個人的睇法：揀直資／私小 ...

好認同你嘅講法！部份家長一聽到選擇小一時會諗埋升中條路會點行，佢地第一個反應會覺得太長遠，暫時唔想諗住。但如果知道咗升中嘅玩法嘅家長，就絶對明白點解小選小一要計劃埋升中。

作者: bobosasa999 時間: 12-5-29 16:42

回復 ziyi 的帖子

唔該哂，可惜我住九龍區，不過我都會去搵多d資料了解下，多謝分享一間好學校。

作者: ziyi 時間: 12-5-29 16:50

bobosasa999 發表於 12-5-29 16:42
回復 ziyi 的帖子

唔該哂，可惜我住九龍區，不過我都會去搵多d資料了解下，多謝分享一間好學校。 ...

如果住東九,其實不會遠很多,其他地區就不要啦,因為時間及沒有校巴線,幾好的學校都沒有用

作者: bobosasa999 時間: 12-5-29 16:58

回復 ziyi 的帖子

係呀！我住九龍灣的。過條東隧其實都唔算好遠。朋友介紹讀沙田王錦輝，都係過一條隨道，同港大同學會都係活動教學。

作者: cmchang0927 時間: 12-5-29 17:23

我大女(而家二年級)個時, 考到四間直資私立, 但最後都揀左津小個間因為我最想要都係一間有OK中學BACK UP的小學, 而竟然唔駛錢

, 當然去馬啦!

到細仔得番十分, 校網內又冇附屬中學個D小學, 所以唯有去直資私立個埸, 希望有個位啦............

所以END UP 變左一個津小, 一個將升私小.......

選直資/私立OR 官津都好睇有咩係手, 唔係單睇邊樣好過邊樣既........ 再加上, D學校一日未讀都唔知啱唔啱自己個小朋友, 啱KEY就係好學校啦!

作者: Babyeddie 時間: 12-5-29 20:12

學生家庭背景及理念相近，無咁多比較，家長多數好關心子女，所以學生比較乖和純Ｘ 1000 agree

作者: 莎莎莉莉 時間: 12-5-30 00:18

janicetsang 發表於 12-5-28 23:11
我係因為鍾意間學校，怕大抽獎唔好彩，覺得直資flexible些唔會咁多制肘及無咁傳統，同埋鍾意一條龍。
讀左 ...

我prefer直資係因為覺得直資的辦學自由度大一點,
在課程安排教學上都比較有自主權.
我對教育局乜都管一餐都感到幾討厭~~
仲有始終有學費收入, 資源會大.
但當初揀, 都有兩大項目要考慮.
其一係學費, 過二千的我都不考, 覺得俾唔起, 因為仲有個細.
其二係, 辦學理念, 如果學校過份睇重學術成績或語言的, 我也不會考慮.

我也不喜歡大抽獎, 覺得呢個遊戲太無聊

不過我唔同意直資私校的家長無咁多比較.]
我反而覺得比較仲大. 因為個個入得的都係考入去, 做家長自然會覺得小朋友係叻.
個個都叻, 邊個失敗呢? 於是, 家長很介意自己小朋友係失敗果位.
比較好嚴重.

作者: myac 時間: 12-5-30 00:21

回復 myac 的帖子

It seems lots of parents would go for HYPS in this case.

作者: kenoneunice 時間: 12-5-31 22:50

回復 lovegirlslove 的帖子

合理合理

作者: Jackieson 時間: 12-6-1 10:11

bobosasa999 發表於 12-5-29 16:58
回復 cranberry 的帖子

why you prefer 港大同學會?

It's just my personal opinion 不喜勿插: 我去過wkf中一的簡介會, 覺得校長講得有D浮跨, 加上當日問d F.1學生簡單問題(不是學術性), 都吾係咁掂, 多數收B2生. 學校係好大好靚. 而在其他BK d 網民的comments for 港大同學會都幾好. 因wkf 小學可以直上中學, 所以呢兩間I prefer 港大同學會多d.

作者: piggyin 時間: 12-6-1 11:47

回復 chanwendy 的帖子

校舍較小? 請問邊間直資呢?

作者: piggyin 時間: 12-6-1 11:55

唔該晒各位媽咪O既分享! 原來揀直資或私校背後有咁多原因!

咁我想請問, 我喺40校網, 如果呢區O既直資比起津校, 你哋可唔可以比D意見我呢? 呢區好似得英華小學, 嶺南香港同學會直資小學同陳守仁! 邊D係好O既津校, 邊D係好O既直資? (如果唔計較經濟O既話!)

作者: monsterparentss 時間: 12-6-2 18:06

見到今日嘅慘況，我當日選擇直資係無錯。命運都係掌握係自已手裏好啲。

等運到......真係.......磨人...........

作者: Charlotte_mom 時間: 12-6-2 18:19 標題: 引用：見到今日嘅慘況，我當日選擇直資係無錯。命

原帖由 monsterparentss 於 12-06-02 發表
見到今日嘅慘況，我當日選擇直資係無錯。命運都係掌握係自已手裏好啲。

等運到......真係.......磨人..... ...

升中時你感受仲深

作者: monsterparentss 時間: 12-6-2 18:23

有幸入咗間龍校.........

我完全feel到升中果陣.......殺氣.........

作者: Kittymummy 時間: 12-6-2 19:01

本帖最後由 Kittymummy 於 12-6-2 19:08 編輯

um....我6年前已經經歷過, 如果你問返我, 我一定會選擇英文直資一條龍學校.. 小學對我黎講間間都差唔幾, 如果唔係英文小學, 我就prefer 津校. 一到升中......唉. 一個完全只講運氣既game, 中學亦一樣, 最後我都選擇左直資英中.

作者: lutang 時間: 12-6-2 19:42

英華唔錯，不過都超多人報！陳守仁唔係呢個校網，聖方濟各，禮賢都唔錯！津校既話我只知荔天同瑪小係最多人報，升中成績應該荔天較優！

作者: piggyin 時間: 12-6-9 15:20

唔該晒各位媽咪, 咁即係要諗埋中學o既問題, 眼光放遠D! 唉, 要三思!!

作者: careysum 時間: 12-6-9 17:42

直資及私小學校係經過面試而進行篩選,而津校就無

作者: Chrizy 時間: 12-6-9 23:54

我揀左間中西區冇一條龍嘅私校，原因只係喜歡它的教學理念，校長是前港同校長，其實自己都擔心將來要再考中學及派位，但我仍然期望我小朋友可以在這六年能養成自學，愛學習。個個人選私校，直資只為一條龍，我是否很儍？

作者: be 時間: 12-6-9 23:57

想請教:若已決定入讀直資或私校,是否不能參加大抽獎?多謝回覆

作者: sukitelfold 時間: 12-6-10 00:09 標題: 回覆：be 的帖子

私校可以，直資唔得。

作者: Nicolelong 時間: 12-6-13 23:50 標題: 引用：其實只是想找一間唔好咁谷的學校,+加上男仔

原帖由 kamtsk 於 12-05-29 發表
其實只是想找一間唔好咁谷的學校, 加上男仔在升中派位遊戲中, 往往輸比女孩子, 為免個仔被我迫C , 或我被個 ...

請問你仔仔讀邊間？如不方便公開，可pm我嗎？

作者: Chrizy 時間: 12-6-19 19:02

回復 be 的帖子

如果係直資收左，又一早要你註册的話，（通常响自行分配学位有结果之後）就唔可以大抽奬。如果係私立，如救恩，聖嘉勒，高主教，港同，聖士提反赤柱，就話唔俾大抽奬。有一D私立會俾大抽奬。

作者: be 時間: 12-7-11 23:49

回復 Chrizy 的帖子

THANKS a LOT!

歡迎光臨教育王國 (/)