教育王國

標題: K1開課準備 [打印本頁]

作者: lutang    時間: 12-5-28 13:45     標題: K1開課準備

想請問現就讀既家長,K1開課需要甚麼準備呢?小兒讀下午班,是否要預備茶點或毛巾水杯等用品?平日上課需要甚麼文具?或屋企是否需要買定甚麼顏色筆或其他文具?

而家阿仔讀N班我會帶定一些內褲或襪子放在書包,若到時小朋友一旦尿濕,嬸嬸會唔會用我地預備既定係用學校既呢?

作者: wybb    時間: 12-5-30 10:55

開學前會有開學禮, 之後返課室, 班主任會講解開學事項及派發數份表格(翌日就要交)
1. 要預備茶點用的水杯,食物盒,濕毛巾盒(放在書包前小袋內), 老師會有Sample 比家長參考size
2. 乾手帕每天放在褲袋或裙袋內(可用紗巾,因比小朋友洗完手,抺手用)
3. 要穿白色內衣褲,不可有公仔, 另備一條內褲,口罩兩個,紙巾一包每天存放書 包.  如果小朋友飲水或小便弄濕校服, 姐姐會帶小朋友去換學校後備校服, 洗淨交還班主任就可以了.  男廁小便位係流水式尿糟, 不用尿兜或馬桶.
4. 所有作業必須使用木顏色筆或蠟筆, 不可用水筆或粉彩,線條練習簿就用鉛筆(三角鉛筆由學校稍後派發, 因之前書簿費已包,唔駛再買)

希望資料幫到妳啦
作者: lutang    時間: 12-5-30 22:28

唔該晒!我想知乾手帕係俾小朋友洗完手時用,咁需要帶幾多條呢?至於內褲不能穿有公仔既,但佢依家着開白色有小量公仔既係咪都唔得架,我唔想全部買過嘥咗d褲喎,而且着喺裏面佢都會檢查架?
作者: wybb    時間: 12-6-3 01:19     標題: lutang 的帖子

乾手帕每天一條放褲袋就OK,抹完老師會教佢哋接好放番落褲袋,至於內褲~通告寫明要白色,所以我都係買過晒,因為老師會陪住佢哋入洗手間V V,所以會見到內褲有無公仔囉。如果規格唔啱,老師會寫紙條貼在手冊通知家長。




作者: davywm    時間: 12-6-4 10:36

其實pc對底褲不是太嚴格, 我都無特別買過d純白底褲俾哥哥! 由k1-k2, 哥哥都著有公仔的底褲番學
作者: junemak78    時間: 12-6-7 21:06

我想問問大家收到校車既安排未?
作者: davywm    時間: 12-6-8 11:25

校車無咁快通知架, 差唔多開學前幾日先會call你!




歡迎光臨 教育王國 (/) Powered by Discuz! X1.5