教育王國

標題: 家居訓練係點架? [打印本頁]

作者: manabcd 時間: 12-5-28 08:02 標題: 家居訓練係點架?

大家可以幫下我嗎?
家居訓練要點做?
3歲2個月仔仔，有語言同眼神問題，政剛入隊排e位，政府冇咩指引我點做，唔想錯失仔仔黃金期，其實我係咪應該找密集訓練呢？

已經上了言語治療快半年，但導師話仔仔比較叻可能同密集訓練的小朋友唔夾，我都唔知點好

作者: hktkomama 時間: 12-5-28 09:53

你可留意'努力試'諄程,當中有較怎樣做家居訓練.另可先看看佢的書(衝破障礙),都有教怎樣做家居訓練.

作者: anan3388 時間: 12-5-31 18:03

如果係較叻,去上rdi課程或睇書。另,找你區附近的家長資源中心,會多些家長課程上。

作者: pyalisa 時間: 12-5-31 18:57 標題: 回覆：家居訓練係點架?

有語言同眼神問題，咁點樣叻法？叻又點解唔做得密集？
你是否不用上班？家居訓練都要知道你小朋友邊樣要練，同點練？Rdi 都要比錢個consultant.

作者: manabcd 時間: 12-6-1 01:34 標題: 有語言同眼神問題，咁點樣叻法？叻又點解唔

原帖由 pyalisa 於 12-05-31 發表
有語言同眼神問題，咁點樣叻法？叻又點解唔做得密集？
你是否不用上班？家居訓練都要知道你小朋友邊樣要練 ...

其實評估醫生又講唔出要點訓練，叫我改善下佢眼神，但佢又話唔需要上密集訓練，參加社交班改善下眼神

咁我又問左跟左半年的言語治療師，答案都係唔洗上密集訓練

咁言語治療師話佢叻，係話佢有一d野比人叻，話佢大肌，小肌，感統。。行為上都ok，咁兩個專業人士咁講，攪到我唔知可以參加咩訓練，先諗下不如試下家居訓練，我仔仔剛check到，我有報到講座但冇咁快有得上，所以唔想浪費時間問下大家點做

咁借問聲家居訓練要知道邊方面要訓練才做到，咁係咪有d專業人士可以幫到我？應該找那種治療師比較適合?

作者: Capricorn2521 時間: 12-6-1 10:40

本帖最後由 Capricorn2521 於 12-6-1 11:15 編輯

回復 manabcd 的帖子

家居訓練就係上完堂之後，根據導師嘅指示在家繼續練習。在你個CASE，即係言語治療師在課堂上教咗嘅野，你返屋企繼續同小朋友練習。

如果你想改善眼神(即孩子不喜歡望人)，不如問吓你個言語治療師有什麼改善方法，叫佢示範比你睇，然後返屋企自己同佢做多D。

我個人認為，一個人如果對某樣東西有興趣，就自然會望。我們如何令小朋友對人有興趣呢? 最基本係就要同佢玩，玩D佢鐘意嘅野，有時又要扮吾識，佢識你吾識，比佢有成功感，開心，下次佢會叫你同佢玩。大致上係咁.....

參加社交班，都係一D遊戲小組，可以上吓睇吓D導師點做，點玩，又可以問吓導師對小朋友的意見......都好嘅！

要知道改善眼神非一朝一夕，努力！

作者: baubaulee 時間: 12-6-4 14:38

眼神問題

Any good method to improve??

作者: EKME 時間: 12-6-6 14:28

個個小朋友不同, 應由訓練導師教你!

作者: idak 時間: 12-6-11 00:00 標題: 回覆：家居訓練係點架?

捉小朋友手仔指你的眼耳口鼻，教佢！放玩具係你塊面引佢望！貼貼紙係個鼻度等！最主要係多d同佢玩！

歡迎光臨教育王國 (/)