教育王國

標題: 請問 [打印本頁]

作者: puppyning 時間: 12-5-25 13:55 標題: 請問

你們好, 本人現正為明年升小學的女兒選校~
我想多了解此學校!
請各位多多指教!

1. 請問此學校是傳統還是活動教學?
2. 是否每日均有導修課?
3. 教學方法是否較輕鬆?

因女兒老師提議女兒較適合傳統教學~

作者: reb1228 時間: 12-6-4 15:40

本帖最後由 reb1228 於 12-6-4 15:41 編輯

Puppyning, 這是傳統教學的，而每天最後一堂均是導修課，另設有功課輔導班(自行參與)，教學方法跟大部分小學無分別，而課程亦依照教育局的水平而教授的，每天平均6、7樣功課(可於1-1.5 hrs完成的)，另有大量課餘活動供小朋友參與。但請注意，如你住64區的話，只可以於第一輪15分博入或統一派位甲部派入，因基真是65區學校。希望以上意見可以幫到你。

作者: puppyning 時間: 12-6-6 13:50

謝謝你的回覆, 真是有用的資料!

請問你是否有小朋友在內就讀嗎?
你對此學校有何感覺?

另請問全年是否有4次考試+2次測驗?

作者: carris 時間: 12-6-7 11:45

回復 puppyning 的帖子

全年只有3次考試, 平時的只有評估, 只要係有聽書有做功課, 再溫下書就一定無問題的.

作者: puppyning 時間: 12-6-7 13:49

我想知道你們的小朋友喜歡此學校嗎?

作者: 719117 時間: 12-6-7 14:35

我兩個女都係讀基真，一個將升小二，一個將升小三！我個時係自行 15分志願入到，當時我從來無想過揀仁立、仁紀、全完，心目中想入基真，因見網上評價不錯..雖然我係住 kwai chung estate附近，，但我都無揀仁立、仁紀、全完……我當時去了基真open day，去完之後，就決定揀入基真。我仲好記得當時第一輪我自行交表時第三個，因我一早就去交表了！

我兩個女 so far超鐘意間學校，呢間學校真係唔太谷，但就好注重閱讀，每朝早上每個學生一定要帶圖書回校閱讀，因校長相信多閱讀，對小朋友認字學習會有好大幫助！

佢地英文係無書本，全部都是 miss 印 note，用 file整好的！小一上學期係無默書，多數搵番 k3 d野，當然亦會教新知識喇，我覺得咁樣好好，因小朋友一升上小一已好唔習慣，好多野都要重新適應，如果再加上係咁谷個小朋友，怕小朋友無左學習興趣，會好辛苦，但小一下學期就會要求多小小，有默書、個個星期都會有些小評估溫番之前教的書！

到了二年級，當然個個星期都會有默書，評估，但默的範圍也不算太多，小朋友一定會 handle到，考試而家變左一年 3次考試！同埋二年級已開始中、英文作文，所以小朋友識多些中、英文字會較優勝！而家我個女個個星期差不多都有中或英文作文的。

小一至小三中文是用普通話上課的，所以打好普通話個底會優勝，。小一小二就唔會跟成績編班，但小三開始就會依成績編班，有精英班。

總括，我好滿意間學校，但唯一對於我來講就遠左小小，小朋友要好早起身，我個女要 6:50就要出門口去等校車！

我覺得基真因為對於 65區來說較遠，所以會少左媽媽將佢放係第一志願，個個都揀仁立，仁記…...但呢 2年，基真都多左人首選，競爭大左好多！

希望以我所知幫到你地，有乜唔明就問喇！

作者: 719117 時間: 12-6-7 14:37

仲有每日最尾個堂都有導修堂比小朋友做功課，最期五就有課外活動比小朋友玩，同埋會早刻些放學！

作者: jojoplanet 時間: 12-6-8 12:34

719117 發表於 12-6-7 14:37
仲有每日最尾個堂都有導修堂比小朋友做功課，最期五就有課外活動比小朋友玩，同埋會早刻些放學！ ...

你好呀..你資料好詳細....英文佢係小一至六都係自己整note咁會唔會偏淺?

小一開始係普通話教書小朋友咪好難明囉?

作者: 719117 時間: 12-6-8 13:50

回復 jojoplanet 的帖子

因為我個女細個開始已有人同佢補普通話，有學普通話，所以對於佢地來說用普通話上課無問題，當然如果小朋友無乜接觸過普通話，上課時我相信要用較長時間去適認！

英文我唔太清楚高年級用書定用notes呀，佢地英文有些家長話較淺，但對於我來說 ok呀，佢地好漸進，我個女而家二年級英文都要作文、教過去式咁囉！

作者: jojoplanet 時間: 12-6-8 14:08

719117 發表於 12-6-8 13:50
回復 jojoplanet 的帖子

因為我個女細個開始已有人同佢補普通話，有學普通話，所以對於佢地來說用普通話 ...

我見佢派位好好呀...如果我其他叩唔到門呢間又收我都考慮呢間...

作者: reb1228 時間: 12-6-11 12:24

回復 719117 的帖子

好詳細呀!

歡迎光臨教育王國 (/)