教育王國
標題: 各位家長要小心選擇補習社啊 ! [打印本頁]
作者: littleedu 時間: 12-5-24 22:42 標題: 各位家長要小心選擇補習社啊 !
長久以黎睇到D到補習社既作風，我覺得有少少恐怖
依家好多坊間補習社啊，社區中心補習班啊
負責既啊頭都好聰明 !!!
整得搞好多花臣令你覺得小朋友學左好多野
但係主要都係做比家長睇 !
今日去小學，見到 D 課後補習班D導師真係勁惡
開口埋口叫安靜，拎住技筆，
其實只係驚D家長經過見到佢地 D 學習氣氛唔好
明明個小朋友唔識做，叫佢十萬次專心安靜集中，佢都係唔識做嫁啦下話……
真係痴左線，又驚惡咁鬧D小朋友
又唔教人，小朋友問多幾問就講個答案就算數
咁個小朋友連自己唔明乜野都唔知，家長又以為佢地效率高，學到野，仲慘過無補比老師自己改，起碼都知個小朋友係唔識丫……
最深刻係有隻昆蟲飛左入去，小朋友好奇當然會望，但係D導師就不停大聲要D小朋友只可以望住自己D功課……
唉，仲要開到成行成巿，家長真係要望真D 先報啊 : (
要CHECK下間補習社，可以問下仔仔囡囡，
1. D功課唔識既話老師會唔會直接講答案比佢地聽，
2. 直接問下擦過答案痕跡特別多既題目，睇佢地雖然答岩但知唔知點解 !
3. D 老師鬧人會鬧 D 乜？點解鬧？
呢D功夫真係唔少得！
同埋 D 1對10/ 15 既比例，真係唔好預會教到野啊....
作者: daniel2012 時間: 12-5-24 22:55
最後果到好同意
我自己有時PART TIME番補習社
一個對六 七個小朋友
我都唔可以係果段時間裡 深入咁教好每個小朋友
改好功課 溫好書就岩岩好 想教多/深入D都唔夠時間
作者: 花仔媽咪 時間: 12-5-24 23:37 標題: 回覆：daniel2012 的帖子
我個仔以前試過比補習老師打面同彈耳仔，又試過不停比答案！地方又多細路又嘈，成績當然唔好，真係唔好貪近同貪平，隨時得不常失！依家亞仔去左一間細細間,人小小，老師又學歷好，雖然晤近屋企又貴左好多（好彩可以接校車），但都值！
作者: CATHERINEAUNTIE 時間: 12-5-25 01:26
提示: 作者被禁止或刪除 內容自動屏蔽
作者: Chun32 時間: 12-5-25 10:23
我試過一個補習老師自己唔郁手, 但我仔答錯他的問題他叫格離的同學仔用筆袋打我仔個頭, 回家呀仔話俾我知, 我投訴佢地仲話只係細細力, 我仲唔走呀!
作者: MariaTsui 時間: 12-5-25 11:52
現在真的是看父母的才力及財力的時侯,父母識就自己教,父母不識,就請補習老師單對單,現在的小朋友看似樣樣都有,其實,我細過開心過現在D小朋友
作者: littleedu 時間: 12-5-25 13:31
MariaTsui 發表於 12-5-25 11:52 
現在真的是看父母的才力及財力的時侯,父母識就自己教,父母不識,就請補習老師單對單,現在的小朋友看似樣樣都 ...
我都會好老實同佢地講你個小朋友無需要補。
講真呢D位真係只係求心安。見人有我有。
我覺得小學生其實無大問題都無需要補習。
佢地應該要學識培養自己做功課既能力，唔識咪留心聽書學到識囉。放學周圍去玩周圍去試先係全面發展啊...
作者: mandy304 時間: 12-5-25 16:56
特別初小真係自己教都可以..補習實在唔需要急於一時. 幫仔女温習, 其實幫緊自己重温書本. 絶對雙得益彰.
作者: MariaTsui 時間: 12-5-26 11:22
littleedu 發表於 12-5-25 13:31 
我成日幫D家長補，去到見到D小朋友其實都無大問題，只係跟功課，
我都會好老實同佢地講你個小朋友無需要補 ...
我是FTM,我的目標是小朋友在小學階段不需要補習,囝囝讀P4,成績OK,做功課也自律,眼見一考完試,家長四出訪尋名師,我就有點心理壓力,好似自己不請補習老師俾囝囝,好似對佢不公,冷靜過後,就沒有請,有時真的是心理影響大於實際需要.
作者: MariaTsui 時間: 12-5-26 11:26
mandy304 發表於 12-5-25 16:56
特別初小真係自己教都可以..補習實在唔需要急於一時. 幫仔女温習, 其實幫緊自己重温書本. 絶對雙得益彰. ...
以前一直努力讀書,真的不知有什麼用,因為工作上跟本不需要用,現在終於明白了,用來教導子女時,真的可以大派用場.
作者: Chun32 時間: 12-5-26 15:34
前日見到個家長, 個小朋友K1, 佢話同佢去補習喎, 我話吓,K1補習? 佢仲話係呀,補英文同數學呀. 我眼都大呀
作者: littleedu 時間: 12-5-26 22:35
因為做教育行業，發現部分小朋友唔聽書，係因為知道補習有老師會教返佢，知道都有少少無奈，但係佢地又無講錯喎......
作者: Rainy 時間: 12-5-28 13:56
我要返工的, 都是自己教, 希望在小學階段不用補習. 學會自動波.
眼見其他家長仔女補完後成績進步不少, 都有一秒鐘的心動, 但係其實係好奇心居多... 諗深一層這種補習方式是不適合自己既仔女, 就好快打消念頭了. 初小階段, 都係要愉快學習重要d.
作者: 甜粟米 時間: 12-5-28 16:59
回復 littleedu 的帖子
好讚同你的講法, 近來就係比間補習社激死, 明知將近考試, 講明盡量同佢溫習, 點知睇返D練習唔係考試範圍, 仲要1:10, 有時太多學生要分去其他枱, 放學一開門形同街市, 試問點樣可以專心做數呀, 教人嗰個點會有心教, 激死!!
作者: 王子-教練 時間: 12-5-28 17:52
提示: 作者被禁止或刪除 內容自動屏蔽
作者: lyl 時間: 12-5-28 22:56
同意樓上所講既。轉番半曰制時間好用些。多d休息，午睡時間，無gum容易病
作者: stmarkshk 時間: 12-5-29 15:29
之前係補習社做, 一對15到, 真係有心都好難幫到小朋友
好難令佢地個個都識
而家做番上門, 一對一最了解學生進度同配合番需要尼編教材
作者: 彩虹冒險 時間: 12-5-29 22:09
我要返工, 小朋友一放學回家就吃東西, 睇電視, 玩電腦, 到7 點就訓覺, 訓到 9點, 吃完飯先至做功課, 教佢又唔聽,又唔肯默書. 你話是否給他去補習社跟功課和默書.
作者: wanwanfubb 時間: 12-6-3 09:30 標題: 彩虹冒險 的帖子
好似，我都係咁，我唔介意佢地瞓食睇，但唔該做功課時專心做，做嘢唔認真，hea爆
作者: 花仔媽咪 時間: 12-6-3 10:52 標題: 引用：之前係補習社做,+一對15到,+真係有心都好難
原帖由 stmarkshk 於 12-05-29 發表
之前係補習社做, 一對15到, 真係有心都好難幫到小朋友
好難令佢地個個都識
而家做番上門, 一對一最了解學生 ...
作者: anna59 時間: 12-6-4 08:59
回復 MariaTsui 的帖子
咁我唸1.你間學校唔系太深; 2. 你個小朋友好叻
因為有d深既學校連全級考第一果個都出去補習
作者: MariaTsui 時間: 12-6-4 22:15
anna59 發表於 12-6-4 08:59
回復 MariaTsui 的帖子
咁我唸1.你間學校唔系太深; 2. 你個小朋友好叻
囝囝間學校也可以算是地區性比較好的學校,真的連全級第1都有補習,囝囝成績屬中上,我不想佢依賴補習社,囝囝會自動自覺做功課,有不明白的地方才問我,每天約做1小時功課,測驗,默書,考試都會提我幫佢溫,所以,我希望他的自律精神繼續,慢慢訓練佢有自學精神
作者: anna59 時間: 12-6-5 08:22
回復 MariaTsui 的帖子
咁你個仔好好喇!做 FTM系有價值假,好似我地依D working mon,個仔唔學壤已經好好,都唔會有乜期望,唔好話入唔入到英中啦
| 歡迎光臨 教育王國 (/) |
Powered by Discuz! X1.5 |