教育王國

標題: 奧數的疑惑 [打印本頁]

作者: lmhcoffee 時間: 12-5-22 20:33 標題: 奧數的疑惑

我唔係好識奧數，個人理解係訓練另一種思維模式，應該幾好。
我見好多小學生都有學，但我小朋友一直都冇，佢數學成績平均七尾八頭，今年升小六，到底暑假應唔應該俾佢試下奧數班（唔係為參加比賽），定係集中攪掂學校課程?
各位唔該俾啲意見，多謝！

作者: minmin 時間: 12-5-23 08:32

我都諗梗暑假好唔好俾阿仔去學, 但我又諗如只係暑假學,
咁短既課程, 會有乜得啫呢?

咁係咪又要不斷去學, 先會有得著?

作者: Chowying 時間: 12-5-23 09:59

不如諗吓大學點解冇奧數或相關課外活動, 你可以去書局睇吓d奧數書, 同以前d IQ題有乜咁唔同.

作者: lmhcoffee 時間: 12-5-23 19:24 標題: 回覆：奧數的疑惑

話時話，通常學奧數會學到幾時／幾年級?

作者: blueberry123 時間: 12-5-23 21:09

其實奧數和數學是有分別的, 如果不是為比賽, 暑假可比佢學. 睇吓佢鍾唔鍾意.

作者: talent2000 時間: 12-5-23 22:19

提示: 作者被禁止或刪除內容自動屏蔽

作者: 洋蔥頭媽咪 時間: 12-5-24 13:45 標題: 回覆：lmhcoffee 的帖子

其實奧數同一般數學會有些不同，唔會有太多操練題，通常以思考題材比較多，中學奧數題一般比較深，對喜愛數學科同學較有挑戰性，但成績一般嘅同學可能會覺得比較難。我覺得小學生學奧數亦唔錯，可以讓小朋友多些思維訓練，比起只着重操練題目較有樂趣。

作者: janicetsang 時間: 12-5-24 15:18

我覺得奧數都幾深，並且不能直接幫助提升數學成績，反而訓練到腦筋。所以看你想小朋友得到什麼而去決定讀唔讀。

作者: ah_wa 時間: 12-5-25 08:38

奧數是訓練邏輯思維, 不是教小學正規數學.
仔仔p1有奧數課外活動, 我睇過notes覺得對p1有d難 (大人邏輯唔好都會錯).

作者: Jackieson 時間: 12-5-25 11:19

janicetsang 發表於 12-5-24 15:18
我覺得奧數都幾深，並且不能直接幫助提升數學成績，反而訓練到腦筋。所以看你想小朋友得到什麼而去決定讀唔 ...

同意, 我覺得奧數都幾深, 對升中大有幫助, 應該比小朋友讀/學.

作者: 瑩瑩老豆 時間: 12-5-27 00:05

lmhcoffee 發表於 12-5-22 20:33
我唔係好識奧數，個人理解係訓練另一種思維模式，應該幾好。
我見好多小學生都有學，但我小朋友一直都冇， ...

小三時問過囡囡的數學老師, 佢話搞掂校內的數學, 測考9字頭才好去學喎.

作者: bnene 時間: 12-5-27 02:04 標題: 引用：我唔係好識奧數，個人理解係訓練另一種思維

原帖由 lmhcoffee 於 12-05-22 發表
我唔係好識奧數，個人理解係訓練另一種思維模式，應該幾好。
我見好多小學生都有學，但我小朋友一直都冇， ...

如果目的是提升常規課程數學的能力，上奧數班可能幫助不大，反而可在暑假著重習題的操練更有幫助。小兒都是用這個方法，再加上做卷時放慢一點、小心冷靜處理題目，在過去兩次都數學考試取得很不錯的成績，比有讀奧數的同學更高分。

當然，如小朋友有興趣，用奧數去訓練思考都是不錯的選擇。

作者: 燁燁媽 時間: 12-5-27 13:42 標題: 回覆：奧數的疑惑

我仔數學差，理解題差，係咪腦筋轉數慢，咁仔去學奧數，係咪腦筋轉快些？
我仔係可以特然剩數都可以望記點計既人！

作者: 大卡細卡 時間: 12-5-27 15:54

學奧數挺幫助邏輯思考的 , 我大兒子由P5下學期才學 , 後來發現很多數學勁的都是由二 , 三年級已學啦.但我們學校由四年級才開班. 但題目很深 , 小孩子信心很容易受打擊.

作者: rogerlam123 時間: 12-5-27 17:11 標題: 回覆：奧數的疑惑

奧數提供教科書以外的解難方法和思維方法，對學習數學有好正面嘅幫助。但真係幾難，我覺得可以俾小朋友試下，佢唔抗拒咪繼續。反正有益無害。

作者: muichujamie 時間: 12-5-28 00:48

回復大卡細卡的帖子

想問下你喺邊度學奧數？

作者: alanaudio 時間: 12-5-28 13:09

我個仔升K3, 我幫佢報左暑期班, 希望TRAIN 下佢個腦.
但又唔知會否太快?

作者: cherubic 時間: 12-5-28 13:12

I just bought an exercise book (published in Singapore) and started doing it within my son immediately. My son loves it. He said they are very interesting Maths. I think this is a good way to train kids to think differently.

作者: Jackieson 時間: 12-5-28 13:13

muichujamie 發表於 12-5-28 00:48
回復大卡細卡的帖子

想問下你喺邊度學奧數？

http://www.hkmos.org/main/index.html
http://www.hkmo.cc/gangao/
最好參加校隊, 因為學校會知道&安排好多比賽比小朋去參加.

作者: 王子-教練 時間: 12-5-28 18:35

提示: 作者被禁止或刪除內容自動屏蔽

作者: cherubic 時間: 12-5-28 21:20

SAP Olympiad Maths Trainer. Book 1 is for age 7-8 and so on. I bought it at joint publishing.

作者: minamina 時間: 12-5-29 16:51

lmhcoffee 發表於 12-5-22 20:33
我唔係好識奧數，個人理解係訓練另一種思維模式，應該幾好。
我見好多小學生都有學，但我小朋友一直都冇， ...

小朋友數學成績不屬標青(我以前學生校內取九十幾都怕左奧數，因佢不是思維型)，學奧數會難上手，加上要升小六，又要應付TSA，不建議此時間讀，集中攪掂學校課程好些，而且小五/六部分數學課題難點要好好處理，因為係中學時的基礎。

如果佢不抗拒可以暑假學。

作者: 大卡細卡 時間: 12-6-2 11:30

回復 muichujamie 的帖子

我在學校學的 ,我們由四年級開始老師挑選
, 但有家長在高X斗學的與我學校是一樣的導師.

作者: muichujamie 時間: 12-6-2 15:49

回復大卡細卡的帖子

我都睇過呢間個課程，但呢間無一年級.... 其實呢間教好唔好呢？會唔會只係不停做exercise?導師會唔會教書架？因為我唔like 只做exercise

作者: 杰杰媽媽 時間: 12-6-2 23:35

我俾我仔學奧數只為佢多用腦(平時勁懶唔肯用腦,再係咁生晒草GA啦), 千其唔好諗住對佢學校數學有幫助,完全係2樣野黎。
但係我覺得反而對佢其他科目會有幫助,由其是需要多D思考既科目,佢個腦真係轉得快左好多好多.....

學奧數最少要識+-X/ 先好學,如果唔係講極都唔明.基本上P.3最岩時候.

高X斗我仔學過頭一年(P.3) ,但唔鍾意佢只係上堂講題目&答案,NOTE只得問題,完全只靠小朋友上堂炒/做個答案,冇詳細解釋係NOTE到,好似我仔呢D多數只聽唔寫,過多2日問佢已經唔記得晒點計,又冇得睇返.最後得個吉.
我仲要試過好多個老師都唔得(學校/總會),個個細路都話唔多明白.但佢呢間最淺,初學試下最好.

之後係協會---補習社既班又學左2年.
我仔最後都係搵私人上門先好D.

宜家P6佢學緊個D,我真係睇極都唔多明啦,唔理咁多,佢話明就得啦.

作者: muichujamie 時間: 12-6-3 01:23

回復杰杰媽媽的帖子

thanks!! 呀女佢好想學奧數，佢而家都識乘數，未學除數，咁等佢大D再算! 或者我買本exercise佢做住先!

作者: 大卡細卡 時間: 12-6-5 22:58

回復 muichujamie 的帖子

我仔的MISS有教數學思路, 但都有很多練習做, 如果不做, 好像效果嘛嘛, 好像八堂後有˙TEST.

作者: muichujamie 時間: 12-6-6 00:06

回復大卡細卡的帖子

thanks! 不過都要下年先可以試!

作者: muichujamie 時間: 12-6-6 00:17

回復杰杰媽媽的帖子

請問你“奧數天天練”邊間書局有？我附近果兩間都無奧數練習賣呀，我早排買課室本數學練習比佢做入面D思考題佢玩住先咋。

作者: 杰杰媽媽 時間: 12-6-6 00:19

回復 muichujamie 的帖子

商務/大眾都有.........

作者: 杰杰媽媽 時間: 12-6-6 00:33

可以訂書GA,如果你一定買

作者: 杰杰媽媽 時間: 12-6-6 00:36

本帖最後由杰杰媽媽於 12-6-6 00:38 編輯

原來我個本仲係到,全名係----------數學奧林匹克天天練

書局會放係小學數學補充個行(多數最最最低個格)

歡迎光臨教育王國 (/)