教育王國
標題: 有冇小朋友專注力不足透過學校跟進 [打印本頁]
作者: 小小蜜蜂仔 時間: 12-5-22 03:00 標題: 有冇小朋友專注力不足透過學校跟進
想問下個流程係點架? 係米首先見學校社工呀?如果佢也認為我仔係專注力不足, 跟住社工會轉介我仔去邊呢?(a) 要等幾耐先成功見倒a呢? 見完a之後又會再等見咩人(b)呢?等幾耐呢? 見完b之後又點呢?...............我真係1無所知, 請各位知情人仕指點
作者: kelvin_hmlau 時間: 12-5-22 11:03
點解唔問下校長，班主任同學校社工？
作者: 小小蜜蜂仔 時間: 12-5-22 11:39
本帖最後由 小小蜜蜂仔 於 12-5-22 11:40 編輯
我想響呢度問左先
有冇過來人分享下?
作者: PARROTMUM 時間: 12-5-22 20:43
小小蜜蜂仔 發表於 12-5-22 03:00 
想問下個流程係點架? 係米首先見學校社工呀?如果佢也認為我仔係專注力不足, 跟住社工會轉介我仔去邊呢?(a) ...
我可以講下我女的過程, 我發現女女有專注力不足同佢班主任講, 班主任就跟住同駐校社工傾, 社工跟住見小朋友, 通知學校排隊見團體的心理學家(因我女個間係大的辦學團體所以有心理學家, 其他可能會去政府心理學家), 好彩校長見完女女個case就排第一見, 心理學家唻度見過數次女女, 又觀課又同佢各科老師請教, 再而見埋我, 做左簡單智力評估, 有結果佢評估係專注力不足, 寫信見政府兒童精神科.
作者: 已刪除用戶 時間: 12-5-22 21:11
樓主, 我見你出左好多個post, 都知你好心急, 不過好可惜, 呢d急唔黎呢.....你聽我講先
你through社工轉介又好, 邊度轉介都好, 最終都係要睇兒童精神科, 今日, 政府兒童精神科新症可能要排3年至見到醫生, 上星期剛有bk網友pm我, 終於有得排兒童精神科了, 排到2013年尾, 我話已經叫快喇!
排兒童精神科之前, 你先自見醫生, 做評估等等, 如果你仲等社工幫你慢慢攪, 可能一年之後至做到評估, 再排3年至見到精神科, 到時都升中了!
政府野就係咁衰, 一定要著緊d, 我俾個電話你, 呢個係碼麗醫院精神科電話22553067 (sorry成日唔記得兒童精神科電話), 你打去, 講返你住邊區, 問佢應該睇邊間, 叫佢俾個電話你, 你即刻打去問, 懷疑小朋友專注力有問題, 究竟要咩資料排新症, 應該要學校信, 醫生信等, 有人話我知普通醫生信已經可以(我唔肯定), 咁你就盡快去攪封醫生信出黎, 拿拿聲去排, 跟住至慢慢等學校社工幫你安排既檢查, 有咩資料再後補到醫院 (總之, 去左排精神科新症先, 果度攪得最耐)
作者: wan_sosin 時間: 12-5-22 23:10
唔洗經學校架!我係由健康院醫生轉介去CAC的.我亦知可以叫私家醫生寫轉介信,一樣可直接去CAC.
我而家排緊期,約半年後去做評估.
作者: 小小蜜蜂仔 時間: 12-5-23 00:20
PARROTMUM 發表於 12-5-22 20:43
我可以講下我女的過程, 我發現女女有專注力不足同佢班主任講, 班主任就跟住同駐校社工傾, 社工跟住見小朋 ...
謝謝分享!
我仔間學校也算大的辦學團體, p1開學時好似老師有講過有心理學家....不過呢步我要3思, 因為有過來人講呢１間學校不少老師會label呢d特殊學生, 令到果個學生及家長都好痛苦
所以我先咁徬徨
作者: 小小蜜蜂仔 時間: 12-5-23 00:32
Charlotte_mom 發表於 12-5-22 21:11
樓主, 我見你出左好多個post, 都知你好心急, 不過好可惜, 呢d急唔黎呢.....你聽我講先
你through社工轉介又 ...
我係好急, 精神科醫生呢part我最無知, 只知要排好耐. 最近不斷打電話, 對私家/非牟利機構價錢掌握左d資料, 不少機構熱心人士非常幫忙, 損loon損la揾倒有減免的私營精神科醫生, 當然都會排政府
其餘的也有排緊
明天打去瑪麗, thx for your info
作者: 小小蜜蜂仔 時間: 12-5-23 00:33
wan_sosin 發表於 12-5-22 23:10
唔洗經學校架!我係由健康院醫生轉介去CAC的.我亦知可以叫私家醫生寫轉介信,一樣可直接去CAC.
我而家排緊期, ...
小學生健康院唔理架喇
作者: bbricky 時間: 12-5-23 01:38
你要填同意書學校先會轉介去心理學家,我囝囝等左一個月,見醫生又係另一PART要轉介信!你都係在私家睇先!
作者: 已刪除用戶 時間: 12-5-23 08:57 標題: 回覆：有冇小朋友專注力不足透過學校跟進
搵到了：瑪麗皃童精神科22553656
作者: PARROTMUM 時間: 12-5-23 13:24
每區的精神科都排唔一樣的, 我舊年新症係屯門就只係排三個月咋
作者: PARROTMUM 時間: 12-5-23 13:28
小小蜜蜂仔 發表於 12-5-23 00:20
謝謝分享!
我仔間學校也算大的辦學團體, p1開學時好似老師有講過有心理學家....不過呢步我要3思, 因為有過 ...
學校點都一定會知, 其他post的媽咪都有講, 醫院精神科定左你個小朋友有病就會知會教育署, 佢地會有津貼比學校, 學校關顧好唔好只你睇下啦, 如唔好到時可能要找另一間
作者: 已刪除用戶 時間: 12-5-23 15:07
關於學校會唔會label小朋友呢個問題, 你可以搵個可靠既老師問下意見, 我自己咁睇: 其實老師都知你小朋友係咩人, 証實左d咩又點? 如果老師係ok的話, 佢唔會因為一個斷症而影響你對小朋友既態度, 相反, 見家長有俾心機去解決問題, 老師會更有信心(例如而家多手多腳影響到上堂秩序, 第2時有機會食左藥會合作d轉數又快d, 對老師都係好事)
當然我亦唔排除有d學校真係.......哎.........為左要得到資助, 就叫家長去驗驗驗, 但之後又無support什至玩野, 小朋友就好慘
政府醫生睇完之後, 會問家長想唔想將結果講俾學校知, 家長有權選擇唔講的
作者: 小小蜜蜂仔 時間: 12-5-24 01:10
本帖最後由 小小蜜蜂仔 於 12-5-24 01:12 編輯
Charlotte_mom 發表於 12-5-23 15:07
關於學校會唔會label小朋友呢個問題, 你可以搵個可靠既老師問下意見, 我自己咁睇: 其實老師都知你小朋友係 ...
charlottle_mom, 知道你住CWB, 想問下你....
我暑假會去CWB mon-fri 整個上午, 在中央圖書館附近, 冇工人所以會帶埋個仔去CWB. 打算放低個仔響附近去學D野上D班, 而我就忙我ge. 想問下你意見, 果頭附近有咩course啱升p4小學生學嘅呢? 學術運動補習班....都ok, 我唔想太hea果種, 想佢認真上堂
可否比d意見
作者: 小倩 時間: 12-5-24 11:39
CAC：http://www.dhcas.gov.hk/tc_chi/centre_info/centre_info.html
另, 可以透過學童保健轉介 
作者: 已刪除用戶 時間: 12-5-24 12:06
小小蜜蜂仔 發表於 12-5-24 01:10 
charlottle_mom, 知道你住CWB, 想問下你....
我暑假會去CWB mon-fri 整個上午, 在中央圖書館附近, 冇工 ...
等我搵搵先, 一時之間唸唔出咩平靚正, 我都係住果度附近, 我d小朋友都要周圍走
作者: 小小蜜蜂仔 時間: 12-5-24 12:51
本帖最後由 小小蜜蜂仔 於 12-5-24 13:05 編輯
學童保健...費費地, 等1大輪見1大輪先寫封referral letter比我去CAC排, 我去樓下個家庭E生寫, 半個鐘攪店.
我打過去2間有津貼的私營精神科E生問, N間復康機構問, 社工都話我仔似乎係好典型的專注力失調, 唯獨學童保健, 聽完我講第1個回應係: 男仔係百厭D架喇,
mouth:" /> 比我感覺佢地好唔PRO, 冇呢方面知識, D口吻好似我99果D無知婦孺
作者: 小小蜜蜂仔 時間: 12-5-24 12:53
Charlotte_mom 發表於 12-5-24 12:06
等我搵搵先, 一時之間唸唔出咩平靚正, 我都係住果度附近, 我d小朋友都要周圍走 ...
非常感謝
CWB區也可以的, 只是不能離CWB太遠, 怕好趕
THX AGAIN
作者: tszyaumama 時間: 12-5-28 00:23
回復 小小蜜蜂仔 的帖子
請問你係咪同個醫生講囝囝的情況, 佢就會寫轉介信?
作者: 小小蜜蜂仔 時間: 12-5-30 08:57
tszyaumama 發表於 12-5-28 00:23
回復 小小蜜蜂仔 的帖子
請問你係咪同個醫生講囝囝的情況, 佢就會寫轉介信?
yes, 多數肯寫
作者: 小小蜜蜂仔 時間: 12-6-10 00:52
呀仔考試, 比平時嘔多幾倍血
作者: faye525 時間: 12-6-11 02:50
本帖最後由 faye525 於 12-6-11 02:57 編輯
政府野係好慢~
同埋對好多係邊界或者輕微既患者忽略左, 會話佢地冇事, 叫你觀察住
果度其實會浪費左你好多時間
如果經濟能力許可, 真係搵左私家CHECK左先再穩陣,
一間信唔過咪CHECK多間囉 (當然要經濟能力許可啦)
拎住私家封信, 一樣可以去政府醫院排期既~~~
多數人做法係, 睇住私家排政府~~~
我小朋友情況係, 我, 身邊人, 熟我小朋友既人都覺得我小朋友係有唔妥, 唯獨學校唔覺, 只話佢係百厭小小, 問題唔大
睇完私家醫生, 答案係有ADHD
我拎住私家醫生封信俾返學校, 佢地錢就收到教育署呀, 但係係冇任何支援俾我~~
班主任係最落力架啦, 一個月打一次電話黎匯報下我小朋友果排情況
其他什麼學校社工, 心理專家等等, 我小朋友係未見過.....
不過老實, 我都唔需要佢地幫, 我自己會搵辨法, 佢地根本唔太信我小朋友有事
重點, 佢地話我小朋友寫字好靚, 成績唔錯, 好乖, 只係有時百厭小小, 所以冇理由係ADHD
但係呢D係我係小朋友由細到大好辛苦咁訓練佢出黎既野黎....試下我唔嘔晒血咁教丫拿, 睇下有咩後果~~
作者: kinheimom 時間: 12-6-13 10:17
回復 faye525 的帖子
唉! 我都係, 小朋友表面5似係因為我地係好細時已經做野
我個仔3歲1個月比CAC評發展遲緩,去左 i 位(叫做跟得足既 i 位) 再係出面比無限 training 佢, 5月底再去CAC見醫生評佢智力, 大小肌正常但言語理解&表達較弱,最慘係送多一樣疑似adhd, 叫我留意一下,醫生話即使係都可能係窄界, 因為我個仔 n1都讀左2年打好個底,所以而家佢6歲讀緊k2,叫做佢而家既能力好過佢學既野, 所以5係好覺佢既專注弱而影響佢地學習同埋日常生活 , 但醫生又5會係現階段話佢係定5係,要上小學先知, 頂!! our左好耐先肯比封信我去油麻地兒童精神科去排,我都未去排,聽人講閒閒地都等2年~
其實有好多人同我講油麻地兒童精神科費費地, 無咩用, 係咪主要係比佢地確診等政府比 funding 學校, that's all?
作者: 小小蜜蜂仔 時間: 12-7-21 23:52
Charlotte_mom 發表於 12-5-24 12:06
等我搵搵先, 一時之間唸唔出咩平靚正, 我都係住果度附近, 我d小朋友都要周圍走 ...
有冇介紹呀
作者: midcocc 時間: 12-10-12 15:14
甚麼是專注力不足?小女在學校好靜,好乖,是否在學校唔乖,老師才覚有問題?佢小三啦?
作者: myhkbb 時間: 12-10-12 17:14
提示: 作者被禁止或刪除 內容自動屏蔽
作者: papajelly 時間: 12-10-13 10:51
回復 myhkbb 的帖子
It's so true. Thanks for sharing.
作者: karenk 時間: 12-10-31 16:38
唔好意思, 想借個位問吓各位意見:
我個女今年小三,從幼稚園就比老師投訴佢做野慢. 後來,臨上小學,發覺佢寫鏡面字,以為讀寫障礙,但在東華check過話唔係,不過本體覺方面有d弱.
上到小一,遇到個好老師,佢寫字方面真係改善左;但到小二,考試中&英得3x分,看試卷時發覺佢只是做左好少(如:9版做了3版,7版都係做3版)但只要係有做的都好少錯(即是雖然只有3x分,但她全部做了的題目共佔40分)
開頭諗住是因為小一升上小二,第一次份考試卷長了很多所以不適應;第二&三次梗係因為無信心;所以小二最後一次考試我用盡好玩得意的方法同佢溫習+打氣,終於有7字頭.
但上到小三,因TSA,功課量更多,佢愈來愈唔對路...我要人釘人睇實佢做功課,期間仲要成日提佢專心,佢一急一累,D字先係反轉,再累D就唔記得曬點寫,係真
係空白一片.
其實佢學校D功課量是普通果隻,我以經諗住轉去一間再輕鬆D的.
但我和老公15/16,唔知佢駛唔駛CHECK吓,又唔知CHECK什麼好,更唔知去邊度搵.
我知好長氣,但我真係唔知問邊個好,你們可以幫忙指點一吓好嗎
謝謝
作者: karenk 時間: 12-10-31 16:39
本帖最後由 karenk 於 12-10-31 16:40 編輯
SORRY, 重複了
作者: pinkdoll 時間: 12-10-31 18:34
本帖最後由 pinkdoll 於 12-10-31 18:35 編輯
karenk 發表於 12-10-31 16:38
唔好意思, 想借個位問吓各位意見:
我個女今年小三,從幼稚園就比老師投訴佢做野慢. 後來,臨上小學,發覺佢寫 ...
你有冇找學校社工傾下, 學校社工應該幫到你轉介小朋友去做評估.
作者: 年年儀儀 時間: 12-11-1 09:27
大家好!我仔仔今年讀四年級喺上年三年級時候,懷疑仔有專注力不足,之後去了類似明愛中心之類做了評估,話仔注專力係有不過係輕度,(冇過度活躍症)但岩岩踏界,不需食藥,今年升上四年級,但情況冇好轉,想問下各位媽媽,有咩好提議?會唔會食藥好d,佢d成績排尾.....
,仔讀嗰間係私校,所以學校社工都係派單張叫你自己去check.
1.想問下我攞住上次嗰份報告,去兒童精神科排期得唔得?
2.我嗰間係私校,如政府會通知學校,又怕比學校標籤or 趕出校.....點做好??
3. 如去睇私人兒童精神科医生,有冇好介紹?貴唔貴?
作者: 已刪除用戶 時間: 12-11-2 20:24
回復 年年儀儀 的帖子
同你情況類似，我地參加專注班、食魚油同在家從管教入手，情況我認為可以接受。正如心理學家給我們的意見，要調節我們的期望，這些小朋友高小成績大多會一般，到了中學科目種類多些，表現便會好些。食藥對我來說，是最後一個選擇。這是我們的情況，給你參考。
作者: 年年儀儀 時間: 12-11-5 09:59
謝謝你的回覆! 食魚油丸有效嗎? 有好轉嗎? 現在感覺仔仔好大壓力同緊張,應付不到功課,想轉校,想問下有冇咩提議給我?家住藍田 ><
作者: Capricorn2521 時間: 12-11-5 14:29
回復 年年儀儀 的帖子
你小朋友係咪讀緊"聖若瑟"呀? 東九龍私小應該得一間。如果係，聽人講呢間係深同嚴。
作者: 年年儀儀 時間: 12-11-5 15:10
不是,仔仔喺九龍城私校讀書.
作者: hopefaith 時間: 12-11-17 17:42
提示: 作者被禁止或刪除 內容自動屏蔽
作者: Becky.. 時間: 12-11-17 23:22 標題: 回覆：小小蜜蜂仔 的帖子
我女都是經普通家庭醫生寫信轉介到瑪麗排期。不過要排到2014頭
作者: mic823 時間: 12-11-19 02:49 標題: 回覆：有冇小朋友專注力不足透過學校跟進
我仔上年學期尾証實ADHD，其實由佢K.1我已經問老師佢係咪有問題，由於一路我都唔認識ADHD,只知佢係有問題，但我又唔識講咩問題，如是者到小學，成日俾老師罰留堂，手冊又唔寫。
最終到上年3年級，我知道有ADHD,自己揾私家醫生寫字再加學校社工及教育署注校心理學家評估後，去咗下葵涌度睇臨床心理學，係6月尾證實佢有ADHD,個心理學好好，知道油麻地有排等，俾埋紙我去廣華排兒科，因為廣華都有有關藥物開俾ADHD嘅小朋友食，同埋快過油麻地，咁可以俾我哋頂住先，唔洗睇咁耐私家，唔洗咁貴，到依家，油麻地都仲未有聲氣，但係廣華就可以出年3月有期。
可惜我仔要留班，因為中，英文都唔合格，英文仲要得1X,2X分。為咗唔想佢再浪費時間，貴啲都要睇住私家先，俾佢食住藥，今年剛剛大測完，佢全科都合格，成績仲唔錯，因為真係進步咗好多好多。其實已經好叻，進步咗，最起碼佢專心咗好多，佢話以前上堂，老師入課室一陣 ，佢就去咗公園玩(當然，只係佢個腦去咗公園玩，唔可以專心上堂),依家佢話上堂無去公園玩喎! 同埋學校知佢有ADHD，會有通告話測驗，考試時，會安排佢坐正老師前面，方便老師照顧佢，等佢可以專心啲!
因為係過來人，建議家長發現或者懷疑小朋友有問題，要快啲同小朋友睇醫生，有無事都好，起碼快啲知道，早啲對正效藥。
作者: rosewong 時間: 12-12-8 14:58 標題: 回覆：mic823 的帖子
我知北角有間教室，有提供專注力訓練課程，每星期一節，學費$700.，由社工教授，你可以打電話問：35759319“瑪納”。
早幾年我仔未排到政府之前，我都係自費上私人的訓練，但當時價錢貴多了。
作者: mycy 時間: 12-12-17 16:12
我想問你們是同小朋友睇私家心理學家, 定係精神科醫生?
作者: 2bbma 時間: 13-1-8 12:17
hopefaith 發表於 12-11-17 17:42
我女今年小三, 小一時我要求學校幫女女做小一識別, 見過學校個教育心理學家, 結論係我女無問題, 小二時遇到 ...
到小二，個班主任就話佢有問題
唉...e+要遇到個好老師，真係。。。
我上星期帶個仔去睇精神科，無任何測試就話佢 ADHD，要食葯，我覺得佢好唔專業呀
請問邊度先可以做個詳細評估呀
| 歡迎光臨 教育王國 (/) |
Powered by Discuz! X1.5 |