教育王國

標題: 你會點送返學呢? [打印本頁]

作者: loodeen 時間: 12-5-20 02:01 標題: 你會點送返學呢?

家住將中, 如果叫姐姐送返學, 行到去地鐵月台10分鐘, 等康城架車10分鐘,車程3分鐘,由康城站行到學之園要20分鐘 , 全程要成45分鐘 , 返學放學來回要個半鐘時間, 戶外條路又日曬雨淋,但搭校車就point to point within 15分鐘 , 問題係, 阿女咁細,從未離開過MaMa或姐姐, 突然叫佢自己走上架車到, 佢又唔知架車會去邊, 好似賣豬仔咁, 會唔會超驚呢? 我真係好唔想嚇親佢.......(我知君傲灣有shuttle bus, 但次次見到條人龍都好長, 唔知朝頭早係咪會少人D ? )

請問各位康城學之園PN既家長,你會點送返學呢? 你放心佢搭校巴嗎?

作者: neko1234 時間: 12-5-20 15:41

學校有新生適應週…
正式返學頭三家長可以同小朋友一齊答…
你可趁這二個機會解釋返學係咩一回事…同解釋搭校車流程…

我仔係好鐘車…所以佢為左學校的玩具車及校車…每天都好鐘意返學，從無分離問題…
但都見有小朋友要喊一至二個月，每逢病後或長假期後都要適應一二天…我間中接送校車都見有一二個到下學期都喊…所以好睇小朋友本身適應力。但大部份同一齊等校車的同學仔玩熟左…係好喜歡一齊等校車的玩耍時間…仲會爭同指定要同某個同學坐…或坐窗邊…要保姆調解…都好可愛。

我本身都係住將中，搭校車免除日曬雨淋，真係比姐姐接送好…

作者: loodeen 時間: 12-5-20 20:35

多謝你既回覆同分享，請問校車係幾多點到將中玻璃門，係旅遊巴定係van 仔款？架車會唔會已經好full? 有幾多個保姆呢？謝謝

作者: neko1234 時間: 12-5-21 10:30

本帖最後由 neko1234 於 12-5-21 10:39 編輯

loodeen 發表於 12-5-20 20:35
多謝你既回覆同分享，請問校車係幾多點到將中玻璃門，係旅遊巴定係van 仔款？架車會唔會已經好full? 有幾多 ...

上午班我唔係好清楚..好似都係8:30咁上下...我下年轉上午班..詳情到時話你知

下午班係12:35~12:40...落車時間係16:15咁上下
今年條線將中係尾二站..去完將中..跟住清水灣半島..之後就到學校..
出番來係學校..清水灣半島..就到將中..

我姐姐多數12:30前帶落去..同同學仔玩一陣
係28座位的校巴..差唔多坐滿架..一位保姆..
上車係由保姆逐個接上車..扣好安全帶...先到另一個小朋友..
聽過有人話校巴二個坐位坐三個小朋友..但我呢條線又未見過喎..所以每人都有一條安全帶..

假如你平日放假..就試下搵日8:30或12:30去B1睇下情況..睇下你接唔接受到校巴..

至於君澳灣shuttle bus
我係去學校活動時坐過..10分鐘一架車..又係學校個種28座..方便過坐MTR好多..
我都見有人坐shuttle bus返學..詳情我就唔清楚啦...

作者: teresa_timothy 時間: 12-5-21 20:13

LH LP分校地點好吊腳, 但係如果你真係心儀呢間學校, 其實交通又唔係一個好大既問題. 首先, 以我女女搭校車既經驗, 校車絕對可以信任. 校司姨姨同司機都好好人, 女女不時收到姨姨送既禮物, 又不時聽佢叫姨姨個名, 可想言之班小朋友好鍾意校車姨姨架... 前排司機叔叔生日, 全車小朋友仲同司機唱生日歌添, 好開心! 唔駛擔心兩歲小朋友搭校車, 好多PN小朋友都係咁, 我見個個番左學一段日子都好鍾意搭校車. 我女女調景嶺8:20上車, 好似下個站就係將中, 咁應該大約8:30. 8:45番到學校. 我見架車去到學校係坐滿晒. 其實好多PN學生都搭校車, 因為我有時接放學見到親自接送既PN小朋友唔係好多.

不過如果真係唔放心搭校車, 其實你O係TKO, 搭SHUTTLE仲方便過我住TKL. 我識唔少家長日日都係咁搭SHUTTLE入去, 其實之後唔駛行五分鐘就到學校. 有啲家長有PASS經領峰到學校, 你睇下到時好容易識到啲家長, 都可以一齊行, 咁就唔駛淋雨. 不過平時好天行出面都幾好, 小朋友接近下大自然, 又可以一路行一路同佢睇下周圍既植物~ 我好ENJOY架~

希望可以幫到你

作者: kianmaggie 時間: 12-5-24 14:17

而家開咗pop corn 商場, 你由將中到君澳灣shuttle bus都都唔需過碼路,打風落雨唔怕, 好方便,行路咪當做運動low, 我見呀女d 同學仔都係住將中,都係坐shuttle bus返學,我覺得好過坐校巴

作者: loodeen 時間: 12-5-26 10:42

以阿女踩蟻既腳程, 由將中到Shuttle bus top , 我諗要廿多分鐘 , 用BB車又好難上車..........

歡迎光臨教育王國 (/)