教育王國

標題: 有冇言語遲緩的小孩最後入到名校幼稚園? [打印本頁]

作者: yauyauyau 時間: 12-5-18 15:32 標題: 有冇言語遲緩的小孩最後入到名校幼稚園?

有冇言語遲緩的小孩最後入到名校幼稚園? 邊間呀?
我小朋友評估遲緩了一年, 我將會在今年9月開始報幼稚園, 大約今年11-12月interview. 還有半年時間俾我訓練阿仔... 好驚佢冇幼稚園收呀...

作者: yauyauyau 時間: 12-5-22 11:49

唔通真係冇????? =_="

作者: pollybell 時間: 12-5-23 11:32

有.............讀維多利亞算唔算名校,越細就最容易.

作者: yauyauyau 時間: 12-5-23 15:26

維多利亞當然是名校啦, 你小朋友INTERVIEW肯答問題嗎?
另外你是否話細B容易入呀?

作者: pollybell 時間: 12-5-24 11:20

唔係我小朋友,我朋友個女,N班問果些野,唔答但可以跟指示做已經可以,N班INTERVIEW,大部份都得1.5歲唔識講好多野,大把,我小朋友N班讀THINK...佢IN 果時都未識講野,但跟倒指示就可以.如果K1就難些,K1成兩歲幾IN,無短句或詞彙就難入些.

作者: Janicechong 時間: 12-5-25 13:51

我小朋友25個月時評估言語理解及表達慢12-15個月,而2歲8個月評估言語理解及表達慢半年,St. Cat & 根德園都有offer, 最後現在讀根德園.
家長要為小朋友努力呀!

作者: ksorange 時間: 12-5-25 16:15 標題: 回覆：Janicechong 的帖子

你當時有冇同小朋友做治療

作者: yauyauyau 時間: 12-5-25 17:52

回復 Janicechong 的帖子

你小朋友好叻啊, 我要好好向你學習!
你之前怎樣幫他追回進度呢?

作者: Janicechong 時間: 12-5-25 21:50

你小朋友係幾多歲呀,是否只是言語遲緩,還有沒有其他遲緩?

我小朋友到現在4歲言語還未追得上同齡(現差一年),要不斷努力,而理解跟同齡差不多.言語治療師話有機會(6歲後追不上同齡)是言障,但我知道佢好乖,好努力去學,不怕困難,我已經覺得佢平時可全句同人對答我已經好開心.我會同我個小朋友努力,希望日後會追得上.

而我小朋友考幼兒園時,差不多有2歲班的幼兒園,我可以去到的,我都考(因我知我小朋友遲緩怕K1無幼稚園讀),由不知如何回答INTERVIEW問題,到已經完全知到大約會問什麼.而我亦知道要訓小朋友什麼.

N班我小朋友是讀YORK, K1好彩收佢讀國際班, 我只係試下幫佢報2間St Cat & KV.因之前那年INTERVIEW已好累了.好好彩兩間都收,最後因學費問題選了KV.

作者: Tatyi 時間: 12-5-27 07:47 標題: 回覆：有冇言語遲緩的小孩最後入到名校幼稚園?

其實我女女最近先做評估遲咗半年至九個月左右但感謝主，女女有York/St.Cat/St.Paul 收咗！interview其間老師可能只問認知上嘅嘢，e.g.呢個係咩嚟傢？個女可能答兩個字嘅冇比老師發覚！香蕉／蘋果／紅色...

作者: yauyauyau 時間: 12-5-28 10:23

回復 Tatyi 的帖子

哈哈, 其實我估D小朋友面試時, 答到老師問題, 就算是單詞都OK的. 我最怕就是到時阿仔唔啋/唔答老師的問題... 我阿仔成日都係咁的, 攞住佢喜歡的食物引佢, 佢先肯答人問題的, 平時問佢, 一係唔啋人, 一係答到九唔答八, 例如問佢: 你叫咩名呀, 佢會答: WAHO, WAHO (扮怪獸叫)... =_="
加上佢言語遲緩.... 真係唔知點TRAIN佢好....

作者: Christina_nana 時間: 12-5-28 15:06

Janicechong 你小朋友真叻, 能通過St. Cat & 根德園的面試, 我囡囡講嘢遲又唔清楚, 跟同年齡男孩子比還可以, 但跟女孩子比較上來就差得遠, 真擔心. 你小朋友面試時能講長句嗎? 我很擔心. 練歌都頭痛!

作者: Janicechong 時間: 12-5-29 12:17

本帖最後由 Janicechong 於 12-5-29 12:18 編輯

回復 Christina_nana 的帖子

其實我個仔係好彩,唔係叻.

我記得自我介紹是答句子,其他老師問題是主要係聽指令及我個仔只答詞語.要全對.而唱歌我同佢練好一首,佢無唱,唱了另外一首佢唔熟, (問心好多人考得好過我個仔,都無OFFER或只有WAITING LIST) 我都無諗過會收佢(係要感謝神),INTERVIEW當日我都係穿街坊衫,牛仔褲.只不過我幫我個仔考既原因,係因為我自己覺得要盡責任.就算考唔入,我都叫比了機會個仔,而入唔到可能係我小朋友唔適合學校.

(唔似得我亞媽什麼是好學校又唔知,求其考,又話比間名校你去考,你都考唔入啦,就算入到都讀唔嚟,我身為佢個女,覺得亞媽不負責任及不知所謂)

作者: misshk12 時間: 12-7-20 12:47

想問下仔女讀緊名校的家長，覺得名校對有特別需要的孩子照顧如何？

作者: giben1231 時間: 12-7-24 17:31 標題: 回覆：有冇言語遲緩的小孩最後入到名校幼稚園?

我個女8月先評估，而家都唔識講野，搞到我都唔知應唔應該報k1好。。唉！

作者: AngusPakYau 時間: 12-7-24 22:54

我自己覺得如果小朋友言語遲緩而係細B嘅話，遲一年入學考到名幼嘅機會會一啲，當然未入學嗰年自己要做家居訓練啦！我個仔2歲9個月時被評估遲左10個月，最近3歲7個月就慢少過半年，黎緊9月入讀MS!

作者: misshk12 時間: 12-7-25 10:19

受歡迎的名校師生比例一般較小，而且通常較著重學業成績。如果有少少遲緩的孩子入讀，學校的支援如何呢？好希望有過來人可解答一下。

作者: Janicechong 時間: 12-7-27 00:55

我小朋友讀根德園,上年K1老師好好,家長日老師同我講我個小朋友說話不叻,反而叫我唔洗膽心,佢話好多小朋友2歲先識講嘢...可能因為學校較著重學業成績,只要成績OK,我覺得個老師好包容, 老師還安慰話我個仔學嘢OK,所以成績方面佢唔膽心. 我唔知其他老師是否一樣.

作者: 迷你大人 時間: 12-9-4 16:04

講野遲緩是先天的？

作者: Janicechong 時間: 12-9-5 02:08

回復迷你大人的帖子

言語遲緩有很多不同的原因.

作者: cacacale 時間: 12-9-5 16:27

遲緩有得醫,

作者: melonfans 時間: 12-9-14 13:09

Janicechong 發表於 12-5-29 12:17
回復 Christina_nana 的帖子

其實我個仔係好彩,唔係叻.

hi ! 我小朋友3.5歲, 咁你點知佢比同年紀小朋友嘅遲緩進度? 我個仔返咗成年pn, 依家可以成句講到, 但我吾知佢係咪可以達到同年齡水平?!

我小朋友依家好多音都吾係好正!

作者: Janicechong 時間: 12-9-14 13:45

回復 melonfans 的帖子

我係排政府做評估(佢地既係全面評估).評估完會有個報告,話你知小朋友有邊D係慢過同齡,邊D係OK.3歲+有D音唔正未必係遲緩.

作者: melonfans 時間: 12-9-14 14:27

Janicechong 發表於 12-9-14 13:45
回復 melonfans 的帖子

我係排政府做評估(佢地既係全面評估).評估完會有個報告,話你知小朋友有邊D係慢過同 ...

thx! 我仔今年4月做評估, 話佢慢咗1年3個月, 叫佢去排有語言訓練混合幼稚園, 但係佢依家講廣東話仲係有吾正, 讀緊int'l class. 但依家成句都講到好多詞彙同句子! 怎至英文都可以講到句子!

sigh.....依家k1開始要普通話/英語教學, 我見佢廣東話進度幾好, pn下學期我就開始同佢講英文, 但係英文就有時都吾肯講! 最煩係教埋pth, 又無得轉local class! 佢唱歌(中英) 真係唱吾到! 我唯有只係針對佢說話能力!

作者: Janicechong 時間: 12-9-16 07:31

回復 melonfans 的帖子

如果係評估過真係言語遲緩,我覺得最好搞掂D母語,兔得最後沒有一種語言發展跟同齡一樣.(無樣學得成).如果你可完全用流利英語或普通話與小朋友溝通,而且將來是會入讀國際小學及中學. 如果其中任何一項都不是的話,我提意立即同小朋友轉回廣東話班或轉校,因我眼見及自己經驗,小朋友如果本身是言語發展比較慢,母語都已經好難追,其他語言唔洗講一定差,但如果母語OK,學任何一種語言都比較容易學.考小學很多都是以廣東話為主.

作者: melonfans 時間: 12-9-16 16:58

Janicechong 發表於 12-9-16 07:31
回復 melonfans 的帖子

如果係評估過真係言語遲緩,我覺得最好搞掂D母語,兔得最後沒有一種語言發展跟同齡一 ...

thx! 佢廣東話依家ok! 所以先再train佢學英文, k2都會考IS, 就係知依家IS, 私立同直資都難考! 所以都會試!

頭先同先生商量過, 畀佢去私人言語治療師CHECK一次, 評估係咪真係未達水平!

作者: rocket 時間: 12-9-20 13:20

AngusPakYau 發表於 12-7-24 22:54
我自己覺得如果小朋友言語遲緩而係細B嘅話，遲一年入學考到名幼嘅機會會一啲，當然未入學嗰年自己要做家居 ...

請問可以分享一些家居訓練、活動嗎e.g.讀字咭有用嗎？

作者: HKAUS 時間: 13-3-12 00:40

回復 yauyauyau 的帖子

Hi yauyauyau,

Not to worry so much about "famous kindergarten" and don't put too much pressure on your child and yourself as well. I suppose a happy and healthy childhood is more important than getting in a famous kindergarten.

作者: BB20111102 時間: 13-3-14 13:53 標題: 回覆：Janicechong 的帖子

Janice,你個小朋友幾時做評估Ka?係政府做?無私人做?

歡迎光臨教育王國 (/)