教育王國
標題: 港大一問 [打印本頁]
作者: Angelice 時間: 12-5-18 15:22 標題: 港大一問
本帖最後由 Angelice 於 12-5-18 15:48 編輯
聽完簡介會..我有以下幾個問題想請教的..
1. 簡介會有提過同班既學生...學校都會因應學生唔同既程度黎教..係咪即係同一班入面..英文叻D既學生會睇深D既書黎做功課/PROJECT/PRESENT?? 相對黎講..佢地持續性評估既分數亦會高D呢??
2. 學校有游泳單元..請問游泳課會係邊度上呢??
3. 我囡囡係屬於明明識答既...之但係響一大班人面前...特別係認識既人面前...會變得唔敢/唔願意講出自己既睇法同答案...假如佢讀到港大..係咪一定有機會比佢出黎講架? 老師會唔會偏向勇於發言既學生呢? 我囡囡而家讀緊傳統既幼稚園..一班30個學生...學校都有一年3次既活動教學..比小朋友去親身探討問題同答案..我發現可以輪流試既我個囡先有份..要自發性舉手既就一定冇我個囡份...我好希望佢可以有多d機會present.
4. 你地小朋友讀左港大之後..係咪真係大膽左?? 肯主動發問..大膽嘗試..可以從錯誤中學習同埋自學架??
thanks
作者: Charlotte_mom 時間: 12-5-18 17:32
1. 應該咁講: 學校都係大路咁教, 但亦有老師會"捉"小朋友去小組拔尖補底(可能係某個單元, 亦可能長期小小), 如果老師見overall小朋友都掌握得好, 亦會教多d咁, 持續評估睇好多野, 小朋友上堂留心嗎, 小組投入嗎, 發表意見有用心唸清楚至講嗎, 功課係是但做完定花心思呢
譬如數學, 小一已經有"挑戰站"同"加油站"練習, 聽個名都知, 一樣用黎挑戰, 一樣用黎加油, 老師會推介俾小朋友做, 但唔一定要交
至英文reading programme亦有唔同程度既書, 俾小朋友自己揀
2.游泳單元今年o係小西灣泳池, 新架室內池, very good!
! 家長只係需要share返租場費同車費就可以了
3, 4. 我話你知, 我仔細個有語言障礙(2歲齋講單字又唔多講野), 幼稚園時討論, 老師反映係"9唔搭8", 而家好似"食左草龍"咁, 好鬼好野講
, 當然一班30人, 總有人鐘意講野有人靜d, 不過學校會俾好多好多機會, 上台表演一次生2次熟, 家常便飯慢慢都唔怕了, 你見小朋友都習慣晒見人, 唔怕羞架, 而且朋輩之間有互相影響亦會帶動到tim
4. 其實你都見到學校環境係比較free, 有人曾經話活動教學會令學生好曳, 過完今次open day, d家長見到d學生"真面目", 印象都好好, 我做家長我都放心了(幾虛榮架講真
), 反而我一直覺得學校肯包容, 俾空間小朋友去試同去錯, 學生習慣左無咩唔敢同大人講, 反而保持到一顆open heart, 呢樣至最寶貴, 小朋友一路成長, 同父母保持溝通好緊要架
作者: Angelice 時間: 12-5-19 11:42
Charlotte_mom 好多謝你既解答丫..你真係好好人..好細心同耐心地解答大家既問題!! 
我係網上面睇左好多間以活動教學既小學..最心儀都係港大同學會小學..雖然中學學費真係有D貴..不過小朋友開心成長..學習到終身受用既技巧同知識就乜都抵返哂~ 我會同囡囡一齊努力加油..希望有幸可以入到港同啦~
祝你同囝囝囡囡健康快樂!!
作者: ziyi 時間: 12-5-21 12:42
游泳單元是P2才有的
今年小一的單元分別有武術,音樂,節奏藝術,戲劇等
而好似英文,在閱讀課會將跟唔上(好似我囡是中文幼稚園的)小組化,加上其他train,增強小朋友
小朋友有沒有大膽?我個囡本身已經好大膽講說話...
作者: savoy 時間: 12-5-22 19:41
Angelice 發表於 12-5-18 15:22 
..我發現可以輪流試既我個囡先有份..要自發性舉手既就一定冇我個囡份...我好希望佢可以有多d機會present.
4. 你地小朋友讀左港大之後..係咪真係大膽左?? 肯主動發問..大膽嘗試..可以從錯誤中學習同埋自學架??
自小循序漸進訓練，到中學已經可以開揀篤笑(I mean my son)，最鐘意爆肚!!
作者: smartcash 時間: 12-5-24 13:38
Charlotte_mom , 我聽完港同的簡介會都好鍾意港同, 而我仔仔細個約兩歲幾時亦評估有語言遲緩, 雖然上左Training兩年幾現在已追番同齡, 但講野都係"9唔搭8", 請問港同interview的情況係點, 同應有什麼準備呢! 謝謝!
作者: ziyi 時間: 12-5-24 15:20
smartcash 發表於 12-5-24 13:38
Charlotte_mom , 我聽完港同的簡介會都好鍾意港同, 而我仔仔細個約兩歲幾時亦評估有語言遲緩, 雖然上左Trai ...
這是前年即(2011/12小一面試的情況)
HKUGAP
第1輪第1part - 小朋友分組玩遊戲,約半小時接返小朋友
第1輪第2part - 小朋友約5個一起見校長/副校長 玩老師
話/畫畫/問一些簡單問題,另外會在佈署此下一輪的,考小朋友的記憶,所以小朋友要有禮貌外,也要有好奇心
第2輪 (400人左右)
家長跟小朋友一起見校長,約15分鐘
會問小朋友
- 跟上次見面時校長室有什麼不同(找不同)
- 叩小朋友去校長室另一處選東西後問為什麼選這個,處景問題 (考小朋友的心理及對答,如何處理問題,不只一題的)
- 問家長對小朋友對學校的祈望,跟小朋友的相處
重點是小朋友要主動,有禮,有探索精神
2012/13的家長比較少說,但聽聞難了,如有考減數
作者: smartcash 時間: 12-5-24 15:26
謝謝! ziyi
作者: Charlotte_mom 時間: 12-5-29 00:27
smartcash 發表於 12-5-24 13:38
Charlotte_mom , 我聽完港同的簡介會都好鍾意港同, 而我仔仔細個約兩歲幾時亦評估有語言遲緩, 雖然上左Trai ...
9唔搭8, 咪同我仔當年一樣
講唔夠人黎, 咪第2d野搭夠lor, 識獨立睇中英文書(盡人事啦), in邊間都有分加
有時interview就係講天時地利人和, 我女當年in完出黎我都問"點呀老師有無讚你呀", 佢話有呀, 讚佢執返d玩具, 當時心唸"下, 無拿?" 點知就入左!
盡人事啦, 邊間學校都係, 除左揀叻仔叻女, 就係揀"受教", 你點知小朋友幾時突然大發神威呢? 加油啊!
作者: haihaimom 時間: 12-5-29 09:21
2012/13 interview 既情況大致同Ziyi講既情況差不多
我諗學校睇小朋友既character同attitude多啲,記得小兒1st in 後佢話老師有考加數考2+3，我問佢咁你識唔識？佢答我4囉咁容易(佢係充滿自信咁答我),諗字唔得，點知2nd in又有份, 跟住重收咗，諗住佢多數waiting,準備好晒啲信，諗住一出result就寄俾校長,點知唔駛寄，開心到呢........佢講過1st in part 2時小朋友大約有4個，佢同另一個男孩子鬥快舉手搶答（但佢兩個舉完手又禮讓俾對方作答@@）反而佢話另外嗰兩個女孩子對手就越舉越低。我諗小朋友最緊要有自信，積極，主動，唔識都照答，錯都冇關係，最緊要敢答。
作者: Charlotte_mom 時間: 12-5-30 12:16
尋日有個小小驚喜
我都講過我仔, 細個有speech delay, 而家雖然追上左, 但點都未算口齒伶俐(尢其比起女仔), 咁我個仔個人都幾"科學", 所以前排俾老師捉佢拍左條科學既片(校園電視台, 學校網頁都有擺出黎的), 佢係做實驗家, 幾多台詞wor! 咁老師都有之後讚佢, 話佢好認真準備條片拍得好好
尋日又派左一張台詞, 今次係社區服務小司儀(之前有家長問, 係咪真係社區服務生命教育, 定得個講字架, 我而家話你知係真係有的, 我仔果班p2係要去老人院表演), 我仔被老師選中左, 係3個小司儀入面既一個, 我都好開心呀, 因為我仔唔係特別叻, 但老師真係俾左好多機會佢, 我仔又好認真對待呢d機會, 做完佢都有滿足感
我覺得我仔好幸運入到呢間咁多人錫佢既學校
作者: smartcash 時間: 12-6-1 13:21
回復 Charlotte_mom 的帖子
Thanks Charlottee_mom. 亞仔可以自己睇英文書, 喜歡閱讀, 但衰在唔夠主動, 希望到時佢會OK啦!
作者: Charlotte_mom 時間: 12-6-2 17:31 標題: 回覆：港大一問
俾d鼓勵佢，我都明做父母難免緊張，但吾好俾小朋友「吾叻學校就吾揀你」既感覺，當小朋友放輕鬆，就會敢發揮（反正明知港同鐘意小朋友敢試，錯左都吾驚，仲有咩好顧忌呢），我會教小朋友，放膽去試，錯左吾好驚吾好喊，再試，老師見你投入都會好欣賞，媽咪會覺得你盡力而為你驕傲，咁已經好好喇
作者: jennybill 時間: 12-6-3 15:52 標題: 回覆：haihaimom 的帖子
請問單元課係唔係學校定咗，個個同學都要參加?還是可以自由選擇其中一D呢?
作者: Charlotte_mom 時間: 12-6-3 17:27 標題: 引用：請問單元課係唔係學校定咗，個個同學都要參
原帖由 jennybill 於 12-06-03 發表
請問單元課係唔係學校定咗，個個同學都要參加?還是可以自由選擇其中一D呢?
...
作者: jennybill 時間: 12-6-4 13:53 標題: 回覆：Charlotte_mom 的帖子
Thanks!
| 歡迎光臨 教育王國 (/) |
Powered by Discuz! X1.5 |