教育王國
標題: 如果小朋友(小五)驚青怕講嘢,面試班有用嗎? [打印本頁]
作者: fion6406 時間: 12-5-18 14:00 標題: 如果小朋友(小五)驚青怕講嘢,面試班有用嗎?
本帖最後由 fion6406 於 12-5-18 14:01 編輯
我仔小五,上學期考 12/148,但對住人就閃縮,連學校中文科的口試都只是僅合格,(英文speaking 好一些有B,可能主要測試識唔識讀D字)。
我想暑期報面試班,只識得兩間:謝家亮同御學軒。謝家亮曾上過佢地一對一的朗誦課,感覺麻麻...。御學軒去過佢地的升中seminar ,也是感覺麻麻...。我又唔知佢地面試班會唔會強D。還有其他地方嗎?
又抑或索性唔好谷阿仔呢方面了,谷好D成績,make sure 佢 band 1,等統一派位機會呢?因為家住油麻地,打算轉區報油尖旺男校。
作者: 杰杰媽媽 時間: 12-5-18 14:07
面試班只係教到答問題techical,但對怕面對人呢樣野一定冇幫助,我覺得應該搵多d 類似group discuss既班俾佢上先有用,平時仲要搵多d機會俾佢對街外人講野/表演,唔好計輸贏,當佢試得多就唔怕面對人啦...
作者: Ceci333 時間: 12-5-18 14:31
本帖最後由 Ceci333 於 12-5-18 17:58 編輯
x學x就不知到,謝xx不太有用.我都試過.因為小朋友是怕羞,而它的班就常常指出小朋友呢樣不得,果樣不夠,很少(或沒有)讚美及鼓勵,又有些偏門及過氣的時事題,更加令小朋友驚左.而且太大班了,氣氛又比較沈悶,如果小朋友是怕羞的,還要再打擊他自信心就不好了.鼓勵及多實習好些.
另外,始終是成績第一,面試第二.除了超級名校之外,成績好就著數.面試只是一個模式,不是沒禮貌就已經很好了.很多二線直資(指新校直資而不是傳統名校直資)及Band1官津校都是以成績收生,面試不是完全不答及有禮貌就成了.我小朋友面試完全不成(試過校內口試不合格),太怕羞,但成績Band1,匯基都收了.
作者: pineapple0983 時間: 12-5-18 15:45
「熟能生巧」........見得多 ed 場面當然有幫助啦........
但要訓練小朋友,如果面試時試官的問題同面試班的問題有大出入時,就算執唔到生,都千其唔好發台瘟;最起碼要表現番自已平時的實力。
其實都係成績為主囉;top 既學校除左 ed,有埋d 大牌就最好啦~
sorry 答案好行貨添~
作者: whmama 時間: 12-5-18 15:53
My son's experience:
豐富常識, 多D points.
有 good points, 得認同, 有信心.
=> 冇甘怕講
作者: redkoni 時間: 12-5-18 17:48
fion6406 發表於 12-5-18 14:00 
又抑或索性唔好谷阿仔呢方面了,谷好D成績,make sure 佢 band 1,等統一派位機會呢?因為家住油麻地,打算轉區報油尖旺男校。
小朋友性格內向,應該參與多一些羣體活動,讓他接觸多一些不同的人,我估計他本身是有實力,只是未打開天窗說亮話,我唔會阻住人哋搵食,面試班是各有各需要,不過我覺得你的case是毋須讀面試班,反而需要羣體的課外活動。Make sure Band1並不太難,make sure top Band1才較艱巨,如果小學水平不太差,油尖旺Band1男仔是不愁無好學校,九龍華仁及聖芳濟都是好好的學校,不要為成績跌咗定升咗、Band1定Band2等等去評價佢哋,對傳統學校而言,我們不應該像考究上市公司業績般以最新成績、入U率等等作主道,反之,我們應該欣賞她們的核心價值,校友對社會作過甚麼的貢獻,對嗎?
作者: JustAParent 時間: 12-5-18 18:11 標題: 回覆:如果小朋友(小五)驚青怕講嘢,面試班有用嗎?
本帖最後由 JustAParent 於 12-5-18 18:23 編輯
唔presentable,升中面試超吃虧,直資自行派位,死了大半,明明成績好,衰係面試不值呀,有排驚到大抽獎。再者,上了中學也不好過。和老師談談,多安排他在同學前說話,參加一下辯論、朗誦,不出賽也有裨益。在家,多討論時事,訓練思考和組織能力。外面面試班,呃錢的。

作者: Ceci333 時間: 12-5-18 18:34
JustAParent 發表於 12-5-18 18:11 
唔presentable,升中面試超吃虧,直資自行派位,死了大半,明明成績好,衰係面試不值呀,有排驚到大抽獎。 ...
非常讚成."和老師談談,多安排他在同學前說話,參加一下辯論、朗誦,不出賽也有裨益"我刻意要求老師比機會小朋友做以上的事,真是有進步.但最終要做到presentable是有難度,因各人資質不同,有進步已經好好. 所以要報超級名校比較難,惟有報著重成績的學校勝算高.知己知彼.
作者: cellon 時間: 12-5-18 19:21
本帖最後由 cellon 於 12-5-18 19:22 編輯
fion6406 發表於 12-5-18 14:00 
我仔小五,上學期考 12/148,但對住人就閃縮,連學校中文科的口試都只是僅合格,(英文speaking 好一些有B,可能主要測試識唔識讀D字)。
我想暑期報面試班,只識得兩間:謝家亮同御學軒。謝家亮曾上過佢地一對一的朗誦課,感覺麻麻...。御學軒去過佢地的升中seminar ,也是感覺麻麻...。我又唔知佢地面試班會唔會強D。還有其他地方嗎?
又抑或索性唔好谷阿仔呢方面了,谷好D成績,make sure 佢 band 1,等統一派位機會呢?因為家住油麻地,打算轉區報油尖旺男校。 ...
那些謀利機構辦的面試班完全沒有用,只會浪費金錢和時間。
倒不如鼓勵他參加學校或非謀利團體的說話、朗誦、辯論、戲劇等興趣班。當然,日常在家中必須多鼓勵他在說話方面的練習。
作者: presents 時間: 12-5-18 20:05
提示: 作者被禁止或刪除 內容自動屏蔽
作者: fion6406 時間: 12-5-18 21:00
多謝你地的意見。
我仔每年都有參加朗誦節同音樂節,雖然上台前好緊張,但上到台都可以好鎮定完成。不過,面試是同人溝通表達意見,同將事先練習好的一套動作、語言耍出來略有不同。
其實阿仔以前幼稚園上小學時也有上面試班,深受其苦。所以我好猶疑;不過臨近升中,我又躍躍欲試。
再請教一下,跟他在家討論時事,我大概知點做;跟他在家練習說話,如何做呢?如何改善中文科口試表現?
作者: cellon 時間: 12-5-18 22:20
本帖最後由 cellon 於 12-5-18 23:03 編輯
fion6406 發表於 12-5-18 21:00 
多謝你地的意見。
...
再請教一下,跟他在家討論時事,我大概知點做;跟他在家練習說話,如何做呢?如何改善中文科口試表現?
多讚少彈,多鼓勵,多支持!
先讓他建立說詞的信心。
有信心後才教說話的技巧: e.g. 讀音和咬字問題,如何表達自己的意見,如何多方向的思考同一做問題,時事通識...
作者: laiping 時間: 12-5-18 22:35
其實我有想過在報自行之前,報多幾間直資,因為直資通常都有得面試的,見得大場面多些,個人應該會淡定些,各位又覺得如何呢?
作者: redkoni 時間: 12-5-18 22:35
fion6406 發表於 12-5-18 21:00 
我仔每年都有參加朗誦節同音樂節,雖然上台前好緊張,但上到台都可以好鎮定完成。不過,面試是同人溝通表達意見,同將事先練習好的一套動作、語言耍出來略有不同。
其實阿仔以前幼稚園上小學
時也有上面試班,深受其苦。所以我好猶疑;不過臨近升中
,我又躍躍欲試。
你都識講,面試是同人溝通表達意見,但是家長總是識講就唔識實踐。如果他是性格內向,最重要是讓他接觸別人,與人溝通,建立自信,參加有益的正常羣體活動是治本,面試班或者刻意訓練presentation skills,對一個十一、二歲的孩子來說,我覺得只能用「閉門造車」四個字來形容,我倒也想拾人牙慧:孩子就要活得像個孩子。人各有志,點樣做隨你歡喜。
作者: JustAParent 時間: 12-5-18 23:42
Ceci333 發表於 12-5-18 18:34 
非常讚成."和老師談談,多安排他在同學前說話,參加一下辯論、朗誦,不出賽也有裨益"我刻意要求老師比 ...
其實我所謂presentable要求不高的 (可能我用字不當), 同人說話, 互動的, 我見一些小朋友模擬面試, 讀完自己份script, 就啞了, Santino上身, 縮下縮下, 老師再故意留難多二句, 眼淚來了. 這樣很吃虧, 面試實死, 平日多參與辯論, 課堂小組討論, 家中就一些事你問下我, 我挑戰下你, 幾個月都可見明顯進步. 未必有大將之風, 至少行出來大大方方.
作者: JustAParent 時間: 12-5-18 23:52
fion6406 發表於 12-5-18 21:00 
多謝你地的意見。
我仔每年都有參加朗誦節同音樂節,雖然上台前好緊張,但上到台都可以好鎮定完成。 ...
不太明白, 討論不也是在訓練思考和說話嗎? 你小朋友中文科口試考什麼呢 ?
作者: vincher 時間: 12-5-20 01:40
回復 fion6406 的帖子
面試班,作用不大!讓我分享我兒的經驗!
~從小我訓練他:他嚷著我買玩具,要這要那;我叫他自己與職員說
到圖書館借書,要這本那本;我叫他自己與職員說
坐車往海洋公園,叫他自己問途人哪輛車到達目的地,上車再問司機
~結果他在陌生人面前不害羞!
在升中模擬面試班, 他能大膽地問 主持老師:你們學校的會考及格率是多少?
(當然題目是我教的,此題目不宜在正式面試問)
從小學到中一說話(其他不行)蠻不錯,通常拿A!
叩門面試 表現佳 (當然我叫私補抽15分鐘訓練面試)
~小5,仍有時間訓練,從生活入手吧!
作者: peaceandlove 時間: 12-5-20 01:57
本帖最後由 peaceandlove 於 12-5-20 13:34 編輯
回復 fion6406 的帖子
他應該是「信心」問題
硬參加加強說話技巧的訓練班,
對這類的孩子沒有好處,壓力反之增加
建議閣下在他核心性格上「缺乏自信」入手
作者: fion6406 時間: 12-5-20 11:36
JustAParent 發表於 12-5-18 23:52 
不太明白, 討論不也是在訓練思考和說話嗎? 你小朋友中文科口試考什麼呢 ? ...
中文科口試不就是看圖說故事/總結故事教訓、小組討論、口頭報告、做主持訪問、報導,TSA要考個D囉。
我一向無同佢溫口試,佔分又唔高,仲係中文科講廣東話的口試添,一直以為是easy job。四年班之前都無理過呢科。直至成績表個grade係咁跌,知道不是偶然失手,至取出阿仔的口試筆記睇,原來宜家口試咁有難度。阿仔有講過老師說他的口試失分的地方:用咗書面語、無用口語;討論時立場搖擺;離題。
或者我錯在一向同佢家常傾計,就算佢經常立場搖擺、詞不達意,我都以諒解的態度讓他繼續說下去,從沒有挑戰佢的意圖。我現在都爭取同佢講下時事,要佢表達意見,但佢竟然意識到我想同佢做口試練習(有次佢問我係咪做緊小組討論
),不大願意同我傾。
作者: 杰杰媽媽 時間: 12-5-20 13:06
本帖最後由 杰杰媽媽 於 12-5-20 13:09 編輯
以下係我同我仔經常出現既對話(睇新聞時) :
佢咁都得呀!!!!
太過份啦!
(佢會加把口
)
我係特登制做誇張埸面,等佢會理我
(呢招係我係佢身上學返黎既.....呵呵)
作者: 杰杰媽媽 時間: 12-5-20 13:12
但咁做都有一個壞處,就係造就佢宜家成日意見多多.把口冇時停
作者: JustAParent 時間: 12-5-20 13:34 標題: 引用:+本帖最後由+杰杰媽媽+於+12-5-20+13:09+編
原帖由 杰杰媽媽 於 12-05-20 發表
本帖最後由 杰杰媽媽 於 12-5-20 13:09 編輯
以下係我同我仔經常出現既對話(睇新聞時) :
我也是這樣,成日都要做大戲,「嘩嘩!竟然有咁嘅事!」儍瓜一樣,細路九成飛埋嚟,講兩下,又要留個位佢挑戰你,等佢攞個彩,唔易㗎。

作者: peaceandlove 時間: 12-5-20 13:34
回復 peaceandlove 的帖子
那就建議針對這問題來給他幫助吧
作者: woodst 時間: 12-5-20 13:59
提示: 作者被禁止或刪除 內容自動屏蔽
作者: chongwing 時間: 12-5-21 20:57
提示: 作者被禁止或刪除 內容自動屏蔽
作者: ohnono 時間: 12-5-21 22:02
小朋友最想得到的就係大人的讚美、欣賞、鼓勵甚至適當的獎賞。
越多讚頌,小朋友越有衝動去做好這件事。成日話佢呢樣唔得,樣唔得,佢一聽見你出聲,佢就走左去。
鬥心和表演欲唔係個個小朋友都有,家長要作出適當的鼓勵,甚至獎賞去增加吸引力,但切記過濫做成事無獎不行。
面試唔係淨講求言詞的表達,還包含禮貌、眼神和坐姿(有些小朋友好喜歡搖擺不定)。這些可平時多作訓練。
說話技巧和組織能力這方面,相信是一般家長最難處理的,但我相信在小六同學的面試中,老師的要求一般不會太高,最緊要說出重點和盡量加多d自己的意見和感想,最忌就是只管答有、無,這一類答案。盡量平日多跟小朋友閒話家常,比機會佢地講,家長就做聆聽者,不要多作批評,代之以引導。
希望你的小朋友能在讚美聲中有長足的進步!
作者: 傑西 時間: 12-6-7 20:40
本帖最後由 傑西 於 12-11-21 05:35 編輯
回復 fion6406 的帖子
我覺得好多學生廣東話唔標準,懶音勁多,好似廣同講, 國同角永遠分唔清, 其實有標準廣東話,加上說話的高低起伏, 速度,感情, 先可以突出自己!
作者: mum03 時間: 12-6-7 21:59
回復 fion6406 的帖子
面試班 unsless
作者: cellon 時間: 12-6-7 22:24
mum03 發表於 12-6-7 21:59 
回復 fion6406 的帖子
面試班 unsless

歡迎光臨 教育王國 (/) |
Powered by Discuz! X1.5 |