教育王國
標題: 數學差,怎算? [打印本頁]
作者: ysnuna 時間: 12-5-17 16:57 標題: 數學差,怎算?
P1,數學差,怎算?
作者: Chowying 時間: 12-5-17 17:13
我個囡 (P.1)都唔見得好, 文字題差, 元角差, 時鐘差! 
作者: bonny606 時間: 12-5-17 18:47
本帖最後由 bonny606 於 12-5-17 18:51 編輯
回復 ysnuna 的帖子
Hi, ysnuna,
請問你在那區, 如果你唔介意可以去我朋友間教育中心做評估, 免費的, 他們有方法幫助小朋友去改善數學上的問題!
有朋友個仔去上完話好開心OK喎!如果有興趣, 可以PM資料給你!
作者: daniel2012 時間: 12-5-17 22:39
其實數學慢慢教就可以
反而好多小朋友都會唔小心/唔睇題目就做
作者: yipcharie 時間: 12-5-21 00:53
唔好詁p.1我女今年P.3數學都係咁差,為左要應付考試真係要做多些綀習
作者: MariaTsui 時間: 12-5-21 09:31
ysnuna 發表於 12-5-17 16:57 
P1,數學差,怎算?
我囡囡數學都差,我會在坊間買練習俾囡囡做,遇到不明白的地方,我會解釋,之後再做同類題目,最好見多些不同類型題目,因為學校出的題目真的很活,如果同類題目錯得多,我會重出俾佢做,在日子有功的情況下,雖然不是很高分,但總算有70多分,有時會有80多分.
作者: ANNAFRIEND 時間: 12-5-21 10:34
Chowying 發表於 12-5-17 17:13 
我個囡 (P.1)都唔見得好, 文字題差, 元角差, 時鐘差!
我女女, 特別細女, 睇題只題到一半就做. 如比較題要先找出未知數, 再計共有的. 佢就通常剩計未知數, 共有就冇做. 所以成題冇分. 數學係要小心加細心, 小一真係唔係個個小朋友都做得到. 我而家都睇開D, 唔高分都算架啦. 有80幾分我都開心架啦.
作者: daniel2012 時間: 12-5-21 10:37
將錯左既題目 highlight
然後分類 分為唔小心/噢咀/難明等類別
考試前溫番做番就OKAY啦
作者: Chowying 時間: 12-5-21 16:20
ANNAFRIEND 發表於 12-5-21 10:34
我女女, 特別細女, 睇題只題到一半就做. 如比較題要先找出未知數, 再計共有的. 佢就通常剩計未知數, 共有 ...
多謝你先, 但我個囡係 concept 未掂, 學校又教得快. 好以元角咁, 件野$39.90, 問佢如果有$50咁夠唔夠錢比, 個囡話唔夠喎, 如果件貨係$39, 咁就夠喇! 講極佢都唔明
作者: smallfoothk 時間: 12-5-21 16:47
報暑期班補數
作者: ANNAFRIEND 時間: 12-5-23 11:59
Chowying 發表於 12-5-21 16:20
多謝你先, 但我個囡係 concept 未掂, 學校又教得快. 好以元角咁, 件野$39.90, 問佢如果有$50咁夠唔夠錢比, ...
o甘即係佢連"大過"同"小過"的概念都未掌握喎. 你試下出多d呢種題目比佢做.
例如: 50 ( )60
34 ( )16
叫佢填</>符號. 我女女學校係會有呢種題目train小朋友.
我女女就未完全掌握硬幣換算成角, 即係一個兩元可以換幾多個一角, 兩角, 5角等. 我覺得其實咩都真係要教定先, 唔可以等學校教到先教, 甘樣好辛苦.
作者: ANNAFRIEND 時間: 12-5-23 12:06
daniel2012 發表於 12-5-21 10:37
將錯左既題目 highlight
然後分類 分為唔小心/噢咀/難明等類別
考試前溫番做番就OKAY啦 ...
其實學校係有教佢地圈重點字, 睇題目要題哂成條先做巳經講過無數次, 但佢偏偏係見d做d的人. 佢真係唔識做錯我唔會怪佢, 咪解釋再即時改數據比佢做返, 等佢有印象羅. 但係唔小心的你再比佢做, 在家係做岩, 但考試我唔o係佢身邊提醒佢, 佢都係一樣會錯. 呢種小朋友我諗真係要等佢自己開竅.
作者: Chowying 時間: 12-5-24 14:33
本帖最後由 Chowying 於 12-6-5 15:11 編輯
ANNAFRIEND 發表於 12-5-23 11:59
o甘即係佢連"大過"同"小過"的概念都未掌握喎. 你試下出多d呢種題目比佢做.
例如: 50 ( )60
Thank you. 雖然我都明, 但見到你果句咩都真係要教定先, 真係好陰公, 爸爸已經計劃緊暑假要預先教d咩, 預習d乜嘢, 做乜要攪成咁
作者: ANNAFRIEND 時間: 12-5-24 15:30
Chowying 發表於 12-5-24 14:33
Thank you. 雖然我都明, 但見到你果句咩都真係要教是先, 真係好陰公, 爸爸已經計劃緊暑假要預先教d咩, 預 ...
唔只你唔知, 好多人都唔知點解而家個教育制度攪成o甘.
作者: Ronniema 時間: 12-5-25 00:21
教小朋友數可以在日常生活中同佢玩, 例如請他幫你買報紙,(當然在你視線範圍內) 第一次給他處6.00, (剛好不用找), 第二次給他$10.00, 找回來的問他有多少, 每日我們都有很多零碎支出, 可以抽些易計算的請小朋友幫手, 做到的時候他也有成功感, 到你回到作業本, 他們就不覺得特別難, 又例如坐小巴, 去超市都是一個好地方教數, 你可以叫小朋友幫你"格價", 看看哪些同類產品抵買,
而平時叫阿仔幫手看時鐘, 睇下大家想看的電視劇夠鐘做未, 都可以train到佢地的
其實學數最緊要明, 年紀小的孩子多做練習會容易覺得悶的, 不是每一個肯做, 更多的是愈做愈怕, 一般孩子學數問題都是攪不清基本概念, 要看看你的小朋友那種概念攪不清, 用一些簡易生活例子教, 也是不錯的方法,
作者: qkhui 時間: 12-5-25 10:08
其實樓主小朋友都係小一, 我覺得不用太心急同緊張.
有時小朋友個思維真係未到, 就真係點諗都諗唔到
你千奇唔好嚇怕佢. 因為做做學如果無佐信心就會好麻煩.
一無佐信心, even 係計好簡單的加減數都會錯.
好似我仔仔, 依家小四, 在初小時, 數學分數好唔穩定
可以由一年4次考試中, 分數可以徘徊在6x-9x.
上落好大, 好恐怖, 當中你會發覺佢無佐信心. 噉好大問題, 好大件事.
我見佢有時有o的文字題, 點教佢都係唔明. 個思維未到就真係點教都唔得.
噉我唯有先放棄一o的佢唔明的數學(因知考試都唔會出太多). 因為我發覺, 如果我越放大佢不明的題目, 佢只會連其他本身明的, 也會失去信心. 噉就會做得更差. 他在小三一次考試中 其他科都有9x分, 唯獨數學得69. 當時他失了好大信心. 所以到最後一次考試, 我們只叫仔仔小心去做, 期望有7x分, 等他不要有太大壓力. 很感恩, 順利過度.
到了小三升小四暑假, 嘗試幫仔仔報數學課程, 在暑假中, 他慢慢的有回信心. 又可能成長了, 很多以前不明的題目, 慢慢開始掌握到, 仔仔見自己慢慢進步, 很開心. 對數學巳沒有以前噉大抗拒, 到今年小四, 考試分數慢慢的進步, 巳去到A級成績. 在我及先生立場, 取得A級成績當然開心, 但其實當中見小朋友, 計數學時的表現, 比起之前的開心了, 輕鬆了, 這才是最大的安慰,
所以我自己覺得. 在我仔仔來講, 不停做EXE 對他不是太有用. 父母的表現都是很大的推動力.
大家加油 !
作者: sengayy 時間: 12-5-25 14:38
請問你幫仔仔報什麼數學課程? 我囡的數也是很差, 一星期一堂補數, 測考經常不合格或60分多些, 很擔心. 謝謝!
作者: sengayy 時間: 12-5-25 14:39
請問你幫仔仔報什麼數學課程? 我囡的數也是很差, 一星期一堂補數, 測考經常不合格或60分多些, 很擔心. 謝謝!
作者: peggyyau 時間: 12-6-4 09:34
提示: 作者被禁止或刪除 內容自動屏蔽
作者: yy媽 時間: 12-6-5 00:02
peggyyau 發表於 12-6-4 09:34
回復 ANNAFRIEND 的帖子
My daughter is same case. Ask her to circle the 重要眼眼, but she does not ...
我女女之前數學又係好差，最後我報左數研見老師係比練習女女做,但做過程係教佢睇題重點, 學左一個月就停左,之後我就自己買練習比女女做,而家改善左好多 .
例如: 小明2歲，哥哥比小明大3歲，姊姊比哥哥少1歲，請問姊姊多少歲?
呢題我女女之前都唔識, 老師教佢將大字HIGHLIGHT,之後用箭咀指向哥哥, 即係哥哥大小明就是2+3 = 5 歲,
而將小字HIGHLIGHT,之後用箭咀指向姊姊, 即是姊姊小,由於哥哥已計算是5歲 姊姊即是5-1 = 4歲
我女女重複做呢類題目, 慢慢佢掌握到, 而家好少錯.
另外 : 錢方面, 如果之前小朋友是好少接觸錢, 一定未必明同掌握兌換數量, 小朋友真係要比實物佢數,時鐘就比個鐘佢扭先明 多練習一定有改善, , 我都係用呢個方法教.
希望可以幫到大家.
YY 媽
.
作者: 囝囝mama 時間: 12-6-5 00:29
回復 ysnuna 的帖子
我由小一上練習由初初加澸再做起!!!好似有D效!!!我暑假要佢小一練習重做由淺至深!!!得佢打好個底!!
作者: 杰杰媽媽 時間: 12-6-5 00:45
peggyyau 發表於 12-6-4 09:34
回復 ANNAFRIEND 的帖子
My daughter is same case. Ask her to circle the 重要眼眼, but she does not ...
呢個係我仔錯呢類題目錯足1年先更正到既方法黎,我每次都要睇住佢題題都係咁寫先放過佢.
佢地成日就係懶,又懶係醒咁,諗住唔洗寫就咁就計到,又唔知自己咁樣係會非常之唔小心錯.
佢初時一定唔肯用我既方法做,但我會俾佢用佢自己方法做一次先(就咁睇問題直接寫式搵答案), 多數都錯.
之後我就會要佢用我個方法叫佢計多次,一定岩,我仲要好衰咁+多句: 係喎!點解宜家又岩既? 用你個方法就成日錯喎,咁我覺得全部未知既都寫定條式係上面,做多少少,但一定岩好似好D喎!
哈哈,久而久之佢呢個習慣會陪佢終身,自此冇左呢個問題 (但當然仲有其他問題要慢慢拆蛋啦)
雖然好難做到完全'0' 唔小心,但呢類唔小心一定可以用方法更正到,只在乎大人肯付出幾多"時間",呢D一定要P1/2改好,唔係習慣左冇得改.
作者: anna59 時間: 12-6-5 08:46
回復 sengayy 的帖子
唔使擔心,依個分數仲有得醫,去搵補習啦,佢地professional d呀,如果好既老師仲可以比到專業意見呀,don't give up
作者: sengayy 時間: 12-6-8 23:08
謝謝!己揾了新補習老師, 希望幫到我囡.
作者: careys 時間: 12-6-9 10:00
提示: 作者被禁止或刪除 內容自動屏蔽
作者: shtam 時間: 12-6-10 12:02
回復 ysnuna 的帖子
小朋友學數學唔可以硬記概念, 要多利用日常生活去接觸/接受數學, 好似平時要多讓小朋友看時鐘, 進行小買賣等等
作者: lunglung7665 時間: 12-6-10 18:54
數學差就做多D,巿面的練習沒有用,全課不是加就減.小朋友做兩條就知道全版都一樣,不用思考,最好上操券班
作者: faye525 時間: 12-6-10 23:45
直接買卷做啦~~
一: 唔怕D小朋友做全版一樣會知道條條都係加/減/X/除,
二: 唔怕小朋友做埋同一樣題目會悶
三: 等小朋友習慣卷既模式, 唔駛一見到份卷驚一半先~~(一驚, 信心就低, 就好易錯)
四: 因為題目唔同, 可以等佢地腦筋轉得快D
暑假時, 例如小一升小二, 就拎返小一D卷出黎做, 當溫習, 會好過全版做埋同一樣既題目好多架........
我有兩位會考 MATH 同A-MATH考 A星既朋友, 都係教我叫小朋友操卷.
話數學一定要多做先會轉數快.....
作者: 意粉 時間: 12-6-12 13:07
我大仔都係讀一年班, 對上一次考完數學果日佢反黎話我知佢覺得會羅100分, 我當然讚下佢咁有自信心係好事., 但唔會真係信佢會有100分, ..但估唔到佢上次真係成份試卷冇錯羅左100分反來..我好意外亦好開心, 想同大家分享小小亞仔既讀書方法, 數學一定要比自信心佢地, 佢考數學期間好少會溫課本, 剩係做買回來的課外練習, 做過200題以上, 做完其實已經好似溫哂書咁...每次考試期間我都一樣比時間佢玩, 佢考親試每科平均全日溫3個鐘, 共他時間我就由得佢玩...咁樣佢反而開開心心咁記得哂d溫左既野..咁細個真係唔想比壓力佢, 可能你地會覺得我呢個亞媽太放縱佢..但就算迫佢溫10個鐘佢都唔一定可以再記多D..所以我選擇比佢自己搵佢既方法去溫習..
作者: bnene 時間: 12-6-12 13:19
回復 ysnuna 的帖子
我大兒子以前數學只有7x分，升上小四後開始發奮追上去，自己買了一些簡單的數學練習，由淺入深操練，四年級的測考已有9x分了。
到現在升了中學，用英文學習數學，因為不適應學習方式的轉變，中一時都是不及格的，但去了用了一個暑假的時間預習中二的課題，中二第一次測驗有8x分了。
小兒子都是用同等的方法，數學一直都有90-95分之間，後來我們回來再調整了做卷的策略，最近兩次的測考分別是99及100了，所以有適當的操練，是絕對有幫助的。
待小朋友重新建立自信後，就不會再怕數學了。
作者: yangyang448 時間: 12-6-12 14:37
不過我女間學校P2才學貨幣，應該是你們讀間學校用的教材深些吧，我覺得沒到一定的理解能力，數學有很多很難計的，比如時間，重量，圖形，文字題，對太小的孩子不易吧。
作者: ANNAFRIEND 時間: 12-6-12 16:18
yy媽 發表於 12-6-5 00:02
我女女之前數學又係好差，最後我報左數研見老師係比練習女女做,但做過程係教佢睇題重點, 學左一個月就停左 ...
呢種比較題, 我女女學校的老師都係這樣教. 不過我女女學校除左呢種比較題, 仲要係包括多餘數據. 即係3個數中, 其中一個數係唔須要用的. 所以一唔小心睇題目即死, 仲要係要明白邊個數係多餘數據. 硬幣學校臨考前先教, 教得好急.所以我女女掌握不好. 我自己唔係太識教數學, 所以報左數研希望幫到佢地.
作者: ANNAFRIEND 時間: 12-6-12 16:56
peggyyau 發表於 12-6-4 09:34
回復 ANNAFRIEND 的帖子
My daughter is same case. Ask her to circle the 重要眼眼, but she does not ...
呢類題目真係要多做. 之前我女女做呢種先找未知數, 然後雙加的題目又係好差, 因為成日漏. 睇"共有"字眼. 我就日日比佢地做. 當然數據要不停變化. 攪惦左呢範, 學校又教3個數據的比較題目. 唔知係咪做得多之前的比較題, 女女好容易掌握. 到我以為佢地不錯的時候, 學校又有新題目. 就係多餘數據題. 可能我小朋友思維未到呢個階段, 佢地做5次有4次都錯. 而且就黎考試, 我又覺得出得唔多. 於是都放棄. 我唔知其他學校小一有冇多餘數據的比較題, 但我覺女女學校的數學係比較其他學校深. 暑假開始我比佢地返數研, 因為佢地會比較熟悉學校的題目. 女女學校數學題變化層出不窮, 有時你真係想像唔到有d o甘o既題目. 所以數學科佢地成績真係麻麻.
作者: smallfoothk 時間: 12-6-12 20:21
基本是熟能生巧,很多時考試題都能在練習找到,但今次轉咗出題老師,是思考題,咁就,,,,,真係估佢唔到
作者: carmenchan922 時間: 12-6-13 11:55 標題: 回覆：smallfoothk 的帖子
凡事都是要明白了個原理，知點解就會容易D 處理，之後多操練，增加佢自信心，成功感，咁佢就會越做越鍾意呢！數學亦然！！
作者: 囝囝mama 時間: 12-6-14 07:51
回復 Chowying 的帖子
我細囝都要在暑假重温番小一D數!等佢打好個底先!!!
作者: leedorean 時間: 12-6-14 09:34 標題: 引用：Quote:ANNAFRIEND+發表於+12-5-21+10:34+我
提示: 作者被禁止或刪除 內容自動屏蔽
作者: ANNAFRIEND 時間: 12-6-14 11:09
smallfoothk 發表於 12-6-12 20:21
基本是熟能生巧,很多時考試題都能在練習找到,但今次轉咗出題老師,是思考題,咁就,,,,,真係估佢唔到 ...
文字題真係多操練就會有進步. 我係不停題目多源化. 真係睇住佢地呢方面的進步. 不過我就好辛苦, 因為要不停出題目. 有時個腦都實埋呀. 同埋做數學真係要極小心, 因為答案只有岩同錯, 冇中間. 唔同語文科, 可以扣你1,2分, 唔會扣哂. 我女係一個極度唔小心同埋唔睇題目就做的小朋友, 所以佢呢科係好弱.
作者: ANNAFRIEND 時間: 12-6-14 11:12
leedorean 發表於 12-6-14 09:34
可否用實物引導她，我都用真錢講解!
我都係用真錢教, 當玩遊戲. 不過都好少比機會佢地買野, 我諗最有效學錢幣方法係買野. 我地以前都係生活上學返黎, 父母幾時會刻意去教呀.
作者: Chowying 時間: 12-6-14 19:16
囝囝mama 發表於 12-6-14 07:51
回復 Chowying 的帖子
我細囝都要在暑假重温番小一D數!等佢打好個底先!!!
我e+絕對需要喇, 剛考完試, 真係未派都知, 個囡雖未至於唔明, 但相對學校教既嘢, 阿囡明得太烏龜, 好似A比B多那些題目, 臨考試前阿囡重用畫圖呢表示, 大佬! 學校已經要考A比B多, B比C多, 重要兩個位, 唉!!! 暑假有排忙!
作者: 囝囝mama 時間: 12-6-14 22:08
回復 Chowying 的帖子
我细囝派佐卷啦!唔合格!
!已由學林小一上學期開始做起!!為有等待佢開'hill啦!!!無佢符!為有等待.......!!大家加油啦!!!
作者: darkbson 時間: 12-6-14 23:42 標題: 回覆：ysnuna 的帖子
你可以用手指數。
作者: darkbson 時間: 12-6-14 23:45 標題: 回覆：囝囝mama 的帖子
媽咪可以教仔仔。
作者: 囝囝mama 時間: 12-6-15 00:47
本帖最後由 囝囝mama 於 12-6-15 07:12 編輯
回復 darkbson 的帖子
我同老公都輪流教!!!!佢D空間感較差!!!為有重覆做同類題目!!!做都佢明為止!!!
作者: jojoplanet 時間: 12-6-15 10:10
囝囝mama 發表於 12-6-15 00:47
回復 darkbson 的帖子
我同老公都輪流教!!!!佢D空間感較差!!!為有重覆做同類題目!!!做都佢明為止!!!:yummy ...
空間感同計數有乜闗係?
作者: jojoplanet 時間: 12-6-15 10:20
careys 發表於 12-6-9 10:00
我個女個補數老師話
數學唔同英文
唔係狂做練習就得
例如係乜? 我個仔5.5歲九月升小一我好擔心佢D數呀....佢有學珠心算所以簡單加減數佢心算都OK, 有算盤而家學到雙位數加減佢都OK, 但有D慨念佢講極都時明時唔明咁, 例如:-
時鐘 : 分針係30分時時針會係2個號數中間..例如2:30..講極比佢聽分針由12到一個圈再去到12,時針先去到3, 分針未去到3仍然都係2點....
單數/雙數 : 佢識話1,3,5,7,9 係單數, 2,4,6,8,10 係雙數..講咗好多次無論組數字有幾多個數目只係睇最尾個數字
順數/倒數 : 又係時識時唔識...
佢係咪好差?
作者: thomas_dad 時間: 12-6-15 12:23
回復 jojoplanet 的帖子
hi jojoplanet，
佢唔係好差，只是數學概念不清晰而已，嘗試慢慢鞏固其數學概念，如時間方面，可以慢慢教導位制和60進位的概念。
thomas_dad
作者: jojoplanet 時間: 12-6-15 12:27
thomas_dad 發表於 12-6-15 12:23
回復 jojoplanet 的帖子
hi jojoplanet，
謝謝你的故勵呀...我真係好擔心..我諗黎緊要同佢加緊練習
什麼是60進位?
作者: Chowying 時間: 12-6-15 13:52
leedorean 發表於 12-6-14 09:34
可否用實物引導她，我都用真錢講解!
作者: careys 時間: 12-6-15 16:32
提示: 作者被禁止或刪除 內容自動屏蔽
作者: ANNAFRIEND 時間: 12-6-15 16:39
Chowying 發表於 12-6-14 19:16
我e+絕對需要喇, 剛考完試, 真係未派都知, 個囡雖未至於唔明, 但相對學校教既嘢, 阿囡明得太烏龜, 好似A比 ...
3個數據比較題都唔難, 最難係有多餘數據呀. 我女女3個數據比較題冇問題, 但一遇到有多餘數據陷阱, 一定踩中. 踩唔中係撞彩. 今次細女話文字題岩哂, 而我知其中一條是多餘數據題. 佢岩哂只係佢好彩.
作者: do-re-me 時間: 12-6-15 23:01 標題: 回覆：ANNAFRIEND 的帖子
我女學校唔準學生畫花份卷
作者: jojoplanet 時間: 12-6-16 09:02
careys 發表於 12-6-15 16:32
回復 jojoplanet 的帖子
你所提及的相信也是未清楚概念
我都係諗住遲早都要請..但只係想p3先...可能要提早..
作者: qkhui 時間: 12-6-16 09:44
回復 do-re-me 的帖子
我仔仔都唔比ka, 所以佢會擦返.
可唔可以用草紙 ?
作者: 鋒媽 時間: 12-6-16 10:01
回復 ANNAFRIEND 的帖子
如果學錢幣,我有1個方法,張在家所有錢幣拿出來用,當自己和小孩去超市做買賣(類似角色模仿),
我亞仔用好work.
作者: careys 時間: 12-6-16 11:01
提示: 作者被禁止或刪除 內容自動屏蔽
作者: jojoplanet 時間: 12-6-16 11:53
careys 發表於 12-6-16 11:01
回復 jojoplanet 的帖子
我個人認為,有需要就請,唔好拖
係啦我見我屋企其他小朋友請個d 讀緊大學個d學生成日轉既...一振要考試又唔來, 唔得閑又唔來..
家下好既幾錢一個鐘?
作者: mandy304 時間: 12-6-16 12:21
我仔仔k3學珠心算, 起初d家長話死背咁, 無咩用, 但本人始終覺得算盤係中國發展得唔錯, 一定有佢用處. 今年仔仔升讀小一, 確實在運算上比較快而輕鬆.因珠心算要加上心算, 意即心中有算盤, 那會心水清. 加上實習日常生活, 買下零食, 買下報紙, 問下佢要找多少錢等等. 理論+實踐=學習. 故上當老師教完後, 一定要活學活用, 那就真正學識了.
作者: careys 時間: 12-6-16 12:37
提示: 作者被禁止或刪除 內容自動屏蔽
作者: jojoplanet 時間: 12-6-16 12:41
careys 發表於 12-6-16 12:37
回復 jojoplanet 的帖子
我個補數老師係幫我表姐個仔(讀聖方濟各)補開的
如果好$180又唔貴..但係k2補d乜? 一星期幾多堂?
作者: careys 時間: 12-6-16 12:46
提示: 作者被禁止或刪除 內容自動屏蔽
作者: ANNAFRIEND 時間: 12-6-16 18:05
鋒媽 發表於 12-6-16 10:01
回復 ANNAFRIEND 的帖子
如果學錢幣,我有1個方法,張在家所有錢幣拿出來用,當自己和小孩去超市做買賣(類似 ...
我地有玩買賣遊戲呀.
作者: 瑩瑩老豆 時間: 12-6-17 15:47
jojoplanet 發表於 12-6-15 10:20
例如係乜? 我個仔5.5歲九月升小一我好擔心佢D數呀....佢有學珠心算所以簡單加減數佢心算都OK, 有算盤而家學到雙位數加減佢都OK, 但有D慨念佢講極都時明時唔明咁, 例如:-
時鐘 : 分針係30分時時針會係2個號數中間..例如2:30..講極比佢聽分針由12到一個圈再去到12,時針先去到3, 分針未去到3仍然都係2點....
單數/雙數 : 佢識話1,3,5,7,9 係單數, 2,4,6,8,10 係雙數..講咗好多次無論組數字有幾多個數目只係睇最尾個數字
順數/倒數 : 又係時識時唔識...
佢係咪好差?
其實雙位數加減/時鐘小一才教, 上小一前學到雙位數加減已不錯, 其實咁急做乜? 太細個未必咁易掌握.
作者: careys 時間: 12-6-17 23:01
提示: 作者被禁止或刪除 內容自動屏蔽
作者: 瑩瑩老豆 時間: 12-6-18 09:10
careys 發表於 12-6-17 23:01
回復 瑩瑩老豆 的帖子
因為我個女target嘅小學數學科是教快一年的
作者: careys 時間: 12-6-18 09:43
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |