教育王國

標題: 發展遲緩返多一年k2 定係升k3好呢？ [打印本頁]

作者: catherine_ng 時間: 12-5-17 13:43 標題: 發展遲緩返多一年k2 定係升k3好呢？

我個仔仔就黎5歲了，依家返緊k2，己經輪候到兼收位，黎緊9月就可以轉去新既幼稚園返，近排見過兼收位果間幼稚園既校長，傾過下關於小朋友既一些情況，我個小朋友一年前做評估係比同齡小朋友慢9個月至1年左右，兼收位學校校長建議我地考慮一下9月係俾小朋友升K3定係返多一年K2，因為都擔心小朋友個能力未去到k3既話，升佐上去小朋友辛苦，我地都辛苦，同埋到時k3完佐之後，能力未夠可能都係要返多一年k3先升小學，到時又要面臨個問題就係仔仔到時又大個佐小小，明白既野多佐，佢可能會見到同班小朋友畢業返小學了，但我仲要留低同低一級既小朋友返多一年k3, 可能會對佢個心理有影響，我亦都有問過佢依家返緊間幼稚園既班主任，依家個班主任都係話佢如果就咁升k3應該會跟唔到。

我依家都好矛盾，我相信有過咁經曆既家長都明白，希望個仔仔如果可以唔使留級就盡量唔留，會希望佢係k3既時候可以追返多d，亦都有聽過有咁樣既case，但會唔會發生係我仔身上我唔肯定，而且我都無咩信心！

現在學校要我地做決定，係返多一年k2定係升k3，萬一k3唔得就可能要再返多一年k3, 唔知有無家長有咁既經曆或者有好建議俾到我地，好多謝你地！

作者: nungma 時間: 12-5-17 23:40

但到小學可能隨時要留多一年喎，咁個小朋友大同學仔咁多，會唔會自卑同唔開心㗎？

作者: catherine_ng 時間: 12-5-18 12:36

你意思係話可能上到小學都仲要留多一年嗎？我無聽有家長講過有咁既case，如果真係咁，到時就大過其他小朋友2歲，我都擔心佢會自卑

作者: catherine_ng 時間: 12-5-18 12:37

回復 nungma 的帖子

你意思係話可能上到小學都仲要留多一年嗎？我無聽有家長講過有咁既case，如果真係咁，到時就大過其他小朋友2歲，我都擔心佢會自卑，但暫時又無其他更好既方法

作者: Babyarsene 時間: 12-5-18 12:41 標題: 回覆：發展遲緩返多一年k2 定係升k3好呢？

你仔仔喺邊方面比同齡慢？宜家學習上追得到嗎？

作者: catherine_ng 時間: 12-5-18 21:11

佢係整體都慢，大小肌就比同齡小朋友差小小，主要係語言和認知，差一年左右，宜家返緊K2，老師話跟唔到同齡小朋友，驚升K3會仲辛苦

作者: Granadilla 時間: 12-5-21 13:35

提示: 作者被禁止或刪除內容自動屏蔽

作者: catherine_ng 時間: 12-5-21 14:07

回復 Granadilla 的帖子

我己經選擇佐俾仔仔返多年k2,但到k3的時候都係無兼收服務，唔知可唔可以再申請

作者: pocoyo123 時間: 12-5-21 17:06

兼收位到6歲後就一定無, 但學卷就可以同學卷組辛請多一年, 咁你可以原校上K3, 就算無兼收, 老師也可跟進, 對小朋友亦好些.

上到小學, 好多津貼學校係不會留班, 因為學位每年都緊張, 好多學校都係, 只要小朋友不影響人, 就算成績不理想, 佢地都比佢上到畢業為止, 如在K3已追不上, 咁到小學, 課程係幾何級數難, 到時再追要幾倍努力.

作者: catherine_ng 時間: 12-5-21 17:27

回復 pocoyo123 的帖子

好多謝你d意見，如果k2返多一年升k3,到k3都係仲跟唔上，可否再返多一年k3先升小學呢?

作者: catherine_ng 時間: 12-5-21 18:02

回復 catherine_ng 的帖子

同埋返多一年幼稚園，學卷難唔難申請呢？

作者: pocoyo123 時間: 12-5-21 18:03

你囝囝係幾月生日? 如果佢係9月后, 咁就好些, 否則重讀一年K2, 到K3畢業己7歲足, 如再讀多年K3, 即是8歲上小一, 咁就大左些小啦.

不如,家長在今年重讀時, 試下加一些訓練堂比佢, 例如私人PST, ST, 社交小組....等等,再加上密集式家居訓練, 睇睇用這兩年時間追得返幾多仲好

作者: catherine_ng 時間: 12-5-21 18:15

回復 pocoyo123 的帖子

佢係7月，依家佢係關愛基金果度做緊訓練，下學期果度就會停佐，我想係出邊揾d訓練俾佢做，唔知有無邊一度可以介紹呢？

作者: pocoyo123 時間: 12-5-21 20:45

你可以瀏覽下:特殊教育" 果版, 佢地有好多介紹過以上訓練的地方, 但好以協康會呢D機構, 係好多人排, 有時要等好耐

作者: catherine_ng 時間: 12-5-21 21:11

回復 pocoyo123 的帖子

好啊，唔該哂你！

作者: anlywan 時間: 12-6-15 22:31 標題: 引用：佢係整體都慢，大小肌就比同齡小朋友差小小

原帖由 catherine_ng 於 12-05-18 發表
佢係整體都慢，大小肌就比同齡小朋友差小小，主要係語言和認知，差一年左右，宜家返緊K2，老師話跟唔到同齡 ...

我仔仔同你個案差不多！佢2歲已評估發展遲尤其言語！以架4歲半讀緊主流幼稚園！今年老師建議佢轉半日班！因佢本身是全日！半日英文半日中文！番左一年中文進步很多！但言語仍差半年、理解差一年！所以老師想佢讀半日專心學好中文！但佢以架已有上e位及私人訓練！我又冇特別教英文！學校有是想佢多聽多接觸我未有需要佢講到！我主重佢中文發展！我只希望佢奓戈時間同小朋友接觸！所以都決定繼續全日！見你咁講如佢k2真跟不上就俾佢讀多一年！只希望呢年佢能追上！大家加油

歡迎光臨教育王國 (/)