教育王國
標題: 有差的學校嗎？ [打印本頁]
作者: kittytse.ah 時間: 12-5-17 13:33 標題: 有差的學校嗎？
搞緊阿仔升P.1d嘢，我C6見到我咁緊張。
常常話呢間多人爭，嗰間又話名校，呢個簡介會又幾分鐘full....
他說：- ＂咁到底派到咩先係差呀？＂
我O晒咀，說了沒有差的學校，只有成績稍遜的學生，講到我都唔識答佢
作者: sheffield 時間: 12-5-17 13:48
本帖最後由 sheffield 於 12-5-17 16:41 編輯
咁你地爸爸係咪唔介意全靠大抽獎，抽到邊間就邊間？佢係咪真係唔介意自己小朋友讀的學校多數收什麼家庭背景學生，又唔介意學校個環境同位置？你介意的，對你來說就是差…完全都冇所謂的，咁就間間都好…
作者: lojo11 時間: 12-5-17 16:04
無標準, 人人要求唔同...
作者: marcuscyrus 時間: 12-5-17 16:58
咁我覺得唔會有一間學校打正旗號打算教壞d小朋友，問題是有時候當學校唔夠競爭力，收的學生能力/背景相對爭d，老師又有冇能力扭轉局勢?如果老師或個別學生的能力有限，自己小朋友身處這樣的環境自己是可可以接受?
作者: Charlotte_mom 時間: 12-5-17 17:04
我從來唔相信"只要有心機讀間間都係好學校"呢句說話, 教育對我黎講, 唔止係成績, 仲有做人態度, 價錢觀等
以前我唔信所謂"認同教學理念", 我覺得"車, 見果間既時候咪認同果間lor", 到而家, 個女都就黎升中了, "蒲"小學版都蒲足咁多年, 我又講下d唔同學校既事:
-學校唔俾小朋友跑, 小息都要坐課室
-學校叫小朋友做project但只係派左一張紙, 無instruction了
-比賽上, 學校a表演中, 學校b笑佢地"屎", 老師無阻止
-學校要求主科唔合格既學生離校
-學校話雖然小朋友主科合格, 但社交唔得, 要留班
-學校多年來用同一間飯商, 家長no say, 食就食唔食就算
-學校教深一年, 小一unseen dictation多人捧旦
-學校話普教中但半班聽唔明唔合格
以上都係聽返黎既真事, 唔同學校就有唔同既理念, 學校係"人"辦既, 唔同既人就有唔同既教法, 呢d千真萬確, 如果你真係覺得以上都唔係問題, 入左就會適應, 咁就真係可以慳返d氣力, 如果你覺得你需要真心揀間適合既, 係應該做下功夫的, 甲之熊掌乙之砒霜, 世上無完美既學校, 只有最適合, 花d時間了解下, 希望你小朋友最後入到一間你真正鐘意既學校
作者: kittytse.ah 時間: 12-5-17 17:16 標題: 回覆：Charlotte_mom 的帖子
多謝意見...我都響呢到蒲咗半年左右。
真係要努力了解了解
作者: BabyAndre 時間: 12-5-17 18:50 標題: 引用：我從來唔相信"只要有心機讀間間都係好學校"
原帖由 Charlotte_mom 於 12-05-17 發表
我從來唔相信"只要有心機讀間間都係好學校"呢句說話, 教育對我黎講, 唔止係成績, 仲有做人態度, 價錢觀等
...
只要係你出嘅post我都會仔細睇，因為你講嘅意見真係好中肯好有見地，今次忍唔住要讚你，只要是適合自己孩子的便是好學校，說得太好了！
作者: 青青河邊草 時間: 12-5-18 09:54
我覺得無一間學校係十全十美
今日好的學校, 唔代表明天都會好
有時, 唔駛咁執著
考直資私校, 我先看重它們的課程安排
通常標榜小一要學英普以下第三種外語的
我否, 因為我唔buy呢種理念
面試過份重視筆試的, 我也不考慮, 因為這反映了學校過種學術, 也非我杯茶
直資私校好處係, 你可以揀.
好, 考唔到既話, 大抽獎.
我想話, 入官津, 其實間間都差唔多.
你可以話有d特別渣, 同區份係有d關係既
但係, 到小朋友入左去官津, 佢係咪讀得好, 都睇小朋友天資和父母的教養
你話在"叻"校網無不好的朋友嗎?
不會, 中產家庭的小朋友有中產小朋友的問題, 例如我見過有d過份自我, 唔識尊重人, 仲有樣都幾普遍, 物質主義, 因為家裡有, 佢唔會去珍惜.
入到乜野學校都好,
做父母應該都要係教小朋友積極去面對
村校唔一定唔好, 程度唔夠, 父母可以去同佢再補
交朋友, 父母應該由小朋友細細個就要教佢乜野係好既朋友.
唔係要住私樓, 有ipad的, 才是好朋友.
作者: Silverhawk 時間: 12-5-18 13:42
當然有啦, 我以前讀果間小學, 校長貪污, 考師性騷擾學生, 經常體罰, 你話差唔差?
作者: kittytse.ah 時間: 12-5-18 13:48 標題: 回覆：Silverhawk 的帖子
幾多年前先？依家大聲d鬧咗都上報紙，我諗呢個年代冇體罰卦
作者: Silverhawk 時間: 12-5-18 14:04
kittytse.ah 發表於 12-5-18 13:48
幾多年前先？依家大聲d鬧咗都上報紙，我諗呢個年代冇體罰卦
我個仔都K2啦, 咁緊係好多年前的事啦, 果陣仲係可以體罰, 不過d老師真係打得好過份, 試過班男仔, 全部除晒褲打pat pat, 女仔就隔住裙打, 雖然話係小朋友, 但都六年班啦, 到宜家我都仲好記得, 仲有果d貪污校長及性騷擾老師, 應該放咗監好耐, 都唔知會唔會係第2間小學教緊.
作者: kittytse.ah 時間: 12-5-18 14:27 標題: 回覆：Silverhawk 的帖子
好得人驚...
簡直惡夢，呢世都幾難忘記
作者: HaYi 時間: 12-5-18 14:36
我想冇人會認為官津一定會比直資私枚差, 我想考直資私校的家長反而是想要一個選擇的權利, 去選擇一些同家長理念相近的, 多些自主權的學校. 亦某程度反應對現今選校制度的不滿.
作者: meloeskie2 時間: 12-5-18 15:57
本帖最後由 meloeskie2 於 12-5-18 16:00 編輯
想問香港區既小學係咪差極都有個限度？如果派得差，係咪可以讀住一年先，之後小二再轉？
作者: karen55407 時間: 12-5-18 17:14 標題: 回覆：有差的學校嗎？
不同學校的老師也不同，名校老師似乎在學術方面，家長會全力支援。普通地區學校的老師就要出盡力去幫學生，因為好多沒有家長支援的學生，那些老師甚至要經常苦苦哀求家長，提他們好為孩子簽通告或繳交什費費用等
作者: sumchanma 時間: 12-5-18 18:37 標題: 引用：Quote:原帖由+Charlotte_mom+於+12-05-17+
原帖由 BabyAndre 於 12-05-17 發表
Charlotte_Mom,
只要係你出嘅post我都會仔細睇，因為你講嘅意見真係好中肯好有見地，今次忍唔住要讚你，只 ...
作者: wister 時間: 12-5-22 19:12
其實所謂好嘅學校，咪就係適合個小朋友讀嘅學校囉。每個人嘅學習style都唔同，適合嗰個又唔等於適合自己嗰個。我就覺得最緊要小朋友學得開心，老師關心，家長放心。
作者: Charlotte_mom 時間: 12-5-22 21:53
可能真係童年陰影, 我自己讀果間中學, 真係........哎, 成績算唔上好, 不過修女學校, d女仔都算乖, 幾十年前, 阿媽都係搵間近又乖架姐..........我仲記得間學校幾封閉, 有老師想學生去參加d公開比賽, 俾校長鬧到一面屁: 想出風頭呀?! f6學生要攪學生會, 不過係老師指定成績最好果2個參選, 唔可以唔選, win既係主席, 輸既係副主席, 但其實佢地無拉票無promo, 所有"拉票"就係老師對學生既"推介", 之後成個"內閣"都係老師揀既, 即係其實成個ex-co係一盤散沙, 老師玩晒
a-level考完geog果日, 同同學行緊超市, 買零食"充喜", 見到geog老師, 佢問我地唔駛讀書咩, 我地話今日考完, 順便買d野食返屋企又讀架喇, 老師竟然問"今日考邊科呀?" <--你話老師對教學幾有熱誠丫, 自己教果班學生今日考試, 老師竟然唔知! not to mention有無關心出咩題目喇 (你可以鬧我忘因負義唔感激老師, 我夠膽講句如果唔係我有去補習, geog唔會有咁好成績亦唔會有機會入大學, 我咁講唔怕俾雷劈, 我地歷界師姐geog係數有幾多人pass架)
入到大學, 唔止成績mount車邊, 連所謂領導才能, 咩take charge, 咩initiativeness, 真係零訓練, 果下真係感受到咩叫井底之蛙
畢業多年, 到我地d仔女入學, 我識既同學/師姐妹, 就算多5分都無一個人會揀母校, 你問我有無差既學校, 我答你一定有!
作者: evacalbee 時間: 12-5-22 23:45
回復 Charlotte_mom 的帖子
講得好好呀, 揀間適合的..
其實我心裡有好大個問號.... 希望你可以給點意見.
(唔好意思樓主,唔介意借一下位嘛?!)
我女女K1, 出年先考小學. 哥哥讀緊一間好好的津名校
哥哥小學正正有你所講的
-學校教深一年, 小一有unseen dictation
-學校話普教中
哥哥完全適合無問題.但妹妹同哥哥唔同, 佢無哥哥咁高領悟力
我地覺得咁好的津校又唔洗錢又唔洗煩, 如果唔讀真係好傻.
但無理由明明predict到妹妹會好似你講咁捧旦/唔合格都推佢入去架?
又因為妹妹十月出世, 我就諗好唔好等佢讀多年幼稚園等佢成熟D或許會跟得上
抑或,出去考果D好似係"愉快學習"的一條龍學校(e.g.音小),但學費貴之餘(12年成60萬)又驚好冒險
主要係怕唔夠力上大學(好似往年會考得一半人有14分以上).
咁我地本身都諗住比佢地出國讀大學, 到時又一畢錢, 係咪中小學可以慳番60個好D?
又無理由自行放棄唔好入哥哥果間走去抽唔知咩學校架!?!
我地同哥哥一齊經歷過考小一的過程,實在睇唔到邊間叫"適合"妹妹.
又抑或,係我地本身心理上的問題, 因為見到哥哥谷得,成日凝住妹妹差D,所以怕佢讀唔上呢?
我都知世上無免費午餐, 明知山有虎, 已經開始同妹妹默默耕耘, 日子一天一天過去, 睇得出那個境界還有好一段距離...
好心煩!
作者: Charlotte_mom 時間: 12-5-23 12:36
我唔會一面倒話唔好谷, 唔好傳統, 有人真係適合傳統的, 亦有小朋友好細個都知道對自己有要求, 要挑戰自己, 咁讀間深就岩晒
但唔係個個小朋友都係咁呢........
今年女女升中, 身邊亦唔少人升中, 有同學, 朋友既仔女, 昔日既"戰友", 當然有人歡笑有人愁, 考中學好殘忍的, 十八般武藝又要讀書叻, 呢個時候, 當我見到我個女成績唔係標青, 但總算有野渣手..........而身邊有d小朋友, 成績同我個女差唔多, 考我小朋友果間未考到, 又因為升中派位制度而仲要擔心到7月, 心裡真係好興幸自己揀左間一條龍, 起碼我無跑足6年, 我覺得賺左 (唔係我女比人叻呀, 佢好彩有一條龍, 人地"硬食"要收佢咋)
所以for我女呢d中規中矩又唔想擔驚受怕, 一條龍就岩晒
當然你女仲細, 而家至k1, 睇定d先啦
作者: jojoplanet 時間: 12-5-23 16:38
Charlotte_mom 發表於 12-5-17 17:04
我從來唔相信"只要有心機讀間間都係好學校"呢句說話, 教育對我黎講, 唔止係成績, 仲有做人態度, 價錢觀等
...
作者: Charlotte_mom 時間: 12-5-23 16:54
jojoplanet 發表於 12-5-23 16:38
我個仔2005年開始找幼稚園, 睇專家講又係成日話要"認同教學理念",我唔係唔信而係我唔明..但到我同個仔去INT ...
AGREE, 有時見到d野, 真係要用句"不敢恭維"黎形容, 但同時又好多家長鐘意wor, 同一情況啦, 我鐘意既學校, 亦有家長覺得"收我都唔讀呀仲要俾錢!" 所以真係要睇多幾間, 去多幾次, 貨比3家至知咩係最適合小朋友(同自己)
作者: jojoplanet 時間: 12-5-23 17:02
Charlotte_mom 發表於 12-5-23 16:54
AGREE, 有時見到d野, 真係要用句"不敢恭維"黎形容, 但同時又好多家長鐘意wor, 同一情況啦, 我鐘意既學校, ...
當年我IN咗一間私校..未去到IN.我見佢地既安排已心想唔係好得, 到IN時睇見D 先生好無愛心,愛理不理咁, 我心諗收我都唔讀...有次係EK有人講呢間學校我自己比下意見啫..D人話我"吃不到的葡萄是酸的" 我覺得D人好好笑..
我個仔個間學校, 鐘意既好鐘意, 唔鐘意既覺得唔好因為佢程度唔深咁D人就覺得唔好囉...但呢3年我同老公都好深信我地選擇無錯..
作者: MAYANGUSPO 時間: 12-5-23 17:37
回復 jojoplanet 的帖子
我都有感而發...其實最緊要真係盡量親身感受, BK都只係一個參考, 不可盡信, 我囡間K都有家長話冇愛心OR行政混亂OR成日轉老C, 但我小朋友就黎讀完一年, 唔覺有乜大問題, 我囡仲好開心返學, 又交到差俾我, 而家仍係覺得冇揀錯學校, 就算可能真係有發生係其他小朋友身上OR其他家長身上, 或者呢D真係叫彩數都唔定, 好難一概而論, 最緊要達到自己最終目的, 就係小朋友返學開心, 品德同學術上又有得著, 對我黎講, 就係一間好學校...所以真係好視乎每個人既適應同需要...
作者: SoNyPig 時間: 12-5-24 00:51 標題: 回覆：有差的學校嗎？
學校是硬件最主要是內裡的人。我經常與家長說，遠聽的不如親身感受。我見過不少很多人追捧的學校，老師夠鐘收工，學生被排斥不理、校長為人黑暗、內裡為爭上位混亂不堪不是把小朋友放在首位。反之也有些弱勢學校，老師為學生奔波費心。雖一些外面家長仍冷言冷語，但我替這班讀書的小朋友感到快樂。說起出名學校，前几天在某新界小學教班，小朋友的話語是關你x事，去die etc ..還要不只是一個。當然父母身教很重要，但家校本是合作乎？連校務處既職員都可以好晦氣甘搵一個學生。我只能無語。
作者: little_yolky 時間: 12-5-24 13:15
Charlotte_mom 發表於 12-5-22 21:53
可能真係童年陰影, 我自己讀果間中學, 真係........哎, 成績算唔上好, 不過修女學校, d女仔都算乖, 幾十年 ...
咦, 我間中學都係修女學校喎, 又真係好傳統的, 考試居然無名次, 有同學向校長反映, 有名次可以激勵同學學習, 校長話唔好, 名次低的同學會好難過的 (不過, 依家換咗校長, 終於有喇)。學校真係唔係幾理成績, 一日到黑教德育, 老師上上下中史課、中文課, 班會等等, 都會無厘頭講咗做人道理。唔係話老師唔積極教書, 老師都好勤力, 但就係無要求同學攞一百分, 成間學校都無諗過要有好成績, 年年得果10個8個入大學(20年前數字), 好多同學志願係做護士、教師, 話可以幫人, 作育英才, 仲有啲(唔只一兩個)話志願係做家庭煮婦, 相夫教子, 你話死未。
對於絕大部份香港家長, 呢間肯定唔係好學校!
其實, 我覺得香港家長要先接受教育(我講緊自己)。我個囡依家讀K2, 今年要報學校了。睇佢個款真係maryknoll 收佢都唔敢俾佢讀, c6成日同我做思想工作, 話讀書最緊要開心, 我日日念波野波野密波羅經calm down, 開始被c6教化了, 亦已面對現實我個囡唔係BOB, 唔好去太叻學校。但如果考津校, 間間都咁谷, 如果考私校, 又驚兩年後阿妹考唔到, 到時阿妹得10分, 就邊度唔駛去, c6又乜都唔理旨意我, 依家好煩日日都頭痛, 好驚幫阿囡揀錯咗, 害咗佢成世。
作者: kittytse.ah 時間: 12-5-24 17:36 標題: 回覆：little_yolky 的帖子
唉~你嘅case同我差不多。
不過我係哥哥同妺妺
| 歡迎光臨 教育王國 (/) |
Powered by Discuz! X1.5 |