教育王國

標題: 芭蕾舞 [打印本頁]

作者: kcm 時間: 12-5-16 10:57 標題: 芭蕾舞

囡囡快6歲, 想學芭蕾舞, 請問大家覺得值得學嗎? 見好多人都係學一陣, 因囡囡想學, 又想比佢試吓, 請問"小公主"好嗎?

作者: Chowying 時間: 12-5-16 16:14

芭蕾舞無話值唔值得學. 快6歲應諗吓升左小學返唔返到. 如要考試要上2堂/星期, 揀間唔近學校你就辛苦, 若唔考試就好容易唔學上去

作者: kcm 時間: 12-5-16 22:07

回復 Chowying 的帖子

多謝意見, 因覺得時間上唔易就, 都怕佢一學鍾意左, 我自私D就唔想比佢學, 但囡囡講左好耐, 又想達成佢心願, 所以都唔知點好. (我老公唔贊成, 因為唔近屋企, 如試一個月套衫都唔平)

作者: mamaaddoil 時間: 12-5-16 23:13

試下summer course先啦！

作者: Chowying 時間: 12-5-17 09:29

kcm 發表於 12-5-16 22:07
回復 Chowying 的帖子

多謝意見, 因覺得時間上唔易就, 都怕佢一學鍾意左, 我自私D就唔想比佢學, 但囡囡講 ...

咁其實點解要揀小公主呢? 佢唔特別好姐 (唔係話佢有問題), 通常我會揀近屋企/學校. 尤其你囡而家年紀, 升小學功課多唔多, 識唔識應, 測驗默書逢星期幾你又未知, 而家去學有d麻煩喎.

我囡(現P. 1) K. 3果陣都斷左半年無學, 直至上左小一, d野定side, 10月先開始再跳番. 其實你只要揀一般正式芭蕾舞學校, 近屋企會比較好. 唔好揀社區中心, 唔係佢地教得唔好, 係d班同grade唔夠齊, 無咁多時間比你揀, 同埋無表演參加.

或者join暑期班, 有d會送衫(邊到係送呀, 咪即係包埋).

作者: pooh仔 時間: 12-5-17 09:29 標題: 回覆：Chowying 的帖子

你可在某些公營機構，明愛，救世軍，youth, BGCA 等這些兒童及青少年中心學，這類機構唔需要買芭蕾舞衣，待囡囡真喺有興趣先考慮買！
還有一奌，好多時啲女仔話鐘意跳喺因為見人著啲衫化晒粧，好想咁咋！佢哋睇唔到人哋平日喺幾辛苦去練習！
你又或者而家叫佢在家時拉跟，看看佢是否頂得順，因這個過程唔喺人人都支持到！

作者: kcm 時間: 12-5-17 13:24

回復 Chowying 的帖子

小公主係朋友介紹, 都叫比較近屋企(幾個mtr站), 屋企附近得SDM, 太貴同太商業, 如果有得選擇當然想近屋企啦!

作者: Chowying 時間: 12-5-17 14:29

kcm 發表於 12-5-17 13:24
回復 Chowying 的帖子

小公主係朋友介紹, 都叫比較近屋企(幾個mtr站), 屋企附近得SDM, 太貴同太商業, 如果 ...

陰公, 要幾個mtr站, 真係要諗清楚!

SDM 商業化反而唔係問題, 而係佢專注係學前班同Jazz, 如跳Ballet, 高班佢會叫你去唔同既centre上堂 , 即係一星期可能去3個地方~香港九龍新界走雲side

作者: Chowying 時間: 12-5-17 14:33

pooh仔發表於 12-5-17 09:29
你可在某些公營機構，明愛，救世軍，youth, BGCA 等這些兒童及青少年中心學，這類機構唔需要買芭蕾舞衣，待 ...

話你聽昨天先有人在自由post左, 去社區中心學, 個老師話要買衫+鞋共$500, 食水深到呀, 去鋪頭買都唔洗

作者: pooh仔 時間: 12-5-17 15:05 標題: 回覆：Chowying 的帖子

一開始就要買芭蕾舞衣？還是買嚟作為考試用途？如全套買（衫裙鞋𧙕）大約四佰，如高班啲喺要五舊水㗎，但考完之後就要著嚟平時上課！
我囡由bb班開始已喺明愛，老師話等佢學到咁上下喜歡先買，仲可自由買你喜歡嘅款式！
到pre-primary 以上就唔得，要考皇家試，而佢哋喺要講求整齊，要一式一樣，所以要老師代買！
我冇睇你所講條帖，是否那人冇講清楚純粹呻話啲衫好貴咋，其實考一個試喺前後要比成千銀㗎！但唔考又冇得升班，還要年年考每年嘅衫要買過晒！

作者: Mighty 時間: 12-5-17 19:10

本帖最後由 Mighty 於 12-5-17 14:14 編輯

還心願的話、就真係THE CLOSER　THE　BETTER.　考試期間（AT　LEAST　半年）要跳TWICE　PER　WEEK,　覚得好難兼顧。　我女児当初都係羨慕人地、一跳跳了３年、結果都係小３時没有時間quit左。　当然毎人不同的。　現在改跳latino　dance,平時都会聞歌起舞、一星期一次、又不用考試、軽鬆多了。

作者: Chowying 時間: 12-5-17 19:49

pooh仔發表於 12-5-17 15:05
一開始就要買芭蕾舞衣？還是買嚟作為考試用途？如全套買（衫裙鞋𧙕）大約四佰，如高班啲喺要五舊水 ...

新鮮初學咋, 上左一堂即叫人買, 我都知價, 去大鋪都唔洗$500. 我都知係個別例子, 致麻煩係報左先知個老師係咁.

歡迎光臨教育王國 (/)