教育王國

標題: 是自閉的特徵嗎? [打印本頁]

作者: yuki8484 時間: 12-5-12 18:46 標題: 是自閉的特徵嗎?

1)對小朋友非常有敵意/打小朋友
2)眼神唔同人接觸
3)發音不正
4)固執
5)不喜歡改變/不太接受新事情

作者: szeszes 時間: 12-5-12 20:41

呢 D 都算係, 有沒有自閉, 去搵下心理學家做評估啦

作者: why-me 時間: 12-5-13 20:23

你小朋友幾歲? 真係A仔特徵, 要處理了.

作者: yuki8484 時間: 12-5-13 23:31 標題: 回覆：是自閉的特徵嗎?

小朋友而家3.5歲..9月番k1..之前playgroup話佢似過度活躍..帶佢check過唔係..又帶佢去排cac..但排最少9個月..反而最近自閉既特徵開始明顯..我可以去邊度快d check到?

作者: szeszes 時間: 12-5-14 21:51

本帖最後由 szeszes 於 12-5-14 21:51 編輯

一係就等政府 CAC 中心 (9個月左右), 一係就花 $6,500左右去機構做 (協康, STEPS, LINKS)

其實, 自閉既小朋友, 都有機會同時中埋 "專注力不足+過度活躍"

作者: YingYin 時間: 12-5-15 14:02

http://iautistic.com/chinese/test_AD.php

你自己測試一下

作者: stmc 時間: 12-5-16 06:59 標題: yuki8484 的帖子

提示: 作者被禁止或刪除內容自動屏蔽

作者: caca316 時間: 12-5-17 17:36

i want to know 自閉傾向VS自閉症有咩分別?

作者: pollybell 時間: 12-5-17 21:41

我嘗試答下你,呢個問題我都問個政府既精神科醫生,我亦問過心理學家,精神科解釋如下:自閉症,即典型自閉症係智力有問題,好嚴重果種,而自傾就無咁嚴重,佢話好似一條curve咁,有高低之分,而有自閉既特點,就會再分係咪自傾同非典型自閉.但我就唔係好buy佢既講法,自閉特徵是但一樣中都可以叫自傾或非典型自閉,重要唔係完全符合晒,例如社交,有同人玩,但你無同齡既水平都成立,我話香港起碼一半以上有自閉特徵,你都可能有,唔怪得周街都係自傾,佢無答我同唔識回應我,佢話唔識解俾我知叫我睇書,笑死我.......可能佢斷症係用呢套,我都話佢咁會累死好多人,好多人唔係好了解唔識問你,你就做多好過做少既心態去斷症,以為幫倒個小朋友就得,有殺錯無放過,其實嚇親些家長.

心理學家解答如下,跟本就無自傾呢樣野,自閉症就係自閉症,係就係唔係就唔係,什麼自閉特徵唔可以判斷係自閉症,係好鮮明.

作者: szeszes 時間: 12-5-17 23:35

本帖最後由 szeszes 於 12-5-17 23:35 編輯

唉!! 我仔就係 "非典型自閉", 呢樣真係搞到我暈暈地

我仔好主要係 .... 社交, 有同人玩, 亦識配合同人玩, 亦明白個 GAMES 係點玩, 之但係詰佢無同齡既水平 (6歲要主動向父母提出: 好朋友或好同學仔就快生日, 要求買咩咩咩禮物送比佢; 同時6歲已經要知道幾位好朋友各自己喜好 - 玩具)

作者: pollybell 時間: 12-5-18 00:02

我6歲都唔知呢樣野啦,咁我都應該有特徵..........

真係無話可說

講開社交,佢又話例如一個4-5歲既小朋友,去到公園,其他小朋友係唔識既,如果佢無同小朋友有來回30個交流,包括說話,身體語言,眼神,就有問題..........我眼見好多係公園都係自己玩,最多咪跟住人走來走去,大部份都無交流,最多幾句點有30個回合交流.引術個醫生講社交障礙就係病症,如果只係性格將來唔會影響佢就叫性格,我又問,咁係咪果些小朋友要KEEP住睇你到成年出來做野先停.........佢又無答.唔知俾佢嚇死,知就俾佢笑死.

作者: pyalisa 時間: 12-5-18 04:39 標題: 回覆：是自閉的特徵嗎?

自閉是一個spectrum. 個外在行為勁d. 就話嚴重d.
不過係唔係有自閉底，媽咪自己聽聽老師醫生乜師乜家，自己留意下心裹有數。

智力好的，技能好d,可做性高d. 技能又好似有d方法谷。

囝囝囡囡痴媽咪，又容易d要佢做呢樣學嗰樣。
我諗睇緊d就係唔知有冇d嘢時候未到刺激未表現出嚟。
又或者d差距是終極追到定停咗，都要睇住。

作者: caca316 時間: 12-5-18 12:18

回復 szeszes 的帖子

"非典自閉" 係點?好想知....

作者: szeszes 時間: 12-5-20 01:15

pollybell 發表於 12-5-18 00:02
我6歲都唔知呢樣野啦,咁我都應該有特徵..........真係無話可說

講開社交,佢又話例如一個4-5歲既小 ...

唉!! 講真, 佢地所要求既社交技巧, 真係要求高, 脫左節 ... 因為而家呢代既小朋友, 好多係私生子, 同埋小朋友金菠蘿左, 有時我仔走去搵小朋友同佢玩時, 佢地 d 父母叫佢地既小朋友, 唔好周圍走, 唔好亂同人玩

如果用我以前來相比, 我情況嚴重過我仔

作者: szeszes 時間: 12-5-20 01:23

caca316 發表於 12-5-18 12:18
回復 szeszes 的帖子

"非典自閉" 係點?好想知....

"非典自閉" 即係社交技巧未達標, 但又會主動與同齡小朋友玩; 不似一般典型自閉症者, 不喜歡與同齡既玩或合作
(我仔返一般社區中心既小童軍, 識得與同學合作, 一齊卷卷卷 d 隊巾; 係小童軍班入面, 可以完全與其他小朋友合作完成事情)

我仔係 cac 中心評估時, 我都有與心理學家提出, 我仔識同人玩及有眼神接觸, 心理學家同我講, 梗係啦!! 都就快6歲, 有問題都被我地糾正晒, 咁你點答佢 (主要佢地就話亞仔既社交技巧未達標, 即係一個6歲小朋友, 要知道好同學或好朋友想要什麼生日禮物, 喜歡什麼野, 同埋會主動要求父母買咩野[對方喜歡]既禮物比好同學或好朋友)

作者: pocoyo123 時間: 12-5-20 13:01

好難解釋自閉証的廣泛定義, 我心目中只是分嚴重/輕微/中等,....

專家評估亦有錯, 我兒亦是評估自閉証, 但佢一般而言, 學習, 言語, 理解, 自理是無問題, 好正常, 至於社交, 沒有情緒, 但相比其他小朋友無疑是差小小,, 我覺得可以接受, 專家用佢的標準來測試, 做齊佢的標準, 小朋友咪100分囉, 做唔晒咪減D分囉, 學唐英年先生話, 人生不是完美, 總有缺失

其實係香港的教育製度K型下, 而令到香港有咁多所謂專家眼中的自閉傾向小朋友浮現, 因為, 香港近10年, 教育已要快快快行, 小一前, 家長已要小朋友有所成就, 中,英, 普三文兩語, 音樂, 藝術......總之就要快人一步, 當中, 總有些, 就如我們的小朋友在起步時慢, 或遇到一些困難, 落後於人, 咁發展遲緩, 言語遲緩.........就出晒來...

不過, 當中也有一些小朋友真是落後得很多, 儘早訓練對大家是有好處, 我只是想講出, 不要大執著一個評估名詞, 努力

作者: apple~y 時間: 12-5-20 14:28

我小朋友都係評估結果係"發展遲緩,有自閉特徵'
主要係語言,社交差
其實我都唔知小朋友係唔係自閉
因為番私人s位,上門個別導師都話小朋友唔係自閉
到番政府s位,導師就話有小朋友有0的自閉特徵,不過好輕微
又話cac份評估無寫係自閉,
我都唔諗0甘多,反正都係要訓練
只希望小朋友不停進步

作者: apple~y 時間: 12-5-20 14:30

回復 szeszes 的帖子

我諗我仔仔到6歲都未有呢個社交能力

歡迎光臨教育王國 (/)