教育王國

標題: 怎樣能加快小朋友做功課的速度? 大家交流下意見 [打印本頁]

作者: mandy304 時間: 12-5-10 17:12 標題: 怎樣能加快小朋友做功課的速度? 大家交流下意見

怎樣能夠加快小朋友做功課的速度?

因小兒今年升小一, 面對6-8樣功課., 計時 ? 獎勵 ?還有別的方法嗎?
大家齊來探討下.

作者: YolandaTam 時間: 12-5-10 18:43

1)識做就快, 唔識做就慢, 人之常情.2)有啲人性急, 有啲人滋油, 性格使然, 冇乜計.
3)如果係專注唔到就有得搞: 少少唔集中可以用奬勵, 如果真係大問題就要專業人士跟進.

作者: yauyauo 時間: 12-5-11 00:04

我個女個時做功課都好慢 , 之後有一次佢果日唔係好多功課(都有 5-6樣), 佢做完之後, 我會話, 嘩, 咁犀利既, 咁快做完, 原來你係得架, 咁你順便溫習一下, 之後休息啦, 佢會受氹.

作者: SCKnight 時間: 12-5-11 00:18

通常動之以利，快啲做完快啲有得玩。

作者: marcuscyrus 時間: 12-5-11 10:31

我d仔係做完功課就free time，唔知係咪咁所以佢地一向做功課都幾爽手
正所謂做得快，好世界!

作者: Chowying 時間: 12-5-11 14:43

我試過吹個囡快d, 咁就算答案啱, 但囡囡認題目d字會差左, 到考試測驗就出事, 所以, 後來, 我又改番做慢d, 每個字連大小題目慢慢學好.

作者: mandy304 時間: 12-5-11 18:00

你地的小朋友大部份都好乖. 我就有時試下同佢玩計時遊戲, 咁佢真係認真左地做, 但又唔可以日日用, 如果唔係就無新意了.

作者: 林嬌嬌 時間: 12-5-11 21:21 標題: 引用：你地的小朋友大部份都好乖.+我就有時試下同

原帖由 mandy304 於 12-05-11 發表
你地的小朋友大部份都好乖. 我就有時試下同佢玩計時遊戲, 咁佢真係認真左地做, 但又唔可以日日用, 如果唔係 ...

讚和獎勵只收短效，無論如何要盡快建立習慣。我女一時快一時慢，快可以一小時攪掂，慢可以放學4pm做到9pm，中間浪費的時間是食飯沖涼畫公仔睇書看電視，小朋友不知道在浪費時間。引導方法有多種，威逼利誘咩都要做，尤其初小，直到完全自動自覺。

作者: ANNAFRIEND 時間: 12-5-12 21:56

專注力都係好關鍵, 我細女專注力唔得, 佢識做功課都係好慢, 成日要我催.

作者: maybaby 時間: 12-5-13 10:16

叫佢小息轉堂做功課,我仔有時都做倒一半返嚟!

歡迎光臨教育王國 (/)