教育王國

標題: 好唔開心,阿仔學游水預到個惡教練 [打印本頁]

作者: JANETHIM 時間: 12-5-10 08:59 標題: 好唔開心,阿仔學游水預到個惡教練

昨晚睇阿仔游水,遇到個好兇惡的教練,可能我個仔的泳姿唔好,佢好大力咁＂禁"佢個頭,又好大力扯佢隻腳仔,仲好大聲＂喝"佢,果一刻我好心痛,我個仔5歳幾,小朋友黎,你想佢點啫,游得唔好唔係罪,點解要咁對我個小朋友? 咁冇愛心同耐性,點教小朋友呀?好唔好去投訴？

作者: IRON 時間: 12-5-10 12:08

本帖最後由 IRON 於 12-5-10 12:09 編輯

回復 JANETHIM 的帖子

好明白妳心情, 當年我仔第一堂時睇左10分鐘我就返上樓喊, 不過十幾堂後教練叫我去大泳池睇下"收唔收貨", 見阿仔輕鬆游左50米池一個來回, 我係看台又睇到喊.

我諗妳要問妳阿仔受唔受得, 當年我都叫阿仔放棄, 不過係佢自己話受得. 而家佢同教練好老友.

作者: JANETHIM 時間: 12-5-10 12:53 標題: 回覆：IRON 的帖子

我想個仔學游水只係想佢健康d,我冇諗住佢要游到好叻,入泳隊咁叻,佢唔需要軍訓咁教我個小朋友,做阿媽見到個仔咁比人鬧,你話心唔心痛

但我都打咗電話去,泳會話會跟進下成件事情!
　我有問亞仔想不想繼續學,佢又話想！但我又唔想佢咁辛苦咁可憐比人鬧!點好!

作者: sukitelfold 時間: 12-5-10 12:55 標題: 回覆：JANETHIM 的帖子

我接受＂嚴師＂，底線係唔可以打。

作者: JANETHIM 時間: 12-5-10 13:07 標題: 回覆：sukitelfold 的帖子

咁佢又冇打!只係大打捉佢,如果佢打,
我諗我會報警囉!

作者: sukitelfold 時間: 12-5-10 13:37 標題: 回覆：JANETHIM 的帖子

鬧咪當係訓練囉，小學中學老師都會鬧啦，出嚟做嘢老闆都會鬧啦。

作者: may22 時間: 12-5-10 13:41

教練姓陳?

作者: woodst 時間: 12-5-10 13:48

提示: 作者被禁止或刪除內容自動屏蔽

作者: fw9166 時間: 12-5-10 14:02

本帖最後由 fw9166 於 12-5-13 09:38 編輯

回復 JANETHIM 的帖子

我囝由3歲開始習泳,起初都係好慘,每堂都喊晒口,但現在一年多了,見佢進步不少,可以"luck"水自游.
亞sir唔惡死,d靚仔點會識驚+聽話去做.

只要唔好攪出人命...浸死都唔救,我覺得惡既亞sir都無問題.
最緊要亞囝基本上學識游泳自救,日後佢參唔參加比賽,沒緊要.

作者: VaVaBaby 時間: 12-5-10 19:17 標題: 回覆：好唔開心,阿仔學游水預到個惡教練

首先要反醒下係咪仔仔上堂無聽教練指示，有時候係你游得唔好我唔知鬧的，黎學游水就預左小朋友游得唔好，我唔會expect個個都識游，咁都唔使我教，你地話岩唔岩先。但我最炆既係我知道你能力可以做到，掛住玩而無俾心機游既學生，對住呢d我真係會鬧的，其次，就係頑皮既學生。

作者: sukitelfold 時間: 12-5-10 20:44 標題: 引用：首先要反醒下係咪仔仔上堂無聽教練指示，有

原帖由 VaVaBaby 於 12-05-10 發表
首先要反醒下係咪仔仔上堂無聽教練指示，有時候係你游得唔好我唔知鬧的，黎學游水就預左小朋友游得唔好， ...

同意，最近同亞囡報咗個乒乓球班，一對三，教練就係好和善，見到另外嗰兩個師兄，好無紀律，右手打波，左手就㩒住張枱，輪到佢哋執波，求其執一兩個就算，教練講東就做西，見咁情況學咗一期就走，我不是訓練亞囡去打比賽，亦不是要佢成為港隊，但係見到佢教嘅小朋友連基本態度同紀律都無，就怕怕，呢D咪愛心教育嘅副產品。

作者: VaVaBaby 時間: 12-5-10 21:31 標題: 引用：Quote:原帖由+VaVaBaby+於+12-05-10+發表首

原帖由 sukitelfold 於 12-05-10 發表
同意，最近同亞囡報咗個乒乓球班，一對三，教練就係好和善，見到另外嗰兩個師兄，好無紀律，右手打波，左手 ...

最緊要係唔好影響到我正常進度既學生，太不了咪同個家長講囉，你控制到佢先俾佢落黎游啦，我無可能因為你個失控既仔而影響其他學員既進度囉

作者: chongnicole 時間: 12-5-10 22:21

睇吓鬧得有無道理，嚴係好事，但負氣同亂咁鬧就吳可以接受。

作者: sukitelfold 時間: 12-5-10 23:38 標題: 引用：睇吓鬧得有無道理，嚴係好事，但負氣同亂咁

原帖由 chongnicole 於 12-05-10 發表
睇吓鬧得有無道理，嚴係好事，但負氣同亂咁鬧就吳可以接受。

無理取鬧，梗係唔得啦，老婆都無面吡，何況外人呢!但一般老師及教練都唔會，因相信老師專業及教練要搵食，眼見興趣班教練只會隱惡揚善，肯鬧小朋友出發點都係為小朋友好，唔好浪費爸媽錢嗎。

作者: VaVaBaby 時間: 12-5-11 01:01 標題: 引用：Quote:原帖由+chongnicole+於+12-05-10+發

原帖由 sukitelfold 於 12-05-10 發表
無理取鬧，梗係唔得啦，老婆都無面吡，何況外人呢!但一般老師及教練都唔會，因相信老師專業及教練要搵食， ...

贊成，唔想教好你，我真係慳番啖氣暖肚好過，鬧人都好辛苦的

作者: KimB 時間: 12-5-11 11:23

咁我贊成教練嚴格d, 如果太hea, 小朋友根本學唔到野。
阿囝既教練, 初時游泳班係比較寬鬆, 因為係初學階段, e+學左兩年入左泳隊, 教練就嚴好多, 姿勢唔啱就會捉住手手腳腳教, 游得唔夠快就會鬧, 游得太慢仲要罰留堂

作者: IRON 時間: 12-5-12 11:45

樓主, 同泳會講完, 而家點呢??

作者: JANETHIM 時間: 12-5-12 17:09 標題: 回覆：IRON 的帖子

仲未覆!

作者: SuperJunior2 時間: 12-5-12 22:45

提示: 作者被禁止或刪除內容自動屏蔽

作者: sukitelfold 時間: 12-5-12 23:19 標題: 引用：游泳教學是教育，教育的人必以學生為先，必

原帖由 SuperJunior2 於 12-05-12 發表
游泳教學是教育，教育的人必以學生為先，必以令學生學會為己任，必不會粗言辱罵，必然是用心的人。 ...

睇哂所有帖子，無人提過被＂粗言辱罵＂，唔知點解會咁講呢?唔明白，可否補充少少。

作者: IRON 時間: 12-5-13 10:45

本帖最後由 IRON 於 12-5-13 10:46 編輯

我覺得樹大有枯枝, 邊行都有唔好既人, 有時某d言語比打仲令小朋友失信心; 我係tko池看台睇左3年, 有個係人都知惡既泳會教練, 真係會用浮板打, 不過相信係做下樣好細力, 我見d小朋友好buy, 出左閘仲玩埋一堆; 反之, 有個私人肥4眼教練, 係咁鬧個小朋友死蠢, 聽唔到野呀, 你有問題呀........(上年有次我落埋池所以睇晒成個過程), 我真係好想話俾佢個家長知, 個小朋友真係越游超驚, 越做唔到個要求, 如果個小朋友係遇強越強另當別論, 呢個係我個人意見.

作者: VaVaBaby 時間: 12-5-13 16:42 標題: 引用：+本帖最後由+IRON+於+12-5-13+10:46+編輯+\

原帖由 IRON 於 12-05-13 發表
本帖最後由 IRON 於 12-5-13 10:46 編輯

我覺得樹大有枯枝, 邊行都有唔好既人, 有時某d言語比打仲令小朋 ...

我知你講個個邊個，成個泳界都出哂名惡架，但有家長好buy

作者: birdbird 時間: 12-5-13 20:10

樓主,
雖則話你只想小朋友學游水為身體健康,
但係有時都要睇下教練為什麼惡.
有d教練天生惡相, 話一就一, 二就二, 問多句做唔到都會鬧;
有d就好和善, 容許學生 hea 下 hea 下.
以你小朋友的情況, 你睇下佢平時係唔係比人呵護得多,
如果係, 我覺得一個嚴師/惡死少少的教練會比較適合你仔,
以平衡一下佢的心態, 不讓他以為天下人都寵佢.

如果平時在校老師已經非常惡死, 咁一個惡或溫柔的游水教練都不是問題,

作者: IRON 時間: 12-5-13 21:06

回復 VaVaBaby 的帖子

妳意思係泳會果個定4眼肥佬??

作者: VaVaBaby 時間: 12-5-13 22:18 標題: 引用：回復+VaVaBaby+的帖子妳意思係泳會果個定

原帖由 IRON 於 12-05-13 發表
回復 VaVaBaby 的帖子

妳意思係泳會果個定4眼肥佬??

泳會，不過以我所知，佢真係會打落去

作者: karen55407 時間: 12-5-14 06:57 標題: 引用：我想個仔學游水只係想佢健康d,我冇諗住佢要

原帖由 JANETHIM 於 12-05-10 發表
我想個仔學游水只係想佢健康d,我冇諗住佢要游到好叻,入泳隊咁叻,佢唔需要軍訓咁教我個小朋友,做阿媽見到個 ...

你打完電話投訴後，睇怕教練已經無heart去教你個仔了！

作者: IRON 時間: 12-5-14 13:24

回復 VaVaBaby 的帖子

收到.

我又咁睇, 如果小朋友受得教練既, 又做到要求既, 大家都係施與受, 供與求, 無問題, 阿媽最多唔好去睇.

反之, 好似個4眼肥佬教果個, 鬧到個細路又驚又錯騰晒雞, 可能連其他野都無晒自信, 咁真係大鑊, 希望個女仔既媽咪睇到我打既野.

作者: mingmingba 時間: 12-5-18 10:27

提示: 作者被禁止或刪除內容自動屏蔽

作者: yangyang448 時間: 12-5-22 20:07

係了，你太保護個仔了，不要因為太小，都係要承受一定的壓力好些，大個仔出來做業，仲辛苦。

歡迎光臨教育王國 (/)