教育王國
標題: 囝囝好像被針對,怎麼辦? [打印本頁]
作者: Chun32 時間: 12-5-9 10:41 標題: 囝囝好像被針對,怎麼辦?
囝囝現小五,近月每天被班主任駡,還駡他做廢柴,他今早還不想上學,說返去又要給他駡,怎麼辦?
作者: Yanamami 時間: 12-5-9 11:09
為人師表唔應該講呢d野. 但囝要檢討下自已行為紀律. 先做好自己本份先算. P5唔可能轉校轉班. 或可直接接触班主任, 理解一下自己囝囝係學校情況, 話會多加管教, 請班主任多與你聯糸.
作者: Chun32 時間: 12-5-9 11:24
我已經同佢講咗,叫佢先做好自已,同唔好駁咀.
我又問佢我同班主任講下好唔好, 但佢話同班主任講驚會再駡多D喎,叫我唔好.
作者: lojo11 時間: 12-5-9 11:34
不如直接打電話比老師了解下...
作者: Chun32 時間: 12-5-9 11:46
應該都要啦, 謝謝倆位意見
作者: 唔係化 時間: 12-5-9 12:44
打比老師了解下
作者: kochiman2004 時間: 12-5-9 15:13
直接打電話比老師 ... otherwise you never know what really happened ....
作者: DiamondHill 時間: 12-5-9 23:13
一直要打電話比老師, 得個明白, 如果是仔仔問題, 都要幫他解決, 否則, 仔仔既自我型像會受損的.
作者: cpcog 時間: 12-5-10 08:42
I agree that you should talk to the teacher!
作者: Chun32 時間: 12-5-10 09:50
謝謝各位, 已留電話給學校, 正等老師空堂回電.
作者: Chun32 時間: 12-5-11 10:13
回復 Chun32 的帖子
我仔係比較頑皮, 佢自己都有錯, 但都唔好用咁個形容詞吖, 而家小五下學期, 又唔敢投訴, 圍有叫呀仔乖D, 忍耐下啦
作者: Heima04 時間: 12-5-11 11:07
我呀仔小二咪一樣, 之前已經被罸小息, 最近老師就罸抄課文, 昨天又被罸抄2課中文, 1課常識, 我都好頭痛, 做功課+温默書已經冇哂時間, 問他為何被罸, 他說在小息時出太多汗, 老師認為他們在操場跑, 罸抄中文, 在堂上傾計, 罸抄常識。
我已經不停叫他要守規矩, 每天出門都要說今天的目標是: 不要被罸
作者: lovingyou 時間: 12-5-11 11:45
一定要同老師講, 等佢知道以後小心用語, 如果沒有改善, 一定要同學校傾. 好多家長太過怕影響仔女在校的日子. 但不勇敢面對, 你的仔女將被影響得更大.
作者: anna59 時間: 12-5-11 18:23
回復 Chun32 的帖子
唯有叫你個仔唔好咁百厭啦,因為個老師如果有心左整古個學生,咁個操行寫衰d未等個學生唔使去考中學羅
作者: ^曾小姐^ 時間: 12-5-11 20:50
家下d老師都唔知係咪太多野做,攪到大部份都冇乜愛心
雖然家下冇體罰,但都唔好用語言去侮辱
我個女都係,攪到佢唔敢上堂問野
試過有同學問條數學,佢阿sir即刻話"你有冇咁蠢,教咁多次都唔識"
有人投訴,班主任又話"乜你成日咁多野講架",要佢即刻罰抄
作者: mimi666 時間: 12-5-11 20:57
我覺得而家d老師, 都你只會罵或者罰, 不懂如何鼓勵學生.
作者: strongboymama 時間: 12-5-11 23:54
提示: 作者被禁止或刪除 內容自動屏蔽
作者: sukitelfold 時間: 12-5-12 00:26 標題: 引用：我呀仔小二咪一樣,+之前已經被罸小息,+最近
原帖由 Heima04 於 12-05-11 發表
我呀仔小二咪一樣, 之前已經被罸小息, 最近老師就罸抄課文, 昨天又被罸抄2課中文, 1課常識, 我都好頭痛, 做 ...
作者: sukitelfold 時間: 12-5-12 00:39 標題: 引用：一定要同老師講,+等佢知道以後小心用語,+如
原帖由 lovingyou 於 12-05-11 發表
一定要同老師講, 等佢知道以後小心用語, 如果沒有改善, 一定要同學校傾. 好多家長太過怕影響仔女在校的日子 ...
作者: sukitelfold 時間: 12-5-12 01:02 標題: 引用：個人建議:先檢討.+改進小朋友的:1.操行.行
原帖由 strongboymama 於 12-05-11 發表
個人建議:
先檢討. 改進小朋友的:
1.操行.行為
作者: lovingyou 時間: 12-5-12 09:55
首先, 責罵和罸抄係唔係一定可以令學生一定改到先, 有人記性好, 有人記性差, 不是每個人都可記住唔再犯錯, 只要個學生真的知錯去過, 學校應該俾機會俾時間他們, 學校時常教家長不要鬧不要打仔女, 但反過來卻以罸和鬧來教學生, 不是有矛盾位嗎?
成件事最緊要係語氣和字眼問題, 去到侮辱字眼真係冇可能接受.
作者: strongboymama 時間: 12-5-12 11:35
提示: 作者被禁止或刪除 內容自動屏蔽
作者: kwanwingki 時間: 12-5-12 14:11
我嗰女都試過俾老師針對，成績好好都俾老師話要轉校，原因系影哀學校
！！阿女一直操行好好，成績又ok，仲幫學校攞過獎，唔通咁都系影哀學校？？
作者: kt2007 時間: 12-5-12 15:03 標題: 回覆：囝囝好像被針對,怎麼辦?
看了各位的POST，真好有同感。我同樣都是覺得阿仔被班主任針對，但因5年班，不敢投訴，怕更影響阿仔，剛家長曰見完老師及取成績表，唉!阿仔成績雖然OK，但操行竟得B一，好的中學已說明操行B以下就不會考慮，所以我都唔知點算，近排亦因這而攪到我都精神好差，好像前功盡廢咁。老師話阿仔平時做功課只是應付老師，沒盡力去做，如叫作文限最少要120字，阿仔就真係到120多小小就停筆，寫字又唔靚，話咁好唔尊重老師，所以操行咁低分。除了這外，阿仔都不欠交功課，又沒有行為是差的，我真不明白老師會比咁嘅操行分，而且事前完沒同家長溝通過（不過佢地一向唔會同家長接觸的，除了家長日），或者阿仔自己得罪了老師都唔知!有次英默，書寫7am，阿仔聽先生讀音，照寫seven am先生都當錯字扣分，跟住做功課其他全對，只有個字寫錯擦得唔乾淨就咁寫翻字，老師竟好嚴重咁係作業度寫話叫阿仔做功課要尊重老師，我睇完都嗚哂咀，小小事好像好大件事咁處理，之前是不會咁的，真是好想跟這老師談談，但睇佢咁小氣，我又怕佢更針對阿仔，佢比得出B一就好像已判了死刑，完全不給改過的機會，為了這事我真是好頭痛，不知怎處理好
。又好怕6年級都係佢做班主任。大家可否教教我應怎樣處理?
作者: sukitelfold 時間: 12-5-12 15:37 標題: 回覆：kt2007 的帖子
先檢討. 改進小朋友的:
1.操行.行為
2.學業成績
再寫一便條(note),或一簡短的信:小兒在努力中.....多謝老師教導..
*假如我是老師,或會對小孩態度改觀.
(註:我不是老師,只提供小小意見予你.)
以上家長的智慧型處理方法，值得我們參考，角色掉轉如果你是老師，你睇了這封信你的感覺如何?但老師吡B-操行，相信小朋友給老師的印象超壞，必需找出源頭從而解決，相信真正原因並非你所提的這些小事，但千萬不可打定輸數，這可能是你小孩的契機，如果源頭找到了，小孩表現令老師改觀，小六上學期及下學期操行可能躍升B+及A-，到自行面試這反而是一個加分點，穩步上升，最重要是給小孩上了一課人生的寶貴課堂，就是要得人家欣賞，首先由自己做起，不要嘗試改變他人，只有努力做好自己。
作者: JustAParent 時間: 12-5-12 15:45 標題: 回覆：囝囝好像被針對,怎麼辦?
子曰：有教無類。縱使在香港這個功利社會難以做到，但為人師者，亦不可任意羞恥學生。學生有錯，他本人、家長、老師都有責任。為人父母，就要維護子女尊嚴，不可事事都忍一步海濶天空，俗語有云，人必自重而後人重之，你以唖忍作身教，孩子長大後也只會成為無骨氣的人。不要以為孩子成績好忍耐一兩年就雨過天晴，拿著一張操行差的成績單，你全校成績第一，會飛都無用。
作者: Yanamami 時間: 12-5-12 16:04
kt2007 發表於 12-5-12 15:03
看了各位的POST，真好有同感。我同樣都是覺得阿仔被班主任針對，但因5年班，不敢投訴，怕更影響阿仔，剛家 ...
未至於唔尊重o丫. 小題大做左d喎....而且捉得緊多係P1/P2要做好規矩, 大左好多陋習未必改到. 都係果句la, 做好自己. 叫阿仔醒定d囉.
作者: motherotk 時間: 12-5-12 17:11
回復 sukitelfold 的帖子
Understand the situation, if this is really a prejudice of the teacher, then I agree with the other poarent's point of view: "為人父母，就要維護子女尊嚴，不可事事都忍一步海濶天空，俗語有云，人必自重而後人重之"
Some of the teachers are not really respecting children, they used and manipulating their power without awareness. As parents, we need to protect children's self-esteem and to think the best interest of the child if teachers acted unprofessionally.
Kids are vulnerable, teachers are having great powers....parents should support kids if they whenever potential harms will be induced on them by so call "teachers"!!
作者: kt2007 時間: 12-5-12 21:37 標題: 回覆：囝囝好像被針對,怎麼辦?
看了大家的意見，真是使我很慚愧，心情亦很煩惱，真是好想去學校跟老師討論，但仍鼓不起勇氣。近日亦為這樣跟阿仔的關係攪得好差，整個人亦變得很煩躁。
作者: Heima04 時間: 12-5-13 01:20
回復 sukitelfold 的帖子
小兒小息流汗多被罰之事源係當天小息時他們同班同學當中有幾位在操場上跑(學校規定不能在校內跑), 而小兒與其他約十位同學則在玩猜包剪拓遊戲, 但小息過後老師在斑房檢查各同學, 若有流汗多的就要罰抄課文1課, 總共15人被罸, 因小兒多嘴, 罸抄多1課。
有關情況與其他家長查詢後確實一致, 她們的兒子與小兒一樣都堅持没有在操場上跑。
我並没有說小兒的全對, 老師的全錯, 學校全錯, 我只是抒發下我都在苦惱中, 因小兒確實頑皮, 不守規, 經常被罸都仍未能改進。
作者: MariaTsui 時間: 12-5-13 13:40
有些事情真的要弄清楚,不要有一個心結放在心上,特別是囝囝,如果解不開,將來遇到其他老師,可能發生小事,囝囝都認定老師針對佢.
作者: talent2000 時間: 12-5-14 04:01
提示: 作者被禁止或刪除 內容自動屏蔽
作者: kt2007 時間: 12-5-14 11:42
各位,我已寫了一封短信給這老師,大意是說阿仔已知要改進,希望老師可重新再觀察阿仔,及歡迎老師聯絡我,我可願意配合。
真希望阿仔醒啲,同埋如下次操行仍是咁差,我會約見一吓校長,了解清楚。
作者: sukitelfold 時間: 12-5-14 11:52 標題: 回覆：kt2007 的帖子
欣賞你kt2007，走出積極第一步。
作者: kt2007 時間: 12-5-14 16:48
本帖最後由 kt2007 於 12-5-14 16:48 編輯
sukitelfold 發表於 12-5-14 11:52
欣賞你kt2007，走出積極第一步。
謝謝!個人真是因為此事而很沮喪,今天跟同事提起此事,不知為什麼竟控制不了流下眼淚,覺得自己的小朋友受了委屈,但自己又做不到什麼。希望此信可今我們走出困局吧!
作者: sukitelfold 時間: 12-5-14 18:27 標題: 回覆：kt2007 的帖子
噚日英超最後一塲比賽（英國足球聯賽，每隊全年比賽近30場，累積最高分為王者，EK多媽咪講多兩句），而昨晚最後一塲最後1分鐘賽事曼城由輸變贏，獲得英超冠軍，創球會44年歷史記錄，而升中過程明年7月才放榜，即未到一半，唔好咁快認輸，逆境波需難打，最終打贏的話，亦有額外得益（人生經驗），努力吧，孩子睇住你的，你也是孩子的領隊是嗎?
作者: talent2000 時間: 12-5-14 21:48
提示: 作者被禁止或刪除 內容自動屏蔽
作者: kt2007 時間: 12-5-14 23:34 標題: 回覆：囝囝好像被針對,怎麼辦?
謝謝各位的鼓勵，我會努力的!
作者: sam3sam 時間: 12-5-16 16:16
回復 Chun32 的帖子
樓主：情況有沒有改善？？
作者: Chun32 時間: 12-5-17 00:05
冇呀, 老師話小朋友話極唔聼, 係非常手段, 要個小朋友改喎. 我同老師講話呀仔已經在努力改善中,而家仲冇晒心機添,但老師話佢教咁多年書,冇問題喎講咗好耐都堅持己見, 都唔知点算好
作者: Chun32 時間: 12-5-17 00:08
維有繼續做黑白天鵝啦
作者: h9822532 時間: 12-5-17 12:00
人生在世, 你唔會知道自己或是自己子女會遇到什麼樣的人, 我都係教我的小朋友永遠做好自己本份, 道理就永遠企係自己的那一邊. 既然係做錯, 無論是大是小, 別人就可以大條道理話你錯.
另外, 其實作為家長, 真我要好好同老師合作, 有時可能你會覺得點解要咁屈就, 但係你個仔係佢手上, 佢返學的時間遠多過係屋企的時間. 你不妨試試, 同老師講你真係罰得對, 我好欣賞你咁關心我個仔, 可能會有出人意表的結果
作者: anna59 時間: 12-5-17 13:50
回復 Chun32 的帖子
叫你個仔忍下啦,仲有年半就bye bye學校喇,未當比老細鬧羅
| 歡迎光臨 教育王國 (/) |
Powered by Discuz! X1.5 |