教育王國

標題: 兄妹不同校？頭痛中。 [打印本頁]

作者: bamama 時間: 12-5-7 14:55 標題: 兄妹不同校？頭痛中。

哥哥讀緊一間好輕鬆開心嘅一條龍直資一年級，因哥哥係一位好易發夢嘅人，讀傳統學校實唔掂。相反，妹妹的中文較好，專注力也很高，大可讀傳統學校。現在妹K2了，要開始選校，是否讓他倆分開讀呢？妹要做多功課，忙碌的學校生活，會唔開心和投訴嗎？有沒有家長可分享下。謝！

作者: karen55407 時間: 12-5-7 15:16 標題: 回覆：兄妹不同校？頭痛中。

我朋友大女讀傳統學校，細女讀Happy Schhol，大女成日投訴點解呀妹咁著數，結果大女升去細女間中學部。亦有朋友大仔讀大仔讀國際學校，細女讀傳統小學，呀媽見呀女咁辛苦，想同佢轉埋去哥哥度讀，但呀女反對。我覺得係睇個小朋友心理素質，個個小朋友唔同睇法。

作者: hugub 時間: 12-5-7 16:09

我大囝讀緊一間2線小學P.6, 細囡讀緊另一間名校P.1 , 我覺得冇問題woo

作者: ziyi 時間: 12-5-7 17:10

我覺得就算同校唔同校,小朋友的比較是看父母對待他們的標準
如果功課數量,可能會羨慕,或問一下為什麼不讓她讀阿哥的學校
但不至會太反感...最緊要你做到公平的要求

作者: A-Mum 時間: 12-5-7 17:24

其實，如果兩個小朋友一個叻、一個平庸，擺埋同一間学校，總有老師會比較，平庸那個都幾惨的。分開佢地，大家各有發展空間，大家都好！

作者: 已刪除用戶 時間: 12-5-7 17:49

其實我覺得最難係父母要有心理準備改變"跟功課"型式... 之前阿仔唔洗跟, 阿女可能要跟到頭暈.

但我贊成唔同校, 人人唔同, 各有特質, 應該隨著佢的特性去改變教育策略.

我都有差唔多的煩惱, 阿仔入左間幾好的傳統津校, 但睇佢D功課, 我知道幾年後阿妹入去讀應該會辛苦, 但唔洗錢的好學校真係唔捨得.
所以我估都係會同阿妹考下學校先, 睇下佢會唔會搵到有適合的, 當然阿哥果間係好好的backup. 隨遇而安吧.

作者: Martina 時間: 12-5-7 20:08

我仔女都係齋校, 冇可能一齊讀書
佢地都会撐自已間學校, 所以都会踩对方個間

作者: kamtsk 時間: 12-5-9 07:50 標題: 回覆：Martina 的帖子

本帖最後由 kamtsk 於 12-5-9 07:59 編輯

都幾難抉擇啊! 我都明白小朋友有不同性格, 分開學校讀是很理性的選擇, 但照顧上, 真係一個大挑戰!

作者: spmok1999 時間: 12-5-9 09:09

直資/私小唔係話阿哥讀緊就一定收細妹的... 真係收o左先算啦...

歡迎光臨教育王國 (/)