教育王國
標題: 齊加入討論小朋友尊注力問題?! [打印本頁]
作者: SnowWhite.hebe 時間: 12-5-7 14:16 標題: 齊加入討論小朋友尊注力問題?!
Hi 各位家長:
今日想同各位家長討論一下有關小朋友尊注力不足問題?
我小朋友現二年級, 一向性格活潑好動,
多喜歡戶外活動, 由幼稚園開始在上堂時已經是活躍份子, 喜歡結識小朋友or大朋友也可以傾吓計. 不大
喜歡靜態活動 (除了畫圖畫, 填顏色等屬於藝術性科特別like), 但上堂時不太尊心, 喜歡暸同學傾計,
但寫字好靚, 就算字體筆劃多也可以寫得好靚和整齊. 她十分喜歡別人讚賞來獲得滿足......本是平常事.
但現在是小學生, 上堂時同樣是活躍份子, 喜歡結識小朋友, 三五知己一起玩一起傾計, 但學校功課多咗,
人事複雜咗, ,不平事多咗, 休息玩樂時間小咗, 功課多咗, 種種原因....我決定請補習老師在家中補習. 初
時態度很好, 就算要補3-4小時也可以配合, 成績都好咗, 但只屬某些科目, 日子耐咗, 就開始投訴鐘數長,
成績差了點, 補習時尊注力很差, 一時離開座位攞小食, 一時問老師幾時走, 總之就樣樣都唔肯配合, 最好
快d夠鐘就perfect喇! 但最其怪係佢滿腔熱誠, 經常話想學要好的同學考好成績. 平常dictation不是100分
便97分. 但一到考試就會差, 明明識都會答錯, 又唔肯用時間睇清楚題目, 一味要快完成. 請問我小朋友
算唔算有'尊注力不足和過度活躍症'呢? 昨晚上網check, 發現BK有小朋友case和我相同, 要食魚油丸
Vegepa, 有無家長可分享一下心得或有人服用過此丸呢???
作者: 好命婆 時間: 12-5-7 23:15 標題: 回覆：齊加入討論小朋友尊注力問題?!
情況跟我女一樣，同樣小二。
我曾經都懷疑她有學習障礙，但默書卻不大問題，雖然不是次次一百分，但都有90幾分。都係考試明明識嘅都會答錯，睇題目非常之唔小心:;pppp:一味盡快完成，又唔覆卷。我都唔知她有什麼問題
作者: sasa_suen 時間: 12-5-8 13:15
我個女小一, 一樣快快做又唔履卷 
作者: anna59 時間: 12-5-8 13:28
回復 好命婆 的帖子
默書高分即系佢記性好,質數唔差,可能系個腦轉唔到,唔好放棄
作者: anna59 時間: 12-5-8 13:32
回復 SnowWhite.hebe 的帖子
應該唔系ADHD,你個小朋友質數應該唔差,可能佢考試太緊張
默書系暴露一個人既記性,如果質數差,佢根本系科科都唔得,又或者科科補左習都系6X
作者: anna59 時間: 12-5-8 13:34
回復 SnowWhite.hebe 的帖子
佢有冇上上下堂走左出課室比老師complain,又或者同佢去街走左出去唔返,如果冇應該冇問題
作者: SnowWhite.hebe 時間: 12-5-8 14:12
好命婆: 真係同病相憐....不過肯定我哋囡囡係叻女, 所以dictation先至喧高分!
Anna, 緊係無喇! 我女乖起上噄好乖架, 可能都係補習老師多疑姐. 多謝各位參與討論, thanks!
作者: HaYi 時間: 12-5-8 17:21
好似唔太關專注力事, 我覺得
1. 可能 補習時間太長, 形式同佢性格不合, 或同補習老師合不來
2. 在校考試成績比dictation差, 可能是考試的範圍比Dictation 多, 要"長期記憶加了解" 的能力, 不同dictation 是靠 short term memory 為主, 所以表現不同. 但高班左, 前者會更重要, 所以都要睇下點改.
作者: awah112 時間: 12-5-8 20:28
提示: 作者被禁止或刪除 內容自動屏蔽
作者: HaYi 時間: 12-5-8 20:40
睇樓主原文, 佢唔專心發生在補習時間多, 都唔似係add / adhd, add/adhd 要發生在幾種場合先係, 如學校, 家中 etc...(如冇記錯)
作者: SnowWhite.hebe 時間: 12-5-9 12:39
請問兩位, 什麼叫做 Add/ add/adhd or adhd呢?? 喧即係我小朋友有冇問題呢?
佢最怕給人家知道佢d瘀事, 情緒有時會不受控, 程度不是太差, 但已令我很勞氣,唉!
作者: awah112 時間: 12-5-9 13:03
提示: 作者被禁止或刪除 內容自動屏蔽
作者: egg.plant 時間: 12-5-9 13:41 標題: 回覆：齊加入討論小朋友尊注力問題?!
其實有無想過，平時默書跟考試的模式係好大分別的，默書你可以預計到個範圍，老師讀一句就默一句，好容易handle，再加上一星期至少默一次書，默書模式習慣了，小朋友就有安全感。相反，考試就好唔同，一年先2測2考（我個仔），平日老師都唔會操卷，咁考試模式就更難捉摸，再加上小朋友一知道要測驗考試就自然好緊張（我地仲緊張），緊張就少不免會失準了，我覺得很正常！
作者: smallfoothk 時間: 12-5-9 15:31
回復 SnowWhite.hebe 的帖子
人比人比死人,小二合格便可,不用太擔心,想更清楚可check一吓有冇AXX,另朋友食OmeGA 3 (vitasal Health)
作者: 犖犖 時間: 12-5-9 16:41
每次補三至四小時？
小朋友 attention span 只有約三十分鐘......
作者: JJDBB 時間: 12-5-9 16:46
三、四個小時，應該小一小二，比較有難度！
作者: JJDBB 時間: 12-5-9 16:57
另外，原來小朋友的習慣，都會養成專注力不足！
作者: egg.plant 時間: 12-5-10 01:04 標題: 回覆：齊加入討論小朋友尊注力問題?!
如果小朋友唔夠瞓無精神，都會影響專注力！補習3,4個鐘真係好長，挑戰人體極限，你阿囡無發脾氣都好叻！
作者: SnowWhite.hebe 時間: 12-5-10 13:43
好多謝咁多位嘅寶貴意見....我醒覺喇! 原來我真係好變態, 心好想幫吓佢, 無想到阿女只不過係小二學生, 要佢坐足三個鐘, 真係攞仍佢條命. 現決定今星期開始改回補2個鐘, 希望有改善喇! Thanks for all parents!
作者: SnowWhite.hebe 時間: 12-5-10 13:51
另外想問吓有無小朋友食緊" Vegepa魚油丸"呢?? 盒面標明 High Concentration Omega-3 &-6 又寫明Patented Formula DHA-free 喎!我女已經開始比佢食咗2日....得想知我有冇做錯到!?!?
作者: egg.plant 時間: 12-5-10 15:19 標題: 引用：另外想問吓有無小朋友食緊"+Vegepa魚油丸"
原帖由 SnowWhite.hebe 於 12-05-10 發表
另外想問吓有無小朋友食緊" Vegepa魚油丸"呢?? 盒面標明 High Concentration Omega-3 &-6 又寫明Patented F ...
作者: mandy304 時間: 12-5-10 17:26
其實學習源於興趣, 我見你小朋友起初三小時補習仍可應付到現在想速速完了便算, 可見佢對無論在學習或補習失去最初的興趣了. 如不再正視這個問題, 即使補2小時, 我想反感只會不斷累積,愈來愈嚴重了.
二來, 你小朋友是好動型, 一些沉悶的補習教學未必能滿足佢日漸長大的要求, 嘗試與補習老師講多以生動鬼馬的方法去教, 增加學習興趣.
作者: minna_no_bobo 時間: 12-5-10 18:32
點解要補習?我個仔都係小二,你講的問題佢全部都有.其實媽媽是否你睇得個分數太高呀?俾d時間小朋友發白日夢是很重要的.(我個人應為)
作者: SnowWhite.hebe 時間: 12-5-10 22:04
現今小學程度好深，由小一至小二上學期都係由我幫佢溫習，以佢嘅性格同我經常發生磨擦，佢會怪我點解咁惡，話我變咗，已經唔係平時＂善良的媽媽＂。一到溫習時會抗拒我，和我唱反調。為免傷母感情，先決定請上門補習。
我並不是把分數睇得好緊，就算分數不理想，只要我睇過試卷知道問題深淺同佢有否儘力，我都會有適量獎勵，唔算比太大壓力比佢，我只希望在旁邊扶她一把。
作者: leeyin 時間: 12-5-11 04:45
你好~
我仔而家小一, 亦都係專注力不足, 老師日日都話佢上課時望向後面的同學, 午飯時又係咁, 上邊一科既課都係望向後面既同學, 已經由第3個位排到佢坐第一個位了, 都係無改善, (唔係只望一位, 而係個個都望望咁), 我同老師問佢仲咩成日望後面既同學, 佢又答唔出, 攪到次次放學回家教佢做功課時我都好勞氣, 問佢咩都唔知, 我都唔知比咩佢食或幫佢, 有無家長可以提供意見??
作者: SnowWhite.hebe 時間: 12-5-11 09:40
或者嘗試同阿仔單獨傾吓, 問佢原因, 可能佢會講比你聽呢? 因小一係好難判斷小朋友嘅, 因為一上到新環境, 所有嘢都變, 功課又多又深, 臭果時都係好憫好嬲, 自已重時不時cry ti. Don't worry! 試吓找補習全科老師上門睇功課, 你哋母子間就會相處好d架. Try吓喇! 和我一樣試食魚油丸幫吓佢, 睇吓得唔得!
作者: kimberlybaby 時間: 12-5-12 08:59
eat smart fish is ok??
or Vegepa魚油丸
作者: ANNAFRIEND 時間: 12-5-12 21:45
細女都有專注力問題, 都想知係咪魚油有作用? 如果專注力問題而要佢食藥, 我真係一萬個不願意.
作者: kimberlybaby 時間: 12-5-13 08:52
not really medicine, is supplement
作者: MariaTsui 時間: 12-5-13 13:28
其實小朋友不一定是專注力有問題,我都曾經有懷疑囡囡,但我上左家長工作坊後,及現有很多原因會影響,第一是否很累,第二是否明白內容,有時攪掂這2件事,效率都高左.
作者: MariaTsui 時間: 12-5-13 13:30
SnowWhite.hebe 發表於 12-5-7 14:16
Hi 各位家長:
今日想同各位家長討論一下有關小朋友尊注力不足問題?我小朋友現二年級, 一向性格活 ...
3小時補習,真的比較長,如果你是FTM,可以不用請補習老師.
作者: fanny918 時間: 12-5-14 12:11
回復 minna_no_bobo 的帖子
我都好認同，但有時又好緊張，控制不到自己
作者: fanny918 時間: 12-5-14 12:22
我阿女也是小一，做功課也超慢，可以用20分鐘抄一行詞語
，寫一個字發一陣夢，鼓勵試過、鬧過我已經沒有辦法
作者: SnowWhite.hebe 時間: 12-5-14 12:59
Fanny: 無辦法, 唯有比人教, 費事自己勞氣.....不過我都係有口話人無口話自己. 我而家請補習老師教, 但係我自己都係放唔低, 成日諗吓點樣可以再幫佢考好d, 心想一星期先至補習一次....成績又點會突然好好多...
作者: SnowWhite.hebe 時間: 12-5-14 13:02
下個月頭考試到喇! 我又日思夜想, 無覺好瞓喇!
作者: JJDBB 時間: 12-5-14 13:11
回復 SnowWhite.hebe 的帖子
放松d，還有好多大大細細的考試！
加油！
作者: SnowWhite.hebe 時間: 12-5-14 13:23
我都知.....但係做唔到!
作者: SnowWhite.hebe 時間: 12-5-15 09:41
希望各位愛護子女嘅家長, 大家共同努力為社會未來動糧出100分努力喇!
作者: roccolamar 時間: 12-5-17 11:53
本帖最後由 roccolamar 於 12-5-17 11:58 編輯
SnowWhite.hebe 發表於 12-5-14 12:59
Fanny: 無辦法, 唯有比人教, 費事自己勞氣.....不過我都係有口話人無口話自己. 我而家請補習老師教, 但係 ...
我小朋友K3今年升小一，半年前幫佢報左starter，俾其他人教，今年5月考試。但3月尾幫佢溫書時，發覺佢的閱讀理解好弱唔識解題，所以我用了個半月時間幫佢溫左400個生字連串字及教他做閱讀理解。現在他基本上可以識解題，閱讀理解有8-9成功力。但我教他閱讀理解時差不多每天都要花2-3小時，我覺得一般補習好難有那麼多時間教。有時俾人教都要加親力親為好d。現在考完試，我都是每科溫5-15分鐘左右。
以前幫佢報純外語的phonics班又多人，佢專注力很差成日在堂玩及叫，我問佢點解，佢話上堂唔知個miss講乜好悶，所以我幫佢轉了找1:1 NET phonics，由於1:1個miss可以即時留意到小朋友明定唔明，並即時作出解說，所以他學習吸收及專注力都改善了。
另外我同時又幫他報了日本人教的日語playgroup，上了半年有一天佢同我講唔太喜歡上因聽唔明老師講乜。雖然我都唔識日語，但我就用記憶法幫他記平假名及片假名的50音，每天用5分鐘時間背默學過的50音，唔識就抄一行，學熟一組就教新一組音。現在佢平假名50音識晒，片假名就背到 ハヒフヘホ，還差4組便背完。但現在有時他見到有d日本字就算唔明意思但都識讀翻出來，覺得比較有趣味及興趣。
所以覺得小朋友有專注力有問題，要了解其背後原因，是休息不夠，追不到進度失去學習興趣，還是本身神經傳導的問題令他不能對事物專注。只要找出背後原因並針對其原因解決才有效。如果是神經傳導體的問題，可能要通過食藥、運動訓練或感覺統合來改善。如果是前者，只要適時扶他一把，引起他的學習興趣便可。
作者: SnowWhite.hebe 時間: 12-5-18 09:33
roccolamar : 你好叻, 可以對仔女付出over 100分, 你是否全職媽媽呢?
作者: ANNAFRIEND 時間: 12-5-18 10:13
fanny918 發表於 12-5-14 12:22 
我阿女也是小一，做功課也超慢，可以用20分鐘抄一行詞語，寫一個字發一陣夢，鼓勵試過、鬧 ...
我女冇你個理o甘激, 但佢做做下功課開始發夢我就火都黎. 所以我好明白你的感受. 我而家都識變通下, 唔係一本通書睇到老. 以前我係一定要佢自己解決功課上的問題, 唔識都堅持唔幫, 要佢自己思考. 但係佢唔識咪坐o係度發夢羅.我見到又扯火. 我咪鬧鬧鬧羅. 關係差之餘仲對事情冇幫助. 我而家都睇情況, 佢地放學返黎其實真係好累, 個人仔唔得清醒仲要做思考的題目確實有難度. 我而家亦間唔中睇情況會幫佢執書包. 琴日放學之後仲要上oral, 又7,8樣功課, 所以我就幫小朋友執書包, 我又好聲好氣, 佢地真係好快手做完功課. 仲有時間溫一陣. 大家都好開心.
作者: betterenglish 時間: 12-5-18 21:15
提示: 作者被禁止或刪除 內容自動屏蔽
作者: SnowWhite.hebe 時間: 12-5-21 09:45
Thank you for all parents to attention and give me more opinion in my situation. It's important to study the situation and decide what we'll do. Bye!
作者: pocoyo123 時間: 12-5-21 10:33
我的兒子也是專注力差的, 今年9月上小一, 相信開學頭幾個月, 會不停接學校電話, 老師同我講, 佢無時停, 但如上一對一的堂, 佢可以好專注, 學得很好, 所以這兩年, 我也是搵1對1老師額外學英文&音樂, 等佢不太落後於人, 想起仲有漫漫長路, 都好担心, 最慘醫生話佢又不太嚴重, 無須藥物治療, 但唔理佢, 佢又唔得, 同佢上專注力訓練堂, 佢又無乜進展, 真係好頭痛
作者: pocoyo123 時間: 12-5-21 10:38
ROCCOLAMAR:
請問什麼是神經傳導? 什麼運動有幫助?
THANKS
作者: SnowWhite.hebe 時間: 12-5-22 13:12
Hi Pocoyo123, 邊度有專注力訓練堂上呢? 我都唔知道什麼是神經傳導喎!?
作者: roccolamar 時間: 12-5-23 01:23
本帖最後由 roccolamar 於 12-5-23 01:24 編輯
SnowWhite.hebe 發表於 12-5-18 09:33
roccolamar : 你好叻, 可以對仔女付出over 100分, 你是否全職媽媽呢?
唉！我唔係全職媽媽，我與我先生都要出來做野，同埋我們也不喜歡請工人，所以so far 都是一放工便趕住去接小朋友放學。夜晚就自已教；暑假就暑期全日托管，小一就功課班直至我放工揍佢。
點解一個唔係讀教育的都會對腦神經科及感覺統合有認識？正如百病成神醫一樣，咪因為有親人有學習障礙想幫他，所以咪研究囉！
自細我就好唔明點解我讀小學時，坐我隔離的同學他有溫書但我無溫書，但我數學成績會好他那麼多，我哥哥又係成日教完都唔識唔明，我阿爸就話佢唔係讀書的料、頭腦唔好……。前幾年聽我爸爸話我哥哥個女即兒甥女小五成績好差，因平時見面只是家庭聚會食下飯，所以唔多覺。而我哥哥在大陸打工，呀嫂又唔識中文無人教佢，我咪叫我哥哥叫個女去我屋企教佢law。相處落覺得好奇怪，點解佢專注力好低，理解力都好差，好難叫她坐定定，成日周圍摸、個身周身郁，後來介入她的學校了解，發覺原來自小一開始一直被學校勁投訴。我開始搵原因時，就查到佢可能是ADHD。但她那時己11歲，初小時一直未被人發現，只有學校覺得她無紀律，不停投訴成日不守校規，但己錯過3歲及6歲前的黃金期。我很傷心，如果我早點發現便可以幫到她。
我查了很多資料，發現ADHD是因為神經傳導物質多巴胺(Dopamine) 製造減少有關。其實我們用眼看的事物、用耳聽的聲音及身體所接觸的感覺，都是經過神經傳導物質將神經訊息傳遞至大腦，大腦不斷作出整合及認知交互進行，所以神經傳導物質在神經訊息的傳遞上扮演著重要的角色，並影響小朋友的認知學習與情緒。而運動是其中一個方法可以刺激神經元的突觸，進而增加神經連結網路，並加快傳遞速度。
其實坊間都有很多學說，例如學琴因為同時要學左右手而可以訓練左右腦，對學習能力有幫助。又例如感覺統合及健腦操等，透過不同的運動刺激及訓練等都可以加強製造神經元的突觸，進而改善小朋友的學習能力。
我在圖書館看了一本書 - 學習困難新突破 Dyslexia – The Miracle Cure，作者是 Wynford Dore 溫佛杜耳。作者有一個女兒叫Susan，她有嚴重的學習困難 - 學不會、說不出、忘得快，生活充滿無力感，就在她女兒第三次自殺後，Wynford決定盡他的辦法幫助他的女兒，他尋找了很多方法嘗試，後來他遇到英國 University of Sheffield 的 Prof Rod Nicolson有關小腦的研究，這後來啟發了杜耳計劃的基石。
杜耳的理論是許多學習困難與注意力的癥狀源於小腦某些部份的發展遲緩。他將大腦比喻為圖書館，而小腦就是圖書館員。圖書館員的工作是整合所有進出的資訊，而小腦也在做類似的工作。它必須處理進出腦部的資訊，像知識、技能、概念或記憶。小腦必須要確保這些資訊是被派送到正確的位置，就好像書本必須被歸檔，放回正確的索引位置，如此一來，資訊才能被正確且容易的存取使用。而透過增強圖書館員(小腦) 的效率，希望更多的技巧及工作可以完全被自動化，以釋放腦部處理資料的容量。杜耳計劃是開發一個強大的軟體系統，根據你本身的問題，選取適合的運動，利用特定重複的協調運動來刺激並發展小腦內的特定部位的發育。經過幾個月的練習，可以有系統的促使小腦發育成長，獲個學習能力。
我在網上search了Dore的資料，發現杜耳中心除了英國及台灣外，只在深圳設立，但香港暫時沒有。我聯絡了杜耳在深圳的負責人，她是香港人，我決定做測試之前，我要求見2個在香港曾接受過杜耳的計劃的家長以了解他的成效，畢竟價錢並不便宜，那時1人1年的訓練便要3萬多人民幣。其中有一個家長的女兒是ADHD及曾經在政府做測試証明是有學習障礙的，她也是嘗試很多方法幫助她女兒，包括感覺統合，是有些幫助，但停了就好像沒有什麼改善。後來她試了杜耳，一個療程共1.5年，需要每天做2次指定運動，一早一晚不間斷地，大約5個月左右，她突然發現她女兒的學習能力彈升了很多，老師都發現及讚賞，後來完成杜耳運動後，大約1年左右政府再度為她女兒評估時發現沒有學習障礙，並懷疑那時評估做錯，但她母親深信是杜耳幫助她女兒的，因當時她真的有學習障礙問題，只是後來做了杜耳運動後才消失。
在前年10月我帶了我兒甥女及我先生做assessment及參與杜耳計劃。我先生很小的時間己經有一些學習障礙(但智力是正常的，而且還有語言天份) ，但專注力不足，不能同時兼顧超過1件事，無記性，成日唔記得野。讀大學時見佢讀得很辛苦，他要用多我一倍時間溫書但溫完都有很多記不住。小時有學習障礙，不要以為長大就會消失，它依然存在，像我先生及哥哥便是了。我先生在上年開12月左右開始了杜耳訓練，歷時共1年。每天早上做大約15分鐘指定運動，晚上又做同樣的運動。運動類形每天不同訓練小腦不同部份，最初幾個月沒有大分別，但大約5-6個月左右，發現記性好了。他們說是神經線的突觸慢慢生長至形成一個神經連接網絡，所以網絡一接通便會有比較明顯反差的改善，但期後會有平隱成長及改善，但沒有第一次那麼突出，因為由最差時比較會較為明顯。在未接受訓練之前，他以前忘記了的事是不會想起來，但現在會突然靈光一閃記起。上年12月剛完成1年的杜耳訓練後，發現他處理事情比以前快了，組織力好了及記憶力改善了，他的上司也發現他的效率有改善。
現在我小朋友最近在政府做了語言評估，發現他在理解及表達方面比一般小朋友慢小許，但發音正常；他有一些倒寫字，但要小一後才可評估是否讀寫障礙，但我想就算是都應該問題不大，因我教他英文及中文時，他很多都記得，如果有讀寫障礙應是今天學明天忘的。但我仍想他參加杜耳訓練，因為我覺得他的前庭覺發展不大好，所以他搭車搭船很易暈，聽知覺比較慢，但杜耳訓練最小要7歲才可開始，因7歲前腦神經線會不斷發展及生長，特別是小腦。所以7歲前我只好選一些言語治療及感覺統合給他。我能給他的，只能是找出他的背後問題，接受他並找出方法解決幫助他增強學習能力，在學習上多加參與盡量令他對學習感到有趣並培養他的學習興趣及持續性。
作者: roccolamar 時間: 12-5-23 02:00
SnowWhite.hebe 發表於 12-5-22 13:12
Hi Pocoyo123, 邊度有專注力訓練堂上呢? 我都唔知道什麼是神經傳導喎!?
東華三院樂展坊 http://cfwcd.tungwahcsd.org/download.php
(1) 多感官專注力訓練小組 (7-9歲) 逢星期六 9:15-10:45
(2) 幼兒專注力訓練小組 (4-6歲) 逢星期六 3:30-4:30
(3) 寫前訓練小組 (2-3歲) 逢星期六 4:30-5:30
(4) 書寫基礎訓練小組 (3-4歲) 逢星期六 12:00-1:00
(5) 動感活力讀寫小組 (4-6歲) 逢星期六 2:30 - 3:30
(6) Eyes can do it (4-6歲) 逢星期六 11:00 - 12:00
因我小朋友這星期開始在這裡上st，所以就見到這邊有專注力訓練班，是由職業治療師上的。
作者: littlelamlam 時間: 12-5-23 10:06
唉~~~我大仔又係小二, 仔真係再難湊D, 好BB咁, 咩都亂七八糟咁, 一年級已經比老師叫我的佢去CHECK下係咪ADHD, CHECK左又話吾係, 個心理學家話佢表面上似(吾LIKE望人啦, 攪下呢樣果樣...), 不過做TEST又無問題...
而家小二, 老師都怕左佢, D野周圍放, 成日吾見野, 英文老師叫佢做堂課又吾肯做, 不過佢英文成績最好老師又吹佢吾漲.... 成日吾抄手冊(不過佢竟然有同學幫佢抄?!?!?!), 做功課慢到我喊....日日對住佢真係命都短幾年
不過, 佢成績又幾好, 默書又係成日100分, 9X咁, 今次仲考第六添...不過老師同我都攪佢吾掂, 你地話係咪仲難攪?
作者: SnowWhite.hebe 時間: 12-5-23 10:07
好多謝你給予詳細資料, 我想請問伙如想參加專注力訓練班, 要怎樣入手呢??
作者: 已刪除用戶 時間: 12-5-23 12:06
打電話去排位，聖公會健笛軒、協康也有專注訓練班。
作者: roccolamar 時間: 12-5-23 16:58
SnowWhite.hebe 發表於 12-5-23 10:07
好多謝你給予詳細資料, 我想請問伙如想參加專注力訓練班, 要怎樣入手呢??
作者: roccolamar 時間: 12-5-23 17:19
littlelamlam 發表於 12-5-23 10:06
唉~~~我大仔又係小二, 仔真係再難湊D, 好BB咁, 咩都亂七八糟咁, 一年級已經比老師叫我的佢去CHECK下係咪ADH ...
我兒甥女小一都check過，其實個結果好睇父母平時有無仔細觀察，並將家裡的行為表現寫出來，因為評估只是幾小時，有時有些行為表現父母沒有為意沒有說出來。果時評估只是話行為有問題，可能與家庭關係不好，但其實這可能是因果關係並不斷惡化。兒甥女衝動有時明知不對又控制不了自已，學校勁投訴，父母受了壓力故更加嚴勵對他，慢慢就關係惡化。
其實ADHD並不是智力差，他們很多都是智力正常或者智優。一般有學習障礙或ADHD小朋友在初小還能應付，因初小課程較為容易，一般大約小四開始才差的，我兒甥女都是小四成績跌的，因為愈上高班，相對要求較多推理及理解，專注力不足，人家上堂吸收8成，但由於專注力不足只聽到3-4成，除非本身屬高資優，一般慢慢年復一年慢慢就會有差距出現。
作者: SnowWhite.hebe 時間: 12-5-24 07:09
不過東華三院在香港，我家住新界，真係會好耐至出到去，我尋日就上咗東華網comment咗我個case, 希望今日有feed back la! 我想先聽專家意見再下定段，希望就係可以放暑假期間完成，因一開學就無可能抽到時間去做評估或上訓練班（如需要的話）。真頭疼！
作者: SnowWhite.hebe 時間: 12-5-25 09:27
真係無mood, 東華三院直至現在仍未回覆我喎!
作者: SnowWhite.hebe 時間: 12-5-25 09:44
昨晚至今天心情特別開心.....因為阿女第一次math quiz failed, 但第二次可以攞到95分. Very very exciting ar!
作者: roccolamar 時間: 12-5-26 01:27
SnowWhite.hebe 發表於 12-5-24 07:09
不過東華三院在香港，我家住新界，真係會好耐至出到去，我尋日就上咗東華網comment咗我個case, 希望今日有f ...
我諗你打電話留低電話等職業治療師或心理醫生覆你會好d。我上個星期留低電話，第2日個職業治療師就覆左我，而言語治療師就星期3覆我。你在網上留言，佢地未必可以咁快check到，而且好似這個星期佢地個email有d問題收唔到野，我前幾日email個入會表都要email到佢私人電郵。
作者: CHIULHJ 時間: 12-5-26 10:30
回復 roccolamar 的帖子
Thanks for your sharing!
請問你的兒甥女是否有参與杜耳計劃? 成效怎樣? 請問杜耳計劃能否改善社交困難(可能是源於自閉)?
作者: roccolamar 時間: 12-5-26 15:05
CHIULHJ 發表於 12-5-26 10:30
回復 roccolamar 的帖子
Thanks for your sharing!
我兒甥女是同我先生一齊參加的，我亦俾晒錢，兩個成6萬幾，但最後只有我先生做左。因為我們參加時她己快12歲，剛升中一，但由於小學成績不好只派到band 3學校。就係計劃快開始時有變數出現，她在中一識了班壞朋友，開始唔聽話、以前會準時回家，但現在會逃學甚至離家出走，跟朋友去超市偷野甚至可能有食過丸仔。我地覺得愈來愈控制唔到佢，小學時仲好乖聽媽咪話，但上到初中變了一個人，可能反叛期故受朋輩影響非常大，介意母親的職業俾朋友笑無面，介意父親的衣著俾人話老土，開始避開所有朋友會笑的人及事物。所以我哥哥及嫂嫂忍痛送她去泰國國際學校讀書。去之前當然唔俾佢知，只告訴是去泰國去飲(她母親是泰國人)，去到飲完喜宴，就話俾佢知香港那所中學由於你之前犯了錯事已趕了你出校，現在你無學校收，只好直接辦入學手續讀國際學校。她有d反抗但無奈接受，因己聯絡不了她香港的朋友，在那邊己無人可幫她離家出走。送她去泰國最重要是切斷他們的聯繫，他們不想放棄這個女兒！
在泰國的國際學校，大部份是泰國人，是佛教國家，所以大都很純良友善。她很快就識到朋友，我們希望用好的朋輩力量影響她渡過反叛的青春期。由於是國際學校，師生比例比較小又是住宿的，所以以前追不上的進度，在我們支付了額外的補習費後，英文及數學己慢慢追了上來。雖然仍不是很好，但起碼慢慢追上來，比起在香港教育下，老師因太忙，根本就已放棄了她好多年好很多，而且她的同很多都會鼓勵她並大家一齊溫書，這些都有一些影響。在校時間非常充實，感覺她在校開心了很多，用facebook與香港我們覺得有問題的朋友聯繫愈來愈小。
由於她人不在泰國，所以訓練並沒有開始。何解？因為一開始便要不斷的每天早晚一次，過程中有部份動作需要有一個partner輔助，例如拋球給接，再拋回給他，又或者練眼部追蹤時partner要隨機說一個數字然後參加者要移動眼球追蹤partner所說的數字卡紙。又或者要partner每5秒移動手中的卡方向，參加者要閉目再開時追蹤卡紙的方向。如她在泰國，我要make sure在泰國有朋友及老師會做她的partner與她一起做。而深圳的Dore的網頁是簡體字的，暫時沒有英文，泰國的同學及老師看不明白。
再者，Dore一年的訓練，需要每3個月回深圳中心做一次assessment檢查數據的，我們怕她一回來很難再要她回去。所以直至現在，錢是付了，但她還未做。但我己申請了將她的訓練轉給我小朋友或我兒甥仔(佢有發展遲緩)，但無論是誰都要等他們足7歲以後。
Dore有沒有效，我覺得以非藥性純做運動以增加神經元突觸以加大神經傳導網，有一定理論的根據及合理性，所以在其他沒有解決方法的情況下，我決定一試。而我先生做了1年訓練並過了5個月，我先生的情況是有改善，自我感覺組織力好了記性好了，做野順左，而以前part過佢的同事在做完Dore後最近再part返，都話覺得佢唔同左，醒左，而佢感覺佢可能做到野，佢3個下屬與好似都尊重佢多d。但1年的訓練是需要有一定的毅力完成的，我在Dore的個案中，有很多都不能堅持每天準時一早一晚做，他們都有不同的借口，起不了床，加班、約了人、趕時間或太忙等。但如果不能持續做，真的會有效果，我先生做訓練那1年，每天要6點多起床準備！
作者: roccolamar 時間: 12-5-27 01:10
找到杜耳的資料，這是台灣的杜耳
http://www.dore.com.tw/program/index.php
這是深圳的杜耳
http://www.dorechina.com/
作者: roccolamar 時間: 12-5-27 16:33
CHIULHJ 發表於 12-5-26 10:30
回復 roccolamar 的帖子
請問你的兒甥女是否有参與杜耳計劃? 成效怎樣? 請問杜耳計劃能否改善社交困難(可能是源於自閉)?
你有無聽過舌針法？聽聞對自閉幾有效。我有朋友個仔仔有自閉及其他問題，在大約2歲左右做了舌針法，做了大約1-2個療程，反應好很多。自閉好像3歲前做會最有效！
作者: awah112 時間: 12-5-27 17:39 標題: Quote:CHIULHJ+發表於+12-5-26+10:30+回復+
提示: 作者被禁止或刪除 內容自動屏蔽
作者: SnowWhite.hebe 時間: 12-5-28 09:27
Many thanks! 感激萬分!
作者: CHIULHJ 時間: 12-5-28 11:33
回復 roccolamar 的帖子
Thanks for your detailed reply!
我的兒甥女今年七歲，小時候曾接受評估，結果是有自閉症傾向。
她現在的表演除了是社交方面特別差(比如她會在小朋友正在興高采烈地玩扮公主遊戲時，突然提出一起畫畫的要求，她大部份時間都是沒有朋友的)，其他的都跟一般小孩相若(跟她談話時有眼神接觸)，她是一個開朗的小孩，學習能力和語言能力高，但理解力和表達能力比較差，她會留意一些常人不會留意的東西(A - Z每一個英文字母的排列次序號碼，如 L 是第12位)。
我從報章上得知舌診可治療自閉症，但妹妹抗拒舌診，加上她不認為兒甥女有自閉，只是覺得她的社交比較差。
作者: awah112 時間: 12-5-28 12:33
提示: 作者被禁止或刪除 內容自動屏蔽
作者: awah112 時間: 12-5-28 12:49
提示: 作者被禁止或刪除 內容自動屏蔽
作者: roccolamar 時間: 12-5-28 14:32
本帖最後由 roccolamar 於 12-5-28 21:07 編輯
CHIULHJ 發表於 12-5-28 11:33
回復 roccolamar 的帖子
我從報章上得知舌診可治療自閉症，但妹妹抗拒舌診，加上她不認為兒甥女有自閉，只是覺得她的社交比較差。
如果父母自己本身唔願意接受及面對，旁人實在無能為力。我二伯個女自小我便發覺她有問題，幾個月大時叫他去健康院覆診時同姑娘講下，但他都一直話姑娘無話有問題問題。直至K1時幼稚園方面話佢個女有問題要佢退學，後來入了特殊中心。後來了解點解幾個月大時姑娘話無問題，原來是她爸爸無法接受現實，評估部份有很多要父母自行填寫很多在家裹的觀察，他很多都填佢做得到，咁如果真係全部都做得到，當然是正常發展無問題，但係事實係如問眼神有無接觸，佢答有但事實無；有無開始說話及叫媽媽，佢話有，但實情是到10歲仍處於尖叫階段沒有對話能力。就算現在入了特殊中心，在很多評估問題上他也沒有老實填寫，只填上他主觀希望的情景而非實際的情景，所以應該是中度弱智變了輕度弱智，訓練及需要都是錯配的。他女兒長期沒有得到適當的培訓，自己又不懂教，一直主觀希望她長大後慢慢變好，結果問題愈來嚴重。她有一個同齡差不多情況的同學都是中度弱智加自閉，但她父母一早接受現實並接受適當培訓，現在可以在餐廳工作打工，但二伯女兒情況愈來愈差，到現在仍不會用語言溝通，又錯過了3歲及6歲的發展黃金期補救，一切只能說太遲。
我哥哥個細仔都有發展遲緩、發音不正、動作論盡，理解力差，我幾經努力才令她媽媽接受送小朋友入讀特殊中心1年。我同她講，現在小朋友年紀細，現在送他去特殊中心，資源比較充足，每日可以狂操感覺統合，每星期有一次言語治療，有機會可以追到正常發展的進度，總比兼收幼稚園每星期才1小時感覺統合，每半年1次言語治療好，到時小朋友永遠都追不上正常小孩的速度。我答應到時如仍追不到會再給錢去Dore接受訓練。終於1年後他在狂操後進步很快，經評估後今年可以入讀正常小學。其實一直都是媽媽的心魔放唔低唔能夠面對，佢接受唔到。後來我開解她，這一個選擇對小朋友最好便要為他選，要學習面對及接受才可以找方法幫助小朋友健康成長，否便誤了小朋友。
作者: 王子-教練 時間: 12-5-28 18:39
提示: 作者被禁止或刪除 內容自動屏蔽
作者: manmanchubb 時間: 12-5-28 21:17
回復 王子-教練 的帖子
good piont,Thanks for yr sharing
作者: 王子-教練 時間: 12-5-28 21:21
提示: 作者被禁止或刪除 內容自動屏蔽
作者: CHIULHJ 時間: 12-5-29 16:10
roccolamar 發表於 12-5-28 14:32
如果父母自己本身唔願意接受及面對，旁人實在無能為力。我二伯個女自小我便發覺她有問題，幾個月大時叫他 ...
我囝囝有專注力不足的問題，很多老師向我反映他在課堂時不集中，平時會周身郁，雙手周圍攪，但沒有離開座位、橫衝直撞、衝動等行為。我巳致電東華三院樂趣坊為他預約進行專注力評估及訓練($4,000 共十堂，每堂一小時)。
Thank you again for your valuable sharings!
作者: roccolamar 時間: 12-5-29 22:17
CHIULHJ 發表於 12-5-29 16:10
我囝囝有專注力不足的問題，很多老師向我反映他在課堂時不集中，平時會周身郁，雙手周圍攪，但沒有離開座 ...
唔駛客氣，都是大家媽咪交流下。我仔仔最近個語言評估中的理解和表達都肥佬左。我都book左東華三院樂趣坊的語言治療 - $650/45min。佢fail令我有d意外，因佢口肌ok，發音標準，我用了1.5月train佢starter，佢都可以記到及串到8-9成生字。我下載了教育署的『學好理解與表達 與人溝通好輕鬆』的教材給仔仔學習，才發現他不知星期一至五是包括星期二、三、四的，但我教了他後他就知道，我想我可能平時沒有注意到而以為他知道，所以影響他的理解能力。但知道他的問題所在，應該很快會追上來。
作者: roccolamar 時間: 12-5-29 22:20
點解王子-教練會被禁訪問？
我記得好似唔係推銷
作者: manmanchubb 時間: 12-5-29 22:49
回復 roccolamar 的帖子
係ar,唔知點解,
作者: leeyin 時間: 12-6-10 06:10
本帖最後由 leeyin 於 12-6-10 06:11 編輯
del...........
作者: leeyin 時間: 12-6-10 06:11
本帖最後由 leeyin 於 12-6-10 06:16 編輯
del重複文章..........
作者: leeyin 時間: 12-6-10 06:15
smallfoothk 特殊教育 版一看 發表於 12-5-17 16:27
佢只係有呢個小動作, 而且佢今年考試都係10-20內, 我係你話果版找唔到類似的情況出現.
| 歡迎光臨 教育王國 (/) |
Powered by Discuz! X1.5 |