教育王國
標題: 中四咁既成績，你地會點做？ [打印本頁]
作者: homemama 時間: 12-5-7 13:24 標題: 中四咁既成績，你地會點做？
測驗、考試唔溫書，派左成績中、英、通識全部top 10，但數學+3科選修都fail，請問大家會點做？佢一向無補習，日日上網睇TV，又冇做練習，但上堂專心，持小聰明，試過找補習，但4堂去2堂，佢爸爸覺得哂$$，Stop左，希望等佢醒覺，唉！唔知點好？比d意見, please!
作者: Yanamami 時間: 12-5-7 14:12
上門補數? 知唔知佢諗緊乜野? 與父母溝通好嗎?
作者: yutingtan 時間: 12-5-7 14:47
math 同x科 對升u的影響相對於英文中文小，但仍要起碼合格，特別系math，主科fail了就連u的底線都達不到...不過先中四，不用太擔心，還有時間，儘快開始打好math底，因為其實math卷分3部分，若能做好甲1，甲2，都基本有50分以上，就可以保證到合格拉。而x科方面，如果3科都甘差，會唔會考慮轉科，轉去距有興趣的科目？因為點都要有一科可以見得人先得啊。（我是應屆中六畢業生）
作者: homemama 時間: 12-5-7 14:47
上門補數試過喇，老師係度就做，放左學又係唔做，補唔補都冇大分別，佢老豆希望佢自動波，覺得唔好哂$$，等佢跌下喎！我覺得有D哂，再等就追唔切喇！佢同父母關係OK，但貪玩及未知驚LAW。唉，真係左右做人難！
作者: homemama 時間: 12-5-7 14:56
Yutingtan
多謝你既意見，我地都有解釋，佢明但又節制唔到，佢好飄忽，如果佢肯做，數學其本可以合格，其他3科有時可以top10，有時又會尾2，一句講哂，[懶]，溫習唔專心，考試前一日先溫，點會好成績？而家d年青人真係咁唔自律！？係咪真係要跌過先會起身？真係個個都要靠補習先成材？悲哀！
作者: yutingtan 時間: 12-5-7 16:48
補習咪又系靠自覺先有用，唔懂自律的人補再多，也是無補於事，補習果幾個鐘好認真，放學就玩到癲，到頭來效果都是不好的。
作者: Carmen2004121 時間: 12-5-7 22:37
homemama 發表於 12-5-7 13:24 
測驗、考試唔溫書，派左成績中、英、通識全部top 10，但數學+3科選修都fail，請問大家會點做？佢一向無補習 ...
已講多次成績重要性 , 但態度e舊 .
持有小聰明但賴散 . 一年複—年 , 浪費時間 .
我同您老公心態一樣 , 吾想西錢 . D錢是辛苦錢 .
已講明如再用這種態度讀書最終結果..............過多兩年出尼做野 .
我地吾會因想他多讀兩年書而用錢買D幾年課程給他繼續過只帶個殼上課的生活 .
因就算比佢讀多幾年 . 結果都是一樣 . 讀書是自已的 , 不是滿足父母或其他人 .
如佢地都不是喜歡學習 . 只喜歡有錢提供生活費的上課生活 .
我地做乜要再浪費金錢及時間 . 早D出尼見識下個社會重好 .
或者見識完一兩年后 , 佢地才會想真正再讀下書尼 .
作者: tangtang3 時間: 12-5-7 22:41
其實真係要靠佢自己，數學、選修科等等都係要多做練習。
比番個目標佢，問下佢將來點啦
作者: Yanamami 時間: 12-5-8 09:15
本帖最後由 Yanamami 於 12-5-8 09:18 編輯
Quote:'
林書豪媽媽的一番話更是讓我感動不已。「身為母親，我覺得訓練他的性格，比訓練他的球技來得重要。」林媽媽表示，自己從來沒有期待林書豪會成為NBA球員，只是因為孩子喜歡打球，在打球過程中看到他的喜悅，所以才讓孩子打球。我認為林書豪的成功，林媽媽功不可沒。
林媽媽訓練他的個性，教他如何團隊合作，如何找到對的價值觀，如何發揮自己的優勢。綜合媒體的報導，我認為林書豪具備高行動性和持續性，面對挫折的EQ很高，柔軟度也非常好。將來即使不打球，也一定會有所成就，因為他的性格是大家喜歡的性格，而這種性格正是來自他母親的訓練。
奠定人生成敗的教育工程
日本心理學大師伊藤友八郎說：「一個人的性格決定其一生的成敗，性格的教育，遠比學歷更重要。」
這番話與林媽媽的理念不謀而合，球技會受到年紀的影響，但性格沒有年齡好的性格，所以在醫界及球界皆能發揮莫大的影響力，就像武俠小說裡描述的，心正的人練劍，劍在你手上，就會展現「仁者之風」。 "
性格決定名運. 態度最重要.
作者: homemama 時間: 12-5-8 09:52
Carmen2004121, 有時都好爭扎，身邊有些家長就好積極咁解決問題，又迫又dum咁替佢地揾補習，一係就跳船去外國，自己如果停下來等佢地醒覺會唔會好傻呢？！唉！真係皇帝唔急太監急！
作者: homemama 時間: 12-5-8 12:54
Yanamami, 多謝你既分享，我地也是抱著[性格決定名運. 態度最重要]這個理念去令佢醒覺，但現今有些家長會覺得好蠢，細路要迫先成材，時間一過就無得追，好矛盾！我只怕這樣做會誤佢將來姐！
作者: homemama 時間: 12-5-8 13:01
其實佢唔係曵，又唔成日出街，校內又有時做學生代表，校際比賽又law到獎，只係對數學及某d科目欠動力，唔明又唔問老師、同學，欠缺一點動力，好似好哂咁！
作者: homemama 時間: 12-5-8 15:11
Yanamami，多謝支持，唯有不停鼓勵喇，希望有伯樂帶動佢喇！
作者: k_0530_a 時間: 12-5-8 15:58 標題: 引用：Carmen2004121,+有時都好爭扎，身邊有些家
本帖最後由 k_0530_a 於 12-5-8 17:12 編輯
原帖由 homemama 於 12-05-08 發表
Carmen2004121, 有時都好爭扎，身邊有些家長就好積極咁解決問題，又迫又dum咁替佢地揾補習，一係就跳船去外 ...
如果你銀彈足，當然可給他多方面平台嘗試，希望他可在其中找到合適的，或出國留學。否則都是現實D，講比他們知道這個現實結果。好過他們以爲可無止景的hea.
作者: ccpsg 時間: 12-5-8 22:25 標題: 引用：其實佢唔係曵，又唔成日出街，校內又有時做
原帖由 homemama 於 12-05-08 發表
其實佢唔係曵，又唔成日出街，校內又有時做學生代表，校際比賽又law到獎，只係對數學及某d科目欠動力，唔明 ...
作者: VCMS 時間: 12-5-9 11:28
回復 homemama 的帖子
如你想你個仔數學改進，有冇去專門補數學的補習班呀，我個女叫我同佢報番數學班，因為佢都覺補左後數學係好左好多
作者: homemama 時間: 12-5-9 13:04
多謝大家意見，由於第一段考HEA住讀都有好成績，之後就更HEA啦，所以上段測驗有這個結果，大受打擊之後，佢開始知驚啦！而家積極左，主動做下溫習，亦有番數學班，希望拾回信心，所以有時D細路要跌下先知珍惜，家長唔可以太早出手，希望佢堅持到啦！
作者: 無飯已完 時間: 12-5-14 18:27
提示: 作者被禁止或刪除 內容自動屏蔽
作者: rhizoid 時間: 12-5-20 16:18
數學呢d野除左小聰明之外，都要小勤力
最省水省力就係做熟晒所有題型，起碼做完入到腦就好容易架啦
| 歡迎光臨 教育王國 (/) |
Powered by Discuz! X1.5 |