教育王國

標題: 手機貼身跟身 [打印本頁]

作者: senpei 時間: 12-5-5 10:08 標題: 手機貼身跟身

請問你們有冇要求仔女做功課時不要帶手機入房? 我見過佢在房內時常開facebook 及send messages.

作者: Yanamami 時間: 12-5-5 14:57

我女仲用緊2G增值咭電話(唔係智能電話), 所以問題不大.

作者: elbar 時間: 12-5-5 15:14

Yanamami 發表於 12-5-5 14:57
我女仲用緊2G增值咭電話(唔係智能電話), 所以問題不大.

電話和屋企有 WIFI 都可上網

作者: CrabPincers 時間: 12-5-5 17:28

呀女上學期考試成績好, 送左部三叔公的入門版智能電話比佢, 初初都擔心佢會用黎打機上網, 雖然還係用緊2G SERVICE, 但因為屋企用IPCAM, ROUTER 長開, 佢要用真係可以用到WIFI, 但暫時吾覺得佢要黎上網, 佢話電話甘細, 要上網都開NOTEBOOK/IPAD, 真係吾用電話.................

希望係真心對白啦...........

作者: k_0530_a 時間: 12-5-5 17:55 標題: 引用：我女仲用緊2G增值咭電話(唔係智能電話),+所

原帖由 Yanamami 於 12-05-05 發表
我女仲用緊2G增值咭電話(唔係智能電話), 所以問題不大.

勁！

作者: hohol 時間: 12-5-5 17:55

回復 senpei 的帖子

我有要求他把電話放在客廳，因他自制能力比較低。

作者: One-Mama 時間: 12-5-5 18:56

要禁止把手機帶入房, 真的有難度, 知道很多同學仔都愛以facebook, msn, whatapps, sms等方式互通消息, 我曾經勸囡囡唔好跟風, 有任何討論應以電話或學校的網上平台eclass為妥, 其他的都有一定的風險問題...
呢D都係跟風問題, 我叫佢只要堅持, 其他的同學就會配合, 目前都見成效, 我地都會容許佢接觸呢D新media/application, 但有要求:

1) 了解風險
2) 說明只作某些使用情況
3) 劃出底線 (針對電話而言, 最好就用最少用量的月費, 防止濫用)

電子產品及應用日新月異, 作為家長與其說'不', 不如嘗試跟孩子一同約法, 防止濫用及沈溺, 只要他們自小建立起自律及負責心, 尤如一股免疫能力, 終身受用呢! 努力呀!

作者: JustAParent 時間: 12-5-7 10:31

除了換衣服外, 不容許孩子把房門關上. 從小要孩子如此, 可減少很多不必要麻煩.

作者: A8.akina 時間: 12-5-7 16:20

佢會話,人地女仔黎架ma,訓覺一定要閂門啦,我只有熄wifi:;pppp:

作者: Yanamami 時間: 12-5-7 17:01

阿囡暫時都仲乖, 忍得住誘惑, 肯听我解釋. 佢見同學d智能手機都會流口水架, 但佢自己仲有兩部仲用得既電話, 我話無理由浪費o者.....就繼續用. 話個個同學有Whatsapp(係咪禁串?), 得佢無.....我話無就唔洗成日心思思掛住傾閒偈. 有就多個機會我地有衝突. 我唔想成日ee哦哦叫你咪傾偈囉, 無就唔洗煩, 可專心做功課溫書. 時間好用d. 佢恨架, 但暫時理智戰勝慾望.

作者: JustAParent 時間: 12-5-7 18:16

Yanamami 發表於 12-5-7 17:01
阿囡暫時都仲乖, 忍得住誘惑, 肯听我解釋. 佢見同學d智能手機都會流口水架, 但佢自己仲有兩部仲用得既電話, ...

有時好難嘅, 你話Whatsapp/講電話浪費時間, 但佢又見到我地經常用手機上Facebook, WhatsApp, 重要去EK吹水. 此乃其身不正

小朋友大了, 自由要一步一步放給他們, 自己小時也不喜歡大人樣樣管住, 所謂, 己所不欲，勿施于人, 自由我會給孩子, 但佢就不能神神秘秘, 要講電話, 要上Facebook大大方方, 事無不可對人言, 佢不過分就算.

作者: Yanamami 時間: 12-5-7 18:32

有架. 佢都會話我霸住部腦上fb, ek. (但我都係用2G電話, 以身作則) 不過我做好哂所有野, 食飯時間正正經經一餐飯, 打開櫃有乾淨衫褲, 屋企乾淨整齊, 一切妥當, 佢奈我唔何囉. 我做好晒我應該做既野, 佢無得話我. o岩o丫.要講電話用固網, 上fb入我房, 最多我避席(但會行出行入), 總之咪躲入房.

作者: Ahling2004 時間: 12-5-8 09:09

回復 senpei 的帖子

我個仔連去沖涼都要帶電話入去, 問佢咩原因. 佢話要聽歌. 入房要LOCK 門, 勸了又勸, 都係咁. 家長們成日講要"底線", 如果SET 左底線, 佢都係要入侵, 咁係唔係要反面呢. 到時大家之間的沖突就更加了.

作者: Snakemama 時間: 12-5-8 11:44

回復 Ahling2004 的帖子

所以預計到有衝突嘅問題都要先小人，後君子。要由佢細細個自我意識唔強個陣就開始。等佢習慣咗，佢就唔會反感。話返轉頭，零星嘅衝突梗會有，只要唔係下下火星撞地球咪得啦。我個今年升中，遲的可能日日挑戰我底線都唔定？！

作者: JustAParent 時間: 12-5-8 12:38 標題: 引用：回復+senpei+的帖子我個仔連去沖涼都要帶

原帖由 Ahling2004 於 12-05-08 發表
回復 senpei 的帖子

我個仔連去沖涼都要帶電話入去, 問佢咩原因. 佢話要聽歌. 入房要LOCK 門, 勸了又勸, ...

不要說父母子女之間，任何人與人之間的相處，都要有底線，這不只是管教，是禮貌和尊重的問題。今日佢話要鎖門你唔理，明天佢話要去玩唔返屋企你是否又容忍？基於對子女的尊重，不能事事插隻手，但原則性問題要企硬，我就不怕火星撞地球，你今天忍佢，明天就可能銀河系大爆炸。你的底線為何放這裏，你有責任向子女解釋清楚，子女不同意，佢要講清楚反對原因，是一場debate, 唔係強權。我就不信佢有什麼理由入房要鎖門，沖涼要聽歌。如果子女在無理據下「發難渣」，他已經失控了。

作者: Ahling2004 時間: 12-5-8 16:03

真實就係細個對佢不夠嚴, 依家佢就失控. 依家叫佢唔好LOCK 門, 你係外面叫沙哂聲, 佢都唔答你一句. 有想諗過特登整壞個門鎖架.

作者: Hippomother 時間: 12-5-9 14:13

我個囡自去年升中後, 我都要求佢不可以關門做功課, 同時做功課時需要交出手提電話,以防佢玩fb同whats app. 總之唔俾佢帶部機入房, 暫時佢都聽講.
唯一唔好就係成日同女同學講電話 (我唔准佢用手提講, 只可以用固網電話,所以有時借d意話要打電話,要佢交出電話), 係學校食飯己經成班女仔一齊, 都唔明點解仲咁多野講??

作者: S.S. 時間: 12-5-11 16:57

我仔D 小六同學都用samsung , i phone ... 我個仔都已炸型問我比埋d低b 機佢用...

作者: Yanamami 時間: 12-5-11 19:41

S.S. 發表於 12-5-11 16:57
我仔D 小六同學都用samsung , i phone ... 我個仔都已炸型問我比埋d低b 機佢用... ...

無得"炸型". 我同女講, 俾個電話你係同我保持聯絡, 唔係俾你同朋友whatsapp, 上fb, 娛樂.....etc, 所以只要打出/入就夠. 再講, 我自己仲用緊d"低b"機, 無理由你部機比我名貴架? 係咪?

作者: S.S. 時間: 12-5-12 20:14

佢日日行過D電話鋪就同我講....F.1 就換, 我已經SAY NO 九萬幾次.

作者: elbar 時間: 12-5-13 09:37 標題: 我仔D+小六同學都用samsung+,+i+phone+...+

本帖最後由 elbar 於 12-5-13 15:16 編輯

原帖由 S.S. 於 12-05-11 發表
我仔D 小六同學都用samsung , i phone ... 我個仔都已炸型問我比埋d低b 機佢用... ...

成績好或者可以出部入門級 Samsung (Android) 例如 S5570, S5660 給他。

水能載舟亦能覆舟

歡迎光臨教育王國 (/)