教育王國
標題: 10歲小孩了，惡習纏身！如何是好！ [打印本頁]
作者: stephen925 時間: 12-5-4 15:27 標題: 10歲小孩了，惡習纏身！如何是好！
小兒自出世後至小二都是由同一印傭湊大，個工人當正係佢親生仔咁，所以有時都會過份溺愛！而父母佳天天工作，每當放假時便想與小孩玩玩開心一下。但到佢小三時，個工人家中有事要請辭，所以就父母辛苦的自己湊番！佢放學後就由校車送去補習社託管至晚上父母放工才去接回他。
現在他小四了，發現他有兩大嚴重問題：1.懶惰、2.說謊
懶惰是不肯做功課和家務。家務可能因為自小有工人湊所以不肯做，但學校功課已經被冠為全校第一欠交功課之學生了！
而說謊更是嚴重，他可以為了不做功課而編出不同的大話及修改家課冊。當然事後一定被發現，但佢好似罰極都唔怕，一如以往咁！
我已經軟硬兼司，又獎又罰！但都係無咩改善，真係教到心力交瘁！
近來重發現佢好貪小便宜，又偷同學的東西，真係唔知點教！佢學校班主任都好激氣，但學校總唔會為佢一個人而作出特別處理。請問有無的咩機構可以幫到我？
作者: stephen925 時間: 12-5-4 15:32
其實我都想送佢去寄宿，起碼等佢識得自立下，無咁依賴！不過香港好似無小學寄宿！佢出年五年班了，佢響學校的成績同品行對佢升中學會有好大影響！但以佢現時的理解能力好似完全感覺唔到！真係頭痛！
作者: Yanamami 時間: 12-5-4 15:50
佢由出世至今都外判俾外人至今......
睇怕要去黃埔軍校了.
作者: 35C9 時間: 12-5-4 15:55
越是惡習纏身, 就越是要自己親力親為教好佢呀 !
作者: awah112 時間: 12-5-4 15:57
提示: 作者被禁止或刪除 內容自動屏蔽
作者: Radiomama 時間: 12-5-4 16:07
小四才發現出現問題，父母不是同住的嗎?
教與養都是父母的責任，實在無意冒犯，但您們的情況和想法("所以就父母辛苦的自己湊番" & "其實我都想送佢去寄宿，起碼等佢識得自立下，無咁依賴" )令我好為您的孩子難過。
作者: stephen925 時間: 12-5-4 16:10
應該係佢以前問題無咁嚴重，到小四了，可能開始有自己的思想！但應該係方向錯了！現在想糾正，但好辛苦！
作者: stephen925 時間: 12-5-4 16:14
awah112 發表於 12-5-4 15:57 
小四了才發現他有兩大嚴重問題?老師一直冇出聲?
佢小三的老師就無出聲，只係話佢有少少懶惰同太依賴！小四的班主任就睇得比較緊，亦可能要求比較高，所以先發兜佢問題嚴重！
我亦考慮過，會唔會係佢有潛耳識的反叛！越係話佢，佢就越唔聽話！我自問都搞盡腦汁，又鬧又打又氹，咩都出齊！
作者: stephen925 時間: 12-5-4 16:16
35C9 發表於 12-5-4 15:55
越是惡習纏身, 就越是要自己親力親為教好佢呀 !
就係咁先辛苦，而且好似無咩成效咁！
作者: stephen925 時間: 12-5-4 16:18
Radiomama 發表於 12-5-4 16:07
小四才發現出現問題，父母不是同住的嗎?
教與養都是父母的責任，實在無意冒犯，但您們的情況和想法("所以 ...
多謝你為佢難過！不過我唔緊佢都唔咁辛苦！我就係想上來交流下心得！父母以前為左生計，所以平時雖然同住都好少見到面！依家無人湊咪辛苦佢又辛苦自己囉！
作者: 猴子爸 時間: 12-5-4 16:20
唯一办法是夫妇其中一人留在家中，亲身照顾，以身作则，坚持纪律，大爱包围，让他知道你们有要求，但也同时爱他，生活中的细微处上，慢慢把它们改过来，是生命改造工程，不是易事，但并非做不来。如果你们的方向错了，以为再一次把他外判到寄宿学校，就可以解决问题，就差不多等于没钱开饭，去澳门找何生帮忙一样，是有成功的可能性，但问题是，那个万中无一的例子，是你吗?
作者: annie40 時間: 12-5-4 16:43
Stephen,
教仔是真的难以假手于人的, 今天可说初尝恶果., 请作心理准备要花十倍, 一百倍精立和时间来把孩子带回正轨.
可以一试的是送孩子往:
1) 习武. (judo, karate, Taekuto or others), 要学disciplines, 练习体能, 是否有成绩, 一眼就知. 如果你的少爷仔愿意留下认真学习, 应该附近有高人或师兄帮你点醒他.
2) 去黃埔軍校习训 (如果有军训更佳)
3) 重生规划你们每位家庭成员的生活. 为孩子大家一起努力改进. 孩子当然未必听父母的教．但肯定唔敢披视父母，大家相处多一分尊重．这样已是很好的开始．
共勉之！
annie
作者: nanayeung 時間: 12-5-4 17:03 標題: 回覆：10歲小孩了，惡習纏身！如何是好！
我覺得首先你在家要訂下一些大家一齊遵守的規則先，例放學後換出來的鞋要即時放入鞋櫃，否則掉自己向老師解釋，如果自己吾放校服洛洗衣機就要承受著臭衫返校的後果，大女之前由嫲嫲湊所以都好依賴，我都用左好多時間去教佢，呀仔四歲巳養成自律的好習慣，我們又一齊傾家庭大家都有份一人負責一樣簡單的，呀女摺衫呀仔幫忙放入櫃，爸爸洗tolet其他清潔我做，發現當佢地有自己post責任心越尼越強，學業我當初只要求呀女交齊功課但都好難，我地全家人一齊陪佢做功課以示支持，過去最小一星期三日欠功課而家巳達到幾乎零，問題係家長要付出時間同心機，通常功課飯後做，做得快就有電視睇，呀女慢慢見進步巳可以自己溫書，過程都好長一年多
作者: nanayeung 時間: 12-5-4 17:06 標題: 回覆：nanayeung 的帖子
同意習武我女都有學同埋我亦每星期帶佢返教會
作者: stephen925 時間: 12-5-4 17:25
nanayeung 發表於 12-5-4 17:03
我覺得首先你在家要訂下一些大家一齊遵守的規則先，例放學後換出來的鞋要即時放入鞋櫃，否則掉自己向老師解 ...
我早就實施唔做完應做的事就無電視睇！佢依家寧願唔睇，返房HEA！真係比佢吹漲！係要喝佢鬧佢先肯動手！
不過我咩都唔理，首要係要佢交齊功課同講少的大話，我已經好心滿意足了！
作者: awah112 時間: 12-5-4 17:26
提示: 作者被禁止或刪除 內容自動屏蔽
作者: stephen925 時間: 12-5-4 17:37
awah112 發表於 12-5-4 17:26
我仔p1,老師成日捉我地兩公婆話阿仔上堂唔專心,攞命...
哈哈！佢老師都好關心你地個仔口喎
作者: nanayeung 時間: 12-5-4 17:42 標題: 回覆：stephen925 的帖子
又真係無佢符，最怕軟皮蛇，激死你
沒有看管之下小孩很難自律，明白搵食又好難放棄工作，會吾會學校社工可以幫忙了解下呀仔？
作者: stephen925 時間: 12-5-4 17:59
nanayeung 發表於 12-5-4 17:42
又真係無佢符，最怕軟皮蛇，激死你
沒有看管之下小孩很難自律，明白搵食又好難放棄工作，會吾會學校社工可 ...
學校社工都有跟進佢，不過就跟進緊佢另一個問題：臭脾氣！佢好易發脾氣，動不動就發哂癲，唔理大事定小事！所以社工都係搞緊佢呢樣野先！
作者: Radiomama 時間: 12-5-4 18:17
小孩子的情緒 & 行為問題，是整個家庭的問題，可以由家庭治療入手。
生計的目的也在於培育子女，孰輕孰重要懂分配。
作者: stephen925 時間: 12-5-4 18:38
Radiomama 發表於 12-5-4 18:17
小孩子的情緒 & 行為問題，是整個家庭的問題，可以由家庭治療入手。
生計的目的也在於培育子女，孰輕孰重要 ...
多謝指點！但總不能為了教仔而辭職轉工，所以我支持訂立最低工時！
作者: torunpoland 時間: 12-5-4 21:51 標題: 回覆：stephen925 的帖子
我卻認為值得為了孩子辭工，或者找份半職，總之要有個人睇住孩子。上到中學，你想管也管不了。
作者: smallfoothk 時間: 12-5-4 22:12
回復 torunpoland 的帖子
可能是一個好方法,見面多摩擦更多,到時人都瘋,試"身教"方法.
作者: happy.rita 時間: 12-5-4 22:28 標題: 引用：小孩子的情緒+&+行為問題，是整個家庭的問
原帖由 Radiomama 於 12-05-04 發表
小孩子的情緒 & 行為問題，是整個家庭的問題，可以由家庭治療入手。
生計的目的也在於培育子女，孰輕孰重要 ...
作者: Radiomama 時間: 12-5-4 22:32 標題: 回覆：stephen925 的帖子
孩子十歲，你們已錯過了頭十年的黃金時期，那是小孩子學習愛與被愛、建立自信和正面價值觀的時期；未來十年要追回去教，一點不容易，你說要怎辦？交俾社工、老師、傳道人、牧師？正生書院的校長曾說，外面有大把人向他招手，扮大佬有之、比著數有之，我們能不盡父母責任？
不是說你的孩子已無彎轉，而是想提大家要改變想法，為孩子多行一步。
作者: yk2 時間: 12-5-4 22:32 標題: 回覆：10歲小孩了，惡習纏身！如何是好！
一定唔可以寄宿學校，第一，與父母距離只會更遠，第二會如到青少年期會更反叛。其實父母已錯過了十年，決少了什麼？父母好清楚，如果想小朋友糾正無錯是十分晚，但未置於不能改變，但不可能馬上改變，首先父母其中有一位要在家中照顧小朋友，好好建立關係，同時建議父母可以報讀大學一些校外課程是有關兒童心理等課程，越早讀你會發現得益越大。
作者: SAGO 時間: 12-5-5 10:36
比d耐性...發掘佢有興趣我事情,for exsample...打波/游泳...等...投其所好...建立互信...當朋友一樣....成長.....fd咗自然同你傾心事....加油!
作者: Snakemama 時間: 12-5-5 10:48
本帖最後由 Snakemama 於 12-5-5 10:50 編輯
回復 stephen925 的帖子
孩子十歲先來教品德，會唔會遲？唔會，只要立定決心，用啱方法，應該會返回正軌嘅。以下的方法試試看（因不同的孩子有不同的成效）1 先檢討咗自己以往的方法有甚麼不足之處，要改善的話，哪個方向適合。（多參考別人的教仔方式，EK 的家長最有心得，而且樂意同人分享）
2 開始實行新方法時，不要期望立竿見影，要有耐性。十歲的小朋友應會分辨出父母對自己的態度有所不同。如孩子稍有正面的反應時，要把握時機，繼續「落藥」。
3 父母的心態最重要，對自己和孩子的態度要正面，如果結果不如己意，亦不能口出怨言，甚至負面的話和行為。
4 父母的方向要一致。緃使在個別的問題上不同意對方的觀點，亦不要在孩子面前流露，應等孩子不在場時傾掂佢。
5 不假手於人。專業的意見當然要聽，亦可找其他人幫忙，例如社工、老師甚至心理輔導。但最重要的是：自己教，這樣才能有第一手的資料，才能在孩子最需要幫助、引導、安慰時，作出最好的決定。
6 參加一些團隊（特別是注重紀律的），例如：童軍、基督少年軍等等。
可能以上的都是老生常談，或者你亦試過。但我還是衷心希望幫到你。
作者: ANChan59 時間: 12-5-5 10:53
回復 Snakemama 的帖子
Just take your list for self-reflection, tried 1-5, but #6.
Love, relationship, communication.
作者: ANChan59 時間: 12-5-5 11:12
torunpoland 發表於 12-5-4 21:51 
我卻認為值得為了孩子辭工，或者找份半職，總之要有個人睇住孩子。上到中學，你想管也管不了。
...
I suggest to take one step further, talk to him face-to-face, explain her concerns, what's her frustration, her plan(s), consequence, the rationale(s) behind those moves..... To see his response before next step.......
If tried that before and no results. Keep the job, send him to overseas or mainland.
作者: 音樂人長老 時間: 12-5-5 12:29
本帖最後由 音樂人長老 於 12-5-5 12:32 編輯
樓主及各位家長，以下是我小小愚見，講得唔啱請原諒：
(一) 子女出現問題並不全因雙職父母緣故，孩子性格也有影響，認識有阿媽辭工照顧子女，也面對樓主同樣情況，對住個仔招數出齊都無用(送去外國學獨立最後都要返番嚟)，但嗰女就品學兼優讀band 1中學；
(二) 孩子成長到一定歲數受peers影響較大，同一句說話同學講跟父母講效果唔同。請樓主唔好介意我照直講，根據描述囝囝成績操行都唔好，未來讀band 3中學機會好高，入到唔好學校學壞快過打針，但囝囝本性唔差只係被縱壞，急切要做就係點樣把握呢兩年時間引領佢重回正軌，重點係如何教番好，自己教或揾外援已經唔太重要。
(三) 除非阿囝喜歡某類活動肯守規則，主辦活動機構唔會因一位小朋友影響全班，最大可能係叫你退會或俾番學費你。
(四) 升中睇兩樣嘢：成績及品行。建議先搞掂交齊學校功課，問下同學仔家長有無嚴格功輔班介紹，先make sure交齊功課追番成績，最好揾人數少嘅功輔班可以睇緊啲。另外，要了解佢點解偷同學嘢，呢樣嘢一定要搞好唔可以退讓，否則操行凍過水。
(五) 樓主阿囝未係最壞情況，政府資源未必俾到，可能要自行負擔使費。而家經濟前景唔穩定，真係唔可以隨便話辭工。
好似樓主呢類個案經常會發生，希望大家提供多啲可行方法，集思廣益，幫助教育下一代！
作者: pooh仔 時間: 12-5-5 12:33 標題: 回覆：stephen925 的帖子
亞仔情況喺好嚴重，我會選擇放棄份工，將自己小朋友撥正！講真冇嘢喺緊要得過小朋友嘅健康成長！
再拖只有越來越難教，越來越反判！
到時先嚟比自己後悔，早知奌奌奌。。。
＂有早知冇乞衣＂
作者: awah112 時間: 12-5-5 13:06
提示: 作者被禁止或刪除 內容自動屏蔽
作者: VKwan 時間: 12-5-8 22:22
得罪講句，跟工人大，係咁上下啦，大家唔見香港大部份家傭都有以上惡習咩？
作者: cherubic 時間: 12-5-8 23:05
我提議先找出問題的原因，再對証下藥。先找機會去了解，例如一起吃飯、行山或釣魚。別批評，以朋友相處的方法引導兒子說出心中話，然後共同找出方法。記着孩子的成長受最大影响是peers。
作者: zcw2011 時間: 12-5-9 23:31
i knew there is a summer program military style ... maybe you can apply for it to try
作者: 燁燁媽 時間: 12-5-15 09:55 標題: 回覆：10歲小孩了，惡習纏身！如何是好！
老師傾下，每日另外比功課表你！
就算老師唔比，問下其他同學家長！
之後對功課！ 包唔欠！
請問小朋友幾點去補習社，幾點走？
一星期唔欠，假日出去遊玩下，踩單車，戶外活動！
作者: JJDBB 時間: 12-5-15 13:34
回復 VKwan 的帖子
跟老人家都會有這些惡習架，都是自己教會好些！
作者: gigivinda 時間: 12-5-16 10:53
本帖最後由 gigivinda 於 12-5-16 12:36 編輯
stephen925 發表於 12-5-4 18:38
多謝指點！但總不能為了教仔而辭職轉工，所以我支持訂立最低工時！
為何不能？ 只是你想不想．
作者: yangyang448 時間: 12-6-5 20:15
我個女同你差不多，都是為了功課講大話。
之前我有用GOOD，來做獎勵，效果不錯，但又聽了另外的人說，做功課是應份，不應該有獎，結果停了這個方法。
今天同她商量了下決定重新用。
她很喜歡早上我帶她去M吃早餐。
只要存起5個GOOD就可以帶她去吃，再送她上學，我們也是平時是工人湊返學。
獎GOOD
只要工課薄上面那一天沒有欠就有一個GOOD
準時在7點半完成功課一個GOOD
單份計如果全對沒改正,一個GOOD
自己溫習，一個GOOD
默書80分以上，一個GOOD
等等
扣GOOD
講大話一次扣十個GOOD
欠交功課，按份計，一份扣3個GOOD
自己喜歡了，或都是不用，存多些有昌險XX玩幾多錢，再多些可選擇一份價質幾多錢的禮物，再多些可去迪迪尼。
作者: headwind 時間: 12-6-7 12:13
提示: 作者被禁止或刪除 內容自動屏蔽
作者: hotingmum 時間: 12-6-7 15:46
如果我係樓主, 我個仔咁樣, 我一定會辭工, 個仔緊要d!
作者: Annie123 時間: 12-6-8 13:28
提示: 作者被禁止或刪除 內容自動屏蔽
作者: ckm327 時間: 12-6-18 15:38 標題: stephen925 的帖子
你仔學校冇支援欠交功課嘅學生咩?
我女嘅學校會有規定架，
如果學生欠交3次以上(係唔限時間，類積) 就會同學生簽下條約...每天都要留堂做晒所有功課至可返家^^直到學校覺得有改善為止！
作者: rogerlam123 時間: 12-6-20 01:54
Annie123 發表於 12-6-8 13:28
樓主，你小朋友的問題，是 (1) 懶惰 (2) 說謊。
說謊應該是為掩飾自己懶惰。
你肯定小朋友沒有學習障礙嗎？ ...
| 歡迎光臨 教育王國 (/) |
Powered by Discuz! X1.5 |